قناة السيارات
السلام عليكم ..
أخواني أنا عقدت النيه على شراء كرايسلر 2005 .. ولكن ليس لي أي معرفه عن هذه السياره ..
لذا أريد منكم النصيحه .. وخصوصا أهل الخبره والمعرفه والتجربه .
وسوف أذكر جميع مواصفات السياره وعيوبها وسعر شرائها .
كلايسلر 2005 فل كاامل هيمي 8 سلندر (( دفع رباعي ))
اللون/ كريمي .
الممشى/ 120 ألف كيلوا
وارد أمريكا .. شاشه .. فتحه .. زنون وكاله .. حساسات خلفيه .. جلد ولونها يقارب للأخضر الفاتح أو الرصاصي الغامق شوي ..
عليه جنوط 20 وكفرات حجم 275 أظن كبيره وبارزه .. وهذي بعد بعرضهاا للبدل . لأني راعي خطوط وأبي جنوط 18 .
الموتر فحصته كمبيوتر وطلع فيه مايلي /
1- البدي نظيف وبدون معجون كامل .. لكن فيه رشه تجميليه بالرفرف الأمامي الأيسر سطحيه وبمقدار نصف الرفرف من أمام ..
وباب الراكب من الأسفل رشه سطحيه .. وبسيطه .
2- يحتاج تغيير ربلات العكوس .
3- يحتاج تغيير عكس يمين .
4- يحتاج تغيير كراسي مكينه.
وفيه شغله أنا شكيت فيهاا والفحص ماذكرها ولا اكتشفهاا .. ويمكن تكون الأذرعه .. الا وهي الموتر اذا مشيت عليه فيه حذفه يمين ويساار .. وهي عاديه وراعيه جاي عليه من الجنوب .. وانا أتوقع من الجنوط والكفرات لأن حجمها كبير جدا ..
وسعرت قيمه طقم أذرعه كامل .. 2 داخليه و2 خارجيه .. الأصلي على 1000 ريال .
القير يقول فيه من الجرم الصغير .. شلخ أوصدع بسيط .. مافيه تهريب ولا أي شيء .. لكن يقول الميكانيكي يمكن مع الحراره يهرب ..وتصليحه بسيط .. يفك الجرم الخلفي ويلحم بلحام ألمنيوم ومعجون وبس .. وراعي الموتر ثقه ويقول ما اشتكيت من هالشي ولاغيرت زيوته .
طبعا الميكانيكي فحص القير ويقول تغييرات تمام .. ومافيه أي مشكله .
نسبه القير: 85% .
نسبة المكينه: 79% .
والموتر محدود علي بـ 43 ألف صافي .
أتمنى إني عطيتكم صوره واضحه للموتر .. شامله من وإلى .
أنا ان شاء الله عزمت النيه وبعطيه العربون الليله .. وأنتظر منكم النصيحه والمشوره .. من ناحيه الاستعمال .؟؟ ومن ناحيه الصيانه وقطع الغيار .؟؟ ومن ناحيه الدفع الربااعي ؟؟ هل يوجد فيه مشاكل ؟؟ وهل هو غير مرغوب فيه بالسوق .؟؟
ومن ناحيه السعر .؟؟ هل بهالقيمه أقدر أحصل مثله بالسوق ؟؟ وهل هذي هي قيمته حالياً مع المشاكل اللي ذكرتها فيه .؟؟
ولكم مني الشكر وخالص الدعاء .
رد مع اقتباس
