ي جماعه فزعتكم لا هنتوو ..!

[mahdi322]

السلام عليكم و رحمة الله و بركاته ،،،

انا طبعا جديد بالموقع و يشرفني اني اكون عضو بينكم و استفيد من خبرتكم ..

عندي سوناتا موديل 2007 v6 امريكيه و اعاني فيها من مشكله رجه عند الاربعين و تروح و بعدها اذا وصلت عند الثمانين ترجع الرجه بس بشكل اقوى و تخف عند المية ،،، رحت عند اكثر من ورشه ، قالو لي تشحيم عكوس و شحمتها و مسوي وزنيه للأذرعه لكن مافي فايده ،، اماكن ثانيه قالو لي جلد مقصات و كراسي مكينه لكن ما اقتنعت لانه الرجه اكبر من انها تكون كراسي او جلد ،،،!

و يااليت تدلوني ع محل يبيع لها قطع غيار بالاحساء


اتمنى الاقي عندكم الحل جزاكم الله خير و اعذرونا ع الاطاله ...

[عالم سعودي]

اخي الكريم اي رجه في السياره ابد بلاسهل
1- شيك على الكفرات احتمال كبير يكون فيها تحبيل وممكن اكثر من محل مايلاحظون او يعرفون اتحبيله ونسبه كبيره ان تكون المشطله منها
2- شيك على كرسي القير
3- شيك على الجنوط
وارجو انك تفيدنا بلي يحصل معك ليستفسد الجميع

[formula one]

وعليكم السلام ورحمة الله وبركاته ..

حياك الله بين اخوتك ,, ونتشرف ان تكون ضمن أسرة المنتدى واهلا ومرحبا بك


اخوي الكريم : الاخ الكريم < عالم سعودي > كفى ووفى بارك الله فيه .
حاول ان تركز الفحص على الكفرات الامامية فقد تحتاج الى ترصيص او متيبسة او فيها عيب .
افحص الكفرات من اي عيوب واستبدل الكفرات الامامية بالخلفية وابلغنا بالنتائج .
انصحك ان تدخل على < موسوعة اعطال السيارات > حيث تجد فيها اعطال مشابهة لحالة سيارتك مع الحلول .
بالتوفيق

[هجير]

اعتقد مشكلتك تنحصر في شغلتين
1- يا ان الهوبات تحتاج خرط ..
2- يا ان الكفرات تحتاج ترصيص ..

تأكد من هالشغلات وماعليك من كلام بعض الورش العليميه

[mahdi322]

يعطيكم العافية ي جماعه و ما قصرتو ،، بس حبيت اضيف شي بسيط الي هو اني لمى امشي تقريبا ١٠٠ مثلا و اشيل رجلي من البنزين و انتو بكرامه تروح الرجه بشكل ملحوظ و اذا رجعت دست ترجع بنفس قوتهاا .. هل في فرق في هالشي ولاا ؟؟

[ماغفت عيني]

بغيت اقول بس قالوا الشباب قبلي

[formula one]

يعطيكم العافية ي جماعه و ما قصرتو ،، بس حبيت اضيف شي بسيط الي هو اني لمى امشي تقريبا 100 مثلا و اشيل رجلي من البنزين و انتو بكرامه تروح الرجه بشكل ملحوظ و اذا رجعت دست ترجع بنفس قوتهاا .. هل في فرق في هالشي ولاا ؟؟

من علامات خراب كراسي القير والمحرك ان السيارة ترتج وتهتز حين الضغط على البنزين وحينما ترفع قدمك عن دواسة الوقود وانتم بكرامة سوف تختفي الرجة .


مع ذلك افحص النقاط التي ذكرت اعلاه
بالتوفيق

[mahdi322]

انا حاليا ببدأ بتغغير اماكن التواير عزكم الله و بعدها اشيك ع النقاط الي نبهتوني عليها و ان شاء الله اوافيكم بالتفاصيل اول بأول ،،