قناة السيارات
السلام عليكم ورحمة الله وبركاتة
اسعد الله اوقاتكم بكل خير الحقيقة كنت بصدد شراء سيارة جديدة وما كنت حاب ازيد عن 150 الف ريال
وبداء البحث وبعد ما اخذت لفه كاملة على الوكالات استقريت على ؟؟؟
1- مكسيما - رحت الوكالة وجلست ساعتين ابي القى موظف اكلمة ابي استفسر عن سعر ابي اي شي المهم محد حولك وبعد جهد جهيد لقيت موظف وسئلتة ويقول مافية طيب متى بتجي قال مدري اسبوع شهر شهرين ؟؟؟ المهم عفت السيارة واستبعتها نهائي من القائمة
2- رحت على هونداي اسئل عن السوناتا وعيني من الجنسس مدري لية قلبي ماطاوعني على الجنسس بالرغم من اعجابي الشديد لها بس يوم جاء الصدق هونت المهم قالي مندوب المبيعات السيارة موجود منها حبتين وقلت ابي اشوفها وفعلا شفتها على الطبيعة شي خطير وربي وقال سعرها بيكون 93 الف قلت ابيها قال مافية بيع الحين وهذي للعرض ولا ندري متى البيع وهم بعد تركتها وودعت هونداي بألم لعدم شراي من عندهم ومالكم بالطويلة رحت وكالات كثيرة
3- مريت شركة فورد ابي اسئل عن سيارة جديدة عندهم تجي بالدفع الرباعي شكلها روعة مدري وش اسمها قريت موضوع عنها بالمنتدي وعجبتني قال الموظف منتهية ولا فية الا استاندر او الي بعده بدون شاشة ولا فتحة ولاولا... قلت عندكم عروض قال فية عروض على السيارات ومن ضمنها جيب ادج شفتة عجبني ورافع وبانوراما وقريت عنة بعده مواقع من ضمنها موقنا الحبيب منتدى السيارات والكل اجمعو على خلوه من العيوب والكثير مدحه سئلتة عن السعر وقال 118 الف ريال والابيض الؤلؤي 120 وفية بجنوط 20 جازت لي جنوط 18 واعتقد اهداء بالطريق والداخلية اسود مافية بيج وجزتها من اسبوع وكنت على امل انهم يلقون لي بيج من الداخل ولكن للاسف انتهى ويبيني انتظر من اسبوعين الى اربعة وانا ابي اخلص المهم شريت السيارة وطلعت يوم الاربعا 3/فبراير /2010م
سيارتي الثانية كابرس رويال 2005 ابيض وكالة العداد 165 الف وجاري تجهيز اوراق طلاقها ولو اني بيننا عشرة عمر وللامانة ماعمري شكيت منها في اي شي او عطل ولا عمرها راحت الوكالة لصيانة او غيرة ومازالت بنفس نظافتها ونظرتها برغم من عيوب بسيطة مثل العزل والقساوة ولكن محاسنها اكثر من عيوبها بكثير سيارة رائعه
واسف على طول الموضوع بس مالقيت احد افطفط لة عن موضوعي غيركم ولكم جزيل الشكر ابروح امرن
رد مع اقتباس
المشاركة الأصلية كتبت بواسطة aboanoof
