السلام عليكم
لقيت موقع بالانترنت يصنف السيارات على حسب الامان ويعرض لك نسبة الامان ونسبة خطورة السيارة
بالنسبة لنسبة الأمان في السيارة على المعدلات التالية حسب كلام الموقع
إذا أقل من 70 من 100 فهي تصنف من السيارات الآمنة
وإذا كانت بين 70 و 100 تصنف من السيارات متوسطة الامان
وإذا كانت اكثر من 100 فنسبة الامان فيها ضعيفة
ولازم تكون نسبة خطورة السيارة أقل نسبة ممكنة
وقمت بتصنيف السيارات الآتية بدات بسيارتي الازيرا طبعا
وبعدها حطيت السيارات التالي : أفالون - لكزس ES -كامري - أكورد - سوناتا
فطلعت الترتيب الأكثر أمانا إلى الأقل ونسبة كلها تحت السبعين يعني تصنف من السيارات الآمنة
1- اللكزس حصلت على 53,6 ونسبة خطورة السيارة 2%
2- السوناتا حصلت على 59 ونسبة الخطورة 5 %
3-الأفالون حصلت على 61,6 ونسبة الخطورة 8%
4- الأزيرا حصلت على 61,9 ونسبة الخطورة 9 %
5- الكامري حصلت على 63,6 ونسبة الخطورة 13%
6- الأكورد حصلت على 65,8 ونسبة الخطورة 18%
بس مو معقول حسب تصنيف الموقع إنه السوناتا أكثر أمانا من الأفالون والأزيرا
وكنت اتوقع إنه الاكورد أفضل من الكامري
بالنسبة للسيارات نسبتها متوسطة الامان مثلا مازدا 6 حصلت على 71 ونسبة الخطورة متوسطة
يعني حدود 50 %
المكسيما حصلت على 77,9 ونسبة الخطورة مقلقة يعني أكثر من 50%
وبالنسبة للسيارات الرديئة في السلامة مثلا ميتسوبيشي لانسر
حصلت على 112 ونسبة الخطورة كبيرة
وهذا رابط الموقع للتاكد وتقييم امان السيارات
http://www.informedforlife.org/
بالنسبة الي يبي يقيم سيارته وماعرف للموقع يطرح سيارته في الموضوع واطلعها له
أتمنى الموضوع يعجبكم
أخوكم بندر