قناة السيارات
السلام عليكم و رحمة الله
أطلقت تشيري الصينية النسخة الجديدة و المحسنة من سيارتها الفاخرة Eastar, و أطلقت عليها اسم Eastar 6.
و قد تم صنع هذه السيارة بالتعاون مع شركة التصميم الإيطالية Bertone. و تحمل محرك بسعة 3.0 لترات من نوع ATECO و الذي طورته تشيري.
نأتي للصور:
السيارة جميلة و تصميمها عصري أكثر من السابق و فيها مواصفات رائعة. لكن الجنط بايخ!
*نرحب بتعليقاتكم على التصميم, و أرجو عدم نقاش مسألة أختبارات التصادم و ما إلى ذلك, فذلك موضوع مستقل.
السيارة كشكل ممتازة جداً ومقبولة لكن هالسيارات مالها أمان لأني جربتها سنة كاملة ووالله طلع فيها أشياء تضحك صراحة مثل الشبابيك الأمامية بعض المرات تطلع على طول وبعض المرات تروح للدوام وتخلص والشباك باقي ماتقفل. طبعاً اللي جربتها الصغيرة المنحوسة QQ ثلاثة سلندر سعة المحرك 0.8 لتر يعني ماكملت اللتر الواحد ومن ضمن الأشياء الأنوار الأمامية بعد فترة تلقاها مصفرة ويبغالها تغيير والأدهى والآمر أن سعر الشمعة الوحدة بـ400 ريال, والله أضحوكة هالسيارات شريتها بـ21000 ريال وبعتها بـ9000 ريال يعني خسارتي 12000
يعطيك العآفيه على الموضوع احمد .
شكلها حليل , ورايق .. بس ياخي تراها مهب زينه في اختبارات التصادم
< بينجلد
سلمت على موضوعك ,
وتصبح على خير
مواصفات وشكل خيال خاصه الشكمانات لكن الامان لاتعليق
تحياتي
صراحة أول مره أشوف سيارة صينية أعجبتني . . غريبة
من الداخل شي ثاني . . بس هذه السيارة ومن هي على شاكلتها المفروض مايصدرونها للخليج أو بالأحرى لـبلاد الحرمين . . عندنا طرق بـ ألآف الكيلومترات
يعني اللي بياخذها تكون حقت دوام - تجيب أغراض من البقالة - تودي الأهل للسوق ^_^
مشكور مشرفنا على هالطرح
Dakhil2000
شكرا على مرورك
-----
أبـــوبـــدران!
تسلم هالطلة
-----
saad k22
شكرا على المرور
-----
تـــMـــيـــM
هي شكلاُ مغرية, لكن ان شاء الله ما يجيبونها إلا بعد ما يهتمون بالجودة.
شرفتنا بردك
والله تبي الصراحه !!
حلوه ومتناسقه جدا ..
خصوصا خلفيتها والشكمانين ..
لكن سعرها بيكون حدود الكم ؟؟
تسلم احمد وما قصرت ..
وع البركه الاشراف
^^^
هلا و الله زووم ثمان مية و ثلاثة و ثلاثين <-- بيعلمك ان اسمك مشوار
هي شكلها حلو, و هذا إللي شفع لها إني أحط موضوع عنها.
و السعر ما ندري خل نشوف إذا هي بتنزل عندنا ولا لأ, حتى السيارات الصينية مستكثرينها علينا!
و الله يبارك فيك
رد مع اقتباس
