ماهي الصيانه المتبعه بعد 300 الف كيلو متر

[نايس كول]

السلام عليكم

مساء الخير

لدي سياره


Nissan X-Trail
موديل 2002
فووول اوبشن

السياره ماشيه 300 الف كيلو

والحمدلله السياره الزيت ماينقص

وحاب اعرف وش القطع الي اغيرها

بعد المسافه الكبيره جداً الي قطعتها السياره
لاني لوماسويت صيانه كامله السياره راح تعطيك عمرها
هههههههههه
طبعاً السيور والبواجي وفلتر البنزين والوجيه معروفه وفحمات الفرامل وغيرها

حاب اعرف حاجات غير هذي تتغير

وحاجات لازم تنعمل في السياره

وهل يفضل اني اغير جلد البلوف ؟
علماً بان .. السياره مايطلع منها دخان اسود ولا ازرق ولا ابيض
ولاتنقص زيت ..بعتقادي انها سوفا تستهلك

والشي الثاني ماودي اودي السياره الوكاله الي هي شركه الحمراني
لاني سمعت عنهم كلام ماهو زين واهمال في الصيانه ..
وخلاني متردد
وافكر اوديها شركه مايز للسيارات .. وش رايكم ؟

[alyami_vtc]

نفس السؤال .................

[أبو ماجد البشري]

لاتصلح بها اي شي إلا بعد عطاله انا اشوف اللي دايم يصلحون ويبدلون قطع مجرد شك انها خربانه تجد سياراتهم دايم معاكسه لأن اكثر مايخرب السياره بعض المهندسين الغير مؤهلين فخلها على طبيعتها احسن

[راعي الكوري]

سير تايمن المكينه فقط

[ابو سعود$]

انا مع ابو ماجد البشري ولكن ما فيه مانع انك تغير السيور وتعمل غسيل للرديتر والمكينه بجهاز الغسيل ما يتعدى ال 30 ريال وتحط مويه رديتر اصلية 0 والباقي اذا خرب غيره0 بالتوفيق

[a7mad 2004]

انا مع ابو ماجد البشري ولكن ما فيه مانع انك تغير السيور وتعمل غسيل للرديتر والمكينه بجهاز الغسيل ما يتعدى ال 30 ريال وتحط مويه رديتر اصلية 0 والباقي اذا خرب غيره0 بالتوفيق

اخوي بس بستفسر انا اعرف شئ اسمه غسيل الرديتر لاكن غسيل للمكينة اول مره بصراحه اسمعه فياليت فيدني عنده وتعطني فايدته وشكراااا

[ابو سعود$]

اخوي هذا جهاز عند حقين اصلاح الرديترات فيه دينمو يفك بلف السيارة ويشبك اللي في الكوع يعني غسيل كامل دورة التبريد من المكينة للرديتر وبعد الانتهاء من الغسيل يرجع البلف كما كان وتكلفة الغسيل 30 ريال وانت عليك تجيب معك موية رديتر اصلية مع مويه مقطرة للزيادة 0 بالتوفيق يالغالي

[نايس كول]

شكورين ولاهنتوا

بس الي فهمته

حاجتين

سير التايمن
وغسيل الرديتور

مافي حاجات ثانيه

اكيد فيه
لاتبخلون علينا