S 80

هههه هذا اللي بسويه منيب طايعه وصرت افكر اقول مره تغيير زيت وفلتر والثانيه صيانة كامله لاني امشي ال 10000 في شهرين ... وكذلك الفحمات اتوقع بغيرها بعد 40 او 50 وانا مثلك رجلي حارة جدا ... وابشرك نظفوا الفحمات ورجع الصوت وكنهم ما سووا شي ... منحاش من اللكزس عشان صوت الفحمات هبل بي وتواجهني نفس المشكله :(

هلا بالامير اللي اشغلته ههههه ... رحت لهم اليوم صيانة ال 20 الف طبعا خذوا مني 1200 ! وغيروا فلتر المكيف ب 295 وكني مستكثرها وعلمتهم على مشكلة الفحمات وقال غبار ! مثل ما تفظلت ... بس قال الصيانة الجايه حقت ال 30 نغير لك الفحمات ونخرط الهوبات مدري وش وضعه شيرين ذا اعنبوا بليسه وش السياره اللي تتغير فحماتها بعد ممشى 30 الف هههه مدري مهوب من جده وفلتر المكيف اللي بدله لي بعد 20 الف صراحه احسهم غريبين .. فدني الله يفيدك ب وقت تغير الفحمات وفلتر المكيف ... اعذرني ب اشغلك ما اقدر افضفض الا معك :)

وبنفس الوقت الشاشة في سيارتي الشاشة القديمه مهيب النظام الجديد ال tft او ما شابه ؟! ياليت اذا عندك علم تساعدني لعبت فيني الحيرة ... وملاحظة اخيره الفحمات بدت تطلع اصوات وانا توني ماشي 18 الف شرايك وش الدبرة واسف على ازعاجك واضح اني كثرت عليك :(

هلا اخوي مساك الله بالخير .. اقدر اعرف مواصفات سيارتي الاصليه .. لاني مستغرب بصراحه حتى الحساسات الاماميه والخلفيه مهيب موجودة خصوصا انها t5 2014 .. وحتى الاستاندرد منها يجي فيها حساسات .. لكن العدادات في الاستاندرد تكون عاديه وعندي رقميه ! هههه ياخي مدري احسهم بايعيني 2014 ستاندرد على اساس انها نص فل .. ف كيف اقدر اشيك على مواصفات السيارة الفعلية .. وخصوصا اللي في الوكاله كان فيها سيارات 2013 وكان حق المبيعات يقول لا هذي 2014 وانا اقدر اميزها من العدادات ؟! ... مدري فيه شي غامض

وعليكم السلام اخوي
اشكرك عزيزي على المعلومه المفيده و ان شاء الله بشوف الوكاله
لكن اللي افتكره اني لما رحت زرتهم اول كان الـ R-design مافيها رادار و هذا مطلب مهم عندي لكن ما يمنع اني اشوفهم مره ثانيه

ههههه يا رجال والله اني اهوجس ب xc60 من الحين بس ماسك نفسي لين ينزل الشكل الجديد 2016 والله براند جبار واحلى مافيه تحس انك فريد من نوعك

T5 للاسف ... بصراحه الدفع الرباعي جبار في فولفو تاخرت سيارتي في الوكاله كان مفروض يطلعونها يوم خميس ويوم جيتهم ما جهزت وعطوني v40 2013 بصراحه كانت السيارة خرافية بالدفع الرباعي ولا ابالغ ان قلت سواقتها احسن من ال s80 حقتي

الله يبارك في ايامك s80 2014 نص فل مع تركيب كاميرا خلفية بالظبط :)

هلا بعاشق فولفو واحد اكبر الاسباب اللي دعمتني نفسيا وخلتني اشتري الفولفو الله يجزاك خير على المجهود والمعلومات اللي تقدمها لانه صعب تلقى احد يفيدك عن الفولفو

السلام عليكم ورحمة الله وبركات.

طبعا ذي اول مشاركه لي واتمنى من الجميع مساعدتي

انا معاي فولفو اس ٦٠ 2003

طبعا مبرد زيت المكينه خرب علي وخلط قربة الرديتر صار مثل الحليب وحلينا المشكله بفصل المبرد وتنظيف دورة الرديتر
لاكن الان في تهريب زيت من نفس المبرد وقفلنا فتحان المبرد بطبات لاكن مازالت نفس المشكله اتمنى تشوفولي حل رغم تكلفة تصليح هذي السيارات غاليه