وعليكم والسلام ورحمة الله وبركاته ... اولا المعذره ما انتبهت لرسالتك ... بشكل عام اعطيها تقييم جيد جدا تعطيك مواصفات بسعر معقول وقيادتها ممتعه وتحس انه خفيفة ... المراتب مثل الجيوب اليابانيه ليست براحة اليوكن مثلا .. التشطيب الداخلي لك عليه كله بلاستيك ... القطع متوفره ولا فيها مشاكل الموزعين عندك البديل و فيه واحد ثاني نسيت اسمه وبصراحه يغنونك عن الوكاله بشكل كبير ... اسعار قطع الغيار قريبه جدا من اليوكون و الفرق لا يذكر .. الحراره : بالنسبه لموديلات 2007 وفوق تحسنت بشكل كبير تم اضافة مروحه كهربائيه فالحراره ثابته على النصف ... التكييف جيد لكن ما يوصل لليوكن والتاهو بسبب ان التوجيه للهواء سيء لكن يؤدي المطلوب كلها 5 دقايق و وتبرد هذا في عز الصيف ... اخوي نصيحتي اذا بتشتري خذلك 2007 وفوق غيره ما انصحك ... ولا تنسى الاستخاره والتوكل على الله سبحانه وتعالى ... بالتوفيق .
السلام عليكم ورحمة الله وبركاته كيف الحال ان شاء الله بخير عيدك مبارك وكل عام وانت بخير . عندي بعض الأسئلة ياطويل العمر بخصوص الدورانجو وأتمنى انك تتحملنا شوي! أنا ناوي أشتري دورانجو 2005 بس ماعندي أي خلفية عن الموتر ولا أعرف أحد يمتلك السيارة لذلك أنا بثقل عليك شوي؟ 1/ وش رأيك بالسيارة بشكل عام؟ 2/ هل جميع قطع غيارها سواء الإستهلاكية أو غيرها متوفره خصوصًا اني قريت انها متوفره في الصناعية القديمة في الرياض لأني من سكان الرياض،،، ومن هم الموزعين لقطع الغيار ؟؟ 3/ وبمقارنتك مع اسعار قطع غيار السيارات الأخرى هل تعتبر معقولة؟ 4/ الحرارة والتكييف؟ 5/ هل خرابات الموتر كثيرة لأني قريت أيضا ان الموديلات القديمة تشتهر بالخرابات المتتالية؟ وآآآآآآآآآسف على الإطالة ، وجزاك الله خير وتراني إذا شريت الموتر أباشغلك في نفسك وبتكره الموقع وبتبيع سيارتك هههههه تقبل تحياتي عبدالعزيز الشريف