الله يكثر من أمثالك أخوي بشير والله يسخر لنا واحد زيك بطيبتك وشهامتك للأسف الفورد حسب تقديري يحتاج من 3 الاف إلى 5 الاف والله اعلم واحنا مانملكها للأسف :(
مافيه الا حل واحد أنك تضبط الأشياء المهمه والضرورية في الفورد وتمشي حالك فيها وأنا لو كنت قريب منك لساعدتك وخدمتك بعيوني
والله يا بشير ما اقول لا أنا راضي بس ياخي أنا طالب ويمشيلنا راتب والدي التقاعدي رحمه الله اتوقع راح يرفضون هونداي لان الراتب مقسم ع ورثة لاني جربت اليسر وعدة معارض كلهم رفضو لان الراتب مقسم رغم انه ينزل في حساب بنكي واحد والوكيل الشرعي هي الوالدة وكلمتهم رفضوا مدري وش الحل
طيب فيه عروض مسوينها شركة هيونداي , أنا أنصحك أنك تطلع لك سيارة وكالها وترى أقساطها في حدود 850 ريال وتفك روحك من الخرابات والخساير هذي كلها
ااخ يابشير السيارة هذي كل يوم ورشة كل يوم ورشة ياشيخ لو تحط فيها 6 الاف والله ترجع تفتح فمها في شهر أو أقل على ضمانتي بالكثير مرة 3 شهور خساير ع الفاضي مدري وش الحل يابشير كيف اطلع سيارة جديدة في ظل هذي الظروف القاهرة :(
عليكم السلام بخير الحمدلله على كل حال , أخبارك أنت ؟؟ افهم من كلامك انه السيارة ماتدق سلف أبدا ؟؟؟ اذا ماتدق سلف أبدا لابد من التشييك عليها عند كهربائي شاطر بحيث يفحص لك جميع الأمور الكهربائية المتعلقة بالمشكلة من فيوزات , كتاوت وأسلاك ......إلخ
سلام عليكم كيف حالك اخوي بشير ان شاء الله طيب كشفت على زيت المحرك وعلى كلام البنشري يقول انه ناقص ومحروق قلت له لو تعبيه أثقل زيت بكم ؟ قال ب 75 ريال المهم قبله كنت ف بنشر ثاني عبيت زيت دركسون قلت له شوف المويه ناقصه قام يطالع يقول فيه مويه .. بس شفته خايف مافك الغطى ههههههههههههههههههههه المهم توي رحت مشوار والسيارة وقفت علي وماهي راضية تشتغل اللمبات حقت الطبلون تولع بس مايدق سلف مافيه صوت يعني وماتشتغل ورجعت البيت مع تاكسي وش الحل معها ؟
الله يجزاك خير اخوي بشير على اهتمامك والله عمي ممكن يطلبها بأي وقت وأصلاً خسرتنا على الفاضي كل شوي ورشة بالنسبة للورشة والله ما انتبهت لإسمها لكن دار بيني وبين الميكانيكي مكالمة ع الهاتف شديدة شوي قلت له باخذ السيارة يقولي ادفع ثمن التشييك وهو مادار بيني وبينه أي اتفاق نهائياً عموماً باخذها منه بكرة
أخوي عموما تم الرد في نفس موضوعك وهذا أيضا موضوع في عنوان لورشة وأنا ماحبيت اضعه في موضوعك لأنه يحمل اسم منتدى آخر http://www.ford4arab.com/vb/t42735-2.html وأي سؤال أنا حاضر وطبعا لا اخفي عليك أنه أنا عندي نفس السيارة بالضبط ماركيز 97
بس هي انت تستخدمها وتخدم بها نفسك وأهلك صح ماقلت لي عن اسم الورشة اللي وديت فيها السيارة ؟؟ ايه نعم سألت واحد من أهل المدينة وقال لي يعرف واحد بس أنا ماتواصلت معاه لأنه حسيته يتهرب مره يقول أنه مشغول ومره يقول أنه يصلي ومره يقول أنا انشغلت .....بعدين أنا قلت له خلاص مشكور عموما في مواضيع في المنتدى عن عناوين للورش أصحابها يقولون أنها ورش طيبه وأنت ماعليك الا أنك تسأل عنها وتشوف ايش يقولون لك وأنا راح احط لك الروابط في نفس موضوعك
قناة السيارات
