المساعد الشخصي الرقمي

مشاهدة النسخة كاملة : استفسار هام حول نقل ملكيه السياره ؟؟؟؟؟؟؟؟؟؟؟


رئودي
22-03-2007, 12:58 AM
السلام عليكم

اذا بشتري سياره مستعمله من واحد وسوالي نقل ملكيه الاستماره بإسمي

لو كان عليها مخالفات قبل ما تنقل باسمي هل تنقل ايضا مع نقل الملكيه ؟؟؟ ...وانا اتحملها ؟؟؟؟؟؟؟؟؟؟؟؟؟؟


وكيف أعرف اذا السياره عليها مخالفات ولا لأ ؟؟؟؟طبعا فيه طريقه رسائل الجوال لكن المشكله انها تطلع كل السيارات اللي تحت رقم بطاقه الاحوال يعني ممكن يكون عنده 3 سيارات ومن ضمنها السيارت اللي ابغي اشتريها


نرجو الافاده وشكرا
نديم الطيف
22-03-2007, 01:01 AM
حلوه هذي |11| فيه شي اسمه مخالفات على السيارة؟؟ |11|

المخالفات على الرجال نفسه مو على سيارته :D ومايقدر يبيعها لك ويبيع عليك المخالفات خخخخخخخخخ :D
فيصل بن محمد
22-03-2007, 01:45 AM
بالنسبة للبيع يستطيع اي شخص البيع وبدون اي مشكله


ولكن الاشكاليه في الشراء فعند الشراء لايمكن نقل الملكيه الا بعد تسديد المخالفات
البدر2007
22-03-2007, 09:06 AM
اخوي اذا تبي تشتري السيارة هذي الآلية اللي تتبعها :
1- تروح انت والبايع إلى اي معرض رسمي للسيارات وتتطلبون ان يسوي لكم ورقة المبايعه .
2- يبدأ المعرض في التأكد من جميع اوراقكم وتشمل بطاقات الأحوال وأوراق السيارة من استمارة وفحص .
3- بعد كذا يسجل لكم عقد البيع وتسلم صاحب السيارة المبلغ وصورة من عقد بيع السيارة .
4- في هذا الوقت طبعا السيارة تبقى في المعرض لحين نقل الملكية إلى المشتري وتكون مسؤولية المعرض .
5- بعد كذا عندك خيارين
أ - إما انك تقوم انت شخصيا بنقل ملكية السيارة من إدارة المرور.
ب- المعرض يتولى عملية نقل الملكية من المرور .
6- في هذا الوقت يلزم تسديد المخالفات المرورية لمشتري السيارة حتى يتم نقل ملكيتها لأنك لو راجعت المرور ولقي عليك مخالفات ما ينقل لك الملكية إلى ان تسددها .
رئودي
22-03-2007, 04:48 PM
نديم الطيف،فيصل سبورت ...مشكورين على المرور

البدر مشكور على التوضيح

يعطيكم العافيه
نابولي89
26-03-2007, 11:07 AM
مثل ماذكروا الاخوه من قبل مع التشديد على تسديد المخالفاات للطرفين البائع والمشتري قبل اي اجراء يتم

وتحياتي