تسع أشهر من تجربة فولفو s80

[daimon]

يشرفني العودة إلى المنتدى

ولكن هذه المرة سأحاول أن أفيد بعد أن استفدت من مشاركتي الأولى http://www.assayyarat.com/forums/showthread.php?t=83402

رغم إحساسي أنكم أهل نعمة لكن أبي أفيد اللي على قدي

عدى على اقتنائي السيارة تسع أشهر من شهر 4 في 2006 إلى اليوم

ما شاء الله

و صلوا على النبي
السيارة مميزة جداً (بالنسبة لي )

تماسك رهيب بعد 160 وجدا رائعة في الخطوط ( عكس ما توقعت )
مريحة جدا في المطبات
فل البنزين ( 95 ) بـ 40 ريال
الصوت في السرعات العالية خفيف
قطع الغيار رخيصة نسبيا بالنسبة للياباني بالرغم من أني شريت من الوكالة
الصيانة مميزة كل 20،000 ( والزيت)
تكلفة الصيانة 60 ألف تقريبا 700 ريال ( زيوت و فلاتر وأجور تشيك وصيانة )
أعتقد تكلفة الصيانة الثانية 80ألف ( مع الفحمات ) 1200 ريال
والوكالة تعطيك الصيانة لقدام يعني تشتري ماشي 30 تعمل صيانة للـ40
الأسعار محددة مسبقاً دون تلاعب أو زيادة عن طريق جدول يعطيك خان صورة منه
معاملة مميزة وخاصة خان اللي في الاستقبال |319| ( لازم تحدد موعد بالتلفون ولا يلطعونك يوم كامل )
إذا كانت السيارة s60 معناها أن ممكن تكون من بدجت بنسبة 90%
أما إذا كانت s80 فممكن تكون من بدجت بنسبة 20%
السيارة جدا نظيفة من الداخل

ميزة عامة

السيارة عمرها الافتراضي طويل بالنسبة للأمريكي و الياباني وحتى الأوربي من فئتها


مشاكل السيارة


السيارة وزنها ثقيل – غالب الأوربي وخاصة في الملفات
المكينة صوتها عالي في السرعات المنخفضة ( أعتقد أن أغلب الأوربي صوته عالي تحت ال50 )
السيارة فيها دقة بسيطة من الأمام تم صيانتها ( الموظف حاول يخفي العيب – عيب |6| )
الرفارف دائما تحك في المطبات وخاصة الأمامية
أول ما شريت السيارة غيرت الكفرات اللي موجودة لك عليها
التلفون اللي في السيارة بالنسبة لي ماله داعي محسوب علي
فتحة السقف تخلق صوت مزعج عند فتحها بالكامل

عيب عام
دخلت سوق الحراج ولا فيه شريطي تجرأ وشاور للسيارة :D بالرغم من أني مانويت أبيع |4|

[S E N I O R]

عيب عام

دخلت سوق الحراج ولا فيه شريطي تجرأ وشاور للسيارة بالرغم من أني مانويت أبيع

اشكرك على هذه التجربه الكافيه والوافيه


بالنسبه للعيب اللي ذكرته صار لزميلي معاه كدلك S T S موديل 2000 نظيفه وخاليه من الصدمات ولا احد اشر له



واكرر لك شكري تحياتي لك

[وحش الفخامه]

مشكور اخوي على الموضوع ومبروك على السيارة

[روودماستر]

يعطيك خيرها ويكفيك شرها وانشاء الله دوم مرتاح معها.....
بس حبيت تقولي منهو الوكيل.....وهل يبيع سيارات مستعمله من جميع انواع فولفو
وشكرا

[C A D I L L A C]

فعلا الفولفو سياره رائعه

و العيوب الي ذكرتها توجد تقريبا في معظم سيارات فولفو

اشكرك عالتجربه

بس موديل 2007 متغير شكله ليش ما انتضرته

تحياتي

[بنز-وبس]

مشكور اخوي على نقل تجربتك والفولفو تقدم والسيارة حلوة بشكل عام
بس سالفة الرفارف تحك في المطبات مزعجه بلاضافة الى صوت السيارة مثل ماذكرت مرتفع نسبيا بالسراعات المنخفضه ولو تلاحظ المرسيدس والبي ام والاودي اهدىء بصوت المحرك..

اشكرك مره اخرى على كتابة تجربتك وانا انشاء الله باحاول اجرب قيادة هذي السيارة.

والله يعطيك خيرها ويكفيك شرها.
تحياتي..

[# OMAR #]

تذكرتك يوم قريت الموضوع القديم ..
الله يبارك لك فيها ..




السيارة وزنها ثقيل – غالب الأوربي وخاصة في الملفات

هذي ضريبة الامان :)



المكينة صوتها عالي في السرعات المنخفضة ( أعتقد أن أغلب الأوربي صوته عالي تحت ال50 )

بالنسبة لي انا هذي ميزة ادورها بالسيارة ..


السيارة فيها دقة بسيطة من الأمام تم صيانتها ( الموظف حاول يخفي العيب – عيب |6| )


المشكلة ان عليها ضمان ماادري ليش ينصبون ..
انا مرة جيتهم ابي اخذ مستعمل .. ويوم شافني متردد بين سيارتي وسيارة ثانية عنده ..
جا لسيارتي وشغلها وقال لي ترا القير يبي يطيح قريب ..
رحت للورشة قالوا لي سليم مافيه شي والدقة اللي فيه عادية ماتأثر عليه ان شاء الله ..


الرفارف دائما تحك في المطبات وخاصة الأمامية


خفف بالمطبات طيب .. حرام عليك تكسر السيارة |5|


أول ما شريت السيارة غيرت الكفرات اللي موجودة لك عليها


اذا تبي كفرات صح تتحمل وزن الفولفو والسواقة السريعة ..
خذ بريجستون بوتنزا جي 3 ..


التلفون اللي في السيارة بالنسبة لي ماله داعي محسوب علي


في خدمة من الاتصالات تقدر تطلع ثلاث شرايح جوال لنفس رقمك ..
بخمسين ريال اصدار وبدون رسوم اشتراك ..
انا طلعتهم وحطيت وحدة بجوالي و الثانية بالسيارة والثالثة بجوال قديم علشان اذا طلعت البر وضاع مااتحسف عليه ..
اسمها خدمة تعدد الشرائح ..

[abujalambo]

اولا مبروك السيارة و يعطيك خيرها و يكفيك شرها ...

الاخ OMAR اعطاك الهرجة من اخرها ما ذكرته ليس عيوب و لكن مميزات لسيارة فقط من يقدرها يستطيع فهم كلامك و كلام عمر.

بالنسبة للصوت في سرعات اقل من 80 فالسبب هو التيربو على ما اعتقد و هدا شئ عادي.

عندي سؤال كم اسعار فولفو المستعمل من معرضهم موديلات 2004 و انتا طالع لكل الفئات?

[ST220]

يسلموووا على التقرير

السيارات الأوروبية روعة ورهيبة في اشياء كثيرة لو قارنتها بالياباني والأمريكي لكن مع الأسف مالها سوق والسبب اما سوء الوكيل في الدعية أوالخدمة او تدني الجودة

والسيارات الأوروبية تخرّب على بعضها .... يعني اذا واحد جرب سيارة اوروبية وكرها ما يجرأ يآخذ اوروبي مرة ثانية

الله يعطيك خيرها ويكفيك شرها

[mansournet6]

شكرا على الموضوع والافادة

[BIG - GO]

مشكور يا اخى على نقلك لتجربه

انا كانت معى فولفو s 90 وكانت ما شاء الله عليها رساوه غير طبيعيه ما شفتها فى البى ام ولا المرسيدس

وخصوصا بعد 180 او 200 ومحركها 6 سلندر 200 حصان يعنى من الاخر مكينه جباره غير مواصفات الامان اربعة

ايرباقس و خمس انظمه فرامل منها abs غير نظام الصوتى اللى كان فيها والتخشيب والجلد اللى متعوب عليه

يعنى من الاخر سياره فعلا تقدر بس مين اللى يقدرها

تحيـــــــــــــــــــاتى للجميع