هل ستكون نهاية معاناتي مع التشارجر .. !

[The Lost]

السلام عليكم
شلونكم .. عساكم بخير
هذا أول موضوع ومشاركة لي في هذا المنتدى


أخوكم عزم على شراء سيارة جديده بعد معاناة طويلة مع كذا سيارة .. |5|
نويت على التشارجر 2007 محرك ثمانية سلندر ( هيمي ) فل اوبشن ..وان شاء الله تنسيني المعاناة مع السيارات .
اللي عنده خبره .. مجرب .. يملك هذي السيارة .. لا يبخل علي باي معلومة
المعلومات اللي خذيتها من مندوب المبيعات .. الصراحة ما أصدقها
ياما قالوا لي كلام وطلع شي ثانية بعد ما تاخذ السيارة


ابي شورتكم .. وعندي كم استفسار عن التشارجر


شاشة الملاحة تركيبها سهل على التشارجر .!
كلام المندوب .. سهل جداً ..!!


الفل اوبشن .. وش الفروقات الاساسية عن النوع العادي لاني يوم رحت الوكالة الفل ما كان متوفر في المعرض ( المتحده ) .!


القطع الاستهلاكية متوفرة بالوكالة .!

الانوار ما تيجي زينون .. بس الانوار على ما اظن هلوجين .. وش مميزات هذا النوع .!

واسف على الاطالة .. وشكراً مقدماً :)

[S E N I O R]

مرحبا اخوي السياره ما عليها غبار ( انا ماجربتها ) بس هذا اللي سمعته


ومبروك عليك السياره مقدما

وانصحك تاخذ المكينه الكبيره L6,1 انا اشوفها احسن واقوى بكثير من L5,7


مع تمنياتي لك بالتوفيق

[وحش الفخامه]

اهلا بيك اخوي

انا من وجهت نظري السيارة ماعليه غبار وجارن عند منها يقول مرة حلوة معاه بس انتة اذا شريتها لازم توديه الفحص وتمرنه بدون سرعة وبدون مكيف ( مستحسن )

وهاذ الي اقدر افيدك فيه

[خبير سيارات]

اخوي انا اشتريت تشارجر هيمي 2007 الفئة العادية واستلمتها يوم الاربعاء وسعرها 127600
والسيارة ماشاء الله ابداع ،، الاضافات في الفل اوبشن هي
دي في دي ،، كرسي الراكب كهربائي ،، تدفئة في الكراسي ،، مكيف الكتروني وسعرها 135000
وفي فئة رياضية اسمها TOP PERFORMANCE
جنوطها مكحلة وكراسيها رياضية وتعليقها رياضي (قاسي) والجير جلد وسعرها 138000

[محمد الكامري]

اهلا وسهلا فيك اخي معنا

والله يباركلك في السيارة


محمد ...

[Lil_co]

الف مبرووك والسياره زي الفل مثل مايقولون D:

[CHARGER_HEMI]

سلام عليكم

هلا اخوووووي ...

صراحه الموتر اذا كنت بتقارنه باي موتر من نفس مواصفاته فهو احسن موتر من بينهم صراحه ....

مواصفات وصراحه حلوووه

شكل ولا احلااااا

مكينه وقير ,,, تحدث ولا حرج يعني ما يحتاج موووووتر

وما اقول الا الله يطعمك من خيرها ويكفيك شرها يا رب


|.........."

بس ما قلت لنــــــــا وش لون الموتر اللي تبي تاخذه ؟؟؟

[C300-SRT8]

مبروك مقدما وعلى فكرة هي السيارة الي في بالي حاليا وناوي على واحدة انشاء الله

[The Lost]

الله يبارك فيكم
و الله يعطيكم الف عافية

بالنسبة للون .. محتار بين الابيض والاسود ؟

بالنسبة للنفيقشش .. اذا فيه احد عند خبره بأفضل نوع يركب على التشارجر ويكون شكله متناسق , على كلام المندوب قال لي تقدر تركب شاشة النفقيشن من وكيل جارمن بالشرقية ( دار موجه ) بس الصراحه ماعندي خبره بهالشي , أتمنى من اي احد يقدر يفيدني بخصوص النفقيشن ؟

[____TOTTI____]

اخي الفاضل the lost
انا انصحك اذا كنت تبغى محرك هيمي ثمانيه سلندر 5.7
انك تروح للشركه وتطلب منهم موديل 2006 اذا لم ينتهي من مخازنهم
لانه اذا مشتري تشارجر هيمي ثمانيه سلندر 5.7 موديل 2006 قبل تقريبا 11 شهر
بـ 122 الف
مواصفاته
تسخين بالمقاعد
مقاعد اتوماتيك للراكب والسائق
مكيف اتوماتيك
تحكم بالدركسون
سته سيدهات ام بي ثري
الجير جلد
مقاعد رياضيه جلد
تسخين بالمقاعد
جنوط مكحله
كل هذا بـ 122 الف

الان في موديل 2007 زادو السعر بدل ما ينقصوه
ونفس المواصفات ويمكن اقل
لان سعرها الان نفس المواصفات زياده بس دي في دي بـ 138 الف
يعني معقول سعر شاشه الدي في دي 16 الف؟؟؟؟؟؟:eek:
فهذه نقطه سلبيه تحسب لموديل 2007
فافضل لك 2006 واذا ما لقيتها الله يعينك بسعره

بس السياره ما يحتاج الحمد لله ماشيه معاي تمام
الان العداد 27 الف وما يحتاج السياره ما شاء الله
الى الان لم يظهر بها اي خراب
وان شاء الله ما راح يطلع
والله يعينك طبعا على قطع الغيار
ترى كلها طلبيه امريكا

ومبروك عليك السياره|3|

[أنـــــس]

بصراااحه اليومين هذي جات في راسي أطلع وحده وكاله ..

وكل ماسألت واحد قال خليها أحسن لك وماسمعت واحد مدحها..وكم مرة سألت واحد وقال أنها ايجار

يعني بيكشخ فيها يومين ويرجعها...

طبعا فخامة وقوه مايحتاج أمدح

لكن أظن أنها ستبدأ معاناتك معها بعد فترة من الزمن ومع القطع النار والوكيل اللي مثل العسل..

تحيااااتي..

[BLACK R/T]

اخوي الغالي THE LOST


السلام عليكم ورحمه الله وبركاته ..

في البدايه مبروك على السياره مقدماُ

ثاني شي انا معاي تشارجر آر تي موديل 2007 فل اوبشن لون اسود ..

كنت بطلع السياره كاش وبعدين ترددت وطلعتها نظام تأجير علشان في شي في راسي ..

السياره معاي لها اسبوعين تقريبا ..

مشيت فيها 1956 كيلو فقط ..

السياره مواصفاتها كالتالي ..

بالنسبه للتدفئة غير متوفره لل 2007
انوار عاديه ليس زنون ولا هالوجين
مقعد راكب يدوي ..
مقعد سائق كهربائي
مقاعدها ليست رياضيه
لايوجد شاشة ملاحه ابدا
طبعا 6 سيديات
جنوطها ليست مكحله
ماودي اغثك مره ..
بس تبغى الجد خذ السياره وماراح تندم ابداً
على العموم اذا انت من الشرقيه الدمام او الخبر او قريب منها وودك تجرب قياده السياره ترى سيارتي تحت امرك ..
لا تستحي يا الغالي ادري ان محلات التأجير ما عندها الا 6 سلندر وستاندر بعد ..
والوكاله نادرا ما يعطيك سيارة فل اوبشن هذا اذا ما كان الامر مستحيل
على العموم برسل رقم جوالي برساله خاصه لك في المنتدى افتحها ضروري
في امان الكريم

[LAMBADA]

السيــارة مع واحــد من الشــباب .. لكنها ستة سلنــدر ستاندرد ..

السيــارة كشكــل خــارجي لا يعلى عليـــه ,,

بس بعــد ما جربــت قيــادتها تغيــرت نظرتي لها للأسوأ !!

محــرك غبي :confused: ومزعـج في حــال التســارع .. ولا توجــد متعــة قيــادة تذكــر ,,

وقيـــادتها صعــبة .. وزوايــا السيــارة ما تقــدر تشوفــها بشكــل صحيــح ,,

السيــارة بصــراحة تعبــتني !!

هذا رأيي بالنسبــة للســتة سلنــدر ,,

تحياتي ,,

[LT_RAM]

ان شاء الله راح تكون نهاية معاناتك مع التشارجر...

والاهتمام بالسيارة يخليها تعمر وقت طويل...