المساعد الشخصي الرقمي

مشاهدة النسخة كاملة : إقتراح... أسعار السيارات الأوربية


mnsalmns
18-01-2007, 09:02 AM
شباب

ماشاللة المنتدى مليان تقارير عن جميع أنواع السيارات و أغلبها مكتوبه بشكل ممتاز ولكن لاحظت شي بهالتقارير وهي إن أغلبها مايشمل سعر السياره

بعض المواضيع تحتوي الأسعار بالدولار الأمريكي و أتوقع إن صاحب الموضوع أخذ الأسعار من الإنتر نت ... هاذا شي جميل لأنه يعطي فكره عن سعر السيارة لكن عشان يكون الموضوع عملي 100% وتكون الإستفادة كاااااملة من القراء أشوف إن وضع السعر إلي محدده الوكيل في السعودية راح يكون إضافة مميزة (و مطلوبة) لأي موضوع




المهم

أنا جتني فكرة لأن يكون فية موضوع مستقل يشمل أسعار السيارات الأوربية في السعودية و الخليج عموما يشارك فيه كل الشباب كل واحد والمعلومات إلي عندة


طبعا في موضيع هنا و هناك عن أسعار السيارات لكني أشوفها مو كاملة وحلو يكون فية موضوع عن السيارات الأوربية يشارك فيه الجميع


ياليت تكون المعلومات مفصله قدر الإمكان يعني أقصدل مثلا إذا واحد يعطينا سعر الجاكوار S-Type ياليت يحط أنواعها المختلفة و مو بس سعر عام للS-Type


طبعا
حتي إذا واحد يبي يسأل عن سعر سيارة إنشاللة يمكن يلقى إلي يبية بهالموضوع و يقدر يكتب سؤاله و يلقى الجواب


عالعموم

المسأله إقتراح مني و أتمنى تلقى تجاوب من الشباب
abujalambo
18-01-2007, 01:01 PM
اضم صوتي معاك بس لكل قسم مو فقط الاوروبي.

لانو بالفعل حصلت المنتدى هدا و انا قاعد ادور على اسعار السيارات. و شدني صراحه المنتدى هدا عن منتديات السيارات التانية
نديم الطيف
18-01-2007, 08:19 PM
كلام سليم...بس مشكلة موظفي الوكالات وخصوصاً (السعوديين) مايرضى يعطيك اسعار كافة الفئات والانواع لانه مايبي يخدمك :D ولاتقولون مو صحيح :D


يعني سيارة سيارتين بيتجاوب معك غصب عنه...لكن تخيل بتروح وتقوله الفئة هذي كم سعر كافة الانواع وتمسك معاه خط...واذا خلصت تنتقل للفئة الي بعدها وتمسك معه خط بجميع الانواع...صعبه على الموظف السعودي :D




بلا مبالغة اسعار السيارات بالوكالة بتصير بالواسطة :D
# OMAR #
18-01-2007, 11:37 PM
كلام اخوي نديم الطيف ..
مشكلة الوكلاء وخاصة وكلاء الاوروبي ان ماعندهم اسعار ثابتة ..
علشان كذا ماراح يعطيك الاسعار الحقيقية ..
انا عن نفسي اقدر ادبر لكم اسعار سيارات فولفو كاملة ..
mnsalmns
19-01-2007, 04:01 AM
معليش حنا نبدأ بلي نقدر علية و لما كل واحد يشارك الكل راح يتفاجاء من النتايج

كل واحد يعطينا إلي يعرفة (و يكون متأكد من المعلوه قدر الإمكان)


بالنسبه لتعاون الوكلاء يمكن كلامكم صحيح لكني شخصيا ماقد مريت وكاله وماتعاونو ويياي و أنا متأكد إذا قلتلهم إنك من منتدي السيارات بيتعاونون وياك لأن المسأله فيها دعاية لهم

أنا قد كلمت وكالة VW عشان أسأل عن الR32 و الباسات و ماقصرو هاذا و أنا مكلمهم من قلايع وادرين (كندا)
mnsalmns
19-01-2007, 04:02 AM
كلام اخوي نديم الطيف ..
مشكلة الوكلاء وخاصة وكلاء الاوروبي ان ماعندهم اسعار ثابتة ..
علشان كذا ماراح يعطيك الاسعار الحقيقية ..
انا عن نفسي اقدر ادبر لكم اسعار سيارات فولفو كاملة ..



ياللة

خلينا نبدا مع فولفو

مشكور على المشاركة
mnsalmns
19-01-2007, 04:04 AM
VW Golf (Basic) = 80000 sr

VW Golf GTI = 110000 sr

VW Golf R32 = 133000 sr
نديم الطيف
19-01-2007, 10:43 AM
أنا قد كلمت وكالة VW عشان أسأل عن الR32 و الباسات و ماقصرو هاذا و أنا مكلمهم من قلايع وادرين (كندا)


هذا عشانك كلمتهم من كندا :D


ياخي افهم قصدي زين...انا اقولك انه الوكالة اذا جاهم رجل عارفين انه مو مشتري (مثل حالاتنا) وجلست اقوله عطني سعر 750 كامل المواصفات واذا عطاني اقوله يالله 760 وبعدها 740 ويجلس يحوس بالكمبيوتر يطلع الاسعار واذا خلصنا قلت بسم يالله نبتدي بالفئة الخامسة وهكذا......انا اتمنى من قلبي يتجاوبون عشان انا استفيد وافيدكم :)
fR00r
19-01-2007, 10:20 PM
والله كلام الشباب صحيح ، انا امس رايح لسماكو ابي اسأل عن اسعار الكايين و مواصفاته بشكل عام ، الوكاله ما فيها الا انا و ما فيه الا 2 هنود يمسحون السيارات و موظف المبيعات ..
قاعد اكلمه و ماسك خط وهو ما رفع عينه عن الكمبيوتر مدري وش يسوي ما تنزل حتى يترك اللي بيده دقيقه ويكلمني زي الناس !!
ما ادري يعني وش وظيفته بالمعرض غير انه يساعد العميل باللي يبيه !!
mnsalmns
19-01-2007, 11:09 PM
لوووول

ديلر BMW جنب بيتي عندة زاوية كراسي جلد و تلفزيون Flat Screen و مكينة قهوه للزباين .... كنت عندهم من كم يوم و لقيت واحد جالس يشوف مباراة هوكي
mnsalmns
19-01-2007, 11:12 PM
معليش ياشباب

يعني مولازم الواحد يروح للوكالة و يقعد مع المندوب و يستلم السيارات وحدة ورا وحدة

بس يكفي إن الواحد يعطي المعلومة إلي عندة ..... كذا بكل بساطة و من غير تعقيد
S E N I O R
20-01-2007, 12:22 AM
موضوع جميل

وانا باذن الله راح اوافيكم ببعض الاسعار


تحياتي
# OMAR #
20-01-2007, 04:30 PM
نبدأ بالفولفو :
S40
1- 2.4 و 140 حصان ستاندرد بـ 75 الف ريال
2- 2.5 و 175 حصان فل بدون فتحة بـ 99 الف ريال
3- T5 تربو 2.5 و 225 حصان فل كامل بـ 125 الف ريال
((جميع المحركات خمسة سلندر ))

S60
1- 2.0 تربو 185 حصان فل بـ 99 الف ريال
2- 2.5 تربو 225 حصان فل وكت رياضي بـ 125 الف ريال
3- T5 تربو 2.4 و 266 حصان فل كامل بـ 145 الف ريال
(( جميع المحركات خمسة سلندر ))
S60 R
1- 2.5 توين تربو 330 حصان دفع رباعي فل بـ 188 الف ريال
(( خمسة سلندر ))
S80
1- T5 تربو 2.5 و 225 حصان بـ 135 الف ريال
2- V6 3.2 و238 حصان بـ 160 الف ريال
3- V8 4.4 و 315 حصان دفع رباعي بـ 185 الف ريال

XC90
1- T5 تربو 2.5 و 225 حصان ستاندرد بـ 155 الف ريال .. فل بـ 175 الف ريال
2- V6 3.2 و 238 حصان فل كامل بـ 190 الف ريال
3- V8 4.4 و 315 حصان فل كامل بـ 230 الف ريال

C70
1- T5 تربو 2.5 و 225 حصان فل كامل بـ 180 الف ريال
عمر الشهري
20-01-2007, 07:41 PM
شكراً أخي عمر على فكرتك الفريدة :)

لكم مني قائمة مفصلة عن أسعار بنتلي :

آرناج R-L , محرك 8 سلندر سعة 6.75 لتر - - - 1400000 ريال سعودي

آرناج T , محرك 8 سلندر سعة 6.75 لتر - - - 1250000 ريال سعودي

آرناج , محرك 8 سلندر سعة 6.75 لتر - - - 1100000 ريال سعودي

كونتننتال ( كوبيه ) , 12 سلندر سعة 6 لتر قوة حصانية 550 حصان - - - 830000 ريال سعودي (GT)

فلاينج سبار ( سيدان ) , 12 سلندر سعة 6.75 لتر - - - 850000 ريال سعودي
mnsalmns
20-01-2007, 10:22 PM
ممتاز ياشباب


مشكورين عالمشاركة
mnsalmns
21-01-2007, 09:55 PM
بورش كاريرا - 285,000 sr

كاريرا 4 - 310,000 sr

كاريرا ( كشف ) - 330,000sr

تارجا - 320,000 sr

جي تي 2 - 700,000 sr

توربو 911 - 457,000sr

بوكستر ( كشف ) - 170,000 sr

بوكستر اس ( كشف ) - 215,000 sr

كايين توربو - 370,000 sr

كايين اس - 270,000 sr

كايين - 210,000 sr