احلى كفرات ...للجنوطي ال17

[nadr]

مرحبا شباب . .

بصراحة انا حاب اغير كفرات سيارتي فورد( كراون فكتوريا سبورت)
و زي ماتعرفون ان جنوطها 17 لكني محتار مدري ايش اركب نوع كفرات
مرات اقول اركب زي كفرات الوكالة ( good year ) لكن فيه ناس ما مدحوها لي
يقلون ان الوكالة تركبها لانها كندية لذلك تركب good year لل17 وperile لل16 اضافة الى سعرها
يقولون انه تاصل قيمته ال1000 للكفر الواحد ال17 .
مع اني جربتها وهي حلوه بصراحه لكنه بسرعة يتآكل وتطلع فيه كأنه شطوب او تقطعات
وهم يمدحون لي الميشلان وهو فعلا حلو ويعيش لكنه فيه عيب وهو انه قاسي ( يعني انواع الاصوات في اللفات )

لذلك انا محتار جدا ما أعرف ايش اركب ؟!؟
ياليت تنصحوني ..... واللي مجرب لا يبخل علينا في تجربته .

وشكرا .

[فيصل بن محمد]

ركب نفس الشد بلد نصيحة لله


مافيه زي الشد بلد من ناحية الشكل من ناحية الليونه من ناحية الالتصاق بالارض من ناحية انها معتمده من الصانع




واما من ناحية التشقق فجميع الكفرات بعد فترة تتشقق خاصة الكفرات ذات المواصفات العالية وذات السرعة العالية

ولا يضرها هذا التشقق اهم شي يكون ضغط الهواء 35 حتى لايتلف من الجنب ويتنفخ ((يصعرر ))

وسيارتي سبورت موديل 2005 طالعه من الوكالة بتاريخ 5/1/ 2005 وحتى هذه اللحظة لما اغير الكفرات

ولايوجد بها اي شي ولم اغير كذلك الفحمات


ولو اردت تغيير الكفرات لغيرت نفس الكفرات

وللمعلومية عند تركيب الكفرات يتم التجربة بالمصنع عن افضل شي يناسب تلك السيارة من الوزن والراحة والنعومة

والليونه والصوت واشياء كثيرة فالامر مدروس بعناية


وانا انصحك بنفس الكفرات قودير 235 /55 / 17 وللمعلومية فيه نوع ثاني نقشة كفرات الاستندر الخاصة بموديل

2006 جنط 17 وانتبه فهي تختلف عن كفرات الاسبورت


وفي الختام الخيار الاول والاخير لك

وموفق خير

[nadr]

مشكور الف شكر اخوي فيصل
بصراحة انا كنت ابي احد يجزمني على القود يير
وانت ماقصرت بكلامك ( كفيت ووفيت )
لكن ابسألك انت كم تسوي ظغط الهواء لانه 40 او 35 ؟

[فيصل بن محمد]

35 يعتبر مناسب جدا عشان ماتاكل مطب


بس اهم شي كل اسبوع عاير الكفرات واللي ناقص زوده هواء واذا كان فيه مسمار صلحه


وارقعه رقعة داخلية حراريه ب 25 ريال افضل من الرقعة العادية


ولا تتهون بالكفر اللي ينسم كل فترة وتقول بعدين اصلحه وتعبي هواء


لان كل ماتتركه وتمشي عليه والهواء ناقص تحتمي جوانب الكفر ويصعرر وبعدها تروح ترمي الكفر

وتشتري كفر جديد ويصير الكفر جديد والباقي قديمة


لذا احرص دائما على الهواء وانشاء الله يعمر الكفر معك اطول فترة

والله الموفق

[& ســـاري &]

والله مشـكلة هذا النوع ( good year ) أنه غـالي

قيــمة الكفر الواحد 1180 ريال.

يعني أربع كفرات 4720 ريال.

هو يسـتاهل بس لأبد بعد سنتين تغيره.

وفيه نوع بديل ممتاز ورخيص وهو ( هانكوك )

قيمة الكفر لمقاس الجنط 17 بـ 360 ريال.

[فيصل بن محمد]

والله مشـكلة هذا النوع ( good year ) أنه غـالي

قيــمة الكفر الواحد 1180 ريال.

يعني أربع كفرات 4720 ريال.

هو يسـتاهل بس لأبد بعد سنتين تغيره.

وفيه نوع بديل ممتاز ورخيص وهو ( هانكوك )

قيمة الكفر لمقاس الجنط 17 بـ 360 ريال.



حياك الله اخوي ساري


بالنسبة للسعر الكفر فهو 750 ريال


وموضوع السنتين ما اؤيدك فيه لاني عندي الحين الكفرات لها سنتين بالضبط ولا احلى منها


بالنسبة لهانكوك شكله مش ولا بد ويطلع صوت ولا يمسك الارض مثل القودير


اختلاف وجهات نظر ياعزيزي ساري


والسلام

[hmsnr]

اممم سواء كان الكفر ب 750 او ب 500 الضمان نفسه سنه مايفرق حتى لو ب 1000 ريال نفس الضمان .

[nadr]

فيصل سبورت .... ســـاري .... hmsnr
مشكورين اخواني


الف شكر ..

[al7azin]

اسلام
اخوي انا عندي تواير مرسدس 17 انت شراي التواير جدد ماركبو على السياره

[mis_kfu]

أتذكر زميلي معاه فكتوريا سبورت يشتكي من الكفرات جودير يقول واحد ب 950 ريال

بس ركب بريجستون ب400 وحااجه ... لكن مقاسات تختلف عن الاصلي

تحياتي