بس مستخدمي الأمريكي

[ali600]

الصراحة راحة
أنا أفكر في السيارات الامريكية وعمري ماأستخدمت أمريكي دائما نيسان
أكتشفت من ورشة المنتدى أن أكثر الخربات في الأمريكي شالمحبب الناس والي خلاني أفكر اخذ أمريكي ابي جواب صريح من مستخدمي السيارات الأمريكية

[air]

هلا اخوي,
طبعا المسألة اذواق, وكل سيارة وصناعة لها ميزاتها
عن نفسي اعرف ان الياباني اكثر جودة من الامريكي , مع ذلك اخذ لي امريكي ليش؟
كون الامريكي اقل جودة مو يعني انك تتعطل كل يوم او كل شهر او كل سنة (ممكن مرة كل سنتين!), والجودة ليست كل شي بالنسبة لي, فليس كل عطل يعني السيارة خربت وتوقفت, فيه اعطال ممكن تمشي السيارة معك شهووووووور بدون مشكلة
يعني لو افترضنا شخصين
الاول اشترى سيارة امريكية
والثاني يابانية
شروها في يوم واحد
لو جينا بعد 4 سنوات مثلا, (1300 يوم تقريبا)
تحصل السيارة اليابانية جلست في الورش 5 ايام
والامريكية جلست 10 ايام
ماتفرق بالنسبة لي 5 ايام زيادة في الف يوم
انا معي لومينا 2001 يوم بغيت اشتريها كنت متردد بينها وبين كامري وماكسيما
الى يومك ماندمت (كل من استشرته وقتها محد نصحني فيها, احيانا تندم على الاستشارة)
وكل اللي كلفني صيانة غير عادية ( مشاكل بسبب قطع غير استهلاكية) ماتجاوزت 800 ريال
والسيارة صار بيني وبينها 5 سنوات عشرة عمر
والان ناوي لي على كابرس رويال علشان الزواج
والحمد لله وكلن ينام على الجنب اللي يريحه

[بو العابد]

مسألة ذوق فقط لاغير

[BOKN3AN]

اذا كانت حجتك الوحيده او موضوعك ان الياباني افضل من الامريكي فالالماني افضل منهم جميعا
في النهايه كلا على الاستعمال

[mr farfooor]

بسم الله الرحمن الرحيم
اخوي انا عندي لومينا اس موديل 2001 واليوم بروح اطلعها من الكراج الفيول بمب خرب عندي لكن السياره بصراحه عسل والحين بس هذه المشكلة الي مرت علي معا سياره غير صرف البنزين طبعا

لكن السياه مريحه وجميله وافضل من الياباني بالف مره

[mjd_76_09]

انا معي كابرس كلاسيك 1983 صارله معي 4 تقريبا (اخذته من الوالد;) )
ما واجهتني الحمدالله اي مشاكل ما عدا قطع الغيار الاستهلاكيه لاتحتار بين الامريكي
والياباني وااكوري والالماني زي ما قال الاخوان كلها مسالة ذوق بس لا غير
لا توخذ براي لان انا من عشاق السيارات الامريكيه القديمه.....|6|

[نابولي89]

الامريكي اقوى اجمل اجود
والله اعلم

[arab mix]

أخوي المسائلة وما فيها ان الامريكي اذا خذيتة لازم تمشي معاه على النظام الاتي::


اديــهـــا ميــــه تديكـ طــــــراوة...

مثال أخر::: المكيــف الصــحراوي،،

اذا ما عطيتة ماء ما راح يبرد لك ،، والعكس تماماً اذا اهتميت بية وعطيتة مويا...


الخلاصة السيارات الأمركيــة:: تحتاج الى محافظة واهتمام من مالكيها حت ى تعطيهم اداء افضل وعمر اطول والاعمار بيد الله سبحانة وتعالى...

وفي نقطـــة اغلب الناس تهرب من الأمـــريكـــي من البنزين الي يشفطة..


وتحيتي لكـ يلحبيب|3|

[مهنا]

مرحبا اخوي

الصراحه الموتر الامريكي انا اشوفه ممتاز وماعليه كلام بس للأسف عندنه احنا في قطر مب ماخذ حقه كلش مادري ليش مع انه موتر حلو شكلا وقوي ومريح

الموتر ينزل سعره بشكل عجيب عقب ما تاخذه من الوكاله بس لأنه امريكي عكس الياباني تماما

وسلامتكم

[سيف السلام]

انا معي كابرس 2005 اس اس مريحه تماما علا الخط من ناحيت خدمه فهي حمار مكده قدلها معي سنه ونصف 0

[KSA_Matrix]

الاحظ اكثر الشباب يذكرون اللومينا او الكابريس الجدد (2000 فما فوق)

شكلهم نسو انها استرالية هولدن غير أمريكية , وحنا نتكلم عن السيارات الأمريكية.

ومعروف على الكابريس خصوصا الثمانية سلندر جيرها ومشاكله اللي لا تنتهي ..

عالعموم الأمريكي ممتاز وعلى حسب نوعه .. يعني الدودج مثلا (وهي سيارة هجين بين الأمريكي والألماني) ليست كالفورد بالتحمل والصيانة ..

تحياتي

[Modi_mma]

أنا معي جمس سوبر بان موديل 2001 وإلى الآن والحمد لله لم تواجهني أي مشكلة فيه

وبصارحة سيارة ممتازة|1|

وأحلى شي أنها ثقيلة (مشكلة صارت واحنا مسافرين على الطريق السريع

حيث كانت سرعة السيارة 160 كم\س وانفقع الكفر الأمامي والحمد لله ما انقلبت السيارة

بسبب ثقلها كما اتوقع والكثير يقول لي احمد ربك وصل ركعتين) بس بصراحة مريحة في الخط السريع

[head shot]

والله عن تجربتي ..الحمد لله مرتاح عالفكتوريا اخر راحه ..تكرف كرف الحمير..
وان فكرت اغيرها ابغير يا بامريكي او الماني

[فارس العشق]

شوف اخوي علي
انا ماستخدمت غير الامريكي من 14 سنه تقريبا ، استخدمت الكابرس والفورد والجمس واليوكون بصراحه اقولك القديم افضل من ناحيه الجوده يعيش معك اكثر اما الجديد يبغى لك اهتمام فيع يعني ادلعه بالصيانة الدوريه كل 5000 كيلو وتستمر على هالموال كذا يعيش معاك
وبعدين الامريكي يبغاله شخص واحد يستخدمه مو اكثر ، اما الي محببني فيه انه سياره على الخط مررررررررررررريح وفيه قوه جباره خاصه الجديد واكشخخخخخخخ بعد
اما الياباني جودته ممتازه ومايحتاج الا زيت وبنزين بس لك عليه من ناحية الراحه والعزم بعض الانواع مو كلها


تحياتي

[$المهندس$]

ولله من ناحيتي الامريكي افضل بمراحل ..



و الياباني ممتاز بس لا تنسي سوء الصناعه مثل الكامري و الكرولا لا ثبات ولا جوده .. >> سمعه فقط .


الامريكي له تاريخ كبير و حافل بس فيه بعض الشركات لم تتطور ..



و فيه ناس استعمالهم يجيب المرض يقول السياره ما تتحمل انا اتحدي اي سياره يابانيه و جوده عاليه و 100% انها تتحمل معاي اسبوع واحد :)



مسؤله استخدام و صيانه سو صيانه و توكل علي الله .

[نابولي89]

غير صحيح ان الياباني اكثر تحمل واقوى

والدليل عنــــــــــــــــــــــــــــــــــــــــــــدي

عندي سياره كابرس 78 م زي الورده ماشاء الله تبارك الله بدي ماكينه قير ومن داخل والاجزاء السفليه تقول موديلهل فوق 2000 وانظف من سيارت موديل الفين
واتحدى ان تجد سياره ياباني بهذا الموديل عايشه

وتحياتي

[Al-adwani]

اخوي انا كان معاي كامري 2001 وررررده بس اخوي طلبها وماردت طلبه ومسكت معاي الا اشتري ماكيز طبعا في الكامري ما اعرف الورشه الا في السنه حسنه يعني اشياء مكمله في التصليح من باب الصيانه لكن من يوم اشتريت الماركيز كل بعد شهرين وانا في الورش اشيك عليها لأنك لو اهمت فيها راح تتعب معاها والامريكي بالذات الفورد يخرب في اي وقت

[نابولي89]

لكل واحد رايه الخاص به

ولكن ارى شخصيا الامريكي اقوى راحه اكثر جوده اعلى

تحياتي

[عبااادي]

هلا وغلا
من ناحيتي انا اشوف انها على الاستخدام للشخص

انا معي فورد كراون فكتوريا

سياره ماشالله تحمل فوق الوصف وقوه وراحه عجيبه وفلخطوط ماشالله انا سقت كوامري من موديل 2000 إلا موديل 2006

وهوندا وبيجو ووافالون
والله ماهي مثل الفورد فالثبات العزم الرساوه ماشالله

وانا افكر جديا لو غيرت الفورد ما اخذ غير امريكي انشالله


الامريكي سياره حافظ عليها وربي تعيش معاك ورده


يمكن لو قلت لك فيهاا عيب شي واحد فقط


الا واهو صرفيه البنزين اللي قلت بشكل كبير فالموديلات الجديده

واصبح ماهو عيب بعد مانزل سعر البنزين بقوووه

اسف على الاطاله

واختلاف الرأي لايفسد للود قضيه





تحياتي

[الزين]

والله بالنسبة لي مايهمني البلد المصنع للسيارة كثير

لإنه أغلب السيارات تلقى التصنيع والتجميع في بلد وبعض القطع من بلد آخر

وبعض الشركات تلقى مقر الشركة في بلد وتصنيع السيارة كاملة في أكثر من بلد ماتعرف لها
زي الشيفرولية الكابريس واللومينا استرالي والأفيو والأبيكا كوري والبليزر أمريكي

أهم شيء مطابقة مميزات السيارة مع سعرها وبس

[MGM LS]

بنظري الياباني يفتقر لفخامه الامريكي وهيبته

واللي يقول الامريكي كل شوي بورشه ؟؟؟؟؟؟؟

اعرف ناس مشاء الله معاهم جموس في السبعينات مطلعينه

تذكرون يوم كان الجمس قير عادي 3 نمر والريوس الرابع

والان بحاله جيده



نعيد مليون مره المسأله مسأله محااااااااافظة على الزيوت والسياره بشكل عام

ومع اجمل تحية ’’’

[طاوي الخطوط]

الاستخدام هو المحدد .. فيه ناس ممكن سيارة تجلس معاه 21 سنة زي ماهي وفيه 4 سنوات
والفخامة للامريكي بدون منازع بغض النظر عن الالماني بعتبار بهاضة اسعارها
والمحافظة على سعر السيارة في الياباني

[Impala 95]

بالعكس انا ماتفق مع الي يقول ان الأمريكي خراباته كثير

وهذا عن تجربه

معاي كابرس ss موديل 1995 شريته من أربع ماشاء الله عليه ولا خراب غير اني غيرتأشياء خفيفة اختربت معاي من كثر المقاومات قبل سنه ونص

لكن ماكينة وقير ولا لمستهم لحد الآن

حتى البطارية غيرتها مرة وحده بس مو لأنها اختربت بس لأني موسوس وماحب شي يخترب علي مستقبلا


وبالخطوط خيااااااال لكن ما تقارن بالألماني طبعا


واذا انت راعي خطوط توكل على الله وطق لنكون او بيوك وبتشوف الدلع الصح

بس الي شفته ان في اللومينا بشكل عام تدخل هواء في الخطوط وأكثر من وحده شفتها كذااا

وحلاوة الأمريكي اذا في شيء حب يخرب معاك بيعطيك تنبيه ورح تحس فيه وتعرف سريع سريع

وغير كذا قطع الغيار ولا احلى رخيصة مو مثل اللكزس << ذكريات اليييييمه

والمسألة مسألة اذوااق

تحياتتي

[@ Cars 4 Life @]

أنآ. مع. آلأمرٍيكي. بدوٍن. شكـ
.
لأن. إمكآنيآته. أكثرٍ. من. غيرٍهـ. لوٍ. عملنآ. مقآرٍنه. من. نآحية. آلسعرٍ. وٍآلحجم
.
حتىآ. إني. أذكرٍ. أيآم. آلمدرٍسه. كآن. عندنآ. مدرٍس. كيميآء. شآيب. يقوٍل:
.
آلأمرٍيكي. مآفيه. أحسن. منه. في. آلتصميم. وٍقوٍة. آلإحتمآل>> وٍقآعد. يشرٍحلنآ. عن. آلدينآميكيه. آلكميآئيه. للأمرٍيكي.
(( مع. آلمدرٍس. جرٍآند. مآرٍكيز)):D
.
عن. نفسي. صرٍآحه. أفضل. آلأمرٍيكي. وٍبخآصه. آلكلآسيكي. منه. لأن. نفس. دينآميكيتهآ. مدرٍوٍسه. بدقه. من. نآحية. آلمحرٍكـ.
وٍتوٍآفق. آلقيرٍ. معه. (( يشكلآن. ثنآئي. رٍآئع ))
.
وٍآلكلآم. يطوٍل. مع. آلصنآعه. آلأمرٍيكيه
.
وٍبآلتوٍفيق
.
|1|
.

[عبدالله11]

اخوي الامريكي افضل سيارات علي الاطلاق في حال استثناء الالماني
لكن بسبب التكلفة العالية في التصنيع جنرال موترز قررت تتنازل عن شيء من المواصفات الامريكية
لتنافس سيارات تويوتا لان جايبتلها الصمرقع :D وغلبتها بجميع الفئات و جنرال
موترز علي وشك اعلان افلاسها فنزلت في السوق سيارات من بداية عام 2000 سيارات نصف امريكي علي شوي ياباني علي شوي كوري محاولة اخيره للبقاء علي قيد الحياة فالجودة قللت والسعر بداء متقارب الان
تقدر تقول ان الامريكي هو الفورد وسوبر بان بس

[فانتوم 1]

بالنسبه للاعطال في السيارة مهما كان نوعها يرجع للاستعمال مثلا بعض السيارات اصحابها يشترونها مستعمله سواء امريكي اوياباني او الماني وتتعبه في الصيانه والخرابات وهذا يرجع لاستعمال السياره من صاحبها الاول اذا ماكان اكثر من واحد ... لاكن اللي يشتري السياره جديده وبيحافظ عليها اكيد بتعيش معه ولا تتعبه وهذا هو الاهم في الموضوع كله ... وانا افضل الميركوري في السيارات الامريكيه مريح وصبور ولايطلب طبعا اذا حافظت عليه ..............

[JO0ORY]

الامريكي يستهلك بنزين وايد

[راعي الصابونه]

انا والله ما احب الامريكي الا عشان صلابته طبعا اتكلم عن الموديلات الى التسعينات كان موتر يصدم الكرسيدا يطيرها فوووووووووق ولا تغير الا رفرف وشمعه >>>>> مجربها ههههههههههههههه
الصراحه الان الموديلات الجديده من الامريكي حلووووووه مره مره لكن الحديد الحديد واكررها الحديد وينه؟؟؟؟؟؟؟