توي جاي من وكالة العيسى مخرج 5 ...!!!!! اسعار خيالية

[نديم الطيف]

السلام عليكم ورحمة الله وبركاته



كثر الكلام حول اسعار الكابرس واللومينا 2007 وقررت اروح بنفسي هناك واخذ العلم الوكاد |1|



لومينا LS (طياس) اقل فئة لقيتها بـ 84,000 واذا حبيت تاخذها جنوط تصير 86,500 يعني 2500 عشان جنوط :confused:


لومينا LTZ فل كامل (فتحة - جلد) لقيتها بـ 110,000



كابرس LS اقل فئة لقيتها بـ 95,000


كابرس LTZ فل كامل (فتحة - جلد) لقيتها بـ 132,000 :o



هذي الانواع المتوفرة بفرع الوكالة مخرج 5...

انطباعي الاولي عن السيارة (طبعاً كابرس ولومينا LS) مخمل وبدون شاشة - بصراحة ما اعجبتني المواد المصنعة للديكور الداخلي والطبلون واحسها قاسية نوعاً ما (يعني مع الوقت والشمس تصير تطلع صوت) - فيه انتل غبي فوق التندة من الخلف تحس كانهم مركبينه من الغرابي - البدي كانه بدي التيما 93 الي يذكرها...بدي قرطاسي - السيارة اجمالاً تحسها نيسان Sunny بس منفوخة (الشكل الخارجي) :o

واولاً واخيراً هذي وجهة نظر مبدئية..خلوني بعد فترة افصفصها لكم الفصفصة الي عليها الكلام :D



مع التحية،،،،،،،،،

[أنـــــس]

أسعار خيالية بالفعل...

واذا تكرمت أخوي كم سعر الكابرسss؟

ومشكوووووووووووووور..

[ahmed1420]

مشكور على المعلومات أخي نديم والاسعار فعلا غالية
وعلى فكرة اعجبني كلامك هذا والله إنك فاهم |1| المواد المصنعة للديكور الداخلي والطبلون واحسها قاسية نوعاً ما يعني مع الوقت والشمس تصير تطلع صوت

[GM_TAHOE]

اف ITZ بــ 132000 الصرحة السعر احس انة كبير على كابرس
والله اشتري افلون بــ 117000 افضل بكثير من ناحية الشكل الداخلي

وياليت تعطينا المواصفات اذا كان عندك خبر


اخوكSOSO2004

[C A D I L L A C]

راحت فيها الكابرس و اللومينا اذا هاذي اسعارها

و بعض الكلمات الي قلتها انت ممكن تسبب لك مشاكل مع المتعصبين

خخخخخخخخخخخخخخخخخخخخ

[# OMAR #]

صراحة اللي يشتريها بهالاسعار بالغ فيها ..
يبي لها تخفيضات عالاقل 30 الف ريال ..

[حمودي يركب اودي]

اشكرك على المشاركه الحلوه واقول ان اسعار السيارات بترتفع لا تستغربون بعدين ان اكسنت بتاصل 40 الف ريال
اقل فئه مادام ان هنا فيه وكلاء تعبانين واصلا متى صارت الكابرس 130 الف الرويال 2006 ماوصلها ازيد شوي واخذ لكزس اسرف وبدل اللومينا اطق كامري احسن منها بالشكل ومواصفاتها كامله او الكورد 4 سلندر فل كامل يعني فيه خيارات بديله للومينا كثيره والكابرس ايضا فيه خيارات بديله وشكرا

[نديم الطيف]

حياكم الله شباب وشكراً على المرور والرد...

بالنسبة لمواصفات LTZ مادري عنها لانها ماكانت معروضة على مخرج 5 وموجودة بس بالملز

وللمعلومية الاسعار زايدة بالنسبة للكابرس LTZ بما يقارب 40 الف !!!!!!! ونفس الكلام الرويال والاس اس

اسعار الرويال والاس اس ماهي مسجلة بكمبيوتر الوكالة...واذا لقيتها ابشروا باجيبها لكم

مع التحية،،،

[فيصل بن محمد]

يعطيك العافية على الموضوع يانديم

بالنسبة للاسعار فهي مبالغ فيها

وجهة نظر خاصة


تحياتي

[shh35]

انا ما انكر اني معجب بشيء اسمه لومينا بس والله السعر خيالي
يعني انا يوم اشتر سيارتي لومينا ال اس موديل 2005 كان سعرها 65 وش اللي خلاها ترتفع كذا

يمكن لأنها بداية الدفعه وأغلبها محجوزه بس انشاء الله راح تنزل الاسعار

[نديم الطيف]

فيصل + shh35 شكراً على المرور والرد

[كابـــSSـــرس]

الله يعطيك العافيه

والاسعار صحيح غالية بس مقارنة

اي موتر جديد لازم يرتفع وهذا شي معروف ومنتهين منه

اما عن الكلام الثاني فالجميع اكد ان المواد المستخدمه متغيره وجيده

وانا استغرب الحكم عليها من اول نظره ؟؟

يعني الاسعار انا معك فيها

اما الباقي اسمحلي اخالفك فيه خصوصا اني الى الان ماشفت لك

رد او موضوع تتكلم عن فيه عن الكابرس بواقعيه

سواء عن الموديل السابق او الحالي

فيه ناس جربوا السياره في منتدى اخر اونت مسجل فيه ايضا رح شف كلام الي جربها

لان الي جربها فرق عن الي ناظرها

تحياتي لك

[نديم الطيف]

^^^^^^^

لعلمك انا بطبيعتي ما اتكلم عن السيارة بمدح الا لو كان هناك استفسار عن نقطة بعينها....دايم اذا تكلمت عن سيارة اتكلم عن عيوبها

ولاتفهم انه حاقدين على كابرس ونحب غيرها لان هذا حديد...والرجال هو الي يجمل السيارة مو السيارة الي تجمله...الله المستعان بس

[فانتوم 1]

استغلو خفض اسعار البنزين ورفعو الاسعار في اكثر السيارات وخاصة الامريكي هذا السبب في الارتفاع يعني ماراح نستفيد من تخفيضات الدولة ...........

[ابـوعـزوز]

مشكور اخوي ...



والله انك صادق ...


بس الله يعين ...

[نديم الطيف]

اهلا وسهلا فيكم شباب...وشكراً على الردود

[KSA_Matrix]

الكابريس رويال سمعت ان سعرها 160 الف

والاس اس 150 الف

والله الهولدن ما عندهم لعب صارو يهرجون بالمية الف وعليها
سقا الله الكابريس الصابونة بس

ومشكوووووور اخوي على الموضوع الرائع والوصف الاروع للسيارة :)

تقبل تحياتي

[نديم الطيف]

سقا الله الكابريس الصابونة بس



والله انك صادق :D


حياك الله اخوي وشكراً على مرورك

[@ Cars 4 Life @]

:mad:
.
وش الي ذا؟ >> قلة حيا ذي << الرجال خربها وخروا عنه :D
.
لا صدق ، تبون الصراحه؟
.
اسعار مثل وجيههم وش الي بـ 132 الف و 150 الف و .... اطلع فوق ؟
.
اشوف الشفر نفخ ريشه شوي؟
.
اما انهم يشوفولنا حل مع هالاسعار ولا ترى التويوتا يشتكي |13|
.
بأقل من هالاسعار اطقلي سيارة احلى منها بمليون مره
.
وانا اقول ليه مخلين لومينا رويال بـ 99 الف؟
.
يبون يفتكون من الموديلات القديمه بأي طريقه عشان يستغلونا في الموديل الجديد
.
طحتي من عيني يا شفر |6|

[نديم الطيف]

Cars 4 Life

شكراً جزيلاً على مرورك وردك.....

[R//T]

مااااااااا تستاااااااااهل هل السعر لانوووو ماا فيها مواصفاااااااااات

[نديم الطيف]

^^^^^^^^^

كلام سليم 100%


شكراً على مرورك

[LUMINA 4EVER]

رأيك فالسياره احترمه ....واكيد هذا اختلاف الاذواق مانقدر نحكمه ..


بس ابيك تتذكر كلامك عن السعر بعد فتره بسيطه اذا شفت اللومينا والكابرس والمبيعات الغير متوقعه كالعاده ;)

ماادري وش السر بالظبط بس هالسيارتين كل مايكثر الذم فيها كل ماتزداد مبيعاتها ...

وهالاسعار ماراح تطول وهذا كلام الموظفين فالوكاله اكيد مثل مايصير بالعاده فاي دفعه اولى من شكل جديد كليا ..

[ملك]

اولا اخواني السيارة من جد تحفة وروعة بكل معنى الكلمة .. طبعا انا اقصد من المظهر والمواصفات فقط لكن ماندري عن تجربتها حقيقة للحين ..

السعر مرتفع لأنه ببساطة الى الان لم يسمح ببيع السيارتين حتى يتم تدشينها وطرحها رسميا ..الاسعار مرتفعة لعدة اسباب لكن اهمها ان السيارة جديدة في تصميمها ومواصفاتها وجودة المواد المستخدمة وهذا جدا طبيعي ..ومن الطبيعي ايضا ان الاسعار بتنزل كثير بعد الطرح رسميا والسماح ببيعها بشكل عام للجميع .. لأني كنت في الجميح امس وقال لي واحد اعرفه هناك هالكلام .. ولما قلت له ابي وحده قال لي انه يقدر ينزل في السعر الان 5 الاف ريال على طول وبالفعل اعطاني السعر ناقص 5 الالف وطلع LTZ بـ 127 الف مخمل وبدون فتحة ..ولا يزال السعر مرتفع ..لكن قارن معليش مواصفات وحجم السيارة باي سيارة ياباني ..وهذا الاخ اللي يقول اخذ لي لكزس روح شوف اصغر واتعس لكزس بكم تاخذهاو اللي حجمها ما يجي حجم الكورولا حتى وايش فيها من مواصفات !! وحتى الكامري ام 4 سلندر بكم تاخذها ومافيها الا قير ومكينة ومافيها اي مواصفات اخرى .

نبي نحكم على اي سيارة وسعرها احكم على القيمة مقابل اللي بتاخذه بهالسعر مو تحكم باسم والا ماركة السيارة .

[نديم الطيف]

الاخ ملك سعر الكابرس فل كامل LTZ بفتحة وجلد 132.....يمكن هو عطاك اسعار اقل فئة



حياكم الله شباب وشكراً على مروركم

[عاشق لاندكروزر]

والله
انا من يوم سمعت ان الكابرس الجديد اقصر من 2006
بـ 15 سانتي و انا غاسل يدي
و سلامتكم

[نديم الطيف]

^^^^

انا مخطط اقيس مساحة الراكب في المرتبة الخلفية بالمتر :D بس اصبر

[كاسر]

غااااااااااليه حيل حيل حيل

السياراه صراحه حلوه

بس مبالغين بالسعر حيل

[مطنش النت]

والله اشتري لي لكزس وكالة بسعر الكابريس ..

اصلا انا ماهضمت لا الكابريس ولا اللومينا اللي مايمر اسبوع الا وتشتكي من الفرامل ..

[نديم الطيف]

كاسر + مطنش النت


يعطيكم العافية وتسلمون على مروركم...