رساله الى كل طاره ...

[مخربها]

السلام عليكم ....

ودي اوجه رساله لكل واحد طاره او يحسب نفسه طراه ويستطيع التحكم في سياره بشكل ممتاز وعلى سرعات عاليه ويخلص نفسه من مشاكل وحوادث الطريق مهما كانت قريبه .... وينسى السيارات الاخرى على الطريق ... اللي ممكن محاولاته للتخلص من الحادث اللي هو متسبب فيه اساسا يوقع غيره فيه ...

انا ماراح اوجه نصايح لهؤلاء الفئه من الناس او من الشباب المتهور الطايش ولا راح اقول انتبه لأنفسكم .. لان الشخس اذا ما انتبه لنفسه مافيه احد راح يخسر غيره ولا راح احد يهتم له ... لكن ..


كل اللي ابي اقوله لهنوعيه من الناس ابيك قبل تسوي فيها طاره بالشارع ... ابي منك شي واحد بس ... اركب مع السائق حقكم الهندي او السوداني او المصري ..... الخ المهم السواق اللي يودي اهلك ويجيبهم وياخذ الاطفال من المدرسه ويوديهم .. اركب معه مره وحده وامش معاه في شوارع الرياض منث العليا والتخصصي وطريق الملك فهد ... وشوف نفسك في سيارات غيرك .. شوف الطارات اللي في سياراتهم ويسون سواتك في الشارع من مصاقط وتخيط وغيره وشوف الربكه اللي يحطون السائق فيها ... لما الواحد يجي من ورا ويكبس بالنور 17 الف مره بالثانيه والسواق يمينه سياره وفي الاخير لما يحي بيطلع يمين تلقا الظريف اللي يكبس جالس يخيط من اليمين ويحوس مخ السواق ... صدقني بعدها ماراح تأمن للسواق في الشوارع ولا راح ترتاح لما يطلعون اهلك الحالهم مع السواق في شوارع الرياض ... ابدا بتغير طريقة قيادة للسياره فمن عندك تأتي البدايه ....

اتمنى الفكره اللي ابي اوصلها لكم وصلة واظحه واسف على الاطاله ...

[منصور 2006]

سلمت الانامل اخوي مخربها

فعلاً كثرة هالشغلات في الشوارع والمشكله كلهم صغار سن 18 الى 25

لكن انظمة المرور الجديده صارمه حقيقه وان شاء الله مايتساهلون مع هالطايشين

والله يكفينا شر هالسيارات


تحيتي لك اخوي

[M O A Y A D]

عساها عظة وعبرة لهم

[m7zon]

ياليت المرور تزيد صرامته ماعجل بالأجل الا هالمجانين
اكبر دوله متخلفه مروريا دولتنا الله يصلح الحال
ومهما انسجن الطاره وانجلد مايتوب
يجلس يخشش ويهبل بالعالم
ولاادري وش وراه
وش يبي
ايييه
الله يكون في العون ياشباب بس وش نقول وش نخلي
كذا الاقدار والواسطه لعبت في كيان مجتمعنا
اذا طلع البطاقه وشاف انه نفس القبيله
قال سم ونعم فيك ياولد العم
وعاد انتم حلوها يالله
وشوفوا الهبال
جثث عجايز
اطفال
وش نسوي وش نقول عندنا لو تربط الحزام جحدك خويك
يقول تفشلني قدام الرجال والزكرت مايدري ان
هالكلمه معناها بايخ ولاهوب زين
ويقول انا الذكي انا الفنان
انا فاهم البير وغطاه
مايدري المسكين
عن اي شي
مسكين
واذا شاف اللي يدق اشاره ضحك عليه قال شف الغشيم
اجل ليه صانعينها عشان تجلس تدقدق بها وتستهبل
الظاهر كذا ولا تشوف العالم احزمتها ورا المرتبه
وتلقاه راكب فولفو او مرسيدس بانوراما
او حتى اكسنت او كورلا مافيه فرق
العقل تقريبا واحد وش نحزن عليه
الواحد عندنا مايدري يضحك
ولايبكي ولا يدعلي بزعل
انا مدري وين الكتاب
الساخرين عننا
مادروا عن
دسامتنا
ايييه
ودي تمرون النقاهه وثلاجات الموتى وتشوفون الكسور والاشلاء
نقول انه قصف نزل علينا اجمعوا التبرعات؟ نقول انه غضب؟
نقول انه علامات الساعه؟ لاوالله هذا اللي قال الله
ان مصايبنا من كسب يدينا واذا استمرينا كذا
نستاهل ولا ينبكى علينا بكيفنا احسن
وين اختفت العقول عشان نزوات
اغبى من الغبيه ولافيها خير
واذا قال قال حرام
مــايـــدري والله
ان الدعـــوى
كلها تفشل
قولو معــــــــــــــــــــــــــــــــــــــــي عـــــــــــــــــــــــــسى ا لـــــــللـــــــــــــــــــه يــــــــــــــــــــــــــــــــصلح الـــــــــــــــــــــــــــــــحــــــــــــــــ ــــــــــــال آمــــــــــــــــــــــــــــــــــــيـــــــــــ ـــــــــــــــــــــــــــــــــــــــــــن

[مخربها]

مشكورين على المورو والردود بس ان شاء الله يستفيدون الطارات من هالموضوع ...

اخوي محزون ترا الشوف شجر :D

ياليت تكبر الخط شيبنا وانا اخوك .....

[A L H A M O O R]

أخوي مخربها يعجبني فيك نصايح الواقعية :)
تراي جاد منيب استهبل :) :)
لكن بعض السواويق ( قصدي الآجانب ) وانا أخوك يرفع الضغط من جد تحصل الشارع 5 كيلو بعدين تجي اشارة
تحصله ماسك اليسار وداق اشارة وماشي 40
والناس تمشي 80 أو 100
ولما تكبس عليه ما فيه أمل يفتح الخط
لكن فيه بعض الناس لاقينها تحصله لين شاف واحد داز في الدائري أو أي طريق سريع
والناس تفتح له الخط
قام ودز وراه وصار الخط مفتوح له :D

[Selene]

والله كلام صحيح.. نسبة الحوادث عاليه في الخليج والسبه هذيلا لي نص عقل .. الحمدالله والشكر
ع العموم انا انسان ستويت ما عطي درب للي يديم .. يعني الشارع يقول 80 .. والاخ ماشئ 120 .. ل شو يعني بتموت لو مشيت 89 ولا 80؟؟

[المغترب_555]

المشكلة ... بعض الاحيان تشوف لك واحد يساقط ويخيط ويشطف سيارة المرور :mad:
والمرور كنه ماشافه :o ... يعني ماعندك أحد |5| لكن الله يصلح الحال
الشكر للجميع ... |3|

[m7zon]

اسف والله ياشباب على سوء الخط شكلي اعميتكم ابشركم ان شاء الله تنحل المشكله عدلوها المشرفين الله يجزاهم خير وانا اكرر اسفي

[مخربها]

هلا وغلا بالشباب .... شاكر تواجدكم وردوركم ...


بالنسبه للنوعيه اللي قال عنهم الهامور اللي يمسك اليسار ويمشي 40 يخوي انت عارف ان فيه من هالنوعيه واجد خلاص اكبس مره ماوخر اطلع يسار ترا العقل نعمه لا تنزلون انفسكم وعقوكم لمستوى اقل من مستواكم ... انت العاقل تجي تحارش واحد في الخط عشانه ماسك يسار ومهدي ..؟؟؟ بسلامته اتركه وامش كبر عقلك ....

اما بالنسبه للي يمشي 120 في شارع سرعته القصوا 80 ... انا معاك ان الكثير عباطه وحب للسرعه ... لكن لا تنسى اللي وراهم شي مهم من مستشفى او غيره ... كنت اتكلم مع واحد من الشباب في الجامعه يقول انا امشي 120 على الدائري وامسك الخط اللي يسار ولا علي من اللي وراي انا ماشي السرعه المحدده ولا راح اوخر عن اللي وراي مهما سوا المفروض كل الناس ما يتعدون سرعتي ... ياحبيبي فيه ناس معاهم مرضى كبار في السن يعني يموتون عشان عباطت حظرت جنابكم .؟؟؟؟

قالي لا اللي وراه شي مهم اوسعله .... سلمات يا الشباب قاط معهم في موترهم تعرف وش وراه ؟؟؟ بيجيك من ورا يكبس لك زيه زي غيره بتوقف تسأله وش وراه ؟؟ اذا قالك مستشفى توسع واذا قال لا انا عبيط ماراح توسع ....


يا جماعه كبروا عقولكم ترا عباطة السيارات مب زينه ونهايتها شينه ...


اخوي الهامور اعجبتني صورة حوش الجميح اللي بالتوقيع ... :D

[وسيع صدر]

تــســلــمــ عـلـى الـنـصـايـحـ

[مخربها]

هلا وغلا وسيع صدر ... وشلونك عساك مرتاح انشاء الله ....

مشكور على مرورك وردك طال عمرك ... :D

[نيسان للأبد]

اللله يصلح الحال بس ،،

[مخربها]

هلا وغلا اخوي نيسان ...

امين يا رب .... ومشكور على مرورك ...

[ساطع]

موضوع جميل ومهم جدا
--------------------------------
بقولك شي اخوي مخربها ما تلاحظ ان اسمك ما يتناسب مع طبعك لأنك بتصلح ما بتخرب:D

تقبل مني وافر التقدير والاحترام

[just one]

صدقوني الالتزام بالانظمة هو الفن في القيادة في اليبان احتفلوا بشيل اخر اشارة
وعندنا يبغالنا في كل شارع دورية عشان الشباب مستعجل بس في السواقة والشغلة بسيطة المشوار اللي بتروح له
روح قبلة بوقت كافي

[مخربها]

هلا وغلا ساطع ... مشكور على مرورك والرد ...

بالنسبه للاسم ... هالايام اللي يصلح هو اللي مخربها حتى الواحد هالايام يقولك والله نومي متلخبط انام بالليل واقوم بالصبح وهذا والله اللي صاير ... بس لا تصدق واجد ترا الانظباط عندي مسكات .. :D

تحياتي اخوي

[مخربها]

هلا وغلا ... جست ون ...

هذا في اليابان مو في الرياض ...

الحين يحاولون يقللون عدد الاشارات مثل ما سوو في مخرج 10 والحين اللي جالسين يسونه في تقاطع طريق الامام محمد بن سعود مع طريق ابو بكر .... بس انا مادري وشلون بيسون تقاطع طريق الملك عبد الله مع طريق الملك عبد العزيز ... الحين الشارع وش كبره وزحمه لين العليا اجل لو حطوا حفريات وش راح يصير ....؟؟؟


مشكور اخوي على المرور والرد ...