مسكين يا مستهلك يا سعودي ..

[اشقر]

والله اننا مساكين .. يلعبون فينا هالتجار مثل ما بغوا واحنا سم وآمروا
لا أحد يدافع عنا ولا أحد يشوف معاناتنا ..

في منتصف شهر 4 ( ربيع الثاني ) قررت تغير سيارتي إلى سيارة جديدة لي ولزمن

سيارة كبيرة شوي وعائلية ، احترت لكن استخرت واستشرت وأخيرا استقررت على

اليوكون ..

بدأ الرحلة الوكالات وعروضهم وموديلات اليوكون وفروق السعر بسبب الأكسسوارات

اخيرا صفيت على يوكون دفرنسين لون واحد متصل منفصل لأن الملكي فيه فلسفة مالها داعي ..

الوكالات قالوا آسفين ومافي هذا الشيئ الذي طلبته .. انتظر 2007 قلنا ننتظر شفته اعجبني لكن

لم يقنعني وشفته على الواقع في احدى صالات السيارات استبعدته نهائيا ورجعت للـ 2006 ..

رحت المعارض وطحت بمعرض أعمال الشورى والحميضي عندهم المطلوب بـ 106 آلاف ريال حاولنا

فيهم بناخذ سيارتين وافقوا بـ 105 توكلنا واشترينا والحمدلله ..

بعدها باسبوع بالضبط ارتفع السعر إلى 108 وبعدها باسبوعين إلى 110 ثم إلى 112 والآن وقف

على 116 لأن احد الزملاء الله يهديه يبي يشتري ومستحي ينتظر رخص الأسعار لأن الـ 2007 نزل

لكن هالمعارض الله حسبي عليهم ما ان عرفوا اسعار الوكالات للموديل والشكل الجديد المرتفع إلا

ورفعوا اسعارهم إلى الأعلى ونظامهم تبي والا اطلب الله ....

تخيلوا معرض عنده يوكون بدون دبل 2006 بـ 105 بعدما كان بـ 95 والله شيء يرفع الضغط رافعين

اسعارها بشكل خيالي زيادة بالعشر والخمس عشرة آلاف أين من يحمي المواطن من طمع هؤلاء التجار

لماذا لا يكون هناك شيئ ثابت لا يزيد عنه ..

معرض اعمال الشورى عندما اشترينا منهم كان عنده أكثر من ثلاثين سيارة يوكون متصل منفصل استغربت

وجود هذا الكم الهائل إذا كان يخطط وعلى علم يقين بأسعار الموديل الجديد فقرر الربح من وراء المسلمين

المساكين ..

بصراحة شيئ والله يحز في الخاطر التاجر السعودي لازم يحقق ربح 70 إلى 100 % لمـــــــاذا ..

شكرا للجميع

[just Peugeot]

حبيبي مو بس في السيارات ..

المشكلة فينا احنا يالشعب السعودي ..
شعب يدفع ..
وينضحك علية بكل سهولة ..

والله لو انا و انت و غيرنا يحرص على نفسة و يصبر و لا ياخذ اي شي بالسعر المراد دفعة ..
كان كل شي تحصلة رخيص ..


يعني انا بقولك رحت محل زينة\
تظليل - تلبيس مراتب
قال ب 200 ريال ..
وبعد المضاربة خليتها 150 ..
مو الخمسين اللي اخذتها ما نفعتني في اشياء ثانية ,,

بس هذا حنا يهز لك راسة الهندي و احنا نقول ( ضعيف ) وندفع ..
ومن وراك يقول ( ساودي كربان مافي مخ )

[m7zon]

اي والله صدقتوا ولاكن نوكل امرنا للعزيزالحكيم اذا صار الردي ماترك للطيب شيء
ولايخرب على المسكين الا المرتاح
الراهي يخرب على الضعيف
يجيك يدفع بدون مايشاور ويقولون يالله كل الشعب نفس النمونه خل نرفع الاسعار
ولااحد يحس بالجرح الا صاحبه ولاكن وش تبينا نقول الا حسبي الله ونعم الوكيل اذا صار كل واحد نفسي نفسي ولااسمع لاارى ولااتكلم
عسى الله ييسر الامور

[سوبرا]

يا حبيبي ايش فيك بتشتري يوكون مستعمل بـ 105 ألف ... :( صاحي انت ..!!!!:confused:
السوبربان الكرت اللي طالع من الوكالة ما يزيد عن 105 ألف ريال ..|6|
وقبل فترة كان عليه عرض وكان سعره 99 ألف ريال ..|10|

والله الناس نايمة وينضحك عليها بسهولة بسبب عدم الثقافة والقراءة ..
والله روحتوا فيها ........ لا تقول بعد فيه شوية مشاكل ويبغاله شوية تصليحات .. ترا أتجنن بعدين ..

الله يهديكم إلى سواء السبيل ..

[اشقر]

هلا بالشباب ومشكورين على الردود ..
اخوي بيجو وبس .. الخمسين هاليومين تعبي تانكي اليوكون فل :) ..
تنفع ليش ما تنفع ياعم الريال ينفع هاليومين ..

اخوي محزون .. اي والله عيال الحرام مخلوش لعيال الحلال حاااااااقه ..


سوبرا .. اي مستخدم الله يخليك لوالديك .. هذه سيارات جديدة عالزيرو ..
او حق التوقيفه فقط يعني سيارتي كانت ماشية 16 كيلوا فقط ..

جنزال موتوز اعطت وكلائها امر بتخفيض الاسعار من اجل تفريغ المستودعات
للـ 2007 وظهرت الاسعار الحقيقة للسيارات يعني اقل ربح وإلا موديلات 2005 وبداية
نزول الـ 2.006 كانت اسعارها عالية وخفضت فيما بعد لكن اصحاب المعارض اجرموا
في العالم ..

الله يكون بعونا .. سلامي للجميع.

[الفجرالساطع]

كل ذا الكلام صحيح لكن لا تنسون ابو جميل وضحكه على الدقووووووووون
اسعار خيالية ومواصفات زي وجهه:mad: :mad: :mad: :mad: :mad: :mad:

[M .N. N]

عااااااادي جداا

شيء متعودين عليه لاكن حبيبي مو أي واحد يكون مخفة وينضحك عليه

أكورد بعد ما كانت 55 صارت بـ 70 الــــــــف وخذ عندك هالناس تشريها تقول ما فيه بالسوق الا هي


هايلوكس 2005 بعد ما كانت بـ50 الــــف الحين بالمعارض بـ 72 الـــــــــــف والمشكله أن الـ2006 بـ 56 الف يعني ما فيه أي واخد يقول ما كنت أعرف انهم ضحكوا علي


لاكن ما تقول الا حسبي الله عليهم ،،،،،، وبعدين عاااادي جدا ناس ما عندها حد يوقفها عن حدها أنت أيش اللي يخليك تروح لهم فيه سيارات أفضل منها مع ذالك بسعرها الحقيقي ،،،،، يعني محد جر يدك

؟؟؟؟؟؟؟؟؟؟؟

0
0
0

[coco rolla]

والله صدقتو انا مشتر كورولا مديل 2004 مطور 67900 بالتقسيط وسعرها كاش 56000 باللهِ مو حرام فيها .
انا فاكر الوالد الله يحفظو اشترى كورولا عام 80 بـ9000 ريال كرت وكالة .
اش رأيكم شوفو الفرق .في 26 سنة كيف صار ...

[سوبر اكس]

شي مفهوم ان يكون فارق السعر بين 2006 و 2007 هذه الأيام موجود وفي حدود 10 الالف ريال على اعتبار ان 2007 جديد مع ان الجديد مو مضمون


لكن ان يكون الفرق بين 2006 و 2007 لسيارتين نفس الموديل وعلى الزيرو من الوكالة اكثر من 30 الف ريال فهذا اجرام وحرام وما يصير

[اشقر]

هلا بالشباب .. كلنا متفقين على الظلم الي عايشين فيه من المجرمين
التجار الكبار والمشكلة ان كل يوم يزيدون ..

اليوكون الـ 2007 بدون دبل ومتصل منفصل بـ 145 الف ريال والـ 2006 عند
بعض المعارض بـ 100 ألف الفرق 45 ألف والله مشكلة .. شي مو طبيعي .

يالله احنا فيها .. شكرا للجميع

[نيسان للأبد]

ياشباب وسعواا صدووركم الحمدلله الخير واجد .. الي يشوفكم الحين مامعك فلوووس


الحمدلله نعتبر من اغنى الدوول و الف ولا 5 الاف ماراح تفرق اتووقع


.

[lexus4ever]

المسألة مسألة عرض والطلب زي الاسهم بالضبط , السيارة اللي عليها طلب كبير يرتفع سعرها بشكل كبير .

[محمد]

أسعار السيارات متقاربة عالميا. التاجر بلا شك يحصل على نسبة كبيرة من الربح وهذا أمر ليس بغريب في قوانين التجارة فضلا عن تقلبات العملات وأمور أخرى. السلعة المستهلكة بشكل يومي (مثل مواد البقالة وغيرها) تكون نسبة الربح فيها قليلة لأنها تباع بنسبة كبيرة. بضائع أخرى مثل السيارات لابد من أن تكون نسبة الربح فيها أعلى وإلا لم يستطع التاجر المواصلة في البزنس.
المنافسة حادة في عالم السيارات وهذا يضمن أن تكون الأسعار في أفضل مستوياتها بالنسبة للزبون. فمن يطلب سعرا غير منطقي لسياراته سوف لن يجد مشترين.
هذا لا يعني أنني أؤيد إرتفاع الأسعار ولكن هذه بعض حقائق السوق. وأتمنى لو تعود أسعار السيارات لعهدها السابق يوم كانت الكابرس بأربعين ألف ريال والكورولا بعشرة آلاف ريال. ولكن هذا لن يتم

[B R A B U S]

السلام عليكم ورحمة الله وبركاته


اخوي العزيز والله انه معارض السعودية اهون من معارض البحرين

بمليون مره وطبعاً ارخص في كل الأحوال بمبلغ يصل حتى 10 الاف

ريال واكثر احنا ذابحينااا التجار بأستيراد السيارات بأبخس المواصفات

واقل جودة ويبيعوهااا بسعر خيالي جداً والمشكلة الأحتكار الي صاير

والله لو تجي البحرين وتشوف اسعارنا تقول انكم احسن من غيركم بوايد,,,


بو حميد

[اشقر]

هلا بالشباب ..
اخوي نيسان هذا من فضل ربي .. له الشكر والفضل والمنة ..
موهذه المشكلةان التجار يعتقدون أننا كلنا تجار ..
وعلى فكرة إذا كنت موظف اسأل زملائك من منهم ماعنده قرض بنكي
نادرا ماتجد ونسبة منهم ليست سهلة لشراء سيارة يستخدمها ..

صحيح أن أحوالنا المادية لا بأس بها والحمدلله ولكن والله التجار يكذبون
علينا ويرغمونا على مسايرتهم وشوف العقار هاليومين وبتعرف كلامي.


لكزس للأبد صدقت السيارات الي عليها طلب يزيد سعرها والسوق هاليومين حلو
عليك بالخشاش وراه مرابح ..:)

مديرنا محمد حياك ابوي .. اسعارها عالميا متقاربة اممم ما عندي خبر والله لكن اكيد
انك قلت الصح لكن برضو المعارض عندنا مجرمين ما يكفي جرم الوكالات ابوجميل وطقته
المعارض تكمل الناقص بصراحة الفروق عالية جدا يعني معقول يزيد سعر اليوكون في المعارض
عنه في الوكالة أول ما نزل الدبل المتصل المنفصل بـ 110 والآن في المعارض بـ 116 تقريبا ..

اخوي بو حميد البحريني .. هنا المشكلة في الاحتكار حتى عندنا لماذا معرض اعمال الشورى
ومعرض علي المطيري ومعهم كم معرض يرفعون اسعار اليوكون لانها عندهم فقط ..

انا اتكلم عن اليوكون لاني متابع سعره عن قرب .. شكرا لك .