طلب خاص خبراء الفورد واللومينا

[الإمبراطور،،،،]

السلام عليكم

في البداية أتمنى التوفيق لي ولكم ولهذا المنتدى الرائع المتخصص بالسيارات ، وياجماعة أنا تعبت وأنا أدور بمواقع ومنتديات هالسيارات ومالقيت ضالتي ، مع العلم ان ضالتي سهلة لكني أبغى أسمعها من ناس صادقين وفاهمين بالموضوع ،، المهم طلبي هو التالي


أبغى مقارنة شاملة وكاملة بين كراون فيكتوريا سبورت ولومينا إس إس ،، من كل النواحي ، مثل سعة المحرك،، والقير وأيهما أسرع ابتداءًا بانطلاق السيارة وانتهاءًا إذا دعتستلها فجأة عالخط ، يعني يا شباب حتى أبغى أعرف كم مقاس الجنوط يعني كل شي كـــــــل شي ، وأيهم أحسن بشكل عام ،،، إن شاء الله ما أكون ثقلت عليكم ، بس لا تنسوا الشمولية بالمقارنة ، وبالنسبة للفورد أي أحسن يكون القير أرضي وللا دركسيون ،، ،،

والسلام

[CamSHAFT]

هلا ومرحبا فيك
بعطيك المعلومات اللي اعرفها:
Lumina S
شكل رياضي جميل جدا
المحرك:
3.6 لتر يعطيك 230 حصان و 320 نيوتن متر من عزم التدوير الأقصى
جنوط 17 (زي SS)
نظام تعليق وثبات رياضي
دعاسة رياضية
انظمة ABS-BA-EBD للفرملة
مثبت سرعة
CD
هذا اللي اعرفه
الفكتوريا ما اقدر افيدك فيها..اللي اعرفه عنها انها مريحة وبس..ومحركها 4.6 لتر قوة 265 حصان و305 نيوتن متر
هذا للفكتوريا العادية..السبورت مادري هل عدلو مكينتها ولا لا..
بالنسبة للأقوى:
انا جربت سواقة لومينا (سيارتي) وماركيز لولد عمتي..لومينتي موديل 2002 يعني مكينتها اضعف من 2005-2006
ومع ذلك تحس فرق..مع ان اللومينا 6 سلندر اقوى بكثير من الماركيز..حتى ولد عمتي (راعي الماركيز) عندهم لومينتن وحدة موديل 2000 والثانية 2004 ويقول انهم اخف واقوى من الماركيز..
فما بالك باللومينا الجديدة وهي اقوى
طبعا هذه وجهة نظري...ممكن بعض الشباب يخالفني فيها
تحياتي

[CamSHAFT]

معليش توني انتبه انك تقصد SS
جميع المواصفات اللي فوق تنطبق على الـSS
فرق المكينة 5.7 لتر قوتها 340 حصان وعزم 470 نيوتن متر تقريبا
يعني العالم وراااااااااااااك ولا تفكر احد يجيبك
بس عيبها صرفية بنزين + محد يرغبها عند البيع ابدا

[$المهندس$]

مثل ما قال اخوي بص تصحيح بسيط

انه الومينا 6 سلندر تأتي بي 3800 سي سي وليسه 3600 فقط

و الفتكوريا سبورت ولله موتر قوي و ثابت و مريح بخط .

بس الومينا افضل لانه عندي لومينا 2000 ولله تمام بس عيبه البريك :) بس مموتر مضمون .

[فـهـد]

انا الي اعرفه عن السبورت قوي مررره 2005
بس عيب الفورد تطيح قيمته
حتى الومينا بس الفورد تطيح اكثر
واحد معه سبورت 2005 قاوم ماكسيما 6 سلندر قير عادي قومه خط الى 220 قامت السبورت وانا كنت راكب مع راعي المكسيما كان يطالعنا راعي السبورت ويضحك وتقدم علينا وسقط علينا وكمل مشيته

[CamSHAFT]

اخوي المهندز:
اللومينا اللي محركها 3.8 Block Chevy هي من موديل 99-2004
من 2005 صار محرك Alloytec 3.6
اطيب تحية

[الرائد]

من ناحية التسارع والأداء الرياضي...

اللومينا أس أس أسرع من الفكتوريا سبورت...

الفيكتوريا أثقل وزن... ومحركها أقل سعة... وأقل تورك.. وأقل أحصنة...

لكن باعتباري شخص لا اهتم بالقومات... أنا أفضل الكراون فيكتوريا سبورت...

أعتمادية وجودة أفضل... ومستوى أمان أفضل...

لكني لا أعتبرها سيارة رياضية بحتة...

وعلى فكرة...

الدفرنس في الفكتوريا يأتي بنسبتين...

1 : 2.73 (قياسية)........ وهذه تريح المكينة... وتوفر صرف البنزين..... لكن قومتها باردة..... وتناسب الأشخاص أصحاب الخطوط والمشاوير الطويلة...

1 : 3.27 (اختيارية).... وهذه النسبة تعطي تسارع وقومة أقوى... لكن تزيد من استهلاك الوقود.... وتجهد المحرك أكثر...


تحياتي،،

[الإمبراطور،،،،]

يعطيكم ألف ألف عافية :

Night Hawk
المهدس
فهد
الرائد

شكرا على المعلومات وماقصرتوا

[فيصل بن محمد]

يعني انا مستغرب من المقارنه الغير عادلة بين كروان فكتوريا سبورت وبين الهرفي الاسترالي الذي انتشلته جنرال موتورز من الخسارة الفادحة بأن صدرته الى الخليج وتسميته باللومينا والكابرس وصنع خصيصاً للخليج ومع ذلك اي شي عندنا يوضع له دعاية ينجح واللومينا هي سيارة لمدة سنه فقط واقل اما مسألة السعر فاللومينا سعرها بالسوق نازل جداً ولا يقارن بسعر الفكتوريا واسال عن لومينا وفكتوريا كلاهما فل كامل ونفس الموديل وستجد الفرق بالسعر من صالح الفكتوريا

واريد ان اعطيك جواب واحد فقط وهو ان اللومينا فقط تتميز بالقوة وللمعلومية يوجد فكتوريا كوبرا وليس معد لتصدير الينا وهو بقوة الموستنج والماوردر

[LUMINA 4EVER]

انا بقارن لك بين السيارتين على طلبك ولا السيارتين مو من نفس الفئه .......

شوف اذا انت تبي سياره قويه ورياضيه وشكلها رياضي وشبابي وتتحمل خذ الاس اس
انا مااقول هالكلام انحيازيه :D لاني عارف ان بينقز لي كم واحد الله يهديه بيقولي انت تمدح وانت وانت :confused:

بس انا اقول هالكلام بعد عشره طويله مع اكثر من موديل ونوع من اللومينا

من ناحيه المحرك مافي مقارنه مره يعني مافيها كلام ان اللومينا اس اس اقوى بكثير من الفورد

لدرجه ان اللومينا ال6 سلندر تشد بالراحه مع الفورد طبعا اقصد الموديلات اللي كان عليهامكينه 3.8 لتر ايكوتك ..ولا المكينه الجديده الويتك 3.6 اقوى من الفورد بشكل ملحوظ......

من ناحيه الشكل
اتوقع ان الشكل يختلف من شخص لشخص يعني في اللي يشوف الفورد احلى وفيه العكس وانا اتوقع ان شكل اللومينا اس اس رياضي اكثر هذا رايي وكل واحد له نظرته :)

المركب والراحه الداخليه الفورد تتفوق على اللومينا بالراحه .......المقاعد اكبر والدركسون اخف بكثير وتعليق الفورد معروف....
مركب الاس اس رياضي اكثر... المقاعد الاماميه فيها زوائد للتثبيت

اما بالنسبه لصرفيه البنزين ........ :cool: الفورد يصرف اكثر :cool:

اللومينا اس اس رياضيه اكثر والفورد مريح وواسع |3|

[MUSTANG-CAMARO]

السلام عليكم ..

اولا اخواني ..اذا تروحون المعارض راح تتفاجأوون بان اسعار اللومينا
نازلة اكثر من الفورد بكثييييير....

ثانيا..اخوي LUMINA 4EVER بغيت اصحح لك معلومتك : (اما بالنسبه لصرفيه البنزين ........ الفورد يصرف اكثر )
انت غلطان الفورد صرفية حلوة وااااجد بالنسبة للومينا اس اس

اللومينا اس اس يصرف بشكل غير طبيعي...
انا اخوي عنده لومينا LTZ صرفيته حلوه..لانه 6 سلندر
بس صاحبنا عنده لومينا اس اس 2005 صرفيته رهيبة ياشيخ..

وانت ياخي اذا تبي عزم وسرعة خذ لك اس اس

واذا تبي (تحمل) وراااحة خذ لك فكتوريا او ماركيز...


انا ارشح الفورد..من تجربة السيارتين..

تحياتي اخوي....

[الشـــرس2006]

أخوووي أنا رأيي الشخصي
توكل على الـ SS ألإسترالي افضل من الفورد سبورت الأمريكي مليرات المرات أكبر دليل نجحاته عندنا في الشرق الأوسط
أعتماد الشرطه السعوديه عليه
الووومينا SS : ميزاتها:
1> هيكله قويه متينه تتحمل الصدمات الهيكل لك وللعمر أنشاء الله
2>مكينه تصل قوتها إلى 350 حصااان و تتحمل أثبتت نجحاتها في الشرق الأوسط و إستراليا المكينه لك و للعمر
3>توفر قطعها أفضل من الفوورد وسعرها أرخص من الفوورد
4> فخمه رياضيه
5>ثابته في الطريق و راسيه
6>صرفية بنزينها مناسبه وذالك أن قستها بقوت المكينه
7> تعليق ريااضي
8>أنظمة الأمان مناسبه
9> مطلووبه عند البيع سعرها بدأ يرتفع في السيرات المستعمله
10> تصل سرعة السياره إلى 260
11> مرنه مع أجواء الشرق الأوسط و مناسبه لها
وهناااك غيرها من الميزات الكثير
عيوبها:
1> طبلوونها الأخضر الي يجيب المرض
2> مساحتها الداخليه أصغر من الفورد
3> الفورد أريح و أفخم منها
4> تنسيم للهواء خفيف من رأيي هاذي ميزه لأنها توازن الظغط خارج السياره بداخلها
وغيرها
الفووورد سبورت : ميزاتها :
1. مريحه و فخمه
2. قويه لاكن الوومينا أقوى منها
3. أفضل من الومينا في صرفية البنزين
4. راسيه في الخط
5. مقود الدركسون أخف من الومينا
6. فيه تنسيم ولاكن أفضل من الومينا
وغيرها الكثير
عيوبها:
1. أبطاء من الومينا
2. أضعف من الومينا قوه
3. منظرها كلاسيكي ولا أظنه سيتغير
4. هيكلها ضعيف جداً حيث أنها تسخدم أدنى من الحد الأدنى من الفولاذ الآزم لحماية الركاب
5. أذا تعديت 120 أو ماربط حزام الأمان تزعجك السيارة بركات فولفو والله
6. أقل تحملا من الومينا وذالك بعد سؤالي لخبراء في السيارات
7. تبريد المكيف جيد ولاكن الومينا أفضل
وغيرها الكثير


من رايي أذا بتاخذ لومينا خذ بنصيحتي وغير لمبات الطبلون
أما أذا بتاخذ فورد فخذ بنصيحتي وخلك رابط الحزام و لا تشغل أغاني وتشهد كل خمس ثواني

مع تحياااتي أخوكم الشرس

[فيصل بن محمد]

اللومينا سيارة شرطة ...الله يسلم الجميح صفقة مربحة للغاية بإن يعطي الشرطة سيارات لومينا وبسعر نازل جداً عن السعر الاساسي وكي يجعل لها دعاية ولدي سؤال للذي يمدح اللومينا اين هي في اميركا ولماذا لم تثبت وجودها في اكبر سوق في العالم وهو سوق اميركا والذي يتكلم عن التحمل هل يعقل ان اللومينا اكثر تحمل من الفكتوريا ...الفكتوريا سيارة عريقة واثبتت وجودها وتحملها في اميركا والسعودية وكثير من البلدان واميركا وبوليس اميركا شاهد على ذلك حتى هذه اللحظة وكذلك مبيعات الفكتوريا في السعودية عالية جدا ويكفي ان قطاع الامن العام والدوريات اغلب سيارته فكتوريا ويكفي ان السوق السعودي يستورد الفكتوريا المستعمل ويباع الفكتوريا كما تباع مياه الصحه واللي يمدح ال SS نقوله اليوم وانا في معارض النسيم وجدت كابرس SS موديل 2001 ماتعدى 25000 الف و قدامه فكتوريا سبورت قير ارضي موديل 2002 اميركي يسام ب 40000 الف
اما من ناحية تشهد اذا اخذت فكتوريا اشوف كل اللي اخذو فكتوريا ماتو الله يرحمهم ( كلام غير منطقي ) الفكتوريا اثبتت وجودها قبل اللومينا اما اللومينا فهي بصراحة اشبهها بقوطي صلصه ( صدام امامي مافيه صدام خلفي مافيه صغيرة الحجم وتصلح للشباب المراهقين الذين يستعملونها لمدة سنه او اقل ثم يبدولونها بسيارة اخرى ( فكتوريا سوف تجدها في كل مكان وزمان )

[M-A-X]

عزيزي فيصل سبورت

الله يعينك ألحين تشوف

حرب عالميه من عنصريين

الخرفان الأستراليه يا رجل

كلمة حق ما يقولونها لو أيش

فرحانين بالسرعه بس وطبلونها

260 كلم يعني بالله أنا

بأخذ سيارة عشان سرعتها !!

أذا على السرعه شوف بالله أنا

عندي s320 ولا عمري تعديت 150 كلم

وهو ملك الخط يعني أشياء تافهه

والله وعلى فكره أذا الخرفان الأستراليه

تعدت مقياس التقييم الأمريكي أو المواصفات

والمقاييس الامريكيه (( 2,5 من 5 )) وخلها تتعدها

وبعدين يحلها ربك وأيضا السعوديه ومدري أيش

والشرطه وخروف مرغوب عندنا وصنع خصيصا للخليج

أقول خلهم يصرفونها بشئ ثاني بس عندنا ناس مدري

شلون تفكر لو تعطيها أيش ما همها مثل شركة تاتا هذه

وأقسم بالله نكته ياشيخ وماشي سوقه عندهم بكل همجيه

الله يستر عليهم اللهم أمين وأذا جاء الشفر اللي يوصل

(( 5 من 5 )) نجوم من الفكتوريا يا شيخ أنا أكتب أسمها

بالتوقيع حقي مع أحترام لبعض سيارات شفر المعروفه

مثل الكورفت و الكومارو ولكن gmc هذه تحيه أحترام لها

على العموم شفر ليست بمستوها المعهود وهذه الحقيقه

يا أصحاب اللومينا والكابرس وما فيها شئ الحق يقال

وكلنا من عشاق الكابرس 89 وقفت أننا نعابط على الموديل

الحديث لا والله لكن اللي فيه عيب ينعرف وياليت عيب بل عيوب

واتمنى أنكم ترسون على بحر المسأله ليست عنصريه يعني

أنت بتضر الأخ اللي كاتب الموضوع وغيره أذا بقيت كذا

ومن متى اللومينا قطعها أرخص بالله لا أحد يسمع الاخ

اللي قالها ويجلس يضحك على هالكلمه ولا أقولك اللومينا

أرخص قطعها من الكامري بعد ههههههههههههههههه

ســـــــــــــــــــــــــــــــــــــــــــــــــ ـــــــــــــــــــــــــلام

[الشـــرس2006]

من ناحية التحمل أنـــا عندي لومينا موديلها 99 و ما شاء الله إلى الآن ماوديتها ورش ولا خربت علي أعتقد ثمان سنوات من التحمل و ذالك في الجيل الأول للشركه من هذه السياره كفيل أن يثبت مرونتها وتحملها أما الفورد في واحد من أخويائي أشترى فورد موديل 2000 يعني نفس موديلي تقريبا و الآن يعاني من مشكله في القير و طرنبة البنزين.
و من ناحية الهيكل صراحه مره صقع سيارتي واحد راعي كابرس 92 (سياره حديد في حديد) من جماعتنا وهو طالع من موقفه و سيارتي ماصار لها شيء وفي حادث ثاني بعد لومينا 2001 مع جيب باترول 98 الجيب باترول أنعدم الر فرف حقه إلي على اليمين حقه و لومينا أنكسر الشبك الأمامي مع دخول شيء بصيط من وجهية الومينا عند الشبك الأمامي أما عن هيكل الفورد صراحه أنا نفسي ما صدقت صراحه يوم شفت برنامج في قناة MBC2 يتكلم عن الحوادث وقتها أنا ما توقعت بأشوف فورد من قائمة حوادث التي يتأثر بها هيكل السيارة و المفاجئه كانت أمرئه تقود سيارتها من نوع فورد أكسبدشن و أنقلبت السياره عليها بطريقه لا يسع الوقت لشرحها و الفاجعه أنسيه تواصلت في الإنقلاب وكان الحدث الغريب أن السياره من أول قلبه أصبحت السياره كشف أي أن السقف دخل و داخل السيارة عندما رأى زوجها عرض الحادث كان مندهشان أخذ شريط الفديو وقام برفع محاكمه مطالبا بتعويض مادي من الشركه و الخبر الآخر الذي يكشف لنا هذه الحقيقه قناة CNBC العربيه في برنامج سوق السيارات كانت تذكر أسماء الشركات التي لا تستخدم الفولاذ في صناعتها لهيكل السياره أنا قلت هذا وقت السيارت الآسيويه (كوري و ياباني) فبدؤ بذر الشركات نيسان و هيونداي و فورد... ألخ منغيرها من الشركات و أنا من ناحيتي رأيت حادث أمامي لسيارتان من نوع فورد و الأخرى من نوع ميركري الفورد أسطدمة في الشجر على جانب الشارع و الميركري أسطدمت بعمود الإضائه في الشارع المهم في السالفه أن السياره تحولت إلى ورق لم تبقى فيها جهه سليمه و الميركروي تحولت إلى ورق ولاكن الجهه التي في اليمين كانت شبه سليمه
من ناحية عدم أنطباقه على قوانين السلامه االامريكيه أولا لأن الومينا و الكابريس لازم تصير تفصل على سرعة 180 ولازم يكون الجلنط في الأسفل وغيره مما لا يسمح لشركه في بداية أنتاجها القيام بها و يكون و من وجهة نظري هذه الشروط لا أرى أهميه لها
ومن ناحية الشعبيه والسعر الثابت الومينا و الكابرس يثبت سعرهما أفضل من الفور فورد لخوي مديلها 2000 جابت له 19000
و الومينا حقتي جابت 30000
ومن ناحية الشرطه ما أظن الشرطه أغبياء بياخذون سيارة ماشافو قدراتها الجدير أن شركت هولدن الإستراليه في هذه السنه قامت بأحضار مندوبين من الدول الخليجيه للشرطه إلى مصنعها في إستراليا المتعلقه في صناعة الومينا و الكابريس في قسم الإختبار ومعرفة قوة تحمل الومينا لعام 2005-2006 وسيطرتها وأنظمة الفرامل و أنظمت الحماية و قام جريدة الإقتصدية بذكر الخبر وقامة بطرح أسئله على المندوبين الذين حضرو و كانت أجابتهم براضهام عن هذه التقنيات الجديده

تحياااااتي لكم أخوكم الشرس ...........

[الشـــرس2006]

أخوي بالله عليك لا تقووولي قناة MBC و قناة CNBC و جريدة الأقتصادية الجميح معطيهم فلوس علشان يسبون فورد

تحيااااتي

[الرائد]

خلونا من السوالف والكلام والقصص المتناقضة...

هذه اختبارات السلامة للفورد...

http://www.safercar.gov/NCAP/Cars/3482.html


وين اختبارات السلامة للهولدن؟؟

[MUSTANG-CAMARO]

اخوي الشرس شفيك معصب حالك ومتهجم على الفورد وتقول لي حوادث السيارة صارت ورق
ومدري ايش..انا بثبت كلامك انه كله غلط..

اولا ..لانك ماتحب الفورد ..لذلك تروح تراقب جميع حوادث الفورد وتنسى حوادث السيارات
الاخرى
بما فيها اللومينا....

وجالسيين تقولوا لي قطع اللومينا ارخص من الفورد..ههههههههههه ..في زمن من صارت هذي.

وبعدينالفورد يتحمل اكثر من اللومينا.. ولدليل ..مابقول ان الفورد منتشر عندنا بالسعودية بس..
انت روح شوف امريا جميع سيارات الحكومة بما فيها الشرطة والمباحث وحتى التاكسي كلها فكتوريا.

والله ملعوب علينا ..لومينا صممت للخليج ..ماشاء الله عليكم ..هذي شركة هولدن كانت خسرانة..
وبتقفل لو ..ما شركة GM انقذتها من الافلاس ...واستفادت GM منها ايضا بأن بأنقاذ نفسها من جزء من الخسارة..

هذا الا عندنا ماهو لومينا ولا كابريس ..هذي سيارات

كانت موجودة من قبل في هولدن ..طورتها هولدن شوي وجابتها لنا جي ام وقالوا كابريس ولومينا...

وبعدين مكينتها ال LS1 هذي تجميع استرالي ..

وبعدين تقولي عندك 99 وتتحمل .. وصاحبك عنده فورد 2000 وبيضرب ..لالالا

اقولك اصحابي الا عندهم لومينات ..وبالاخص اخوي ..كل يوم وطالعة مشكلة

ديكور ..ماشاء الله ..سنة وحدة وتقول ددسن موديل 86 شنو هذا

ولا ..كل 4 او 5 شهور يبدل البريكات(القماشات) والهوبات .لا ويشتريهم من الوكالة..ماشاء الله
صناعة رديئة..والله اخوي كاسر خاطري..

روح شوف المعارض واحكم على الاسعار..الفورد 96 ماينزل عن 24 الف ريال وانت تقول
انا ماعمري شفت لومينا 99 او حتى 2000 ب 25 الف وانت تقولي 30 الف..

واذ بتتكلم عن سرعة ومدري ايش ..
تبي سرعة ليش ماتاخذ لك كميرو او كورفيت او موستنج
تقلي لومينا تجيب 260 كلم..

وهذا كله من واقع تجربة انا مااجيب كلام فاضي ..ومن كلام منتديات اجنبية وامريكية
انت روح ادخل المنتديات الامريكية وشوف وش يقولون ..احنا ملعوب علينا في الخليج..



وفي النهاية كل واحد ورايه...بس الحق ينقال..


تحياتي...

ا

[فيصل بن محمد]

اسمعو ياشباب هذه القصه

انا مره كنت امشي بالفكتوريا بسرعة 300 وصدمت تريله كانت واقفه
تصدقون نزلت من السيارة وقعدت امسح البوية حقت التريله من صدام الفكتوريا وركبت الفكتوريا وكملت طريقي

هذي مثل قصص اللومينا اللي صار لها حوادث ولا جاها شي

دوريه لومينا شوفت عيني جاي مسرع وصدم جمس من وراء ..الجمس صدامه دخل شوي اللومينا حدث ولاحرج الدعامية رجعت على وراء الكبوت طلع زي الخيمة الاديتر صار يهرب ماء وسلامتكم

[CamSHAFT]

فيصل سبورت وش فيك معصب من اللومينا؟
اذا ما تبغاها لا تشتريها, وقول ربي يوفق ملاكها ويهنيهم بها
اعتقد انك ارقى من هالاسلوب..
اذا لك عليها سلبيات اذكرها بشكل نقاط بدون تحيز...-صرفية بنزين-كراسي تكسر الظهر-مدري ايش
وبالنسبة ليش ماتجي لأمريكا؟؟
يالغالي النقطة اصعب من ان تشرحها بسطر ولا اثنين
هذا تسويق..علم تدرس فيه 4 سنوات بكالريوس ولا تخلصه,,
مو لأنها امانها ما يسمح...كلام نسمعه من 8 سنوات واتحدى اي شخص يثبته من المعهد الأمريكي للمواصفات والمعايير
اقول لك باختصار:
يوجد بديل للومينا في امريكا..من بويك..اسمها مونت كارلو او لاكروس...نفس مواصفات المكينة وغيرها..
,
تحياتي للجميع

[فيصل بن محمد]

الاخ العزيز / اNight Hawk
انا ماعصبت على اللومينا بل بلعكس والله معجتني ال ss وشكلها رياضي وكنت اتمناه بس لولا عيوبها ونصحية كثير من الناس الذين لهم تجارب معها وسبق اني استخدمتها لفتره ولكن ماعجتني كا اداء وراحه وانا لا اتكلم عن التسارع اوالسرعة ولكني اذا رايت بعض الاخوان معصبين على الفكتوريا ويسوون مقارنات غير ايجابية وكلام غير منطقي فاعذرني اذا تكلمت بنفس الاسلوب لان بعض الناس لايفهم الا اذا تحاورت معه بنفس اسلوبه

اما اذا اردتني ان اتكلم كلام علمي وثقافي ومنطقي وان اوضح نقاط الضعف والسلبيات في اللومينا فيجب ان يكون الطرف الاخر يتحاور معي بإسلوب منطقي وانا اريد ان اعطيك الخلاصة بأني اتعامل مع الاشخاص على حسب ثفافتة وحسب معرفته وحسب طريقته حتى يكون تفاهم في الحوار

واخيراً لك تحياتي معطره بالورد والريحان

[الشـــرس2006]

أسمع أخوي فيصل سبورت أنا عطيت مقارنتي و إنت ما قصرت أعطيت مقارنتك حسب معرفتنا بالسيارتين و ماله داعي نطول في سالفه تشتت أخونا الأمبرطور



من نظري الفورد سياره عائليه هي من أفضل السيرات في الشرق الأوسط للعائله ومناسبه للسفر ولا أرى أنها تتناسب بأن تكون شبابيه

تحياااتي..

[فيصل بن محمد]

اذن ليضع اخونا الامبرطور استفتاء بين ايهما افضل من ناحية التحمل والعملانية والجودة وليس السرعة والتسارع لإنه بامكان فورد وضع الفكتوريا طيارة ولكن لن تكون في متناول الجميع بسبب التكلفة العالية وللمعلومية بالنسبة للوكيل هو الوحيد الذي بأمكانه ان يطلب من فورد ان تقوي المكينه او تغير الشكل الخارجي او اضافة اكسسوارت ولكن هذا ليس في مصلحة السيارة لان التفكير دائما ينصب في مسالة الاسعار,,,واليكم هذه المعلومة بأن المسؤل عن الفكتوريا في الوكالة هو الذي طلب وضع جنوط السبورت على الاستندار لكي يعطيه نكهه رياضية وبالنسبة للفل كامل وضع جنطها ال 16 ولكن كتغيير طفيف بالشكل حتى يجعلها رسمية ولكبار السن.
وهذه معلومة اخرى... عام 2004 وكيل ميركوري بالرياض الحاج على حسين استورد المارودر كتجربة تسويقية ووضع سعرها بمئة واربعين الف ولكن لم تباع الا 8 سيارات او اقل وبذلك اوقف استيرادها لعدم وجود قوة شرائية بسبب السعر ولكن لو كان المارودر نفس سعر الفكتوريا او الميركوري العادي هل تعتقدون بأنه سيبقى لديهم كمية بل انا متاكد بأنه سيتم حجوزات على المارودر بسبب انه جمع الشكل الرياضي والكلاسيكي والرسمي والحجم الكبير والعائلية والقوة والتسارع في قالب واحد

واخيراً ارجوا اني افدت واستفدت من حواركم الشيق ولا احد يزعل مني او ياخذ بخاطره خاصة اصحاب اللومينات ( احبها بس لولا مشاكلها كان من زمان معي)