(بريللي + ميشلان + قودير ) وش افضل

[SالقايدS]

السلام عليكم ورحمة الله وبركاته
كيف حالكم ياخوان
انا ابغي اغير كفرات القراند ماركيز بس احترت ما بين البريللي والميشلان والقودير
فالميشلان على حسب ما سمعنا انه ثابت على الخط ولكن قاسي مع المطبات بس الثبات اهم بالنسبة لي
واللي لقيت ميشلان امريكي
والبريللي ما ادري عنه هل هو اثبت من الميشلان والقودير والا اقل ثبان واللي لقيت امريكي
والقودير ما اعرف عنه شي بس اللي لقيت الماني
اسعارهم كالتالي
طبعا كلهم حجم 16- 60 - 225 والسرعة 210
الميشلان 480 ريال
البريللي 400 ريال
القودير 435 ريال

ولو تكرمتوا يااخوان اشيروا علي
وكيف اعرف تاريخ الكفر هل هو جديد والا ماكل عليه الزمن وشارب
ولا تطرون لي الانواع الباقية
ارجو منكم ابداء الرأي الناتج عن الخبرة
ولكم جزيييييييييييل الشكر

[soso_ss]

الميشلان 480 ريال
البريللي 400 ريال
القودير 435 ريال
مدام معاك قراند ماركيز
ركب قود اير او ميشلاااان
اغلب لي معاهم فورداات يرحبو قود اير او ميشلااان

[SالقايدS]

شكرا لك اخ سوسو بس خلص الحين ابي اكنسل البريللي
طيب الحين نبي نسوي تصفيه بين الميشلان والقودير
اي واحد ؟؟؟؟؟؟؟؟؟؟؟؟

[BFHvette]

مشيلان او بريجستون|1|
http://www.tirerack.com/index.jsp
جرب هذا الرابط حدد المقاس والنوع والاطار الي يعجبك تجد في الصفحه الخاصه به رابط اخر يعملك مقارنه بينه وبين اشباهه
بالتوفيق|3|

[SالقايدS]

الله يعطيك العافية BFHevtte على هالرابط المفيد

[dodge lover]

طبعا ميشلان بدون جدال وأذا حصل أصلي فرنسي فأفضل

[الرائد]

تحدثت في هذا الموضوع بخصوص إطارات الماركيز...

http://www.assayyarat.com/forums/showthread.php?t=79129


وأرى أن الخيارين الأفضل هما..


بريللي P7

http://www.opony.com.pl/opony/foto_new/pirelli_P7.jpg


و الميشلان الفرنسي Michelin Pilot Primacy

وهذا هو الإطار اللي ركبته مؤخرا... وبصراحة ممتاز وراسي.. وما لاحظت عليه أي ازعاج...

قيمته 510 ريال للكفر الواحد...


http://www.uvl.ru/img/tires/Michelin/pilot_primacy_big.jpg





تحياتي

[SالقايدS]

الف شكر اخوي dodge lover
والف شكر اخوي الرائد على التوضيح

[عميد الطائف]

.
http://www.filaq.com/upload/Pictures/redqaf.gif

هلابك اخوي...
بصراحة ترى البريللي كفر لا يعلى عليه ... صحيح غالي لكن قيمته فيه.
والفورد عموما اذا ركب عليه كفر بريللي مناسب يصير كأنك تمشي على حرير ماهو على ازفلت.
ومعروف انه مع الفوردات يعطي راحة ركوب خيالية جداً. لكن البعض ما يحبونه لأنه مع المطبات القوية جدا يحبل.

واذا تبي الشور ترى كل الكفرات اللي انت ذكرتها ممتازة.
لكن البريجستون برضه من أفضل الأنواع. وسعره مناسب ومضمون ومواصفاته وأداءه عالي.

شوف هذا كفرات بريجستون مركبها على لنكن 2002 تبع اخوي.
يتحمل سرعة 270 ( طبعا ماحد راح يمشي عليه 270 بس زيادة في الأمان )
وتحمله للحرارة: A . يعني يستحمل أجواءنا.
وهذي صورة الكفر على الموتر والدعسة بعد شكلها زين:
http://www.filaq.com/upload/Pictures/ameed-lnc.jpg
وسعره 305 تزيد وتنقص شوي.

http://www.filaq.com/upload/Pictures/redfat.gif

[SالقايدS]

الف شكر اخوي على هذا الجهد
بس بغيت اسال
هل البريللي مثل ثبات الميشلان على الخط
والتحبيل اللي يصير فيه مع المطبات القوية وشلون يصير اذا انك تاخذ المطب بشويش (هل قصدك انك تاخذ المطب على سرعة عالية)

[مهووس السيارات]

أخوي أنا عندي ماركيز 2004 عليها كفرات بريللي من الوكاله وأنصحك ثبات عالي جدا وراحه ممتازة بس عيبه يطلع صوت على الطريق

[SالقايدS]

اخوي مهووس السيارات مشكور على المرور
بس بغيت اعرف هل الصوت هذا ملحوظ ومزعج والا عادي

[بو العابد]

انت ساكن في الجامعه ؟
إذا ماعندك مشكله في المبلغ ركب بريللي

[SالقايدS]

اللي بالجامعة يعني فرط ؟
الا منتف وماكل هوى وش ترجي من الطلاب مكافاة وينتفون منها
بس الله يخلي الحوالات
والله العالم اني ابي اركب بريللي

[بو العابد]

اشفيك كأنك فاهم غلط الجامعه مالها دخل بالفلوس أنا اسأل إذا انت ساكن في الجامعه لأني ساكن في الجامعه بس :)

اما كلامي إذا ماعندك مشكله في الفلوس لأن البريللي يبيله و في انواع أرخص من

[SالقايدS]

انت قلت :-

انت ساكن في الجامعه ؟
إذا ماعندك مشكله في المبلغ ركب بريللي

انا فكرت كلمة ( إذا ) مكسورة يعني تنطق كذا (إذن)
اللغة العربية خطير حركة وحدة تغير المعنى
يعطيك العافية اخوي ابو العابد وشد حيلك بالفاينلات <<<<< مصطلح بالجامعة معناه الاختبارات النهائية

[polo2003]

اخي العزيز انصحك ببرللي انا مركب كفرات من عندهم ماشاء الله احسن ما يكون ونوع النقشه P6000
بعدين اذا انت في جدة روح حق المعرض في شارع صاري مع طريق المدينة المنورة روح واسأل عن واحد اسمو نبيل وبيعطيك اسعار حلوة

[SالقايدS]

الف شكر اخوي polo2003 على النصيحة لكن انا ماني بجدة انا من الشرقية بس انشالله اخواننا اللي من جدة يستفيدون من كلامك
تحيااااااااتي

[ooo.ooo]

أخوي أنا بأنصحك :

إذا بتركب ميشلان خذ ميشلان فرنسي .

وإذا بتركب بريللي خذ بريللي ألماني (رح تحصله عند الوكيل) لأن مشكلة التحبيل في الأنواع اللي تجي صناعة برازيلية غالباً .

أما البرجستون ممكن تحصل نفس المواصفات بسعر أقل ولكن مستواه أقل أيضاً .

[SالقايدS]

الله يعطيك الف عافية اخوي ooo.ooo على هالنصيحة
وانا اشكر كل الاخوان اللي شاركوا في هذا الموضوع

وانا ابشركم فعلا شريت بريللي ألماني(P6)
225 - 60 - 16 AA
الواحد بـ 400ريال

بس يالربع تحسفت بعد ماركبت الكفرات ومشيت بالسيارة لان ثباتها اللي يوم كانن فيها الكفرات القديمة (ميشلان شد بلد)
راااااااااااح السيارة اذا لفيتها شوي تقوم تزوح يعني لو الفها قوة شوي
اطبق حركة الموت <<< <<<<<<< متاثر بالتفحيط

ولكن الحمد لله على كل حال

مع تحيات اخوكم القايد

[مهووس السيارات]

تبي الصراحة صوته طالع حتى في فرق عندما أركب سيارة أخوي فورد موديل 2000 عليها كفرات قودير