باركو لي >> Peugeot-407 <<

[LegendA]

بسم الله الرحمن الرحيم

أخواني الأفاضل الحمد لله رب العالمين أن حلمي تحقق أخيرا وطلعت لي بيجو 407 ;) بعد صراع طويل مع الزمن

وكل عام وأنتم بخير ومتباركين بالعيد وإليكم الصور وراح أنزل لكم صور جديدة لها إن شاء الله فيما بعد

http://xs63.xs.to/pics/06025/Peugeot407-1-2006.jpg

http://xs63.xs.to/pics/06025/Peugeot407-2-2006.jpg

http://xs63.xs.to/pics/06025/Peugeot407-3-2006.jpg

تحياتي لكم :D

[عمر الشهري]

الله يعطيك خيرها ويكفيك شرها

وألف مبارك عليك هذه السيارة التي هي رمز من رموز الأناقة في عالم السيارات

حاول أنك لا تتجاوز سرعة 120 كيلو متر في الساعة كثير لكي يطول عمرها معاك ولكي لا تقع فيما وقع فيها الغير

خالص تحياتي

أخوك عمر

:)

[PEUGEOT-307]

الف مبروك أخ LegendA

على السيارة واختيار موفق |1|
الله يعطيك خيرها ويبعد عنك شرها

بيجو. صممت لتتمتع بقيادتها

:cool:

[*الـسـفـيـر*]

هلا والله

الف الف مبروووووك على السيارة .. واللون الأسود حلو عليها

احلى شي أنك مصور في كورنيش الجبيل ;) ...

تشوف خيرها ويكفيك شرها

:cool:

[الهاشمي1]

الف الف مبروووووك على السيارة

[LegendA]

بسم الله الرحمن الرحيم

الله يبارك فيكم أخواني (( عمر الشهري - Peugeot-307 - مجنون بيجو - الهاشمي1 ))

وشكرا لكم على نصائحكم والدفعة المعنوية التي أعطيتموني إياها

وكل عام وأنتم بألف خير

تحياتي

[C A D I L L A C]

سياره رائعه بمعني الكلمه

وفقت في اختيارها

الله يعطيك خيرها و يكفيك شرها

[دهنوش]

الف مبروك

الله يعطيك من خيرها ويكفيك شرها

انا لقيت وحده على الزيرو مطلعه لوحاتها فل كامل مراتب مخمل ب 75000 ريال السعر هذا كويس ؟

ويليت تقولنا ليش اخترت البجو مع ان الكثير ما يمدح وكيلها

اخوكم / دهنوش

[مصعب خياط]

ألف مبروك على السيارة الأكثر من رائعة
وعظم الله أجرك على الوكيل المتميز ^ ^

[LegendA]

هلا والله بالطيبين

شكرا لك أخي XLR_V لردك الطيب
-------------------------------------------------------
أخي دهنوش بالنسبة للسعر والله ما عندي أي خبره وإجابتي لسؤالك طبعا كانت عندي خلفية عن وكيلها الزفت قبل ما اشتريها ولكنني اقتنعت بالسيارة صرااااحة بشكلها الخارجي والداخلي والمواصفات الي فيها عجيبة جدا لأني قبل ما أحجز البيجو كنت حاجز لومينا s 2006 من التوكيلات لكن حصل خلاف و تكنسلت اللومينا وقررت أني أتوكل على الله واحجز البيجو
-----------------------------------------------------
الله يبارك فيك أخي مصعب خياط وإن شاء الله ما يضيع حق وراه مطالب ^ ^
-----------------------------------------------------

تحياتي للجميع

[*الـسـفـيـر*]

اسمح لي بسؤال متطفل شوي

ليش ما اخذت سوناتا ... هل فيها عيوب ؟؟

[LegendA]

بسم الله الرحمن الرحيم

أخوي مجنون بيجو بصراااحة |4| البيجو407 أعجبتني شخصيا أكثر من السوناتا من ناحية الفخامة و المميزات وطبعا هذا ما يقلل من قيمة السوناتا طبعا لأني كنت ناوي أطلع لي سوناتا في الأيام السابقة :D لكن الحمد لله رسيت على بر مثل ما يقولون وآخذنا البيجو

تحياتي لك |1|

[SeSo_2003]

الله يعطيك خيرها ويكفيك شرها

بس الصور مو واضحه

هذي كم موديلها 2005 او 2006

[LegendA]

حياك الله أخوي SeSo_2003

ذاك اليوم للأسف ماتوفرت عندي الكاميرا فصورت بالجوال وأوعدكم إن شاء الله بصور جديدة للسيارة

موديلها 2006

تحياتي لك |3|

[mr3b]

ما شاء الله

الف الف الف مبروك اخوي

و

الله يعطيك خيرها ويكفيك شرها

و

وفقت في الاختيار

و

تقبل تحياتي

اخوك

مرعب

[دهنوش]

لو سمحت اخوي تعطينا فكره عن درجاتها واسعارها وانت ذكرت انك حجزت هل هي غير متوفره بالوكاله

اخوكم / دهنوش

[LegendA]

الله يبارك فيك أخوي mr3b وحياك الله

أخوي دهنوش درجاتها وأسعارها بصراااحة ماعندي خلفية عنها أتوقع العضو المتميز مجنون بيجو أو أي أخ ثاني يقدر يساعدك ماراح يقصرون إن شاء الله

طبعا السيارة ماكانت موجودة في الوكالة فحجزت |13|

تحياتي لكم

[الساحر.]

مبرووووووووووووووووك

أخويLegendA على السيارة


بصراحة أحسنت الأختيار |1|


والله يعطيك خيرها ويصرف عنك شرها



وإنشاء الله راح أجيب باللي أعرفه على دهنوش نيابة عن الأخ LegendA


راح أعطيك أسعار السيارة موديل 2006 في معرض المتوكل في جدة لأن صراحة أسعارة مغرية وأرخص من بالبيد


سعر ال2000 سي سي بقوة (138) حصان فل كامل 75 ألف ريال

أما سعر 2200 سي سي بقوة (160) حصان فل كامل 84 ألف ريال مع العرض

طبعاً الفل كامل أجباري يجي معاه قير تبترونيك(قير عادي . قير أوتوماتيك)

طبعاً أنت تحدد وش تبغى لو أخذت قير عادي راح ينزل السعر ولو ما تبغى فتحة سقف (تنده) راح ينزل السعر أكثر

وأحب أقلك أنه القير العادي في 4 سلندر اللي بقوة 2200 سي سي 6 نمر والسابع رايوس

وهذا اللي لعب بعقلي

وحبيبي لو تبغى رقم المعرض تفضل

026933763

علشان تتأكد بنفسك

وأخيرا أرجو أن أكون أفدتك


سلام|3|

[LegendA]

الله يبارك فيك أخوي الساحر. وتسلم على المعلومات وماتقصر

تحياتي لكم

[دهنوش]

مشكور اخوي الساحر وماقصرت

اخوكم / دهنوش

[bashmaycry]

بصراحة أحسنت الأختيار

مثل سيارتي وانا بعد موديل 2006 ونفس اللون صار ليها 4 شهور تقريبا بس بسألك 2و2 لتر لو 2 لتر اخت

[*الـسـفـيـر*]

وأحب أقلك أنه القير العادي في 4 سلندر اللي بقوة 2200 سي سي 6 نمر والسابع رايوس
!!!!!!!!!!!!
ما اتوقعتهم يجيبوها !!!..... تسلم على هالمعلومة الجديدة

ــــــــــــــــــــــــــــــــــ

ال407 قمة سيارات بيجو
http://www.arab3.com/upload/images/Jan06/malsh22_018.jpg

[الساحر.]

LegendA

دهنوش

مجنون بيجو


الله يعطيكم العافية



بالنسبة ال 407 ( 2200سي سي) للقير العادي اللي بست نمر

سألت الموظف هل هي موجوه عندكم قال لي أجيباها لك

وعلشان تتطمن أخوي مجنون بيجو رقم المعرض موجود

أتصل عليهم

سلام|3|

[LegendA]

الله يعطيكم العافية يا شباب

أخوي bashmaycry أنا صار لي الحين تقريبا اسبوعين من استلمت السيارة لكنني تأخرت بتنزيل الموضوع :D

وطبعا أنا أخذت 2 لتر ومثل ما قال أخوي الساحر. 2.2إذا ناوي عليها أتوقع يجيبوها لك

تحياتي لكم |1|

[فؤاد طه]

السلام عليكم اول شي مبرووك يعطيك خيرها و يكفيك شرها ثانيا كم شريتها ؟؟

[bashmaycry]

انا شريتها من زمان و مأدري وش عندي 2 و 2.2 ولكني سرعت الى 230 وكل سرعه ب سيارتي 407 حتى صارت عزمها أقوى والبودي تأثر من السرعه شويه

[Tiguan King]

الله يعطيك خيرها و يكفيك شرها



ألـــــــــــف مبروووووووك



بكم أخذتهـــا..؟؟؟؟



تحياتي

[LegendA]

بسم الله الرحمن الرحيم

هلا والله بالشباب وآسف على تأخري بالرد عليكم لسبب الامتحانات

فؤاد طه : الله يبارك فيك إن شاء الله وقيمة السيارة 81 ألف عند الوكيل بالبيد |1|

bashmaycry : حياك الله أخوي ومشكور على التعقيب :D

رنـج روفـر : الله يبارك فيك إن شاء الله وطلعت علي السيارة فل أوبشن 81 ألف

وحياكم الله

تحياتي لكم

[بوحميد 777]

مبروووووووووووووك الف مبروك

الله يعطيك خيرها ويكافيك شرها

وصراحه سعرها جدا مناسب لها كسياره اوروبيه

اخوك :

بوحميد777

[LegendA]

بسم الله الرحمن الرحيم

الله يبارك فيك أخوي بوحميد 777 وشكرا لك على التعقيب وحياك الله :D

تحياتي لك

[*الـسـفـيـر*]

بالنسبة للسعر والله ما عندي أي خبره وإجابتي لسؤالك طبعا كانت عندي خلفية عن وكيلها الزفت قبل ما اشتريها ولكنني اقتنعت بالسيارة صرااااحة

موجودة ورشة بيجو بالقطيف وفيها القطع الستهلاكية وعندهم خبرة في البيجو وعندهم صيانة لكن ما انصحك تسوي الصيانة عندهم خصوصا اذا كانت صيانة الA لأن ما عندهم كمبيوتر فحص

واذا انت من الطلاب اللي كل يوم يروحوا ويجوا الكلية يعني بتحتاج صيانة مرة وحدة بعد كل سمستر

[LegendA]

بسم الله الرحمن الرحيم

هلا والله حبيبي مجنون بيجو

اليوم رحت للوكالة وشيكوا على السيارة والحمد لله ولكن قلت لهم انو عندي رجة قوية في الدركسون بعد المية والثلاثين وزبطوها :D
والحاجة الثانية اني ذاك اليوم فرشت ارضية السيارة بلاستيك وتعطل عندي الايرباقز بسبب انه العامل كبس على الشرايح تبع الايرابقز الله يهديه وقال لي راح تكلفك 600 ريال ثمن التصليح |4|

عندي استفسار اخوي مجنون بيجو : ايش الحل مع المسجل ؟؟؟؟؟؟؟؟؟؟ ما يشغل الا تراكااات ؟؟؟ :mad:

والا السيارة ما عليها كلام الصرااااااااااااااااااااحة |1|
وبالنسبة للكلية فأنا أجلس هناك بالاسبوع وانزل يوم الربوع |13|

تحياتي لك أخويي مجنون بيجو

[عاشق الاوبل]

اولا مبروك عليك السياره والله يعطيك خيرها ويكفيك شرها.....

انا اعجبتني السياره وناوي اشتريها بس ودي اسئل بعض الاسئله من باب الاحتياط عشان اتخد القرار عن اقتناع فأتمنى انك توسع صدرك علي:
اولا كم للسياره معك الى الان وكيف تقييمك عليها من ناحيه التماسك وقوة المكينه مع انه قالي انها 160 سلندر احس انها قليله ولا وش رايك وعن المكيف وعن حرارة السياره وعن استهلاكها للوقود مع العلم اني راعي خطوط الرياض الشرقيه كل اسبوعيين وعن الصيانه وعن الوكيل وخدمات ما بعد البيع وهل السياره ثقيله في المشي والمسجل كيف وعطنا ادا في سلبيات على السياره انت لاحظتها فيها .

معليش كثرت عليك بس وسع صدرك انا ادور النصيحه فاتمنى اني القاها عندك وشكرا
|3|

[الساحر.]

آسف على المداخلة



خلال الأسبوع هذا إنشاء الله راح أنزل موضوع مفصل عن بيجو 407




وأسمع من اخوك إذا كنت تبى تشتري ال407 , 4سلندر خذ 2,2لتر ( بقوة 160 حصان) قير عادي لأنه 6نمر والسابع رايوس




سلام |3|

[M.G.M]

مبررررررررررررررررررررررررررررررررررررررررروك
مبرررررررررررررررررررررررررررررررررررررررروك

الله يعطيك خيرها ويكفيك شرها

وانشاء الله تتمتع بقيادتها الجميل

وبصراحه في الاربع السنوات الاخيره ابدعت بيجو في انتاجها




تحياتي لك
ومشكور على الصور

[SHEVA_007]

الف الف مبروك يا باشا

ربنا يباركلك فيها و يحفظهالك و يعطيك خيرها ويكفيك شرها

عقبالنا يا رب :D

[LegendA]

بسم الله الرحمن الرحيم

أخوي عاشق الاوبل : بالنسبة لأسئلتك راح أجاوب عليها بصراااحة :D
صار للسيارة معي الآن تقريبا شهر وتقييمي للسيارة وطبعا 2 لتر :rolleyes: أكثر من الممتاز
وبالنسبة للمكيف جربته في الظهر كووووووووووووووول مرة واستهلاك الوقود مممتاز جدا يعني يمديني أروح الجبيل وارجع مرتين ويفضل بنزين يعني اقتصادية وعن الصيانة وعن الوكيل أنا في بداية المشوار وإن شاء الله خير |1| مع أنه أكثر الشباب ما يمدحوا في الوكيل لكنني بالأمس رحت الوكالة كانت تعاملهم أكثر من طيب معاي |4|
وبالنسبة للسيارة إلى الآن مالاحظت لها ثقل والمسجل عيبه شي وهو أنه ما يشغل الا ترااكااات

واحنا حاضرين اخوي للإجابة على تساؤلاتك

يعطيك العافية أخوي الساحر. وماتقصر |1|

الله يبارك فيك أخوي M.G.M
الله يبارك فيك أخوي SHEVA_007 وإن شاء الله عقبالك

تحياتي للجميع

[*الـسـفـيـر*]

عاشق الاوبل

معلش بتليقف كعادتي :D

مكائن البيجو 407 ليست جديدة ... كانت تستعمل في ال406 وأعرف واحد عنه 406 حجم المكينة 2000 سي سي قطع عليها اكثر من 200الف كيلو وماشاء الله عليها .... وفي الإمارات تكاسي البيجو يكودون كد

الفرق ان مكينة ال407 اضافوا لها نظام الVVT اللي يوفر عزم مناسب على كل السرعات ويعطي متعة القيادة

أما المكينة 2.2 لترما اظن قليل فيها 160 حصان

لان الكامري مكينتها 2.4 لتر وقوتها 166حصان


عندي استفسار اخوي مجنون بيجو : ايش الحل مع المسجل ؟؟؟؟؟؟؟؟؟؟ ما يشغل الا تراكااات ؟؟؟

ما لك إلا اتغير المسجل أو تركب سي دي جارجر ... الأفضل اتخليها شد بلد كفاية تحذير الإيرباقز اللي طالع عندك

وترى ناس كثير صار لهم مثلك ... إذا غلفوا الأرضية يتعطل الإيرباق ... بس في سيارتي ال307 غلفت الأرضية عند محل غالب وما صار شي ...

[عاشق الاوبل]

يعطيكم العافيه على التجاوب السريع بس ابي اقولكم شي البيجو طاحت من عيني ما ادري ليش اليوم رحت للوكاله بالبيد واخدت السياره الي حاطينها للتجربه وجربتها علما ان السياره 2005 قير عادي السياره ما فيها عزم ابد وثقيله شوي ومطبها قوي والاصوات الخارجيه تحس فيها على طول صرفت النظر عن هادي السياره صدق التجربه خير برهان بعدين وانا في الحاره الي كنت اجرب فيها وصلت الى الخامس مع ان الطرق داخل الحاره مهي طويله مكينة السياره قهرتني وحطمتني لاني كنت متحمس على الميزات الي كانت فيها هدا ما حبيت اوصله لكم من خلال تجربتي الميدانيه


وشكرا |3|

[ابوسهم]

الف مبروك الله يعطيك خيرها ويصرف عنك شرها
عاد ما اوصيك بالمحافظة عليها والانتظام على الصيانة

وياليت تعطينا مواصفاتها

مع تحيات وتقدير ابوسهم

[كامري]

مبروك على السيارات الاكثر من روعه

وعطنا انطباعك عن السياره كيف راحتها رساوتها قارنها بمنافسينها الاكورد الكامري الالتيما السوناتا وعطنا رايك فيها

كيف الوكيل معك

[LegendA]

بسم الله الرحمن الرحيم

أخوي عاشق الاوبل حياك الله ونحن في خدمتك ولك حرية الاختيار :D ومع تمنياتي لك بالتوووفيق إن شاء الله
----------------------------
الله يبارك فيك أخوي ابوسهم وابشر خير إن شاء الله
مواصفاتها :
- سعة المحرك : 2 ليتر ،، 138 حصان
- الأسيات الأمامية كهرباء
- فتحة
- جنوط 17
- الأسيات مخمل اللون بيجي
- اللون الخارجي أسود
- 8 آيرباقات
----------------------------
الله يبارك فيك أخوي كامري وانطباعي عن السيارة الآن بعد ما تجاوزت 2000 كلم ممتاز ولا أستطيع أن أقارن بينها وبين السيارات الأخرى لاني ماعندي خبره بالباقي |13|
والوكيل للآن بعد أول زيارة لهم أكثر من جيدة

تحياتي لكم

[*الـسـفـيـر*]

يعطيكم العافيه على التجاوب السريع بس ابي اقولكم شي البيجو طاحت من عيني ما ادري ليش اليوم رحت للوكاله بالبيد واخدت السياره الي حاطينها للتجربه وجربتها علما ان السياره 2005 قير عادي السياره ما فيها عزم ابد وثقيله شوي ومطبها قوي والاصوات الخارجيه تحس فيها على طول صرفت النظر عن هادي السياره صدق التجربه خير برهان بعدين وانا في الحاره الي كنت اجرب فيها وصلت الى الخامس مع ان الطرق داخل الحاره مهي طويله مكينة السياره قهرتني وحطمتني لاني كنت متحمس على الميزات الي كانت فيها هدا ما حبيت اوصله لكم من خلال تجربتي الميدانيه


وشكرا |3|

يمكن انت متعود على مكاين قوية لأني اشوف مكينتها ال 2.2لتر معقولة والظاهر ان اللي جربتها انت بالوكالة هي 2000سي سي ... قريت في موقع أن تسارعا ال2.2 لتر يآخذ تقريبا 9 ثواني للمئة مع القير الآتو ... يعني مثل الكامري 4سلندر ويمكن افضل

والتمرين له دور كبير

أما صوت الأرض والخشونة على المطبات هذي سببها الكفرات لأن عادة الكفرات الفرنسية تكون قاسية ومزعجة لذلك تسمع صوت الأرض .... كانت كفرات سيارتي ال307 قوديير وغيرتهم لبريجستون وما شاء الله اختلفت كثير وصوت الأرض أختفى والدركوسن صار أخف واهتزازها على عيون القطط اتحسن كثيير
والأكورد مثل ال407 ..كفراتها نوع ميشلان ولو تجربها بتلاحظ صوت الأرض
وعيب ال407 ايضا ازعاج الهوا على السرعات العالية

والله يوفقك في رحلة البحث عن سيارة جديدة :)