المساعد الشخصي الرقمي

مشاهدة النسخة كاملة : نصيحة بسرعة محتاج لكم


راعي التكيات
09-01-2006, 05:20 AM
السلام عليكم

كيفكم

بعد ما نويت على الكورولا

شفت حق زميلي خش على سيارة خفيفة
والحديد تقطع والظاهر انه بلاستيك

ولكن ما نغير راينا في الكورولا لأنها من شركة عريقة وعلشان ما يزعلون أخواننا

ولكن بعد أنا شفت الأبيكا غيرت رأيي ولكن مهما يقولون انها كوريه تكفيك علامة الشفر

المهم انا بس أبغى أسعارها ومواصفاتها 4 أسطوانات

وبغيت نصيحتكم فيها بس مو أي كلام نبغى من مجربيين

وسلامتكم
Caprice
09-01-2006, 05:31 AM
هلا والله

قد ركبتها مع واحد من العيال

سيارة مريييييحة بشكل ماتوقعته صراحة
وعزمها حلو..ومستوى الفخامة ممتاز بالنسبة لسعرها..مع العلم اللي ركبتها سياحية مرة

وسعرها السياحي بحدود ال47 الف واظن بالمعارض تنقص حول 4الاف

هذا اللي اقدر افيدك فيه
راعي التكيات
09-01-2006, 05:47 AM
تسلم يالغالي

هذا يكفي

انا ناوي على المعارض وإن شاء الله أحصل اللي يناسبني

واللي يزيد كلام
جزاه الله خير
زووم-زووم
09-01-2006, 01:24 PM
ان صراحة شفتها (من الداخل )بس مولذيك الفخامه اللي كنت اتوقعها
بس السيارة ما عليها كلام

وشكراً
MONDEO _05
10-01-2006, 09:28 AM
حبيبي راعي التكيات ..
..
الأبيكا ماتباع في المعارض وسعرها يبدأ من 49.000 الف ريال .. وبكل صراحه 49.000 الف ريال على سياره كورية وبصناعة دايو بكل صراحه السعر غالي .. اذا حبيت تأخذ لك سياره تعيش معاك 5 سنوات على الأقل وتتوفر فيها كل المميزات وسبل اراحه والقطع والكفاءة .. عليك بالهيونداي سوناتا بسعر يبدأ بـ 46 الف للجير العادي و 48 الف قير اوتو تبترونيك ..
..
بعطيك مقارنه بين الابيكا والسوناتا
السوناتا محرك 2.4 بقوة 161 حصان
الابيكا 2.0 بقوة 129 حصان يعني شوف فرق القوة ..
التصميم في السوناتا أفضل بكثير
التصميم بالابيكا يعتبر سيء ولكن هي مسالة ذوق ..
السوناتا صناعة هيونداي والهيونداي أثبت جدارة قوية ومنافس بالجودة بالنسبة لبعض اليابانيين
الابيكا صناعة دايو وكما هو معروف دايو شركة سيئة جداً بالنسبة للصانعه الكورية ..
المواصفات في السوناتا افضل
سعر عند البيع السوناتا افضل
الخدمة افضل السوناتا افضل
توفر قطع الغيار السوناتا افضل
السوناتا في السلامة والثبات أفضل بكثير كثير كثير ..
الصيانة السوناتا وكيلها افضل ..
..
اذا الابيكا عاجبتك توكل على الله ولكن السوناتا افضل بل لايوجد مقارنه أنت روح شوف السوناتا وبتغير رأيك ..
..
علماً أني لا أملك سوناتا ولا أفكر في امتلاكها ولكن هي سياره أثبتت جدارتها لها 5 أجيال يعني سياره معروفة مو جديده بالسوق
..
كل عام و انتم بخير ومع خالص التحية