قومه!!! بين رويال اس اس و موستانج!!!!!!

[husain_2000]

السلام عليكم
اسمحوا لي يا شباب على طول الغيبهو كلن و له ظروفه ............ (((ام الفلسفه يا شيخ)))ههههههههههه
المهم انا شفت قومه بين 3 سيارات مره وحده و للاسف اني ما صورتها
السيارات هي لومينا اس اس
لومينا رويال
فورد موستانج جي تي (موديل 94-98 )
بس الغريب في الموضوع مين اللي طاف يا ترى؟؟؟؟؟
و للعلم لو اقول لكم ما راح تصدقون انه كانت وراهم كيا كلارس (معدله طبعا) و كانت بالضبط ورا اخر سياره
هو كان فيه سيارتين قريبتين لبعض بينما الثالثه كانوا عاطينها مسافه
تتوقعوا مين اول سياره و مين الثايه و مين الثالثه؟؟؟؟؟
.
.
.
.
.
.
.
معظمكم اعتقد يظن الاس اس قدام ثم الموستينج و بعدين الرويال لكن الشي اللي خلاني استغرب ان الرويال كانت اول سياره و وراها الاس اس و الموستينج وراهم بما يقارب المسافه بين عمود و نص الى عمودين نور و المسخره ان الكيا ملحم بخلفية الموستنج ويكبس له
السؤال كيف الرويال يقوم على الاس اس مع ان الرويال حق فخامه مو حق قوه و الاس اس اخف على ما اظن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[bashar_255]

موستنج 6 سلندر تماتيك ؟!!؟

شباب انا ما أدري تطلعو دا الكلام من وين لو أن الموستنج ما يمشي كان قلنا

انا عندي صاحبي عنده موستنج تماتيك و بتعديلات بسيطة : كارونة 3.73 و أكزوست سستم مع بكرات و ثروتل بدي و يطرح الكابرس و اللومينا زي السلام عليكم

واحد من الشباب هنا بالمنتدى اذا ما بيتكلم ما بذكر أسمه عنده موستنج 95 محرك 5.0 قير عادي و كل شي شد بلاده و فيه شك ان المحرك حق لنكن مش موستنج يعني ضعيف و يطلع على اللومينا بفرق بسيط

هذا غير اللي أشوفه بالشارع !!

أحنا قلنا الموستنج على قده بس مو معناته ما يمشي

هذي سيارة 1500 كيلو بـ 265 حصان يجيب تقريباً 14 ثانية بالربع ميل

اللومينا حاجة فوق الـ 1800 كيلو و 325 حصان تجيب حدود الـ 15 ثانية

و هذي اللومينا الكوبيه بقير 6 نمر
http://www.fast-autos.net/holden/holdenseries3.html

و هذا الموستنج
http://www.fast-autos.net/ford/99fordmustanggt.html

طبعاً الموستنج من 96 الى 2004 نفس المحرك للعلم

احتمال الموستنج ما داس أصلاً

و اعتبرها وجهة نظر و اتمنى ما أكون ثقلت عليك

تحياتي :)

[Black Arrow]

عادة تكون الرويال أكثر أحصنة من الاس اس....هذا حسب كلام الشباب...

وأكثر من مرة أسمع أنه الكابرس الرويال يطرح الاس اس...

أما عن الموستنغ...........بدون تعليق.....

السواق....ثم السيارة.............

[COBRA S.V.T.]

انا شايف قومة بين لومينا أس أس 2002 وموستنج 2001 بيوليت طلع الموستنج بفرق نصف سيارة

والموستنج 2005 يلعب بالكابرس واللومينا رويال ولا أس أس
والرويال نفس احصنة الــ SS

ولو انت خبير في الموستنج تعرف كم الموديل الفرق واضح بين 94 والموديلات الأخرى

الكابرس واللومينا اكيد 2005

وتتكلم عن موستنج 94 ليش ماطافهم شي غريب !!!!!

[Death_Like]

مرحبا شباب..

أنا مالي تعليق على الموضوع نفسه ولكن تعليقي على الفرق بين الإس الإس والرويال:

الإس الإس 2005 تعطي 340 حصان / كوبيه 350 حصان

أما الرويال فهي بنفس المكينه ولكن تعطي 330 حصان

بسبب الإكزوز في الإس الإس فهو رياضي أما في الرويال فمصمم لكتم الصوت بقدر الإمكان والبتالي ما راح يكون ( هاي فلو )

ولكن اللي يساعد الرويال هو السسبنشن ( هايدروليك أتوماتيكي ) ليعطيها ثبات أكثر و تهبيط على السراعات العاليه

للعلم الإنطبع اللي أخذ عن الرويال عند تجربتها من الجي إم في دبي أنها تشبه سيارات الإف 1 في المنوارات

حبيت أضيف اللي أعرف فقط لا غير..

أخوي بشار ممكن توجزلي بإختصار شو هاذي شدبلدها ؟

الإسم بالإنجليزي والموقع إذا سمحت

تقبلوا مني فائق إحترامي

[بو العابد]

انا ماشوف القومه فيها شي غريب نفس اللي توقعته

[bashar_255]

Death_Like : شد بلادها يعني stock

COBRA S.V.T : حتى الـ 94 يمشي للعلم و بعضها يطوف الـ 4.6 و ساعات العكس

[أبوحمد]

ياشباب اول شي ترجع لنشاط الموتر

ثاني شي طريقة السواق والقومه

انا اهرج عن نفسي مرة صارات قومه بيني وبين كابرس 2004 وانا معاي موستنغ 98 GTقير عادي شد بلد

اذا قلتلكم مين الي طلع علي الثاني قومه وخط ماراح تصدقون

الي طلع الموستنغ ( عزاها يالموستنغ)

راجاءا لا تهضمون حق الموستنغ

[بو العابد]

موستنغ عن موستنغ يفرق

[mortally]

قالها بوالعابد


وانا ازيد عليها


سواق عن سواق يفرق

[$الــعــتــيــبــي$]

ياشباب
القومه مثل ماقال اخوي بو عابد
مافيها شئ غريب ولومينا معروف بقوماتها
والسواق له دور كبير وهاذا الشفروليه


انشاء الله نشوفك في مواضيع احلى

[Night]

هلا اخوي حسين

عزيزي هذا زمن التعديل بالمكينه مو شرط انها سياره ضغطها عالي ولا واطي ، انا اجيبلك كمارو 69 وملغوم ومايبين ولا شي بالمكينه ويطوف كورفيت C6 بالفزه ويقطعه بالخط قطعه قطعه وهو يضحك مع العلم انه قوته تقريبا 650


شرايك :)




تحياتي لك



night

[ss_2006]

السلام

الرويال وال اس اس نفس المكينه ومقاوم موستنج مافيه عزم الموستنج وسمعت انه مكينه فورد كراون فكتوريا انا اتكلم عن الشكل القديم ماادري عن الجديد قاومته فز علي بحدود 80 رحت عليه واذا كان عندك خويي عنده اس اس اسئله وشوف اقول شقيته نصين اذا كنتو بتتكلمون عن موستنج الشكر القديم سامحوني مافي مقارنه والشكر

[& ســـاري &]

يا شبــاب

أنتم ليــه تتــكلمون عن المســتنج القــديــمة

تــــكلموا عن الجـــديـــدة ألــي تقــطع الــكوابــرس واللومينا


مــا تقــدرون إلا علـى القـــديــم.

[bashar_255]

هلا اخوي حسين

عزيزي هذا زمن التعديل بالمكينه مو شرط انها سياره ضغطها عالي ولا واطي ، انا اجيبلك كمارو 69 وملغوم ومايبين ولا شي بالمكينه ويطوف كورفيت C6 بالفزه ويقطعه بالخط قطعه قطعه وهو يضحك مع العلم انه قوته تقريبا 650


شرايك :)




تحياتي لك



night


لا حبيبي واحد يشيك عن واحد يفرق

RB30 ولا واحد شافه عرفه و كلهم قالو 20 شد بلاد و حتى ورشة وضبة المكينة قالو لي 20 قلت لراعي هذا 30 و الدليل ان كيج الـ RPM كذا و كذا و القير و انت قلت لي كذا و الموضوع واحد اثنين ثلاثة و ما خلصت كلامي الا الرجال يسبح عرق و المكيف ضارب فيه و يقول لي صدقت


هذي و السيارة ما طقت 300 حصان تقول لي 650 ؟

اسمح لي هذي الكلمة و بدون زعل

اذا في بالك هنا اطفال و ناس ما تفهم حط في بالك ان في ناس هنا تسمع دقة السلف و تقول لك اللي في بطن الموتر

650 حصان ولا بسمع رفة الكام ولا صوت المكينة ولا بنتبه لثلاجتها و روسها و كربريترها و لا الرد لاين و لاشي بداخلها ؟

اسمح لي اقول كلمة ثانية و بدون زعل

و اذا زعلت ارسل لي رسالة قول لي احذف ردي ذا

لا تتكلم في شي ما تعرف له


و اللي ما يعرف الصقر يشويه

تدورو على موستنجات LX ضاربة وايراتها دايبة حالة ام مكينتها حالة

جيب LX نظيف و جيب له كميرو LT1 و أشرط لك شرط يمشي معاه للـ 700 اذا ما قدم الـ LT1 برفرف لو برفرف و باب و هذا مستواه

و اللي يقلل من الـ LT1 للعلم اذا كان نظيف يقطع الـ LS1 ولا أحد يسخر من القديم

خل الموتر نظيف و شوف عزمه كيف

الموستنج LX بدي خفيف و التورك 300 ويش فيه أحلى من كذا؟

[moaaz]

اشبك ياهو معصب يابشار ما يستاهل زعلك هو في واحد بشار ثاني الغالي علينا


صراحة يابشار كلامك الموستنج LX تبغى شيء اسمه تلغيم والموستنج حقتي الكشف الي الدلمو حقها ما ادري منم فين اجيبه صراحة شوفت كلامي لمن قتلك وزنها ثقيل ولمن قتلي ان وزنها مايعدي 1450 كجم ووزنتها طلع كلامك صحيح
واشكر لانك شخص محترم وترد للذين يسيئون للموستنج خاصة مكينة 302

مع اجمل التحيات

[N.A.F]

يا شبااااااااااااب ليه قامت الرويال شي فيري فيري فيري غريب>>>>>>>>>>>>>اموت يالانجليزي

مع ان اللومينا اس اس نفس الشي بالاحصنه بس السعه حقت الرويال اقل من الاس اس

شي غريب

[MUSTANG-CAMARO]

والله العظيم انا مادري وش في هالعالم ..كلهم قيمين ضد الموستنج
اي شي قارنوه بالموستنج..كل شي قالك قمت على موستنج..

وش فيكم ياعالم.. هذا 215 حصان ومسوي فيكم كذا ..مبهدل العالم تبهدل..

والله 99 وطالع يقطعكم تقطيع.. . هذا وهو 260 حصان بس.. شوف الفرق

لا وتعال شوف الجديد 2005 هذا يعتبر من اكبر المشاكل لاصحاب اللومينات والكوابريس وغيرهم....

بس خوفتنا بكرة يجي لمبرجيني ويطلع على الموستنج... ويقولوا الموستنج ولا بشي ههههه..

تحياتي للجميع...

[MUSTANG-CAMARO]

اشوف ماحد رد...
يمكن الرد كان قاسي.:D .. السموحة ياشباب .

تحياتي للجميع |3|

[husain_2000]

السلام عليكم و رحمة الله و بركاته
اولا احب اشكركم كل الشكر على تفاعلكم مع الموضوع
و ثانيا يا شباب ارجو انه ما يسبب زعل فيما بينكم لاني لاحظت من خلال بض الردود ان بعض الاخوان يكونون معصبين على بعض
و شكرا ( (((( ام الفلسفه)))) ) هههههههههه
لا بس و الله من جد ما ودي يكون زعل بين اعضاء المنتدى
أخوكم
husain_2000

[ماهر ls]

انا شفتها بنفسي في الكاتلوج ان عدد احصنة اللومينا اس اس اكثر بفارق 10 احصنة عن اللومينا الرويال