عرف لنا التفحيط بصورة مبسطة ( شاركونا بتعاريفكم )

[لوريل 86]

السلام عليكم ورحمة الله وبركاته :
أما بعد :
أريد منكم تعريف مبسط عن التفحيط .. وهل التفحيط يعتبر ( Drifting ) دفرتنج ؟!

شاركونا بتعارفيكم :) .

لوريل 86 .

[مطفي النور]

التفحيط هو بكل بساطه حركات يسونها المهبل لاسباب غير معروفه ولكن قد تم اكتشاف السبب لاحقا وهو احساس بالنقص + عدم وجود عقل... كما يشهد لهذا التعريف المواصير والارصفه.. والتفحيط يسبب خسائر في الارواح وايضا خسائر ماديه ومعنويه...
ويلاقا اهتماما زائدا في الرياض من قوة البطاله حتى الدراجات يجي عليها هجوله .. كما يجب اخذ العبره والعضه من الحوادث السابقه
الشنيعه التي سببت خسائر في الارواح..
كما يجب ان ننوه ونؤكد على الاباء عدم اعطاء ورعانهم مواتر من يوم يتخرج من ثالث متوسط صك له كرولا ولا كامري..
وشكرا..
والله يحمينا ويحميكم من شر القبعات..

[كابريس رويال]

هي باختصار (حركة يقوم بها الشاب لجعل ملامح تواير سيارته مثل ملامح وجهه).......خخخخخخخخخخخ

امزح

[دحوومي98]

هو أعلى درجات التهور :)


تحياتي :)

[EXiT]

التفحيط هو بكل بساطه حركات يسونها المهبل لاسباب غير معروفه ولكن قد تم اكتشاف السبب لاحقا وهو احساس بالنقص + عدم وجود عقل... كما يشهد لهذا التعريف المواصير والارصفه.. والتفحيط يسبب خسائر في الارواح وايضا خسائر ماديه ومعنويه...
ويلاقا اهتماما زائدا في الرياض من قوة البطاله حتى الدراجات يجي عليها هجوله .. كما يجب اخذ العبره والعضه من الحوادث السابقه
الشنيعه التي سببت خسائر في الارواح..
كما يجب ان ننوه ونؤكد على الاباء عدم اعطاء ورعانهم مواتر من يوم يتخرج من ثالث متوسط صك له كرولا ولا كامري..
وشكرا..
والله يحمينا ويحميكم من شر القبعات..



نفس التعريف

[_GTO_]

لا اخوي في فرق بين الدريفت والتفحيط
الدريفت للناس المتحضرين الي يخافوا على انفسهم
اما التفحيط للي بايعها
وانا اقول ان التسلية اكثر بالدرفت مو بالتفحيط

[Initial D]

التفحيط يختلف عن الهجوله وعن الدرفتنج
التفحيط شيء بسيط للغايه وممكن اي بزر عمره 12 سنة يلطش اي سياره ويروح يفحط 00000 88888 ولو تحسب سرعة التفحيط تلقاها ما تتجاوز الـ 30 كم وهو مش شيء خطير (( إلا في حالة فيه جمهور حولك وانت فقدت السيطره على سيارتك ورحت صوبهم أو صوب رصيف او لمبه :D )) وعادة التفحيط ياكل في التواير فقط ..... وممكن المكينه تتأثر إذا انت من النوع اللي الدعسه حدها وانت تخمس او تفحط !!!
الهجوله (( سوري بس هذا شيء متعلق بالمجانين اللي بايعين ارواحهم على الفاضي لانها عادة على سرعة 180 وأكثر )) لانه اللي يسويها عنده تحكم خيالي بالسياره نادرا ماتلقاه عند احد من البشر ..... بس للاسف موجه في الطريق الخطاء ولم تستغل ! بالنسبه للسياره السكراب يرحب بها كقطع غيار (( هذا إذا بقى شيء صاحي فيها ))
الدفتنج (( احلى شيء عندي )) وهي رياضيه (( او بالاحرى تقنيه وفن في القياده )) وهي في الاصل بدأت في المناطق الجبليه في اليابان في منتصف السبعينات لانه في ذلك الوقت كانت تكنولوجيا التواير (( الكفرات )) متخلفه جدا (( يعني ماكان فيها شيء اسمه ثبات !! )) ولهذا السبب ظهر اسلوب الدفتنج في ذلك الوقت وهذا اتاح لهم انهم ياخذون اللفات بسرعه أكبر مع انه التواير ردئة ومافيها ثبات .
الدفتنج للي مايعرفه هو انك تخلي مؤخرة السياره ينجرف (( او بالاحرى يفقد ثباته )) بينما لايزال عندك تحكم بالمقدمه خلال اي منعطف وطبعا توجيه المقود إما انه يكون عكس اتجاه المنعطف (( CounterSteer )) هذا إذا كانت شو او مثل ماتقول استعراضي (( عادة يكون على سرعة 70 إلى 100 حسب الخبره )) ....
او انه يكون (( Zero CounterSteer )) يعني الدركسون سيده مع انه السياره تاخذ اللفه وهو اصعب انواع الدفتنج بس انه اسرع نوع في الدفتنج وعادة يطبق في السباقات العالميه ولكن ليس بكثره لانه ياكل في الـ 4 تواير !! وليس في 2 فقط

على فكره فيه تقريبا 12 طريقه علشان تسوي درفتنج :) وايضا احب اقول انها رياضه حلوه إذا حصلت لك مكان حلو وفيه منعطفات حلوه (( بدون أرصفه لانه خطأ واحد وتروح عليك السياره )) واهم شيء انك ماتسويها في المناطق المزدحمه تفاديا للمشاكل اللي مال امها داعي :D

وايضا احب اقول انه فيه سيارات سهله لتعلم الدفتنج لانها بوزن معقول وقوه معقوله مثل الـ AE86 (( فيه وحده عندنا في الشغل ونظيفه وانا متهدد عليها اشتريها بس متردد من جد ..... ولا بعد لونها ابيض واسود :D )) وبالنسبه للتعديل ماعندي مشكله خويي اللي في اليابان مايقصر بس المشكله انه سعر التزويد ارتفع كثير والسبب انها اشهر سياره للدفتنج
وايضا النسيان لوريل جي تي اس (( موديلات الـ 90 إلى 94 ))

[COBRA S.V.T.]

هوايه عند العاطلين لجذب انظار الناس واخرتها في عمود ولا رصيف ثم

على كرسي متحرك وإذا لم يصب بشي مات الي راكب معاه ثم تاب المفحط (شي معروف )

واعتقد لايقوم بالتفحيط على سرعة 180 او 200 وهو بكامل قواه العقليه والجسدية اكيد انه يشوف انه ماشي 80 !!!!!!!!

[لوريل 86]

شكراً لكم على هذه التعاريف وإن كان بعضها طويل :) ، وأنتظر المزيد لو فيه .

[Dark White]

التفحيط : هو اشي جميل جدا وله احساس رائع ..... وكل واحد له طريقته في التفحيط ... مثل : الدستات ... (خمسات بالاردني)

تنطيل (اسسات بالاردني) ... :)

ومشكور على الموضوع :)

[لوريل 86]

شكراً لك أخي Dark White على الرد .
هل من تعاريف جديدة ؟! ( هذا موضوع مطروح علشان نعرف وجهة نظرك بالتفحيط )

[alzaeem]

هو ان تدوس حد الدعسه ثم تنطل كم نطله ثم تسحب الهند ثم تبدأ السياره بالتعقد
ثم تشيلك رصيف وكم واحد ثم ينقلب الموتر 4او5 قلبات ثم يموتون كل اللي في السياره
اللا اللي يسوق مايجيه شي ويتوب ويصير داعيه