محتار يالربع ... بين الكابرس و الكابرس

[وائل الشريف]

الاخوة القائمين على هذا المنتدى الرائع
الاخوة الاعضاء الكرام
السلام عليكم ورحمة الله وبركاته
وكل عام وانتم بخير
يسرني ويشرفني الانضمام لموقعكم العامر سائلا الله العلي القدير ان يجزيكم خير الجزاء ويجعل ماتقدمون لاخوانكم من مساعدات في موازين حسناتكم .
اخواني المشرفين واخواني الاعضاء
الحقيقة بغيت شورتكم لاحرمناالله منكم ولامن جميل وصدق نصائحكم وباختصار حتى لاطول عليكم
قررت بعد احتفاظي طويلاً بسيارتي الكابرس SSموديل 96 يعني ماشاء الله لها الان 10 سنوات تقريبا علما انني شاريها من الوكالة (العيسي) وماقصرت معي هالسيارة الا بشي (طربمة البنزين ) 6 او 12 اغيرها ورغم هالشي لكن تبقى الكابرس معشوقتي ومستحيل ان اتخلى عنها .
وقراري هو بعد ان رزقني الله بشوية قروش شراء الكابريس 2006 وان شاء الله خلال هالاسبوع يعني فلوسي جاهزة والحمدلله بس انتظر نصيحتكم ومشورتكم ادري في مواضيع كثيرة طرحت لكن اتمنى رد هنا يخفف الحيرة اللي عندي
تكفووووون وادري انكم كفوووو وماراح تقصرون
ولا هنتم هذه اسئلتي :
1- اي نوعية من الكابرس تنصحوني بها ( قروشي مائة وعشرة الاف ريال ) 110000 .
2- المدينة المقيم بها ( لاتوجد بها الا وكالة بالبيد ) هل تنصحوني بالشراء منهم او الذهاب الى جدة والشراء من الجميح وهل هناك فرق بينهم .
3- هل صحيح ان شكل الكابرس 2007 راح يكون مختلف كلياً عن موديلات 2006 ومتى راح تنزل للسوق واذا كانت قريبا هل تنصحوني انتظر ....ولا اتوكل على الله
3- وهل اقسط ولا مادام قروشي جاهزة اتوكل على الله واشتري بالكاش .
ادري اني طولتها بس والله هذا من عشمي فيكم بعد ماشفت كرمكم مع الاعضاء
وشراء السيارة يبقى معلق حتى اسمع نصيحتكم ان شاء الله
وماراح انساها لكم
بارك الله فيكم وسدد خطاكم ورزقكم في الدنيا والاخرة
اخوكم ومحبكم وائل بن بن عبد الرحمن الشريف

[جامح 998]

السلام عليكم
1- كابريس SS.

2- بالبيد ما ينفع ولا الجميح, روح مدينة جدة عند التوكيلات العالمية للسيارات في شارع فلسطين لانه افضل وكيل للسيارات الامريكية.

3-انا نصيحتي انك تنتظر الشكل الجديد لان راح يتغير بشكل كامل ومثلا اذا شريت الكابريس 2006 في السنة الجاية تجد الناس شارين 2007 وحتتحسف انك شريت 2006 فا الصبر مفتاح الفرج.

4- احسن للك الكاش لان التقسيط يزيد في سعر الاساسي للسيارة , مثلا اذا كابريس SS السعر الاساسي 110000 ريال كاش , بالتقسيط يكون مثلا 115000.

شكرا

[محتاجك أبيك]

1 العمر يحدد نوعية الموديل ,,,
2 كلهم نفس الشي خذ من الوكيل القريب لك ,,,
3 راح تتغيير ب 2008
4 أكيد كاش

[كابريس رويال]

اذا تقدر تزيد فلوسك شوي........وتاخذ رويال..........صدقني ما تهون

[وائل الشريف]

السلام عليكم

اخواني الكرام

998
محتاجك أبيك
كابريس رويال


والله ماقصرتم اخواني وبيض الله وجيهكم بالايمان ان شاء الله
وبعد كلامكم الرائع راح ان شاء الله اتوكل على الله يوم الاحد واروح لوكالة بالبيد ونعيش مرحلة اخرى مع الكابرس

اخوي : 998
وجدت الشراء من الوكالة اللي في المدينة اللي اسكن فيها افضل من ناحية الصيانة الدورية او غيرها ولذلك قررت من بالبيد بالاضافة الى نصيحة من احد الاصدقاء عل قوله ترتاح من مشوار جدة .
كابريس رويال:
راح اشوف سعر الرويال بكم واذا مو فرق كبير راح اتوكل على الله

مشكوررررررررررررررررررين وماقصرتم والله يجزاكم كل خير

اخوكم وائل عبد الرحمن الشريف

[CamSHAFT]

تبغى نصيحة من قلب؟؟؟
اشترها تقسيط...واستثمر المبلغ في عقار ولا اسهم..وبتطلع لك ببلاش بالنهاية
راح اكتب موضوع في منتدى الاسهم والاستثمار بخصوص مثل هالحالات
ممكن تشيكه

[CamSHAFT]

تفضل:
http://www.assayyarat.com/forums/showthread.php?p=814924#post814924

[وائل الشريف]

اخوي الغالي

Night Hawk

السلام عليكم ومساءك الله بالخير
وجزاك الخيرات على مرورك واهتمامك
وسلمت يمينك على الموضوع الحلو والمفيد
والحقيقة كان هذا في بالي عموما بقلب الموضوع في راسي من هنا ليوم الاحد موعد الذهاب للوكالة ان شاء الله
وعلى مايقولون ماخاب من استشار
والله يعطيك العافية وعساك دوم على القوة
وبارك الله فيك وفي من تحب
والشكر مرة ثانية للاخوان على اهتمامهم وبارك الله فيهم
ــــــــــــــــــــــــــــ
اخوكم
وائل بن عبد الرحمن الشريف

[كابـــSSـــرس]

السلام عليكم

في البدايه كل عام وانت بخير الله يطولي عمرك

بنسبه للاختيار يالغالي صدقني انك احسنت الاختيار بدون شك

وبنسبه لنوع بنسبه لي اشوف ال تي زد مناسب جدا للمبلغ الي معك - فل كامل -

وبنسبه للوكالة خذها من الوكالة الي اقرب لك يعني بالبيد

واكيد كاش افضل لان لو استثمرت فلوسك مثل في اسهم هل ضمن تربح او تخسر يعني الشغله فيها مجازفة شوي ؟

وبنسبه لشكل 2008 انشاء الله هو الشكل الجديد للكابرس و 2007 الومينا

تحياتي لك

[وائل الشريف]

وعليكم السلام
بارك الله فيك اخوي كابـــSSـــرس
وكل سنة وانت بالف بالف بالف خير يالغالي
على مرورك الذي شرفني لاحرمنا الله منك ومن جهودك بهذا الموقع
وجزاك الله كل خير على نصائحك لاخوك الا ماينساها
والله يطول عمرك ويبقيك
باذن الله ال اتي زد هو الاقرب لكن اذا وجدت الفرق السعري ماهو كثير بينه وبين الرويال راح احاول ادبر الباقي واخذ الرويال لانه بصراحة حصلت موضوع لاحد الاخوان بمنتداكم عن الرويال خلاني اكل هوااااء لما شفت الفخامة الا موجودة فيه
عموما يوم الاحد ان شاء الله باروح لهم وبشوف الفرق السعري لكن يبقى ال تي زد الخيار الاول حسب ماهو متاح معاي من فلوس .
وحبيت اقولك اني دخلت قبل شوي على موقع بالبيد بالنت :
http://www.balubaid.com/ar/automotive/service/workshop.html (http://www.balubaid.com/ar/automotive/service/workshop.html)

وشفت الالوان وسجلت عندهم حجز سيارة واعطيتهم اسمي وجوالي وجميع المعلومات واعتقد راح يتصلون علي قبل لااروح عندهم وحتى موقهم والله شي يهبل وروعة كانك في الوكالة
واللون اللي ناوي اخذه هو (رمادي داكن ) شوف الصورة وقلي رايك المهم والله لي
http://members.lycos.co.uk/rajeh1/up/pic/TurbineGrey.jpg

وعساك دوم على القوة وسلمت لنا والله يرزقك دنيا واخرة
اخوك
وائل بن عبد الرحمن الشريف

[AL-SAKAB]

جزاكم الله خير
انا استفدت من الموضوع بخبراتكم اخواني
<<< تكسرت رجوله من لف المغارض :)

[وائل الشريف]

جزاكم الله خير
انا استفدت من الموضوع بخبراتكم اخواني
<<< تكسرت رجوله من لف المغارض :)


صدقت والله اخوي والله يجزاهم خير اصحاب هالموقع ومايقمون به من جهود لمساعدة الاخرين
وكل الكلمات والله ماتوفيهم قدرهم لكن اسئل الله لهم التوفيق وان يبارك فيهم ويكتب لهم الاجر ان شاء الله
ومشكور على مروك الطيب وكلماتك الصادقة والمعبرة عن الجميع والله يديمك
اخوك
وائل الشريف

[وائل الشريف]

اخواني الافاضل

السلام عليكم

وان شاء الله تكونوا بخير وسعادة
الحمدلله بتوفيق منه اشتريت الكابرس ( رويال 2006) اللون ( بحري وهو لون جديد) من التوكيلات العالمية للسيارت ودفعت القيمة وهي (مائة واتثنين وعشرين الف ريال ) بعد التخفيض والمحاولات المملة علما ان سعرها قبل التخفيض (مائة وثلاث وعشرين الف وستائمة ريال ) نزلوا فقط 1600 ريال وهي اقل قيمة من الجميح والعيسى ويوم السبت بكره ان شاء الله راح استلمها والضمان 3 سنوات او 60 الف كيلو علما انه يمكن للزبون دفع مبلغ اضافي قدره 2500 ريال عند استلام السيارة يعطيه ضمان مفتوح دون التقيد بمدة او كيلو مترات وكذلك يوم شرائي لها كان اخر يوم للسحب على مسابقة قدرها مليون ريال والحمدلله وفقني الله بالتسجيل فيها في اخر لحظة .
حبيت ابلغكم و اشكركم جزيل الشكر على ماساعدتكم لي ومشورتكم الغالية
واسئل الله ان يجعل ماتقدمون من مساعدات كبيرة للجميع في موازين حسناتكم وان يرزقكم من واسع رزقه والسلام عليكم ورحمة الله وبركاته
اخوكم ومحبكم : وائل الشريف

[كابـــSSـــرس]

الف مبروك يالغالي

وماشاء الله الرويال سياره جدا جدا رائعه بفخامتها وقوتها

مقابل سعرها

والله يعطيك خيرها ويكفيك شرها وعقبال ماتفوز بالمسابقة

بس تبي النصيحه خذ ضمان افضل

تحياتي لك