يا اخوان حق الضيافة ساعدوني في اختيار سيارة دفع رباعي اول مشاركة لي

[ابو مجوود]

السلام عليكم ،،
وهذه اول مشاركة لي وشوركم يهمني وارجو ان تقبلوني صديق معكم ،
اريد سيارة دفع رباعي ( دبل ) وتكون مريحة وقوية جدا وعائلية وحقت جبال وطعوس وسحب سيارات مغرزة وما ابغى سيارة تفوقها في الرمال والجبال ، وصراحة اني محتار في انواع كثيرة كان عندي باث فايندر وما عجبني لأنه ضيق وماهو بقوة ال جي اكس آر وبعته ولان ما ادري ايش اشتري ،،
ثانيا ارجو ان نتبهوا للقير هل الافضل اتوماتيك او عادي مع الدبل والطعوس ،،
وشكرا ،، الميزانية حدود 80000 ريال ممكن نشدها شوي اذا كان يستاهل الموتر
وشكرا

[سفاري عنيزه]

هلا ابومجود

على الميزانيه اللي انت حاط ماعتقد انك راح تلقى هالمواصفات بسيارة دفع رباعي...افضل الموجود بالسوق حاليا الباترول والاندكروز واليوكون...بالنسبه بالباترول ممكن انك تشتري سفاري او اللي اقل منه مرتبه بحدود المية وعشرين...الاندكروز جي اكس ار ممكن انك تاخذه بحدود الميه وثلاثين..واليوكون اقل نوع على ماعتقد بمية وعشرة...وكلهن جيدات ويستاهلن.
اما اذا تبي جيب حليو واصغر ممكن تشوف التيويوتا برادو وعلى ماعتقد اقل نوع قيمته بحدود المية.

[ابو مجوود]

تسلم اخوي سفاري عنيزه ،،،
الميزانية ممكن ترتفع الى 120 الف ولكن رشحولي افضل سيارة من جميع النواحي ،، مشكلة الباترول في البنزين واسعار قطع الغيار وصراحة ما احب الباترول سعره مرتفع جداً!!
وبالمناسبة ايش الاقوى في الدبل اليوكن او جياكس آر ؟؟؟؟؟

[سفاري عنيزه]

بالعكس اخوي ابومجود من قالك ان قطع غيار الباترول غالي؟؟ انا معي السفاري له تقريبا سنتين وتقريبا مواضب على الصيانة الدورية..يعني ادخله الوكاله كل 15000 الى 20000 كيلو...اقصى ماخذوا علي تقريبا 1200 ريال وكانت صيانة شاملة من الصدام للصدام، واتوقع انه ارخص من اللاندكروز بالنسبة لقطع الغيار..وبالنسبه للبنزيم ترى الباترول الجديد على حد علمي مامن بعد عن الجي اكس ار من ناحية الصرفية..بالنسبة ليسارتي تقريبا يمشين 500 الى 530 كيلوعلى حسب الدعسه على الخطوط السريعة..يعني لاعبيت من الدمام ومشيت الاربعا للرياض..تولع لمبة البنزين من التانكيين يوم الجمعه..وداخل الديرة يمشين تقريبا 500 كيلو..والتانكيين تاخذ تقريبا 120 لتر..يعني تقدر تقول 115 ريال...اللي يعيب الباترول انه مايمسك سعره مثل اللاندكروز بس مايطيح واجد.

اذا انك رغب باليوكون انا ماجربته بس واجدين اللي جربوه وراعين بر ومكشات ويمدحونه بالحيل من ناحية القوة والراحة ويبدوا لي انه اقوى من الجي اكس ار..طبعا هم ماشتروه الا من قريب يعني تقريبا من سنه والى الان ماسمعت احد يتشكى منه.

[bashar_255]

الشروكي حلوة كثير و مركب رجاجيل و قوية في البر بس ما اعرف سعرها للأسف

غيرها انا معجب بالفورد الإكسبلورر الجديد

محركها صار اقوى 292 حصان للثمانية سلندر و عزمها صار 300 رطل
قيرها صار 6 نمر تماتيك
شكلها صار أجمل و يتهئ لي أكبر
صارت تجي بأرقام اعلي للدفرنش مما يعني استغلال القوة في القومة ( 3.55 للثمانية سلندر )
غير هذا عائلية بحجم البليزر تقريباً و قطع متوفرة و صرفية معقولة

تحياتي :)

[CamSHAFT]

اممممممم وش رايك بمستعمل؟؟
وبسالك: الباث اللي معك كم كان موديله؟؟؟

[ابو مجوود]

لك تحياتي مشرفنا الحبيب،،
صراحة انا افضل مستعمل اذا كان نظيف جدا،، لأن الجديد غالي جداً ، عشان كذا انا قلت الميزانية 80 الف ولكن اذا اضطرت الأمور نشتري جديد والله يعوضنا ،،
اما بالنسبة للباث فايندر اللي كان معي مديله 2003 وشريته جديد ،، وانا ما اقلك انه ما كان قوي بالعكس ولكن ركبت مع واحد في جي اكس آر و ومشى في اماكن من غير دبل وانا ما قدرت امشي الا بدبل عشان كذا ما اعجبني وبعته ،،
ولكن في اماكن ثانية صراحة انه رهيب .....والشي الثاني انه مرتبتين وانا اريد ثلاث مراتب ,,
وسلامتك

[CamSHAFT]

لا تنسى يالغالي ان السواق له دور كبير جدا
وما ودي اقول لك كلام يجعلك تندم على بيع الباث..
بس فرق الوزن بينه وبين الجكسار يصل الى 900 كيلو!!!
وعزم التدوير الاقصى للباث 340 نيوتن متر
ووللاند 400 نيوتن..بس جزء كبير منها يضيع في تحريك الثقل الزائد
عموما ما اقول الا ربنا يوفقك
ولا نسى الاستخارة

[GM_TAHOE]

اذا كان عاجبك الجي اكس ار فاتوكل
وخذ مستعمل