سؤال عن الجيب شيروكي افيدوني

[أبو زياد2006]

لجيب شيروكي 2003 هل هوا جيد ام كثير مشاكل

[Corvette-C5]

السلام عليكم ............
كل عام وانت بخير أخوي أبو زياد , أولا ايش مواصفات السيارة وهل هي استخدام أمريكي أو مواصفات خليجية وانشاء الله ماأقصر في المعلومات اللي عندي والشباب إنشاء الله مايقصروا.......

[sn3s]

اخوي انا ماصارلي اسبوعين ماخذ جيب شيروكي الشكل الجديد استعمال امريكي وماشالله من اروع مايكون وكامل المواصفات.

الي عليك انك تحافظ عليه وماراح تلقه منه شي موزين انشالله

[أبو نجم]

والله هو حلو لكن فيه خلل صناعي

( خذ 2004 ) ما تفرق بالسعر ...

2003 يطلع من 40 ألف إلى 50

2004 يطلع من 50 ألف إلى 60




شيروكي سبورت 2005 عند الوكالة بـــــ 69 ألف ريال سعودي .... لو بتشتري أشتر جديد ولا تغامر

[BLACK GMC]

السلام عليكم
اخوي جيب الشوروكي حلو بالذات ان الشتاء
اذا انت تبي تشتري قير عايدي بالأول والثاني لا تفجر الموتر شوي شوي عليه
والشوروكي ما يقصر معك بالبر انا جربته بس يبيلك تهتم له يعني من ناحية الرديتر لأن الجيب عموماً حساس
واذا طاحت من راسك الشوروكي لا تخاف له بديل
عند جيب نيسان باثفايندر بس لا تشتري الا من موديل 2003 وفوق
لأن 2002 وتحت ما يمشي مرره
2003 نشطوا الجيب وما عليه يمشي
والله يختارلك ما فيه الخيره ان شاءالله
بس نصيحه قبل لا تشتري لا تنساى تستخير ربك
تحياتي.....

[Night]

عزيزي اذا تبي تشتري جيب شيروكي للبر والخطوط والتوازن فأنصحك بموديلات 2000 - 2001 لكن الجديد صراحه مع احترامي اللي

يسوقون هاالنوع شكله غلط ومو مرغوب كثر الشكل القديم لدرجة انه ردوا يصنعون موديل 2006 على شكل 2001 لكثرة الطلب عليه


وبالنسبه للقوه بالفزه والبر الشكل القديم ،، لكن بالخط اعتقد الجديد معني ماجربت مع الجديد



تحياتي