وش تنصحوني بسيارة

[Epica LS]

السلام عليكم ورحمة الله وبركاته

اخواني الاعزاء

بصراحه يا اخوان انا مليت من سيارتي الصغيره و حجمها الصغير لاني بحاجه لسيارة كبيره و قوية و حقت كرفه يعني انا بحاجة لسيارة تكون من نوع جيب لان استخدام يحتاج سيارة قوية اقدر اطلع فوق الارصفه او الطعوس ان احتاج الامر

فكرت بالباثفاندر لكن للاسف وكيله كثير يشتكون من وكيله السيء (الحمراني) كل العالم يسبونه
و فكرت بالبليزر لكن دائماً اشوف فيه مشاكل كهرب و بعدين حرام اشتريه و يبي يتغير شكله السنة الجايه
فكرت بالباجيرو لكن ما اعرف سعره و وكيله ما ادري عنه هو كويس و الا لا

ميزانيتي 80 الف تقريبا و ممكن اوصلها إلى 90 الف

و ترى ما عندي مانع اشتري مستعمل بس وش تنصحوني فيه يعني شرايكم في الشيروكي مستعمل وراد امريكا مثلاً ؟

و ترى أهم شي في السيارة هو الرساوة (الثبات على الطريق,و الامان يعني باذن الله لو جاء حادث قوي يطلعون كل اللي بالسيارة سليمين)

لانه جاني حادث بالابيكا حقتي و بعدها عقلت خلاص

لا تبخلون علي برايكم

و يعطيكم الف عافية

اخوكم
Epica

[مسترنت]

اعتقد ان اليوكون ممتاز وسعرو جديد في المعارض بفتحة تقريبا 95000 ريال زيرو
وفيه برضو الجيب التويوتا الجديد ما اعرف اسمو اعتقد سعره حدو ال80000 ريال برضو حلو اذا العيلة صغيرة

[SANTOOT]

يوكن وبسسسسسسسس

قوي واذا كان دبل يا سلاااااااام

[كابـــSSـــرس]

و ترى ما عندي مانع اشتري مستعمل

8
8

بما ان ماعندك مانع مستعمل وتريده لعائلة وكذلك قوي

صدقني اليوكون وراح تدعيلي

بس دور لك نظيف وافضل بدون دبل الى كانك حق بر هذا شي ثاني

[Initial D]

متسوبيشي باجيرو ...... الصراحه سياره قويه وتعمر طويل وحجمها كبير ...... السعر اعتقد حول الـ 95 ألف ريال للـ 4 باب

[Epica LS]

اخواني

اليوكن مثل ما ذكرتم حق عايله لكن انا اعزب و ما عندي عائلة و بصراحه افكر في سيارة شبابية بالاضافة إلى ان اليوكن راح يتغير السنة الجاية مع البليزر

و ياليت تنورنا باقتراحاتكم

[عزوووزي]

فورد اكسبلورر و الميركوري ماونتير خيارات حلووة :)

[H.Y]

أخــوي Epica LS

أنـا غير عـن الشـباب انا أنصحك بهيـونداي تيراكــان 2006

وكالـة ممتازة00سيارة جديدة00جلد بيج00تخشيبة فاتحـة00فتحـة00زينـون00 7 مقاعـد00سي دي00جناح00جنوط000الخ
كل هذا بـــ90 ألـف ريال000


وعنــدك الباجيرو0000ســيارة محترمــــة بس شوي فوق الميزانيــــة


بــس أنـا ماأنـصـحك بأي شــي مـسـتـعـمـل


تحياتـــــــــي


.H.Y

[Epica LS]

عزوووزي الاكسبلورر و الميركور ما يعجبني شكلها للاسف بعدين تعامل موظفينهم في المبيعات سيء رحت لواحد منهم اساله عن الاكسبلورر الجديد متى نزل كان قاعد يكلم بالتلفون و سالته عن سعر اللي عندهم قال لي 85 الف حتى اصلا ما قال لي طلع ورقة من الدرج و كتب عليها 85 الف و شفته قاعد يضحك و يسولف على التلفون تفلت في وجهه و تركت المعرض كله و انا اتكلم عن معرضهم في طريق التخصصي للاسف سيئين

H.Y
و الله هيونداي وكالة ما عليهم ابد اعرفهم زين و خصوصا الاخ سعد الهزاع في الصيانة و يعطونك دائما خصم حلو و تعاملهم اكثر من راقي و موظفينهم فاهمين لكن التريكان شكلها اكثر من سيء

الباجيرو ما اكذب عليك افكر فيه و بقوة لكن ما اعرف لا سعره و اسمع كثر ييسبون في وكالته و بعدين سمعت انه راح يتغير شكله

و بيني و بينك محتار بين الباجيرو و الباثفاندر سابقا كنت باخذ بليزر لكن يوم شفت انه راح يتغير شكله كنسلته

[عزوووزي]

طيب والشيروكي ؟؟ يتهيأ لي شبابي ويصلح لك بما انك حق طعوس ومواصفاته

شبابية حلوة يستااهل انك تشووفه طبعا الشيروكي الصغير مو الجراند شيروكي :)

[Epica LS]

الشيروكي ياخي غالي بقوة و شفت شروكي لكن كان صغير مرره و اسمه الظاهر لبترتي

و الوكيل عندنا سيء

اصلا ما عندنا ولا وكيل سنع !! بس سيء عن اسوء تفرق

[السيدة مرسيدس]

اشتري الباجيرو روعة او الانفوي

[z.e.r.o]

يا الحبيب شوف عندك الرانجلر ما راح يتغير إلى في 2008 سياره إبداع في الطعوس فنانه فوق الأرصفه على العموم ما أبغى أكثر مدح...........
المهم سعرها حوالي 69 فل كامل وعلى فكره تراها تمسك سعرها

هذا والله أعلم

[دحوومي98]

انا ارشح الباثفايندر

سعره في حدود التسعين

تحياتي :)