المساعد الشخصي الرقمي

مشاهدة النسخة كاملة : وين احصل كابرس LS مطور


أبو غزالة
31-10-2005, 06:56 PM
السلام عليكم
ياشباب وين احصل كابريس LS مطور أبو فتحة سقف لأني أنا من الرياض وناوي اشتري واحد بس ما حصلت عند الجميح والعيسى
ويقولون ال اس ما يجي بفتحة !!
عموما ياريت ياشباب تعطوني المواصفات الكاملة عن هذا الموديل المطور لأن فلوسي على قدي لكني رغبان بفتحة سقف مع سعة الكابريس
وهل بالبيد والتوكيلات لهم فروع في الرياض
ياليت ما تبخلون علي باي معلومة

وشكرا لكم
أبو غزالة
01-11-2005, 03:25 AM
فين الخبراء ياشباب .... ما احد عنده معلومة تفيد
اتصلت على التوكيلات اليوم عشان أتأكد ان عندهم مطور بفتحة بس ما احد يرد على التلفون .. يرد السنترال ثم يحولني على المبيعات لكن ما احد يرد
مشكلت الوكلاء عندنا أنهم متخلفين في خدمة الزبائن بالهاتف يعني لازم تروح برجليك ولا ماتنعطى وجه

وياريت أحد منكم يفيدني ايش معنى كمبيوتر ملاحة الموجود بالكابرس
شفروليه
01-11-2005, 04:50 AM
بالبيد عنده كابريس ال اس مطور بكشافات وفتحة سقف بعد انا شايفه بس بكم ب82000 الف ريال وهذا السعر للستة سلندر مابالك بالثمانية ..........تحياتي
Dream
01-11-2005, 05:18 AM
اخوي ابو غزاله...

انا قبـل كم يوم كنت عند معرض الفاظل وكانت عنده كابريس LS اسود 6 سلندر... مع كبوس وتخشيبه داخليه لكن بدون فتحه....


موقع المعرض على طريق خريص (جنب المدارس الهنديه)......
كابـــSSـــرس
01-11-2005, 05:27 AM
في معرض الفلاح تجده ايضا

انا شايف ابيض واسود مطور
أبو غزالة
01-11-2005, 06:08 AM
يعطيكم العافية ياشباب
مشكور أخوي شفروليه على الافادة واشكر كذلك الاخ dream وإن شاء الله اروح للفاضل مع اني كنت اسمع انه ما يجيب كابرس فقط فورد
واشكر كذلك الاخ كابـــSSـــرس على معلومته بس ما ادري وين الفلاح ؟؟؟ وهل بفتحة أو بدون

وياليتكم تفيدوني بمعنى كمبيوتر ملاحة الموجود بالكابرس؟؟

واسف على كثرة أسئلتي
محتاجك أبيك
01-11-2005, 06:54 AM
أخوووي الكابرس المطور تجده بالمعارض فقط لأنه التطوير جاي من عندهم وليس من الوكاله ,,,
وهو يفرق عن العادي أنهم يرشون المريات والأبواب نفس لون البويه + جنوط +كشافات + أيرباقين + مثبت سرعه + ABS+ فتحه
أبو غزالة
01-11-2005, 07:03 AM
مشكور أخوي (محتاجك أبيك) على تفاعلك
بس وشلون المعارض تطور من عندهم؟؟
تقدر نقول يطورون بالكشافات والجنوط ...... بس تركيب ايرباقين وفرامل ABS ومثبت سرعة مايجي إلا من الشركة المصنعة
عموما كل اللي يسمونه مطور موجود حسب موقع شركة GM كوضع اختياري يعني يقدرون يضيفونه بس الوكلاء هنا في الرياض ما يجيبون المواصفات الاختيارية في نوع LS
وشكرا لك
أبو غزالة
01-11-2005, 02:58 PM
رحت اليوم عند الفاضل وكذلك المعارض منهم الفلاح ولقيت مطور بس بدون فتحة سقف لكنهم عطوني محاضرة عن مساوئ الفتحة وانها ماهي عملية في اجوائنا وتسرب هواء مع الزمن ونصحوني اني اخذ بدون فتحة
ايش رايكم ياشباب هل صحيح ان الفتحة تسرب هواء وهل تحتاج صيانة دورية لتغيير الجلد
وقالوا لي إذا انك مصمم ركبها عند السليماني لكني كنت اتمنى ان تكون شد بلد مثل اللي عند بالبيد مطور بفتحة ... ما ادري عن التوكيلات في الشرقية هل عندهم مطور بفتحة ام لا ؟؟

اسعار المطور بدون فتحة عند المعارض بـ 77500 ريال
لوميـSTOCــنا
01-11-2005, 07:13 PM
السلام عليكم ورحمة الله وبركاته

يوجد عند بالبيد للسيارات الكابرس المطور ولكن الفتحة هل هي عملية ام لا ان شاء الله الاخوان يفيدونك

اكثر .

و الملا حة في الكابرس هو شاشة في الاعلى عند المكيف شاشة عرض يتم بها عرض الحراره و المكيف و المسجل ......... الخ .

في التوكيلات في الرياض استفسر عن الكابرس المطور وهل يأتي طلبية .


وان شاء الله يفيدونك الاخوان اكثر
وشكرا
أبو غزالة
01-11-2005, 07:22 PM
الف شكر اخوي (لوميـSTOCــنا)
بس ايش قصدك في التوكيلات في الرياض ؟؟
هل التوكيلات له فرع في الرياض !! إن قصدك كذلك فياليتك تدلني وين مكانهم
وشكرا
لوميـSTOCــنا
01-11-2005, 11:47 PM
السلام عليكم ورحمة الله وبركاته

التوكيلات العالمية للسيارات لا اعرف اين مكانها في الرياض ان شاء الله يفيدونك الاعضاء اكثر عن

مكان هذه الوكالة .

وشكرا
أبو غزالة
01-11-2005, 11:53 PM
السلام عليكم ورحمة الله وبركاته

التوكيلات العالمية للسيارات لا اعرف اين مكانها في الرياض ان شاء الله يفيدونك الاعضاء اكثر عن

مكان هذه الوكالة .

وشكرا


يعطيك العافية اخوي
حسب علمي ان مركزها في الشرقية ولها فرع في جدة فقط
شكرا على تعاونك وننتظر الافادة من الاخوان
لوميـSTOCــنا
02-11-2005, 12:27 AM
السلام عليكم ورحمة الله وبركاته

اشكرك كثيرا وكلامك صحيح تأكدت الان انه لا يوجد فرع لها في الرياض ويوجد فقط في الرياض الجميح

و العيسى .

وشكرا