وش رأيـــكـــم فى المــرســيــدس الاستخدام الــيــابــانــى؟؟

[طبيب]

السلام عليكم ورحمة الله وبركاته


فى الاونه الاخيره طرح فى السوق سيارات مرسيدس موديل 89 _ 90

سيارات نظيفه جدا جدا ومشيها قليل



وش رايكم فيها؟؟ وهل تحتاج تعديل لتناسب البيئه عندنا فى السعوديه؟؟




من له خبره عنها لايبخل ولكم تحياتي

[B R A B U S]

السلام عليكم ورحمة الله وبركاته

والله اخوي انه كان عندي بي ام دبليو وارد اليابان وكان

احلى مما يكون مااشوف صادتني اي مشكله معاه ومثل

الشي ولد الجيران ماخذ له مرسيدس وارد اليابان ونظيف ومش

ماشي شي مثل ما قلت وما سمعت انه سوى شي لليتناسب

مع البيئة في الخليج ... بس يمكن لما تشوف الحرارة ترتفع

عليك تغير الرديتر من 3 صفات مثلا الى 4 صفات وخلاص ترجع احلى مما يكون ...

[مستر رنج روفر]

مثل ما قال أخوي clk_200

و نحن كان عدنا مرسيدس موديل 90 معدل جنوط سود و و منزل و سكان اسبورت و مخفي من اليابان 70 ياي جاهز والله كان شي من اروح مكان يلفة الأنظار

[طبيب]

والله مادرى كيف اشكركم على ردودكم الى فرحتني

والله يالربع الموتر نظيف ماشي فى الاربعين الف

ورده ماشفت فيه العيب بس صاحبه طالب فيه 38 الف.....

[B R A B U S]

:eek: :eek: :eek: هاااا 38 الف ريال ؟؟؟؟


هاي المرسيدس موديل كم عاااد ياخوي ؟؟؟؟

بس تكفى لا تقول لي 90 او حتى 91 او 92 ..!!!!!!

[طبيب]

موديل 90

560 اس اى ال



وطالب فيها 38 الف

وانا عاجبتني ولا اعرف السعر المناسب لها؟؟

[B R A B U S]

السيارة ما عليها كلام يعني انت تحدد انها

تناسبك او لا ولكن اخوي الغالي بهذا السعر

38 الف تقدر تجيب فيها الشبح موديل حتى 96

يعني احنا في البحرين 3800 دينار تجيب شبح

نظيف موديل 96 او بي ام دبليوا موديل 97 او 96

تاكد من السعر اخوي لانه بنظري كثير جدا عليها والله العالم

[طبيب]

الف شكر لك يالحبيب

[القرناس]

مرحبا ياطبيب
بصراحه انا عندي 560 موديل 90 وانا طول عمري اشتغل في هذا النوع من السيارات وبالذات الياباني لانك مستحيل تلاقي مثل نظافته الياباني ولافيه اي عيب يخالف الخليجي لأنك لو تلاحظ تلاقي الفل اوبشن مثل الخليجي بالظبط ويمكن احلى لكن فيه عيب بسيط عجزت افهمه انك وانت ماشي بالخط فوق ال120 ترتفع حرارته بس مو كثير توصل 90 يعني وهي بالنسبه له عاديه لكن الخليجي تكون 85 والغريبه انك وانت واقف ومشغل المكيف بعز الظهر ماتتعدى ال85 بعكس الخليجي اللي توصل وهو واقف 90 شفت العكس كيف؟؟؟
وبالنسبه للسعر مع الأسف كثير صاروا يستغلون ارتفاع الجمارك بالنسبه لهذي السياره بسسب دخول اكبر كميه سيارت بالشرق الاوسط للسعوديه وهي 560 وبرضه رغبه الشباب في هذي السياره لما فيها من قوه وفخامه ورساوه وشخصيه غريبه بصراحه انا جربت جميع الموديلات ماعادا الفياجرا ماكنت توصل جوده ال560 حتى الشبح نفسه
وبالنهايه اقولك سعر هذي السياره اذا كان خرافي بالنسبه للموديل 90 هو 29 الف فقط وبأمكانك تروح دبي وتاخذ لك واحد شبه جدييييد ب20 او 22 وتصدره ب6.5 ويطلع عليك ب27 تقريباً وغير له كفرات وشويه حركات بسيطه وخلاص

[مستر رنج روفر]

أخوي وايد غالييييييييي نحن شارين 240 Eكلاس 15 الف درهم أماراتي

[الفاروق]

اول مره اسمع في حياتي عن مرسيدس استخدام ياباني الدارج هنا في السعودية و تحديدا جده الاستخدام الامريكي و في السابق استخدام الماني
لكن !!!!!!!
اليس الياباني دركسون(مقود) يمين ؟!!
يعني السيارة محتاجة تعديل كبير حتى تتناسب مع شوارعنا اقصد نقل المقود من الجهة اليمنى للسيارة الى الجهة اليسرى
اعتقد ان الحكومة السعودية تمنع هذا النوع من السيارات لخطورتها الكبيرة لأن هذة التعديلات غير مضمونة
لاحظ ان عمود عجلة القيادة سوف ينقل من مكانة الى الجهة المقابلة و كذلك الفرامل ستحصل على نصيبها من التعديل
ارجو أن يوضح احد الاخوان الموقف
تحياتي للجميع

[B R A B U S]

السلام عليكم ورحمة الله وبركاته


لا اخوي المقود ما يجي يمين من السيارات الواردة من اليابان

وكثير من السيارات تجي من اصل يسار المقود وليس يمين وان

كان يمين لا يسمح بادخاله على مااعتقد ... بس الي متأكد منه

انه وارد اليابان يجون مقود يسار ...