اقوى سيارة امريكية بمحرك v6 [الأرشيف]

mortally

13-08-2005, 07:10 PM

السلام عليكم ورحمة الله وبركاته
اولا سامحوني يا شباب على هذي الغيبة وعلى قولة المثل
مطول الغيبات جاب الغنايم
المهم يا شباب انا قبل اسبوع تقريبا قرات اعلان عن سيارة جديدة من فورد وهي مونديو st 220
طبعل دفعني الفضول عشان اروح الوكالة واسئل عن السيارة بحكم ان الوالد يبي يشتري سيارة جديدة
المهم اول ما دخلت المعرض تفاجئت بسيارة فخمة جدا تختلف اختلافا كبيرا عن المونديو العادية بل لم تكن كما توقعت
خاصة لما شفت ان لها اكزوزين مو واحد وركبت من داخلها وطبعا اول ما تركب سيارة من الداخل اول ما تراه هو الطبلون
تتوقعون كم طبلونها 280 km\h والقير عادي 6 غيار والسابع r والكلتش فيها خفيف جدا يساعد على اللكش ومحركها v6 3.0 ومواصفاتها روعة وكل ما يخطر على بالك
زبدة الكلام ان الامريكان انتجوا سيارة بمحرك صغير وهذا ردا على من يقول ان الامريكان لا يملكون سوى انتاج سيارات متواضعة المستوى بمحركات كبيرة

بس للاسف الى الان ما شفت قوتها في الشارع

وسعرها 8999 دينار وهذا هو عيبها الوحيد لكن اعتقد سعرها راح ينزل مع مرور الايام

ابــو راشــد

13-08-2005, 10:17 PM

ياخوي ممكن تقول لنا وش هي السيارة وكم قوتها بالهورس بور

PAssAT cc

14-08-2005, 12:37 AM

واذا ممكن تضيف صور لها

و ايش الفرق بينها وبين المونديو العاديه؟؟؟؟

بو العابد

14-08-2005, 01:08 AM

هلا والله mortally وينك يا اخوي :)

إذا السياره بالمواصفات اللي تقول سعرها حلو مقارنة بالسيارات الثانيه ممكن تجيب لنا صور ؟

ماجناوي

14-08-2005, 03:12 AM

السيارة 6 سلندر و السعة 3 لترات والتسارع الى 100 من\س في 6,7 ثواني

المصدر :البرنامج حق السيارات ما اعرف اسمه اللي على قناة ابو ظبي

وسلامتكم

mortally

14-08-2005, 05:14 AM

مشكورين ويعطيكم الف عافية على الردود الطيبة
للاسف انا ما اعرف قوتها بالضبط وكم هورس باور اهي لكن انشالله راح اسئل لاني الصبح راح اكون في الشركة بحكم ان الوالد يبي يشتري سيارة لا يروح بالكم بعيد الوالد يبي يشتري اكسبدشن
وبالنسبة لاخي بوعابد والله لو مو الظروف ما كنت فارقت هذا المنتدى شهرين

واذا مثل ما قال اخونا ان تسارعها 6.7 الله يعين المنافسين

والحلو فيها انها فخمة وكلتشها خفيف ونمرها حلوة وسهلة حتى بالنسبة لي مع اني ما عندي خبرة بالقير العادي
وبصراحة شكلها حلو واكثر من رائع نصيحتي شوفوها بعينكم في الوكالة
وننتظر رؤيتها في الشارع وهي تفشخ المنافسين وهم يتنفسون غبارها وريحة كفراتها

SaDSmiLe

14-08-2005, 06:33 AM

مشكووور اخوي و الله السياره روووعه

لكن وش قصدك بالنمره السابعه r ????

vAMP

14-08-2005, 06:55 AM

vAMP

14-08-2005, 06:56 AM

يقصد ياحبيبي الريوس بدال مكانه المعتاد تحت الخمسة بيكون يمين ياجمب الخمسة او جمب الستة :)

PAssAT cc

14-08-2005, 06:56 AM

عندي سؤال واتمنى احصل له جواب :
يجي منها قير اوتو او ما يجي الا عادي؟؟؟
واذا تكرمتوا تعطونا سعرها بالريال السعودي

ابو زيـــــــــاد

14-08-2005, 07:18 AM

مشكور وياريت لو فيه صور .. أول مرة أسمع بالسيارة !

و 6.7 ثواني كثيرة على ستة سلندر 3 لتر وست نمر !!

اقول خلوا بس المكاين الصغار والقوة الكبيرة لأهلها بس |4|

الثمانية سلندر ويادوب تجيب الستة سلندر خط عاد :D والست سلندر بعد (اللومينا) ماتمسك مع الألتيما الأربع سلندر :D

الله المستعااااااان :)

يالطيب ال8 سلندر في السيارات الامريكيه لتعطي هيبه للسياره

من قالك ان الامريكي مو قوي ؟؟؟

شوف كم وصلوا الحصان بسيارات 8 سلندر وغيره |6|

بالالاف احم احم عكس بعض السيارات

عمرك سمعت سياره يابانيه التسارع من 0 ـ 100 نصف ثانيه

هذا الكلام عام 1986 م شفت شلون متأخرين بعض الناس |11|

ايه نعم الله المستعان

vAMP

14-08-2005, 07:50 AM

نصف ثانية :D خخخخخخخخخخخخخخ

صاروخ ماجابها :D هههههههههههههههههه

انا كأني سمعت .. بس وين هالسيارة؟ ووين الفيديو ؟؟؟؟؟؟؟؟؟

وبعدين عالم التلغيم كبير .. ولا يعتمد على الماكينة بس .. هذه عندك السكايلاين z tune كلها 500 حصان بس وجابت الربع ميل في عشر ثواني ! لا ماكلارين ولا لمبرقيني وكلها فوق ال 600 حصان وحتى السالين اللي مدري كم تيربو وقوة قريب ال 700 او 800 ماقدرت تجيب هالرقم ! والمشكلة السكايلاين ذي مو مصممة حق دراق :D

فيه شيء اسمه قير ونظام دفع (ال ATTESA اللي يميز السكايلاين) وفيه حاجات واجد :)

المهم مانبغى نخرج عن إطار الموضوع ..

وياريت لو تجيب لي رابط اللي تقول عليه ودي أشوفه ..

ابو زيـــــــــاد

14-08-2005, 07:54 AM

ياحبيبي ارجع لموضوعك

(هل من متحدي للحصان الياباني)

رد عليك بشار وجاب الربع ميل ب 5 ثواني والسكلاين الي تقول عليها تيربو 2

vAMP

14-08-2005, 08:19 AM

؟؟؟؟؟؟؟؟؟؟؟؟؟؟؟

mortally

14-08-2005, 05:51 PM

مشكورين يا شباب على الردود الطيبة وكما ذكرت ان السيارة مواصفاتها كالتالي
محرك ستة سلندر سعة 3000 سي سي نوعه duratec صمام 24
نظام نقل حركة يدوي بست سرعات والريوس يكون على اليسار قبل الاول زي البورش
التسارع والقوة بالحصان والعزم الى الان ما اعرفه لكن انشالله اروح الوكالة واسئل لكم يستاهلون شباب المنتدى
وهي ما تجي غير قير عادي

واذكر انه يوجد نوع ستة سلندر مكينته 2500 سي سي ولكنه يختلف عن النوع اللي اتكلم عنه فرجاء لا يختلط عليكم الامر

والسيارة بصراحة روعة حيث هي ما تجي الا فل كامل ومواصفاتها روعة وتحبط المنافسين

والرؤية تغني عن الكلام عنها

PAssAT cc

14-08-2005, 06:16 PM

مشكور اخوي mortally
بس ياخي خساره ما تجي الا قير عادي

<<<<<<<< ما يعريف يسوق عادي

M-A-X

15-08-2005, 03:55 AM

سلام شباب
هذه السياره مجننتني
وقاعد أنتظر شركه توكيلات الجزيره تدخلها
والله يا شباب لو أقلكم أني كل شهر ونص تقريبا
أتصل فيهم وأسألهم السياره جت ولا لا والصراحه
أتوقع أنهم ما بيدخلونها واللي قال أن صناعه السياره أمريكيه
ممكن أصحح له المعلومه هي فقط أسم فورد ومصممه بتقنيات ألمانيه بالكامل وتصنع في بلجيكا لرخص الايادي العامله
أسمها فورد مونديو st 220 قاعده جاكور اكس ومبدل نمر وكلتش رياضي جنوط 18 رياضيه كت كامل على السياره
بتصميم رائع وعادمين متباعدين بالخلف وعلى العموم في عندي كم هائل من المعلومات عنها أذا حبيتوا وصورتها موجوده
بالتوقيع تبعي وتحياتي للجميع

PAssAT cc

15-08-2005, 05:37 AM

اخوي M-A-X
انا ودي الله يعافيك ويرزقك بفورد مونديو st220 فل كامل
انك تعطيني الفروق بينها وبين الفورد مونديو العاديه

وابيك تاكدلي عن موضوع القير يجي اوتو او ما يجي الا عادي؟؟؟
وكم سعرها بالريال السعودي؟؟؟

وشكرا لك مقدما

ابو عبدالهادي

15-08-2005, 06:32 AM

Ford Mondeo ST220 (2003)
http://www.allsportauto.com/photoautre/ford/mondeo/st220/2003_ford_mondeo_st220_04_m.jpg

http://www.allsportauto.com/photoautre/ford/mondeo/st220/2003_ford_mondeo_st220_01_m.jpg

M-A-X

15-08-2005, 08:44 PM

الفورد مونديو st 220 محرك 6 أسطوانات و 24 صماما 3 لتر بـ 240 حصانا من 0 الى 100 في 6,5 ثوان تقريبا بمبدل قير عادي !!!!!! بـ 6 تعشيقات أماميه و السابع للخلف وسرعه قصوى تصل الى 270 كلم (( كلام بس والى 280 كلم توصلها ))
وبالاتوماتيكي 7 ثوان تقريبا !!!!!! بـ 5 تعشيقات أماميه والسادس للخلف وفي الحالتين ووزن السياره 2000 كيلوجرام تقريبا (+--)
فأن المبدلات والمحاور الدوران والكلتش والفلاتر والضروريات رياضيه بالكامل !!!!!!
وأيضا مقاعد رياضيه ولمسات وأكسسوارات رياضيه من الداخل أما من الخارج
فأنها مازلت تحتوي على الانوار الزنون وأنوار الضباب وكشافات ومنظفات للشمعات الأماميه
وكت رياضي كامل حول السياره بمعنى صدامات رياضيه خلفيه وأماميه وكت بسيط بالأجناب
وجنوط مقاس 18 ومازلت بدفعها الامامي وقاعده عجلات 2750 ملم وتتوفر فيها 6 أيربقات وخزان وقود أكبر من العاديه
فورد مونديو 4 أسطوانات و 16 صماما سعه 2 لتر يولد 150 حصانا من 0 الى 100 9,9 ثانيه و بسرعه قصوى تصل الى 220 كلم
(( كلام بس ولا توصل 240 بالرااااااااحه )) ومحرك متطور وبنفس القاعده والمكاليات المتبقيه (( تنده - زنون - انوار ضباب .....ألخ ))
ووزنها 1865 كيلوجرام وهذه جميعها معلومات دقيقه ومأكده وجنوط مقاس 16
لكن سعرها بالسعوديه ؟؟؟؟؟ لأنها مارحت تنزل بالسعوديه أعتقد أنها ممنوعه لقوتها والله أعلم وارجوا أني أفتدكم جميعا
وتحياتي للجميع |3|

lkl

15-08-2005, 09:57 PM

انا جربت ال4 سلندر

بصراحة سيارة محترمة

تحياتي اخي

ابو زيـــــــــاد

15-08-2005, 10:25 PM

المعلومات ل 2003 ام الجديد

M-A-X

16-08-2005, 01:32 AM

مافي أختلاف بينهما
تحياتي

M-A-X

17-08-2005, 02:02 AM

وأنا شخصيا نفسي أمتلك أولا نسيان سكاي لاين جي تي ار
وهي ممنوعه بالسعوديه طبعا وثانيا الفورد مونديو st220
وهي أيضا ممنوعه يعني مالي حظ فيهم لا هذه ولا هذه مززززززفته مرررره
ومقفلللللللله بوووووجي هههههههه وتحياتي للجميع

vAMP

17-08-2005, 05:23 AM

مين يقول السكاي لاين ممنوعة ؟!

يبيعونها بالقطيف أو الشرقية وموجودة هالسيارة بجدة وفيه معرض بجدة يبيعها بعد !!

CHARGER

17-08-2005, 02:03 PM

لا ممنوعه ممنووووووووووووعه

>>>> يدور الشر :rolleyes:

اللي جايبينها بالسعودية ممكن الطبلون مغيرينه وحاطينه عاليسار

يحطون طبلون المكسيما اكيد

وفيه بعضهم واسطا1111111111ت قويه عشان تدخلللل :D

.. كان فيه واحد بمنتدى معرض السيارات اللي هنا يوصونه الشباب على سيارات من دبي اعتقد المهم يقول اذا تبون سكايلاين ممكن نركب طبلون المكسيما ومدري كم يكلف نسيت والله..

ومع الشكرررررررررر لصاحب الموضوعععععععع :D :D

**********

vAMP

17-08-2005, 03:43 PM

خخخخخخخخخخخخخ طبلون ماكس مين !!

بالإمارات يحولون الطبلون من اليمين لليسار !! أجل طبلون ماكسيما :D

طيب والدركسون والخرابيط ذي كيف ينقلونها؟ بالعقل :D

فيه كثير سكايلاين دركسونها يسار وشفتها والله الماكس بغرب وهذه بشرق ..

هي ممنوعة عشان الدركسون بس ..

نفس سالفة السوبرا بعد .. دركسونها يمين لكن محولة يسار .. وموجودة شايف منها بالسعودية لين ماطفشت ..

ولا تنسى ال لو لو حقتكم ;) والكوكو بعد كلها دركسونها يمين ومحولة يسار عندنا ..

بايات ..

CHARGER

17-08-2005, 05:22 PM

وانا جايب الكلام من جيبي

ولا شايفني واحد يذب كلام هنا وهنا بس :D

لو سمحت اخوي ان بغيت روح نبش بمنتدى معرض السيارات وشوف وش كاتب الاماراتي هناك :) وتره الموضوع راح عليه سنه ممكن ولا لحقت عليه انت الظاهر :)

وانا وش دخلني بالدركسون والخرابيط على قولتك هم اللي يضبطوها مو انا يالحبيب

وايه تراهم مانعينها هنا عشان سالفة الطبلون كله

مو عشان شي ثاني

استغفر الله بس ذكرتني يوم كنت صغير كنت اتكلم مع عيال عمي ونقول السكايلاين ممنوعه عشانها سريعه ومدري ايش

يوم عرفت اخر شي ان سالفه الطبلون هو السبب وبالعقل هي اصلا

وبعدين شوارعنا يابو الشباب هنا كلها مصممه لأن يكون السائق او السواق على جهة اليسار فقط مو يجيك بالنص او باليمين

واذا شفت سوبرا او سكايلاين او غيرها فهذي مغيره او من الشركه تجي كذه وقليل تجي اعتقد

بعدين تره كلامك اخر شي ماله داعي

وماني معلق عليه لانه باين انه بايخ وحق مشاكل كثير

تحياتي للجميييييععععععع

**********

vAMP

17-08-2005, 05:42 PM

ههههههههههههههههههههههه

لا مشاكل ولا شيء ..

والله ما كنت أقصد اي حاقة :)

بس اقول لك مو بس السوبرا والسكايلاين اللي تجي طبلون يمين ..

اما سالفة طبلون الماكس تو اعرفها منك ..

لكن فوق هذا اهم شيء عندك القوة :D طبلون ماكس ولا إن شاء الله تيرسل مافرقت ..

لكن مافيه سوبرا ولا سكايلاين تطلع من مصنعها دركسون يسار وطبلون يسار ..

بس هذا حبيت اللي اوضحه :)

تشاو ..

bashar_255

17-08-2005, 06:13 PM

يحطو للسكاي طبلون نيسان سني و تدخل بالواسطة لأن طبلونها مقلوب :)

بس تتصدر اللوحة و تقلب جمرك السعودية ما عندك مشاكل :)

bashar_255

17-08-2005, 06:16 PM

http://www.stangbangers.com/03_MondeoST220_Article.jpg

M-A-X

18-08-2005, 04:04 AM

bashar_255
جزاك الله خير
وياشباب لاتفقعون قلبي
السياره يتصنع منها طاره بالسيار وموجوده بأمريكا
وعمي كان هناك وشاف لي السياره موديل 2002 جي تي ار = 120 ألف ريال سعودي واصله لين الجمرك و 5 جمرك
نظيفه بمعنى الكلمه لونها أزرق وأرسل لي صورها وقبل مايشتريها شاف طبلونها وقوتها ورجع لجده وراح سأل
بالجمارك والشركه ومدري وين وقالوا له ممنوعه تدخل لقوتها و لأنها دفع رباعي وشاحنين تيربو !! المهم قابل واحد
في جده يمتلك السياره مدخلها عن طريق أمير وقاله مالك غير تدخلها عن طريق أمير أو واحد ووواصل يعني الشغله
طويله وعريضه وأصلا راعي السكاي لاين اللي بجده مافيه خير لأنه ما ساعد عمي بالموضوع يلعن أم الحسد ؟؟
شباب اللي يقول بالشرقيه والقطيف ومدري وين خليه يعطيني مكانهم بالضبط أو أحد وده يبيع من الموديلات 99 وفوق
يدلني الله يبارك فيه ويوفقه دنيا واخره وتحياتي للجميع

vAMP

18-08-2005, 05:06 AM

حبيبي دفع رباعي وشاحنين تيربو لو تدور صح تلقاها نازلة من زمان عندنا .. شوف المرسيدس فيه منه سوبرتشارج وشوف السالين والمايباخ إذا ماني غلطان اربع سوبر تشارج بعد ..

هذا ماله دخل .. السالفة في الطبلون المنع لأن طبلونها يمين وممنوعة أيضاً حتى لو مقلوبة يسار ..

على كل حال راسلني عالخاص وانا أدلك على الرجال اللي قال لي موجودة بالقطيف .. :) قال لي بعد موديلات 98 و 99 رخيصة واللي 2000 وفوق غالية شوي ..

bashar_255

18-08-2005, 09:12 AM

قالوا له ممنوعه تدخل لقوتها و لأنها دفع رباعي وشاحنين تيربو !!

أقول أبو الشباب الـ Rb20 لو ما تحط في بطنه قطعتين ما يمشي

و انا كان عندي مرسديس نص كربريتر محركات شبح ألمنيوم كوبيه و ما صفت جنبي GT-S و انا اجيب الـ 400 متر في 15 ثانية !!

اذا عليه اغراض صف جنبي للـ 400 بعدين امشي عنه ( تنط السيارة يعني :D )

السكاي اذا ما جاك GT-R و الله ما يصلح الا للتقحيص بس و الـ GT-S أحلى ما فيه البدي و ياا ناس أخذوه و ركبو عليه محركات تيوتا و انا شايف من فترة واحد على النت عليه محرك موستنج تيربو :D

السيارة عادية

الـ GT-R سوبر كار يجيب الربع ميل في 13.75 ثانية بس

اما بالنسبة لكلام الأخ vAMP ترى انا ما شفت سيارة شد بلادها عليها تون سوبر شارجر :D

أعيد و أكرر الـ skyline ممنوعة لأن طبلونها مقلوب أصل طبلونها يمين أما على التدخيل فتدخل ( بالرشوة ) و ترى للعلم ان الأمير محمد مطارد وراهم ( عاجبني هالرجال :D )