كابرس SS ( ابيض ) ............ 2006 ..........

[ابو بندر]

السلام عليكم


حيا الله الشباب ...

الموضوع وما فيه

اني نويت انشاء الله اشتري كابرس SS ... 2005 .....

رحت للعيسى اليوم وسألت قالوا ما فيه 2005 ابدا .. واخر حبة باعوها <<<< حلوة حبة ذي |4| ... كانت بــ 113 الف ريال

قلت طيب مالنا الا 2006 بكم ؟؟

قالوا 127 الف ....... قلت في نفسي حرام والله كل هالفرق بالمبلغ عشان حساسات خلفية بس |5|

ومدامي وصلت لهالمبلغ الصراحة بديت افكر بسيارات ثانية بهالقيمة ويمكن احسن ...

الوكاد ... اني رجالن امووووووت بالسرعة ... واسعبل اذا شفت SS تلوح بالأفق <<<< والله منتب عاقل

شوركم علي تسوى ادفع 127 على الكابرس ... ولا انتظر ( اقصى مدة شهر يعني قبل الجامعة ) .. كودها ترخص شوي ؟؟

ولا التفت لغيرها من السيارات مدام كذا سعرها ؟؟

ولو سمحتوا ما ابي واحد ينط عليّ ويقولي رح للجميح لأني مستحيل اشتري منهم مسواك .. كيف عاد موتر ..

تكفووووووووووون شوركم يالربع |3|

[سلطان الأكورد]

بالنسبه للسعر اذا شافوك صامل

وتدلع وقل ترى بروح وكيل غيركم بيصير 122 الف

وبالنسه للفرق عن 2005 يفرق زي ماقلت الحساسات

وبعد الفتحات زي اللومينا 2005

[اكورديات]

والله اذا انك تموت بشي اسمه سرعه


مالك الا هي


لان بصراحه مافيه سياره بسعر زي كذا ترضي احاسيسك<=== متعوب عليها



واذا تبي شوري


انا اقول دام انها وصلت 127 خذ لك مورانو شكل جديد ويبي له ثلاث سنين على الاقل ماراح يتغير


اما الكابريس 2006 اضافو حساسات


2007 مليون بالميه بيتغير

[أكسنت 2001]

والله ياخوي حرام تدفع هالزيادة عشان حساسات

و أنصحك لا تفكر في غيرها

ولو تطول مدة صبرك شوي إلى شهرين أو ثلاثة كد سعرها نزل خمسة آلاف

أنا أعرف صديق لي راح بياخذ 2006 قالة صديقة مندوب مبيات في الوكالة حرام عليك تاخذه بهالسعر وهو بينزل سعرة في فترة بسيطة.

[المهنا بيك]

الكابرس واللومينا بيتغير شكلها في عام 2007

يعني حرام

ثاني شئ اتقي الله والله السعر نااااااااار

رح للجميح او بالبيد او التوكيلات

بالنسبة انك تكره الجميح اشتر منهم السياره والصيانه تقدر تسويها بالعيسى او اي وكيل لجنرال موتورز

بس الجميح ارخص لك مره :)

[بو العابد]

لو تصبر أفضل ولا تشوف التوكيلات

[بـــســام]

رح للجميح و شف اسعارهم و اذا على الصيانه عادي يمدك باي وكاله للشفر لان الضمان اصبح دولي

[كابـــSSـــرس]

شف يالغالي من ناحية الشكل اولا انا متأكد انه راح يتغير في 2008 بنسبه للكابرس

وانا واثق من كلامي

والشي ثاني تغير فيه الحساسات وفتحات التهوية

وبنسبه لسعر 113 تراه هذا في اخر السنة لانه يحطون عروض

ولا السعر ابد ماراح ينزل الى في ذي الحجه عروض الحج - وبيصير 120 - 117

وفي اخر السنه اذا نزل 2007 نزل لسعر 113 رغم اني اعتقد سعره عن 117 ماينزل بس كل شي جايز

اما اذا كنت راعي سرعه فصدقني هو يبي يلبي رغباتك بس للمعولمة الاس اس الصراحه

ليس ميزاته السرعه فقط لا الصراحه شكله موت ورسمي جدا جدا جدا وله هيبه قويه

وكذلك فيه الثبات

انا من اي توكل على الله ومدام انه 2006 اكشخ به واستانس والفلوس يارجل مهيب كل شي

اهم شي راحة البال والوناسه الدنيا فانية وانا اخوك

[MooNLiNE]

اخوي انا كنت في التوكيلات العالمية قبل كم يوم فيه كابرس 2005 اس اس بـ 114 الف اذا من حظك اذا ماخلصت لانه كان عندهم بس 6 حبات في المستودع
وبالنسبة للـ2006 عندهم بـ123 بس هم قالوا لنا انهم بخلوه بـ122 يعني انت لوتكاسرهم تقدر تاخده بـ 121 او 120 بعد
وبالنسبة للسرعة فاحسن الاختيار
بالنسبة للتوكيلات انا اقصد فرع الدمام ونصيحة ابعد عن الجميح
ومبرووك مقدما

[ابو بندر]

مشكووووورين كلكم ويعطيكم العوافي على هالتفاعل ...

التوكيلات ... اخبرها حقت فورد اذا منب واهم ... مهب هي ( توكيلات الجزيرة ) اللي تقصدونها ؟؟ .... ولا غيرها ؟؟

الشيء الثاني اذا قعدنا نشوف موديلات الكابرس نلقاها من 2000 الى 2003 شكل يعني 3 سنوات ...

عشان كذا انا اتوقع انها بتتغير في 2007 ... وزي ما ترعفون بتصير غبنة الصراحة ....

يا ليت احد يوصفلي التوكيلات هذي لأني بكرا ابخرط معارض الرياض لعلي القا خير ...

على العموم تشكرووووون مرة ثانية وعاشرة والف على المشورة :)

[بو العابد]

التوكيلات العالميه غير توكيلات الجزيره
وما اتوقع موجوده في الرياض هي موجوده في الشرقيه وجده اسعارهم حلوه وخدمتهم جيده

[ابو بندر]

افاااااا |5| <<<<<< انواع التحطيم

[passat2001]

اخي ابو بندر خذ لنكون LS سعره 127 الف وموجود فيها شاشة ملاحه وإذا عزمت على السياره يسويلك خصم وصراحة موتر فخم

[xx_V8_xx]

بصراحه مصخوها .. الكابرس الأس اس 2004 اول ما نزل في اول شهر شراه واحد من العيال بـ 112 ألف فقط لاغير .. لكن رفعوا سعره بعد الاقبال الرهيب عليه وخاصه على موديل 2005 !!!

انا بصراحه اقدر شي اسمه كابرس اس اس ... لكن دامها وصلت ل 130 فأنصحك تسير على وكالة فورد وشف اللنكون ls سعرها في هالحدود وافخم بمرااااحل ...

[مطفوق]

بالنسبه لي اذا كنت باخذ كابرس اس اس باخذه بحدود 117 الى 115
لان بصراحه السعر رافعين بقوه
لو تروح التوكيلات العالية اتوقع انك تلقاه بارخص كثير
وبعدين التوكيلات العاليمة موجوده في الرياض بس مدري وين شايفها ياربي

زي ماقلت الجميح انحششش تعامل زفت
يعاملونك كنك تشحذهم مو جاي بفلوسك تشتري
هذا كلامي صاير معي انا ومع اكثر من واحد
الحمد لله طلعت انا سيارتي من العيسى
بس العيسى مشكلتهم الزحمة

عالعموم السياره 128 مدري 127 بصراحه غالية كثير عليها

بس ان بغيت الصراحه انا مجنون كابرس اس اس

ومعاي كابرس ال تي زد افكر استبدل وادفع فرق عند الافضلية

وبعدين شف وضع لكزز ولا تستعجل

[ابو بندر]

يا شباب اللنكون ما عليه كلام فخم ورزة ...

بس مدرس احسه حق ثقل وكشخة وشياب ....

انا منب ماخذ الــ SS الا عشان الرجه والهبال ...

وفعلا مدام السعر وصل كذا شكلي ابهون عنها واروح لغيرها ( افالون او ES مثلا )

[bashar_255]

ابو الشباب

مو تتنازل عن الأمريكي و خذ لك لنكن |6|

http://www.lincoln.com/media/template/common/spacer.gif

[xx_V8_xx]

يا شباب اللنكون ما عليه كلام فخم ورزة ...

بس مدرس احسه حق ثقل وكشخة وشياب ....

انا منب ماخذ الــ SS الا عشان الرجه والهبال ...

وفعلا مدام السعر وصل كذا شكلي ابهون عنها واروح لغيرها ( افالون او ES مثلا )


الله يهديك الحين تقول اللنكن حق شياب همن تقول تبي تحول على افالون و es :D:D

شكلك تحسبه اللنكن تاون كار .. لا يخوي نقصد الـ ls سياره شبابيه جدا وهي اقرب منافس للأس اس ومكينتها قويه بعد

اما افالون صراحه مدري شلون دحدرت من اس اس لأفالون !! والـ es كامري لاراحت ولاجت .. قسم بالله اني اتحمد ربي مدري وشلون فيه ناس يحطون فيها فلوس ؟؟ قسم بالله 90 الف كثيره عليها وعلى شكلها السقيم |11|

تحياتي ... واستخر ربك قبل لا تتهور :)

[بو العابد]

نعم اللنكون LS سياره حلوه وشبابيه ورزه في نفس الوقت وإذا كان سعرها في هاالحدود فهي افضل من السيارات اللي ذكرت

[CaPrEeEs-2006]

مشكووووورين كلكم ويعطيكم العوافي على هالتفاعل ...

التوكيلات ... اخبرها حقت فورد اذا منب واهم ... مهب هي ( توكيلات الجزيرة ) اللي تقصدونها ؟؟ .... ولا غيرها ؟؟

الشيء الثاني اذا قعدنا نشوف موديلات الكابرس نلقاها من 2000 الى 2003 شكل يعني 3 سنوات ...

عشان كذا انا اتوقع انها بتتغير في 2007 ... وزي ما ترعفون بتصير غبنة الصراحة ....

يا ليت احد يوصفلي التوكيلات هذي لأني بكرا ابخرط معارض الرياض لعلي القا خير ...

على العموم تشكرووووون مرة ثانية وعاشرة والف على المشورة :)


تحيه طيبه لك يالغالى الحين انت تقول من2000 الى2003 ثلاث سنوات يا خوي هذي اربع سنوااااات تعال نحسبها سوااا

2000 ....2001....2002....2003 صارت بقدرت قادر اربع سنوااات صح:) يعني كل اربع سنوات يتغير الشكل والشكل

الحالى راااح يتغير في سنة 2008 وليس في سنة 2007... تحياتي لك ياالغالى وانشاء الله تلاقي السياره الى في بالك

ومبرووووووووووووووووووووووك مقدمااا....|1|

[أبـــوبـــدران]

من رأيي الأفالون افضل و الــ اي اس حلوه ولكن ليست مثل الأس اس

اس اس 2006 ياشيييخ ادفع 160000 على الأسم بس>>>>>مسكين عايش على كرسيدا وبس
ولله اس اس حلوه جدا جدا واذا شفتها قدامي ادووووخ
سعرها مناسب
ولكن لو تاخذ افالون يكون افضل من ناحية الفخامه والعمليه

وشكرااااا

[dos]

اخوي انا كنت في التوكيلات العالمية قبل كم يوم فيه كابرس 2005 اس اس بـ 114 الف اذا من حظك اذا ماخلصت لانه كان عندهم بس 6 حبات في المستودع
وبالنسبة للـ2006 عندهم بـ123 بس هم قالوا لنا انهم بخلوه بـ122 يعني انت لوتكاسرهم تقدر تاخده بـ 121 او 120 بعد
وبالنسبة للسرعة فاحسن الاختيار
بالنسبة للتوكيلات انا اقصد فرع الدمام ونصيحة ابعد عن الجميح
ومبرووك مقدما

وشوري من شور اخوى (م ح ص 469) خاصة الأخيره دقق عليها (اسال مجرب ولا تسال طبيب )

[مخاوي الشقاء]

والله زي ماقال أخوي كابرس SS والله الكابرس حلوووووووووووووه 100% بيتغيرشكلها 2008 لان الاكبرس كل أربع سنوات هذا شي اساسي

[husain_2000]

اذا مصمم على السيارة ترى في رمضان اكثر الوكالات تسوي عروض يمكن ينزل سعره
و على العموم ترى الكابريس سيارة ما عليها كلام

[Revo]

السلام عليكم
أنا كنت أبي أخذ من العيسى ولقيتها مخلص =>يشتري جح :)

قلت أبي أروح للجميح ورحت لفرع الحمراء على طريق الملك عبدالله
قسم بالله محترمين :) ماتوقعتهم كذا وأفضل بمراحل من فرع خريص ..
رح شوف بعينك ولا تقول قال فلان وعلان ..

بالنسبة لنكون LS شبابية وحلوه جدا ..
لنكون تاون كار تشبة الفورد وهي اللي تقل سيارة شيبان ..

بالنسبة لسيارات الدفع الأمامي أرجوك لاتنزل راسك لها ..

ألف تحية