طلبتكم _-_ مزايا وعيوب الكمارو موديل 98 أو 99

[Camaro ReD]

السلام عليكم ورحمة الله وبركاته


الموضوع واضح من العنوان


مزايا وعيوب الكمارو موديل 98 أو 99

بس أبيه ضروري لأني عندي جيب شيروكي موديل 2000 وبعته والكمارو موجود بس يقولولي خرابات

أرجو الرد بأسرع وقت ممكن :)


مشكورين مقدماً

[KhaLeDx]

هلا اخوي

الكمارو تحت موديل 98 ام الخرابات

اما 98 -99 -2000-2001-2002 ماله خرابات

لان ماكينته ls1

الخرابات تعتمد على استعمال الشخص نفسه يمكن لاعن خيرها

انت افحص الموتر بالأول واذا طلع سليم اخذه وتوكل على الله

[بو العابد]

إفحص السياره قبل ما تاخذها

[SSX911]

شباب كم سعر الكومارو 99 2000 الجمرك

[Camaro ReD]

مشكورين ويعطيكم العافية

بس شنو يعني ls1

وشنو الفرق بينه وبين القديم

[Camaro ReD]

والغير أوتوماتيك ( هل فيه خرابات )

[xx_V8_xx]

ls1 يعني مكينة حجم 5.7 لتر وهي نفسها الموجوده في بعض موديلات الكورفت .. وكل الكوابرس من عام 2000 واللومينا اس اس كذلك

[chevy]

السلام عليكم ورحمه الله وبركاته

أخوي الموتر جبار وخاصه أنه أميركي صنع داخل حدود أميركا|1|

واللي يطلع من عندهم شي نظيف .....أنا كان معي camaro ss قير عادي

السياره ماعليها غبار أبدا لكن إذا حافظت علي السياره وتشيك عليها بين

وقت واخر ماحيصير هناك اي مشكله بأذن الله .. لكن أخواني الشباب الله يهديهم

مغير كرف بالسياره وتفحيط ولفلفه ليل نهار ويهمل السياره ولا يشيك لاعلى زيت ولا مويه

وإذا خربت قام زعل :mad: ويقول ليش وليش .................


أخوي خذ الموتر وتوكل على الله وأنصحك بانه يكون V8 ومستورد أميركي...... وبالتوفيق|3|

والسلام عليكم ورحمه الله وبركاته.

[MUSTANG-CAMARO]

اخوي ....
كوماروا 98 وطالع ماعليه كلام والله انها سيارة محترمة وجبارة..
احنا عندنا كوماروا 98 اوتوماتيك والله ماشاء الله ... بس انت شيك عليه وافحصه قبل ماتاخذه
واذا الموتر اوكي توكل على الله وخذه.....وماعليك من الا يقولك خرابات, 98 وطالع يتحمل.

وبالنسبة الى مكينة LS1 هذي الجيل الجديد من شركة شفر , واول ماطلعت على الكورفيت 97
وجت على الكوماروا 98 وطالع , وهذي مكينة جبارة وذات قوة تحمل وأقل في صرفية البنزين.
وجت بعد على اللومينا اس اس والكابريس اس اس , بس تتصنع في استراليا , يعني ماهي بجودة الامريكية زي
ماهي على الكورفيت او الكوماروا.....
وانا اقولك توكل على الله ومبروك مقدما..

تحياتي:)

[Camaro ReD]

الله يبارك فيكم مقدماً

لا أخواني انا باخذه حق تمشي فقط لاغير

والحمد لله أنا مو من النوع إللي يلعب بالسيارة ويلغمها :)

[MUSTANG-CAMARO]

وبزيدك من الشعر بيت...

الجير الاوتوماتيك مافيه خرابات وقوي ترى, يعني لاتفكر انه مثل باقي السيارات
يقولك الاوتو ضعيف وركب لك عادي, لا بالعكس جير الكوماروا اوتو قوي ويتحمل.

واسعار ال 99-2000 في حدود 40 الى 50 الف ريال سعودي... وعلى حسب النظافة تقدر تحصلك
حتى ب 30 الف.....وبالتوفيق

[Camaro ReD]

للأسف شباب السيارة رحت فحصته طلعت فيها خرابات

ويمكن ملغومه او شي

المهم

جاري البحث عن كمارو آخر :( الله يعيني :(

[بو العابد]

يالله خيره يارجال يمكن تحصل احسن من قير عادي :)

[MUSTANG-CAMARO]

يالله يارجال كل تأخيرة فيها خيرة..

وبالتوفيق

[Camaro ReD]

أي والله

كل تأخيرة فيها خيرة :)

بس خوفك تطول :):):)

[Camaro ReD]

أقول

لقيت كمارو موديل 96 كشف

نظيف جدا جدا جدا

مو مدعومه ولا مره

ماشيه

84 ألف فقط

+++++++++++++++++++

عيوب الكمارو من موديل93إلى 97 شنو

[بو العابد]

كم قيمته ؟؟؟؟؟
الكمارو 93- 97 يبيله محافظه بالنسبه للعيوب ما عندي علم لأن اللي كانو عندي ما خليتهم اكثر من شهر :) مره أخترب عندي السلف ومره أختربت طرمبة البنزين بالنسبه للحراره مااافي

إذا نظيف و قيمته حليوه لا تفوته

[MUSTANG-CAMARO]

اخوي قيمته 93-97 تبدأ من 15 الى 25الف ريال سعودي, وكل موتر وعلى حسب نظافته :)

بس ماعندي خبرة عن الخرابات والعيوب, انا اسمع انا القديم شوي خرابات.

بس لاتاخذ على كلامي .. لاني مجرد سامع بس. وماقد جربت هالموديلات.

واذا الموتر نظيف واوكيه توكل على الله وخذه , وبجيك اقوم معاك بكوماروا 98 :D

وبالتوفيق...تحياتي |3|

[Camaro ReD]

مشكورين أخوي بوعابد و أخوي MUSTANG-CAMARO

ويعطيكم العافية :) والله أنكم ما قصرتو وياي وأنشالله أخدمكم بالأفراح :)

بالنسبة للسيارة نظيف جدا وأنا صراحة ما شفت أنظف منه

مواصفاته :
لون أحمر
كشف أوتوماتيك
جلد وكالة
توايير جديدة ونيكل
ماشي 84 ( من المستحيل وجود كمارو موديل 96 ماشي 84 ...... يمكن ملعوب بالعداد ) :)

وسعره 1800 دينار

[بو العابد]

خليجي؟
لأن إذا امريكي 84000 =134400 كيلو

1800 دينار =22000 ريال تقريبا

حاول تنزله أشوي
وإذا الموتر مثل ماقلت انا أقول لايفوتك

[yasser ss]

توكل على الله والموتر يجي على حسب البركه....:cool:

[blue chevy]

والله انا افضل 98 فما فوق

عالجوا عيوب كثيره وهي اقوى بكثييييييييييييير

وحتى الشكل احلى

[mortally]

حبيبي انت بالكويت ولا في البحرين
لان سعر الكمارو غالي وتحصل ارخص واحلا منه

[KhaLeDx]

اخوي اذا انت من لكويت ترا عندي كمارو نظيف شرط فحص للبيع اذا تبيه ضيفني بالماسنجر .. لونه الوحيد بالخليج مميز جداً ونظيييف حيييييل

هذا ايميلي اذا انت جاد khaledx@msn.com

[CHARGER]

خذ هذي المعلومه
اذا انت من الرياض اتركه
وخذلك اي سبور غيره هو
وموفق ان شالله
**********

[Camaro ReD]

مشكورين أخواني ويعطيكم العافية

وجاري فحص الموتر

[بو العابد]

والله انا افضل 98 فما فوق

عالجوا عيوب كثيره وهي اقوى بكثييييييييييييير

وحتى الشكل احلى

ترى الشكل نفسه ما تغير إلا الصدام الامامي والانوار يقدر يسوي نفس الشكل بالراحه يجيب وجهية 98 بس :)

[blue chevy]

صح كلامك اخوي بوالعابد

بس مكينة ls1
ياخي مكينة عجيبه طوروا مكينة الألتي بشكل جذري

منها مشكلة الحرارة ومنها مشاكل الدلكو
وحطوا الحين كويل
وبالتالي الكمبيوتر يتحكم بالشرارة

ما يبيله تضبيط حط الواير وخلاص

حتى الثلاجة صارت احسن
والراس احسن

يعني شغلات بسيطه بس مفيده حيل

مثلا يبي يزيد قوتها يحط لها كام ويزيده 50 حصان وهو مرتاح

اما مكينة الأل تي

اخونا فهر قال



You can get 50-70HP from LT1 with the following part:
1. Intake
2. Long Tube Headers 1 3/4
3. Cutout or Free Flowing Catback
4. Cam
5. Heads
6. TC with 3000 stall
7. 3.42 gears
8. Dyno tuning via LT1 Edit, HPtuner or EFI FlashScan

فإنت بكام تقدر توصل لأحصنه كثيره بدل إلي ذكرها اخونا فهر فوق

الكماروات من 98 عندنا
يخافون منهم
لأن قطعه خفيفه تعطيك قوة غير طبيعيه



انا قصدي انصح والله

بدل ما يتوهق الرجال


تحياتي |3|

[بو العابد]

المكينه شي ثاني أنا تكلمت عن الشكل

بالنسبه لي جيب أي واحد أكيد بيصير أحسن من اللي عندي :)

[Camaro ReD]

شباب تم الشراء

موديل 96 نظافة مو طبيعية مو مدعومه ولا مره ولا نقطة معجون فيه

ماشي 84 كيلو متر

:) ما شاء الله الموتر حلو

وأنشالله أرفقلكم صورته

[MUSTANG-CAMARO]

الف مبروك ..لك الموتر :)

واختيار موفق

تحياتي |3|

[Camaro ReD]

الله يبارك فيك :)