لماذا لغت شفرولية الكابرس واللومينا ؟!!!!!!!!!!

[KhaLeDx]

السلام عليكم ورحمة الله وبركاتة

أسف للعنوان لكن الموضوع خطير جداً


لغت الشفرولية الكابرس واللومينا في التسعينات ولغت الكمارو في عام 2002 .. بحجه انهم ماجابو مبيعات !!!

شباب في منطقه تخلو من الكابرس او اللومينا ؟؟ في شارع او حاره يخلو من الكابرس او اللومينا ؟؟ في بيييت يخلو من الكابرس او اللومينا ؟؟؟

والله يا شباب الكابرس اكثر سياره عائليه متوفرة بالكويت وبالخليج بالاصح من الثمانينات

يقولون ماجابو مبيعات ؟ والله يا شباب سيارات اسطوريه يتم الغاها لماذا ؟؟؟

الكابرس ؟ معروف الكابرس من زماان قبل لا انا وانت ننولد ونطلع على الدنيا حتى انا جدي كان عنده كابرس وابوي كابرس وعمي .. الخ

سياره مميزه ولها تاريخها بكل بساطه تلغيها الشفرولية في التسعينات ؟؟ والان ينزل كابرس استرالي ؟ لو تلاحضون في موقع الشفرولية لا يوجد كابرس :)

واللومينا بعد الغتها الشفرولية ؟؟؟

وفي سنة 2002 تم الغاء الكمارو بحجه انه ماله مبيعات ؟؟ كيف ماله مبيعات والكمارو اكثر سياره سبورت متوفره بالخليج وبأمريكا ايضاً اضعاف اضعاف الموستنج عدد الكمارو بالخليج وامريكا ...


لغو الكابرس ولغو الكمارو ولغو اللومينا مو بعيده باكر يلغون كل سياراتهم ويجلسون يبيعون حلويات :)


اسف للإطالة


اتمنى اشوف وجهات نظر وردودكم الطيبه اللي عودتونا عليها :)

[soso_ss]

صراحه
الومينا القديمه كانت جدااا تعبانه
امه من موديل 99 وانت طالع سيارات
صــــــــــــــــــح

[KhaLeDx]

خل عنك اللومينا .. الكابرس ليه يلغونه ؟؟ تعبان ؟؟ الكمارو تعبان ؟؟؟ تعبان

غريبه !!!

[MUSTANG-CAMARO]

انا قريت مرة انا شفروليه وقفت مبيعات الكابريس سنة 96
لان المبيعات انخفضت في امريكا والعالم .

وبعدين انت لو تلاحظ انا في التسعينات ان اكثر الكوابرس الاكانت عندنا كانت اكثرها وارد امريكا ...يعني مستخدم.

قامت شفرولية بشراء شركة هولدن الاسترالية ورجعت الكابريس واللومينا.. بس للأسف ماهو الكابرس الاولي ولا هو بذيك التحمل.

وبعدين الكوماروا ليش وقفوا صناعته ماأدري بصراحة... بس بغيت اصحح لك معلوماتك: اخوي الموستنج مبيعاتها في امريكا والخليج والدول الاخرى هي اضعاف اضعاف الكوماروا وليس العكس....وشركة فورد احتفلت بمبيع اكثر من 3 مليون موستنج في العالم في السنوات القليلةالماضية.
وارجوان افدتك اخوي.
تحياتي لك :)

[bashar_255]

وشركة فورد احتفلت بمبيع اكثر من 3 مليون موستنج في العالم



7 ملايين مش 3

و هو أكثر سبورت انباع بالتاريخ


بس بصراحة لما تقول ان الشفر غبية انا اقول لك غلطان

فيه شغلات كثير ما تقدر تلاحظها بالعين المجردة :D

من 96 الى الآن كم شركة اشترت و كم سهم أشترت ؟

الشفر زادت ربحيتها و تقدمت على الفورد

و حتى لما لغت الكميرو ما كانو أغبية

الكميرو 2002 لو تلاحظ انها أقوى من الـ C5 بفرق بسيط

تركت لهذه السيارة مكانة و عشاق علشان تضمن انه في المستقبل لما تنزل سيارات مثل الـ GTO الناس تشتري !!

و اذا نزلت كميرو مرة ثانية الناس بتشتري طبعاً

فيه كلام كثير

بإختصار و من وجهة نظر اقتصادية شروليت اليوم أفضل من الأمس

وقفت كذا سيارة و ربحت الكثير الكثير

[الشــــــرطه]

بالنسبه للكمارو نظام شاصيها قديم وقديم مره فا مهب مخسرين فلوس كثيره ومشاريع مبالغ فيها وفي الاخير تنافس الكورفت في السرعات :) ولو تلاحظ في اخر عهدها كانت منافسه للكورفت وتعرف الكورفت في الشفر هي الاهم .. وكانوا مظطرين يايغيرون في الشاصي علشان موضوع السلامه والامان ودقه التوجيه او يلغونها لانها مستحيل تثبت على ماهي واذا تبي الدليل شف الفورد فهم غيروا شاصي الموستنغ في الجديده من الى اما الشفر فعندهم الكورفت ومستحيل يضحون بها .. وهذي وحده من الاسباب وممكن تدخل فيها المبيعات او شي زي كذا لكن الاهم اللى ذكر ...


اما عن الكابرس فهو لازم لان برضوه شاصيه قديم .. شف الفكتوريا والميركوري جراند ماركيز واللنكولن تاون كار كلهن معرضات للتوقيف والسبب نظام الشاصي وانهن محتاجه الى مبالغ هائله الى انهم يغيرون في الشاصي وفيه اشاعات ان فورد مهيب مستعده تدفع مبالغ في سيارات ماتتسوق الا في امريكا والشرق الاوسط :rolleyes:


وانت تكلمت عن الكابرس لكن شف البويك رود ماستر وشف الاولدزمبيل وشف الكدلك بروغهام وغيرها وغيرها كلهن يعتمدن على نفس الشاصي اما موضوع المبيعات فهو شي ثانوي مره ترتفع ومره تنزل على حسب الاسعار العالميه

[blue chevy]

الكمارو محركه نفس الكورفيت فالناس تاخذها علشان رخصها

فإذا صنعوا كورفيت نوع واحد بمحرك الزي او 6

وصنعوا الكمارو بمحرك أل اس 2

ماراح يخسرون

فتخيل الحين نزلوا كمارو جديد ومكينته نفس مكينة الكورفيت

فأكيد الناس راح تاخذها وقليل من الناس يشتروا الكورفيت (إلا محبي الشكل والامان والانسيابيه)


والكابريس بصراحه القديم تعبان حيل
روح شوف موديل 2000
وشوف الباب للحين ما يرقل وما فيه تنسيم
ولا بممشاه يرجف


سياره احس انها قوية

اما الصابونه بصراحه تعبانه حيل

[LAMBORGHINI]

اولا مبيعات الخليج مجتمعه ماتجي ربع مبيعات الولايات المتحده الامريكيه

وعن الغاء بعض السيارت هذي تعتبر سياسه مبيعات و ليس غباء

و الكابرس و الومينا و كرسيدا من تويوتا كانوا يتسوقون لاسواق محدوده فقط <--- الشرق الاوسط و امريكا الشماليه

و البديل صار للاسواقع العالميه <-- كامري / الكابرس و الومينا يتسوقون باسامس مختلفه و لكن بنفس التصميم و المصنع

[camaro_corvette]

ان الي ابغى اقوله نفس كلام الاخ LAMBORGHINI ..ان كابريس ولومينا كانت في الاول تنزل في امريكا وفي المنطقة الخليج عن طريق شفرلية ومسئلة ان توقف عندنا في منطقة الخليج وجاء عن طريق هولدن سنة 2000 جاءت بعد دراسة طويلة قامو بتجربة كابريس ولومينا قبل الكشف عنهم كانو السيارات مخفية من الامام والخلف في مناطق كثير من ظمنها رالي الاردن الدولي وفي منطقة عمان علشان يجربو اجواء الخليج هل تتناسب مع لومينا وكابريس والي صار ان اجواء استراليا متشابهة نوعا ما زائد انهم طورو الكثير علشان الاجواء ....

وهذا الكلام جاء على لسان مسئول جنرال موتورز في كلمته (لومينا صممت للخليج)
لكن على كلام الشباب انها فاشلة وتوقفت فهذا شيء غلط لان نفس الشيء صار مع تويوتا في سيارة كرسيدا الي كانت المنافس الحقيقي للماكسيما لحين مجيء كامري واتوقف كريسيدا في الخليج وامريكا...

ومسئلة ان كابريس توقف في امريكا وفقط جاء لينا ..فهذي ايضا خطه تسويقية لان كل شركة لها مجموعة سيارات في منطقة معينة ولا تنسو امريكا عندهم الامبالا ومونت كارلو يعني زي ما عندنا سيارات ملائمة ايضا عندهم سيارات ملائمة للأجواء امريكا..

وشكرا

[راعي الكـراون]

من يقولك انه الصابونة تعبانه ؟؟ تحمل ما تقدر اتعيب عليه .. انت قط سمعت كابريس اخترب القير حقه ؟ ابدا

وسلامتكم

[MUSTANG-CAMARO]

اسف اخوي بشار ...انا عارف انه 7 مليون بس الظاهر اني
بالغط كتبت 3 ..مافي احد معصوم من الغلط:D

تحياتي

[مؤيد اف1]

الكابرس الصابونه قوة تحملها عجيبه الصراحه وللحين ماشفت سياره مثلها في التحمل.. :)

[$$عبدالعزيز$$]

انا اشهد ان الصابونه موتر يعتمد عليه

[ABu7MeaD]

كيف نعيش بلا كابرس

[bashar_255]

تسقط الماركيز و تعيش الصوابين :D

[COBRA S.V.T.]

الصابونه سياره بس كأنك تسوق باخرة ثقييييييييييييل
مو زي الفورد مريح في القيادة

[ك ا م 370]

بس انا اتوقع الفكتوريا يستحمل الكرف اكثر



تحياتي

[CamSHAFT]

معليش اخوووووي
هذا تسويق مو لعب قمار نوقف الكابرس ولا لا
ايش الكويت والسعودية واسواقهم بالنسبة لأمريكا؟؟
قبل يويمن كنت اشاهد CNBC عربية
وكان هناك تقرير عن مبيعات السيارات في امريكا خلال شهر يوليو (اكرر شهر واحد فقط)
عدد السيارات التي تم بيعها داخل الولايات المتحدة خلال شهر يوليو الماضي تجاوز 2 مليون سيارة!!!!!!!!!!

بينما السعودية وهي اكبر سوق في الشرق الأوسط تستورد سنويا 275 الف سيارة فقط
شوف هذا في سنة وهذا في شهر
والشفافية في الادارات في امريكا معروفة جيدا
وهذ ليس غباء او فساد اداري مثل ربعنا

[$المهندس$]

والان سوف ينزل الكمارو الجديد بقصه الكمارو القديم

[CAPRICE LS]

السلام عليكم

ياشباب بحكم اني عند كابرس سواء كانت شفر أو لا السيارات المنتجه من هولدن صراحه سيارات جباره صحيح
ينقصم انظمة أمان أقوى لكن نرجع ونقول ان هذه السيارات جباره سواء من
ناحية الشكل أو قوة المحرك,, ليش مزعلين حالكم لاتقولون انها شفر قولو انها هولدن وريحو بالكم
أما تسميتها بالكابرس أنا أشوف انه مجرد تسويق لاأكثر لانها ما تمت للكابرس بصله
بعدين ياشباب الصابونه ثقييييييييله يعني ويييييينها ووين الهولدن.....
ودمتم بخير

[bashar_255]

الثقل مي مشكلة :D

السالين الجديد S281 SC طنين و 400 حصان و يجيب 12.3 في الربع ميل :D

اما بالنسبة لجودة فأنا بنظري ان هناك تطور من سنة 2000 حتى الآن :)

[مؤيد اف1]

اما بالنسبة لجودة فأنا بنظري ان هناك تطور من سنة 2000 حتى الآن :)

تطور كبير بعد...لان الحين الطلب على سيارات هولدن كبير ...فمحتاجه الشركه تعدل السيارات بقدر ماتقدر..لان تخيل كل هالسيارات تخرب على الضمان مو الشركه الخسرانه؟

[maxima for ever]

الصراحة الشركة معها الحق في الغأ سيرات الومينا لانها سيارة ما تتحمل وماتجيب مبيعات ولاكن الكابرس حرام تلغيها الصراحة
وتشكر عالموضوع الطيب حبيبي

[lkl]

انا اقول ان الشركة لعبتها صح

[BAssAM ss]

معليش اخوووووي
هذا تسويق مو لعب قمار نوقف الكابرس ولا لا
ايش الكويت والسعودية واسواقهم بالنسبة لأمريكا؟؟
قبل يويمن كنت اشاهد CNBC عربية
وكان هناك تقرير عن مبيعات السيارات في امريكا خلال شهر يوليو (اكرر شهر واحد فقط)
عدد السيارات التي تم بيعها داخل الولايات المتحدة خلال شهر يوليو الماضي تجاوز 2 مليون سيارة!!!!!!!!!!

بينما السعودية وهي اكبر سوق في الشرق الأوسط تستورد سنويا 275 الف سيارة فقط
شوف هذا في سنة وهذا في شهر
والشفافية في الادارات في امريكا معروفة جيدا
وهذ ليس غباء او فساد اداري مثل ربعنا




http://www.assayyarat.com/myimages/Jul05/BAssAMss_cqp0pA.gif

أخي العزيز كاتب الموضوع

هذه شركة كبيرة لها إسمها ولها سمعتها ولها سياستها

ومايصير تتطاول عليها بالسب والغباء بدون دليل ؟؟ :D

وشفرولية

لم ولن توقف إنتاج سيارة دامت مبيعاتها مستمرة ولم تخسر

حساباتك إنت غير حسابات العملاقة شفرولية

ووجهة نظرك إنت غير وجهة نظر شركة كبيرة رأس مالها بالملاييــــــن

يوجد بها أكبر المحاسبين الموظفين يديرونها !!!!!؟؟؟


والأخ Night Hawk

أعطاك مثال بسيـــــط جدا جدا لمبيعات شهر يوليو

أرجوا منك أخي العزيز عدم التسرع بالحكم على شركة كبيرة

مثل


CHEVROLET

http://www.assayyarat.com/myimages/Jul05/BAssAMss_cqp0pA.gif

BAssAM ss

[Revo]

بأختصار

لو ينزل عندنا حلاو مصنع بأستراليا ومكتوب عليه شفروليه نبي نشتريه !!

ثقتنا بهذي الشركة مستحيل تهتز ..

سلام

[كابـــSSـــرس]

بأختصار

لو ينزل عندنا حلاو مصنع بأستراليا ومكتوب عليه شفروليه نبي نشتريه !!

ثقتنا بهذي الشركة مستحيل تهتز ..

سلام


|1| |1| |1| |1| |1|

[الفاروق]

المبيعات في الخليج لا تشكل شيئا بالنسبة للمبيعات في امريكا
يعني كم كابرس كانو يبيعون في السنة 10 الاف 15 الف هذا لاشيء, في امريكا يتكلمون عن 200 الف كابرس في السنة 300 كابرس في السنة مو 10 الاف
لهذا السبب تم وقف انتاج السيارة
الكلام ينطبق على السيارات الاخرى