عضو جديد يسألكم عن ال BMW الفئة الخامسة ؟

[البواردي]

السلام عليكم

يشرفني إخواني الأعزاء الأنضمام إليكم في هذا المنتدى

وحقيقة ناخيكم ياخبراء ال BMW

أنا أدرس في فرنسا و سوف أنهي دراستي بعد أشهر بسيطة بإذن الله والصراحه انغثيت من البيجو 307 :)

وناوي أنزل لهولندا وبلجيكا والمانيا بحكم قربها من باريس

وأبحث عن سيارة مستعمله بحاله جيده

وقد نصحني بعض الأصدقاء بال BMW الفئه الخامسة

ولكن لم أحصل على معلومات وافيه عن هذه الفئه

ولدي أسئلة منها :

1 - ماهو أول موديل ظهر من الشكل الجديد

2- ماهي مواصفاتها والفرق بين موديلاتها

3- كم تسوى بالسعودية جديدة ومستعمله

وشاكرا لكم تعاونكم |3|

[B R A B U S]

السلام عليكم ورحمة الله وبركاته


يا هلا ويا مرحبا فيك اخوي في المنتدى وانت وسط بيتك واخوانك

وبالنسبه للأسئلة الي مخليها ..


1 - ماهو أول موديل ظهر من الشكل الجديد ؟؟

ظهر اول موديل للشكل الجديد في سنة 1995 ..

2- ماهي مواصفاتها والفرق بين موديلاتها

المواصفات حسن الحجم مثلاً 525 الرقم الأول يمثل الفئة
الا واهيا الفئة الخامسة اما الرقمين التاليين يمثلون حجم
المحرك 25 الا وهيا تعني 2.5 واعتقد انه بدأت الفئة من
520 و 525 و 535 و 540 طبعا كلهم 6 سلند ما عدا 540
8 سلندر وفخم ...

3- كم تسوى بالسعودية جديدة ومستعمله

هذا السؤال يقدرون الاخوان يجاوبون عليه في السعودية
اعتقد انه في البحرين سعرها في الوكالة تقريبا 17000 دينار
زايد قاصر في هل الحدود ...


وسلامتكم ....

[البواردي]

شكرا لك أخوي clk

وما قصرت يالغالي

بس تقول 1995 أول موديل الظاهر مافهمتني يالغالي

أنا أقصد يعني بآخر شكل اللي هي عليه الحين هل هو 2004 أو 2005 مثلاً

وإذا عندك خبره فيها وش الفرق بين 525 و 535 و540

وهل تنصح بالسياره ؟

ثقلت عليك أدري بس تحملنا ;)

والصراحه أشكرك تجاوبك :)

ومستغرب ردة فعل الأعضاء وعدم التجاوب معي

شي مايحمس الواحد بالمنتدى:confused:

[X-5]

اخوي الغالي البواردي

الشكل الجديد بدأ تصنيعه للنزول في عام 2004


موديلات الفئه الخامسه هي كالتالي :

525i مكينتها سته اسطوانات 3 لترات بقوة 215 حصان دفع خلفي
530i مكينتها سته اسطوانات 3 لترات بقوة 255 حصان دفع خلفي

والـــ 545i
مكينتها 8 اسطوانات 4.4 لتر يقوة 325 حصان

وطبعاً فيه ال 525xi 530xi هذي طبعاً يكون الفرق فقط في ان الدفع رباعي



طبعا المواصفات تكون قياسيه في الــ 545 يعني فل اوبشن
ال 530 غالباً تكون فل اوبشن
وال 525 على حسب الوكيل وغالبا تلقى المواصفات مختلفه في ال 525 يعني بعضها نظام ملاحة وبعضها بدون
حتى احيانا تلقى 525 بدون فتحه او حتى مخمل من الداخل
وطبعا هذي المواصفات هي اللي تحدد سعرها

ومن المواصفات نظام الملاحة , التلفزون , التلفون , تقنية البلوتوث , الفتحة نوعية الجلد الداخلي , الجنوووط
الخشب الداخلي تدفئة المقاعد

وعلى فكرة قليل ماتلقى ال 545 لارتفاع ثمنها بالنسبة للفئة الخامسة

هذا اللي عندي والشباب انشالله مايقصرووون


تحياتي

X5

[الكويتي17]

الشكل الجديد نزل في 2004

وموديلاته هي :

520i و 523i و525i و535iو545i وM5

وهذه الفئة دائماً ما تأتي بمواصفات عالية يعني 520 الي هي أصغر وحدة راح تلقى فيها مواصفات ما تلقاها الا بالفل أوبشن بالفئة الثالثة..

[B R A B U S]

السلام عليكم ورحمة الله وبركاته


اسمح لي اخوي الغالي على التأخير والله بس اعتقد انه اخونا العزيز X5 بين لك

الفروق الي تكون داخل الماكينة وطبعا انه انصح بال 530 لانه 6 سلندر و قوه تصل

الى 255 حصان مثل ما بين اخوي العزيز وطبعا هناك الفروق الداخلية مااعتقد انها

تكون كبيرة صديقي عنده 525i بس طبعا 530i احسن للسحب .......

[عمر الشهري]

حياك الله أخي معنا هنا

وأتوقع أنك حصلت على مرادك وأحب أضيف

هناك الموديل الأعلى وهو الـ M5 ويأتي بمحرك جبار بقوة حصانية قدرها 507 حصان

وتصحيح للمعلومات التي طرحت أعلاه فأن الموديل 545 يملك نفس محرك الفئة السابعة والذي تبلغ قوته 333 حصان

وأول موديل طرح في سنة 2004 بالموديل 525

والأسعار إجمالاً تبدا من 150 الف حصان وتنتهي عند 280 ألف

أخلص تحياتي لك،،،

[HFR50]

والأسعار إجمالاً تبدا من 150 الف حصان وتنتهي عند 280 ألف

أخلص تحياتي لك،،،
^
^
^
<----------- ميت ضحك على العملة
من كثر ما تحكي عن الاحصنة اخوي عمر تخربطوا عليك العملات والاحصنة

[البواردي]

شكراً لكم جميعاً
وماقصرتوا
وإعذروني على التأخر بالرد لاني كنت مسافر واليوم جاي وتوني اشوف ردودكم
كفيتم وأوفيتم
تحياتي