سؤال مهم عن BMW للمجربين !

[الحساااس]

مسا الخير اخواني .. ابي اعرف وش انواع BMW موديل 98 الى 2001

ومواصفاتها وخراباتها اذا فيها خرابات .. واخيرا كم قيمتهم بالسوق يعني في معارض النسيم وشكرا ..

[سعادة الدكتور]

والله سؤالك يبي له مجلدات

عموما الاسعار من 55 الى 90 الف حسب المواصفات

والمشاكل نادره جدا

[الحساااس]

مشكور حبيبي بس فيه نوع 740 LI على ماذكر ؟ موديل 2001

ياليت لو تعرف عنه اي شي وانا سمعت ان مشاكله في الالكترونيات .. حساسة جدا ؟؟

والف شكر لك ..

[سعادة الدكتور]

حياك اخوي

السيارة حساسة فعلا

بس لاي عطل بسيط مثل لمبة اللوحة الخلفية

او اذا اتحرقت لمبه البريك الخلفي الطبلون مثلا

وهاذي الحساسية ميزة بحد ذاتها

عموما

البي ام سيارة سابقه عصرها

وفيه تقنية عالية جدا جدا

وعلى فكره

انت لو اعطيت الانذارات اشكل ماتفرق

لانها كماليات

طبعا ماعدا انذارات المتعلقه بالميكانيك

لاتنسى ان البي ام اجود من المرسيديس

يعني حتى لو اضطريت تسوي لها صيانة

تحط القطعه مره وحده وتنساها

[سعادة الدكتور]

نسيت اسألك ايش مواصفات السيارة اللى لقيتها

وشكرا

[الحساااس]

والله لقيت يالغالي فل اوبشن ونوعها 740 Li ولونها فضي

وفيها تليفون وشاشه ومادري ايش ؟ بصراحه مالي خبرة بال BMW

والرجال يقول انها اكبر حجم ؟؟ وموديلها 2001 او 2000 ؟

بس الموتر نظيف مرة ويستاهل كل ريال فيه ؟؟ اظنه حادها ب 75 الف على ماذكر .. والله مو متاكد

اللي مخوفني ان واحد من خوياي معاه تقريبا نفس المواصفات وكل شهر في الورشة

واغلبها الكترونيات على كلامه ؟؟؟

بس فيه سؤال محيرني .. BMW ارسى من الفياقرا والشبح ؟؟

والف شكر ..

[عاشقBMW]

اهلين خيووو

شوف مابي اقول البي ام احسن لكن بعلمك هالسالفه


صاحب معرض في جده ومعرووووووووف بعد


كان معاه شبح 99 على ايامه وهالكلام قبل 5 سنين ...


وزين وحلوووو


لكن مدري وش اللي طرحه على ابي ام

لقى وحده موديل 96 مقلووبه 99 يعني مغير الاصطب والشمعات بس ...

يحلف الرجال وهوو صاحب المعرض يقول


ان البي ام ارسى واطلق من المرسيدس في الخط

ومن نااحية رسااوه توكل على الله

مافي احسن من البي ام .... فهي ارسى سيااره في فئتها


اما بالنسبة لخرابات السيااره

شوف حبيبي لو حافظت على السيااره بتعيش معك

لكن تهملها الله يعينك عليها .....


وانا في انتظار اي سوال منك اخووي

تشكراتي ، ، ،

[الحساااس]

الله يعطيك العافيه .. بس ابي اعرف وش الفرق بين الموديلات

يعني 96 نفس 99 يعني اقدر ارهمهها

وايضا ابي اعرف انواعها يعني 740 وغيرها وشكرا

[عاشقBMW]

اهلين خيووو

مافي فرق

مجرد اختلاف في المقاسات

عندك 750 اي ال طبعا ذي انحش عنها لانها 12 سلندر


اما 740 اي ال هذي 8 سلندر

الاختلاف بين الموديلات فقط من الخارج والجنوط


يعني الموديلات القديمه اصطبها الخلفي عادي بينما من 98 وطالع اصطبها كريستال وهذي شكلها احلى

الجنوط صارت 18 من بعد ماكانت 16 ....


ايضا هناك اختلاف في الشاسيه ...

بعض انواع الــ 740 اي ال يجيك طويل والبعض الاخر يجيك قصير


والشاسيه ا لطويل افضل من ناحية الشكل ...


وبما انك لقيت بي ام انا انصحك تروح تكشف عليها سواء من الشركه

تقريب يكشفون عليها بــ 300 على مااعتقد

او وديها الفحص الدوري وشوف وش يطلعولك فيها ....


اي استفسار انا حاضر

[الحساااس]

الله يعطيك الف عافيه يا غالي .. والله انك خبرة بس حبيبي حبيت اسالك لو جاك نوع مثلا نقول ..

740 Li شاسيه طويل وفل اوبشن يعني شاشه وتليفون وكل شي .. موديل 2000 اوكي

كم تعطيها يعني السيارة نظيفة .. كم برايك تستاهل ..

والحين ابي اعرف حاجة وهي صرفيه البنزين تمام والا لك عليها وايضا السيارة عملية يعني نقدر نتمشى ونهجول عليها

والا رسميات بس ؟؟؟ مع خويي موتر قريب من هالمواصفات بس موديل 2001 على كلامه والله الموتر عجبني مرة

فخم فخم مافيها كلام ابدا .. حتى لما قلت له بشتري كابرس 2004 او 2005 ضحك علي ؟؟

يقول صدقني ماتلقى مثل ال BM وانا فعلا جربت موتره وبصراحه موتر يخوف والله .. ماعليه كلام ..

فيه سؤال محيرني ياخوي .. الحين الشكل الجديد من متى تغير يعني من موديل 2002 صح ؟؟

وداري اني تعبتك معاي بس الشكوى لله ناس قليلة تفهم بالالماني ؟!

[B R A B U S]

السلام عليكم ورحمة الله وبركاته


والله اخوي احنا كان عندنا 740li شاشة وتلفزيون وجلد واللون عنابي ونظيفه

السيارة وجنوط 18 موديل 98 انباعت ب 4000 دينار بحريني يعني 40000 الف ريال

اما بالنسبة لموديل 2000 ما اعتقد يطوف سعره ال بين ال 70 الف وال 80 الف ريال

كامل المواصفات لانه اغلب السيارات الالمانية وخصوصا ال 740li وارد اليابان او المانيا

وفي بي ام بعد عندنا 528 موديل 97 مجدد 2002 زينون وجنوط وجلد احمر داخل شاشه

تلفزيون بس ماري بكم يبونه ..

[عاشقBMW]

هلا اخوي الحساس ولا يهمك حنا في الخدمه وانا اخووووك


شوف بنفس الموااصفات اللي ذكرتها ... ممكن لو تنزلها المعارض تجيبلك حوالي ... 60 الف

ويمكن اقل تدري الشريطيه حرااميه


اما برى المعارض يعني لو واحد راغب السيااره ممكن سعرها من الـ 70 الف الى 75 الف

وزين لو جاابت 80 الف احمد ربك ....

وسبب هالاسعار كله من الحرامي الناغي الوكيل رافع قطع الغيار عشان كذا السيااره ميب مرغوبه في البيع ...


اما صرفية البنزين يعني لك عليها .... تعبي التاانكي فل ... اذا كان مره فااضي ... حوالي 80 ريال


لكن صدقني انه ماايشرب رغم انه 8 سلندر ...

تقريبا يكفيك اسبوع لو مشااويرك قليله ...


ومن ناحيه الهجوله .... الموتر حق هجوله لكن موب هجوله اللي خبري خبرك

هجوله على خفيف ....


وصدقني رغم ان البي ام اللي معاك موديل 2000 الا انها افضل من كابرس 2006 ...ولو كان اس اس او روويال ..


انا مجرب الكابرس 2006 ... ولا شي مع البي ام ... :)



اما الشكل الجديد فهو تغير عام 2002 الدفعه الاخيره ... لان جات دفعة اولى من الشكل القديم ...


لكن انا اشهد انها موااتر ... امش 220 وخل ركبك هي اللي تسوق :)


ولو ربي كااتبلك واشتريت ... لاتوديها الشركه


بس سويلها صياانه سنويه غير السيوور والفلاتر وباذن الله ربي يبااركلك ...

اما الزيت فانا انصحك تغيره في الشركه ... او في محلات برى يغيرون لك

في الشركة بــ600 ريال لكن صدقني انك تنسااا الزيت .... ياخذ معاك حوالي 25 الف كيلووو ..

وسمعت برى الشركه يغيرون الزين حوالي 300 ....



واي شي تبيه انا حااضر ....

[الحساااس]

شكرا ياغالي تصدق لقيت بمعارض النسيم BM موديل 98 مادري 740 Li او 745 Li والله ناسي

شاسيه طويل وفل اوبشن ونظيفة مرة

قال لي صاحب المعرض حدي فيها 65 الف ؟؟؟

بس والله الموتر نظرة ويسحرك ولونه غريب حليبي على سكري مادري كيف ؟؟

والف شكر ويعطيك العافيه .. اخوك الحساس

[s3oodi]

تبي نصيحتي

بعد عن البي ام واشتر لك شبح 98 وارد ويمكن تحصل لك واحد بشاشه ومواصفات ومن برى رزه
صدقني هذا هو معاي من اول ماطلعناه قبل 6 سنوات

موتر رزه بس حافظ عليه وراسي وثابت بطريق بشكل ماتتصور يعني امشي زي ماتبي وكفراته تفرش يعتني تحس انك راكب موتر

لكن البي ام لك عليها انتشرت الحين بشكل مو طبيعي وشوف زي ماقلت كل من هب ودب صار يركبها لكن الشبح يكفي ان المراسم الملكيه يستخدمونه

دور لك واحد 99- 98 ابيض وجلد بيج مواصفاته جناااااااااااان مره جنان

ووتمشى فيه ليما ينفجر راسك بس شيك فيه عند الوكاله او شووف فيه ورشة ممتازه وهي المالكي ممتازين بسس انصحك بالوكاله


تحياتي

[X-5]

أخوي الغالي الحساس

ركـــــــــــــــــــــــــز معي :
اولاً لاتاخذ الموتر مهما كان شكله جذاب وحلو لان البي ام ال 740 معروووف بجماله الغير طبيعي
الا وانت فاحصه ولو عند الوكالة اعتقد 500 ريال او ورش البي أم اللي عليها الكلام في الرياض

اذا الموتر 100% فصدقني مافيه اي موتر يصف جمبه لا شبح ولا اودي ولا لكزس ولا خرابيط (مع الاعتذار لعشاق هذي السيارات)

الموتر تبيه دلع فــ دلع وبقوه حتى ولوه الشكل القديم ( الى الان في نظري الشكل القديم احلى من الشكل الجديد بكثير رغم عشقي للموديل الجديد)
تبي الموتر رســــاوه على الخط فـــ ثبت السرعه وثبت الدركسون بصبعك ( الصغير بدون مبالغة )
عموما الساوه مش في الخط بس ,, يمديك تاخذ لفات ومخارج وانت مرووق


اهم شي وانا اخوك تلقى موتر نظيــــــــف
لأن البي ام معرووووووووووووووووووووووووف اذا ماتهتم فيه فــ مايهتم فيــك


وأتمنى انك تلقى الموتر اللي يريحك

وتحياتي


اخوي الغالي عاشقBMW
ماشالله عليك كفيت ووفيت

وتقبل تحياتي


اخوكــــــــــــــــــ X5 ــــــــــــــــــــــم