الجميح + أوبل 2003 = 30 ألف ريال فقط!! ليه ياخوي !!

[SilveR_OMEGA]

سلااااااااااااااااام يا شباب ..



مشكلة الوكالة اللي هي الجميع! انه عندي أوبل موديل 2003و على نظام التأجير ... كملت سنتين و باقي سنتين !!قالولي باقيلك تدفع تقريبا 51 الف ريال! قلنا أمنا بالله ... و يوم قلتلهم أبي ارجعها قالو لي ثمنها عند قسم السيارات المستعمله! و يوم ثمنتها قالولي سيارتك ب 30000 الف! يا سلاااااااام حلوه هذي!!!!
يعني تخيلوا الحين لازم ادفع لهم 20 ألف عشان اسلمهم السياره!!! تخيلووووووووووووووو!!!
و يدرون انه السيارة مليانه مشاكل!!! يعني داخل خسران و طالع خسرااااااااان!!!
يا شباب قولولي شل حل و السيارة أنا مابيها شسوي!!!!
كنت حاط في بالي بيقولون لي ادفع 5000 بالكثير 10000! مو مشكلة! بس وش اللي 20000! و فوقها ياخذون السياره!! والله اني حرمت اخذ سياره من الجميح! بلا أمريكي بلا أوروبي بلا ياباني و بس ... بس أنا تعلقت شسوي شورو علي يا جماعت الخير





الشمري يقول : مررت من هنا، حذفت ما يلزم اذاً نرجو ان يكون النقد بناء بعيد عن التجريح، والأللفاظ التي لا نخرج منها بإي فائدة تذكر

[دولاب المطبخ]

والله مشكلة هذي الوكالة

اصلا الاوبل كلها مشاكل والله





والله انا ودي حتى انا ارجع سيارتي بس نفس المشكلة



ما قريت موضوعي اللي انا كاتبه انا عندي اوبل وباستبدلها بأي سيارة ثانية من اي وكالة وادفع لهم الفرق

سوي زي وارتاح والله بلا اوبل بلا هم










الشمري يقول : مررت من هنا، حذفت ما يلزم اذاً نرجو ان يكون النقد بناء بعيد عن التجريح، والأللفاظ التي لا نخرج منها بإي فائدة تذكر

[SilveR_OMEGA]

بصراحة ضحكتني والله ... بس تعال أخوي انت اتبدلت ولا راح تستبدل؟؟ تكفى علمني عن جميع المستجداات
بس بيني و بينك أنا ابي الفكه من الجميح مابي استبدل ولا شي

[دولاب المطبخ]

ياخي بيني وبينك انا مقهور من الجميح ومن الاوبل



انا اقول قريت في الجريدة انو التوكيلات مسوي عروض الحين بمناسبة الصيف اشتري سيارة او استبدل سيارتك

يقول بدون دفعة اولى وبدون كفيل واقساط شهرية ميسرة



والله ودي استبدل الزبالة اللي معاي بس ابغى تصيحتكم

ابغى اخذ بليزر

[X-5]

الله يعينكم

انا صار لي موقف مع الجميع في عام الــــ 95
كان عندنا جمس ووديته اسوي له الصيانه الدورية
قالوا لي يومين وبالكثير ثلاثه قلت آمنا بالله

يومين ثلاثه اربعه ... والخامس ؟؟؟
وفوق ذا كأني اطريهم مايعطوني وجه ويقولي لي المشرف حقهم ياويلك لو تدخل الورشه خلك هنا
أنا بيني وبينكم خفت وهو يكلمني انه يح>ف الاوراق اللي بيده علي من شينة النفس
المهم بعد الصياح عطوني سيارتي ..
المهم راحت الايام وباخذ جمس 2004
طبعاً الانسان العاقل مافي امل يرجع للجميح , فتوكلت على الله واخذت الموتر من التوكيلات في الخبر
ومرتاح آخر راحه معهم
واللي قاهرني,,,, اللي يصير له نفس موقفي وهم طبعا كل عملاء شركة الجميح ويرجع يشتري من عندهم ؟؟؟؟

تحياتي

[SilveR_OMEGA]

أنا ابي أفهم شي واحد! الجميح ليش حاط صندوق شكاوي و إقتراحات!! دام انهم ما يسمعون و خدمتهم عاديه!!!
واللي قاهرني انهم ما خذين جائزة في الصيانة! على شنهو يا ناس ما أدري!!!!

[شحاته]

في الحقيقة الله يعينكم





الشمري يقول : مررت من هنا، حذفت ما يلزم اذاً نرجو ان يكون النقد بناء بعيد عن التجريح، والأللفاظ التي لا نخرج منها بإي فائدة تذكر

[MUSTANG-CAMARO]

انا ابي اعرف شي واحد ... انه الجميح ليش يسوي كده
مع كثرة الشكاوي عليه بس :confused:
انا اخوي عنده لومينا والله مسكين ونفس السالفه صاحبي عنده اوبل
الله يعينكم ياشباب ....

[دولاب المطبخ]

انا بأقولكم وش صار معي قبل اسبوعين هذا غير الخرابات السابقة الحرارة صارت ترتفع عندي مرة وتولع اللمبة

وديتها للجميح وقعدت السيارة عندهم 4 ايام وما ادي وش غيرو فيه قالو لي انهم غيرو التمستات حقت الحرارة وانو الحرارة ما راح ترتفع مرة ثانية ودفعت لهم 1200 ريال



وتوني خارج من الوكالة ومستانس بالسيارة وما سك الخط السريع إلا والحرارة ترتفع مرة ثانية واللمبة تولع بالله عليكم عذولا صلحو السيارة



طيعا رجعت لهم السيارة وقعدت 3 ايام بعد وصلحو الحرارة

بس برضو الحرارة مو زي اول

اول كانت ثابته على النص بس الحين على الـ100

بس يقولون كذا اوكي المهم ما تولع اللمبة مرة ثانية

انا عارف انهم (((((صرفوني)))))) بس وش اسوي







الشمري يقول : مررت من هنا، حذفت ما يلزم اذاً نرجو ان يكون النقد بناء بعيد عن التجريح، والأللفاظ التي لا نخرج منها بإي فائدة تذكر

[رجاوي الرياض]

غيرو للياباني او الكوري اصرف لكم واحسن اذا تبغون الراحة ....



وشكراً مع التحيه...

[الشمري]

بسم الله الرحمن الرحيم

http://www.elbader.net/oberaits/allah_albadi/images/1.jpg

السلام عليكم ورحمة الله وبركاته وبعد،،



اخوتي الكرام نحن نرحب بالنقد البناء بعيد كل البعد عن استخدام الأللفاظ التي تمس لإي من الوكالات لدينا سواء على مستوى الخليج او العربي، نعم نختلف في الرأي، واختلاف الرأي لا يفسد للود قضية، لكن لا يصل الأمر الى استخدام كلمات، واللفاظ لا نحبذ وجودها، ولا قرأتها، اذاً من منطلق ذلك لك الحرية في الكتابة لكن بشرط ان يكون في المنطق المحدود، والمسموح به حسب الشروط والقيود التي تم الأتفاق عليها من قبلك قبل التسجيل معنا، راجياً من الله لنا ولكم التوفيق،، ودمتم سالمين، وغانمين





مع فائق احترامنا لشخصكم الكريم - الشمري



.

[عمر الشهري]

نتمنى منكم دائما كما ذكر المدير الشمري

نحن هنا لتوصيل فكرة ولطرح المشكلة من منظورها الصحيح لذا أتمنى أن تكون صورة النقد طاهرة من غير تجريح

أخي كنت أنت من إختار القرار في البداية ..... نا لن أحاسبك الآن بعدما إشتريتها أبداً

إنما لا عليك سوا المحافظة عليها وعدم بيعها طالما عواقبها هي كما ذكرت

إذا إحترت في أمرين مظرين فأختر الأقل ضرر فالإحتفاظ بها وصيانتها بإنتظام وحسن القيادة هو الأمر الأقل سواً<<<بحكم أنك لا تطيقها

أتمنى ان تتذكروا كلامنا أعلاه

أخلص تحية،،،

[# OMAR #]

ابعفرف ليش هالسيارة الكل يشتكي منها ؟؟ وليش مااحد يشتريها الا بعد سنتين عالكثير بايعها بسعر التراب ؟؟
وسالفة الحرارة اكثر من مرة سامع ناس يشتكون منها ..
والمصيبة ان ساب 2008 بيصنعون سياراتهم في مصانع اوبل ..
انا ابي اعرف تكفون يااصحاب الاوبل العلة من الوكالة ولا من السيارة ؟؟

[زيرو]

أخوي النايم السيارة فيها علة الحرارة لكن الوكالة مسببة مشكلة أكبر وأكبر وطبعا الجميح غني عن التعريف نار على علم مايحتاج نقولك وش الجميح ... الجميح مايعررررررررررررف يصلح الأوبل عشان كذا تشوف الناس تشتكي منها ... هذا المختصر

[عمر الشهري]

انا ابي اعرف تكفون يااصحاب الاوبل العلة من الوكالة ولا من السيارة ؟؟


سؤال جميل منك عزيزي!!

العلة وبكل إختصار هي في يد ذلك الزبون الكريم فإما أن يسمح لها أن تكن علة له أو أن تكن نعمة

فهو من يقودها وهو يتحمل عواقب قيادته.

وإن كان الخلل تصنيعي فلا نواجه مشاكلنا بالرمي على غيرنا فأنت من قرر بشراء السيارة وليست الوكالة


أتمنى أن يكون كلامي على قدر عال في الفهم

أخلص تحية,,,

[أبـــوبـــدران]

انا من رأيي انك تبيعها في المعارض تجيب لك اكثر من هذا السعر
وتشتري اي سياره صغيره تكرف مو مشكله مستعمل بس نضيييف
مثل<<كامري كورلا سوناتا النترا الـــخ>>>
وريح عمرك من المشاكل

والسلام عليكم

[دولاب المطبخ]

لا لا لا لا يا أخوي اسمحي ان اقول لك ان كلامك مو صحيح المشكله مو في صاحب السيارة
واذا تبغى أكد لك كلامي انو ما في احد في السعودية مهتم في سيارته زيي بس المشكله من الاثنين والله اولا من السيارة لأن تصعنيعها فيه الكثير من المشاكل والخرابات وتأكيد على كلامي ان اول ما نزلت الدفعة الأولى من 2003 كان فيها خلل تصنيعي وانا من الناس اللي اشتروها اول ما نزلت ورجعتها وعطوني غيرها

وثانيا من الوكالة لأنهم مايعرفولها
هذي كل المشكلة


والسلام

[cadyman]

اذا السيارة عليها تأمين كسرها وخل التامين يدفع وثاني مرة ابعد عن اي شي وكيلة الجميح

[صاحب الماجنا]

ياخي انا مستعد اجبلك اويل 2003 بي 20 الف ريال ولله
انا واحد من اصحابي اشترات السيارة ماكملت عندة 3 اشهر نزل باعها بي 25 الف ريال حرام ولله من يومها عرت انها سيارة ما عندك احد

[ahmed1420]

السلام عليكم جميعا
سلمكم الله انا اشتريت الاوبل اوميغا اول ما جاء الشكل الجديد 2000 والسيارة مازالت معي ومحافظ عليها مع الكرف لكن بصراحة السيارة مقارنة بالياباني خراباتها كثيرة وحاولت التخلص منها بعد ثلاث سنوات لكن السعر نازل كثير علشان كذا قررت اكسر السيارة واصلح وارقع فيها ولا البيع بخسارة وتبون الصراحة من يوم ما فارقت ورشة الجميح والسيارة الحمد لله سالكه.
وبالنسبة للحرارة كنت اعاني منها كثير لكن حليت المشكلة بنفسي !!! بفضل من الله واحد قال لي الحرارة بالمحرك تقريبا عادية لكن تظهر بالطبلون عالية تصل 100 احيانا قالي فيه مشكلة بالكهرب ... طيب وش الحل قال جرب غير اصابع البطارية وخله مثل الياباني نحاس !!! وش دخل هذا بهذا قال جرب .... وسلمكم الله رحت للغرابي وشريت اصابع بطاريه ياباني نحاس وانا ما اقتنعت واركبها بنفسي وابشركم السيارة لها الحين الخمس سنوات والحرارة نصف. طبعا مع الخرابات المتنوعة خلال الخمس سنوات من حساسات وطرمبة واصوات وخلافة.

وابي اكمل عليها حتى ابيعها تشليح او حراج ..... وبعدها اقول للجميح |3| بلا رجعه

وبصراحة يا شباب من خلال تجربة للعديد من السيارات اقول ان شركة جنرال موتور في انحدار شديد وهي سبب في فشل سيارات الاوبل بعد ان اشترتها وان اي سيارة تنتج من هذه الشركة واقصد جنرال موتور او تحت تصرفها في الغالب ستكون هذه السيارات سيئة اما لكثرة الاعطال والصيانة أو للشكل القبيح أو شكل خارجي جيد والداخلي موديلات الثامانين...

ودمتم