المساعد الشخصي الرقمي

مشاهدة النسخة كاملة : كابرس Ltz ? كابرس SS ?


الحساااس
17-07-2005, 12:36 AM
مسا الخير شباب واسف اذا ازعجتكم !


بس والله فيه سؤال محيرني كثير

الحين فيه ناس يقولون ان كابرس ltz افضل من ss ?? طبعا موديل 2004 و 2005

ابي اعرف ليش ؟؟

وبخصوص الكابرس ياشباب بالله عليكم كيف الموتر معكم ؟

يعني شغل تمام لاني سمعت ان الامريكي مايعيش ؟؟

وبكم الفحمات و الاشياء الثانيه اللي متعودين نغيرها كل شهر او شهرين ؟؟

الزبدة اني ناوي على كابرس ابيض موديل 2004 او 2005 مو مهم ؟

بس بشتريه بالتقسيط من معرض اعرفه وياليت اعرف كم يطلع علي يعني كم بيزود عن الكاش ؟

والف الف الف شكر لكم جميعا وانا مالي الا الله ثم انتم يا حلوين ,,
كابـــSSـــرس
17-07-2005, 01:51 AM
مسا الخير شباب واسف اذا ازعجتكم !

مساء النور يالغالي

حياك الله :)





الحين فيه ناس يقولون ان كابرس ltz افضل من ss ?? طبعا موديل 2004 و 2005

والله يالغالي بنسبه لي انا افضل الاس اس رغم ان معي LTZ 2004 لان بكل امانة اقدر صوت المكينة

يعني رجل ثقيله على البنزين << يحب يدعس ويهايط في الشارع ;)

بس خذت LTZ لان يوم اطلعه كان الاس اس بينزل في رمضان وانا ماعندي نيه صبر << حار بحار

لاكن LTZ الي يزينة فخم من الداخل والخارج (رسمي جدا ) - 2005 مكينته قويه اكثر من 2004 - حق عائلة - اريح من الاس اس

اما من ناحية الكشخه حتى الاس اس له منظره







ابي اعرف ليش ؟؟


الي يحب السرعه بيقول الاس اس والي يحب الفخامه والاعتدال في السرعه بيقول لك LTZ








وبخصوص الكابرس ياشباب بالله عليكم كيف الموتر معكم ؟
يعني شغل تمام لاني سمعت ان الامريكي مايعيش ؟؟



في البداية هذا موضوع يوضح لك الفرق بين 2005 - 2004 انشاء الله يفيدك

http://www.assayyarat.com/forums/showthread.php?t=68619

وهذا موضوع في بعض الاراء من الاخوان عن الكابرس

http://www.assayyarat.com/forums/showthread.php?t=67943


ثانيا :-

الله يسلمك لو هذي المقوله الي اطلقها بعض الناس الله يهديهم ويصلحهم كان شفت الكابرس والومينا والجمس والفورد والبليزر في احواش وكالاتها

بالعكس انا معي 2004 مطلعه في شهر لي سنتين وشوي ولله الحمد (ماشاء الله ) ماقد دخلته ورشه او كاله

مع اني طالب جامعه وكرف ورايح فيه خطوط وازحف به << يستانس اذا راحت الشنطه شوي :D

واطمر به ارصفه << الله من حكة عورت قلبي |5|

وهذي يالغالي والله ماهي مدحه الى صفه للاسف سيئه لان السياره من الاموال والاموال يجب ان يحافظ عليها الشخص
خصوصا لكن انت عارف المجتمع الي احنا فيه يجيك موتر ويهيضك بأشارتين خصوصا الكل يحب يطلع مع لومينا ولا كابرس والسبب معروف << اسئل اي شاب يقول لك تصدق اني طالع على لومينا او كابرس فعلا وحووش |1|

اما بنسبه لطمر الارصفه تطلع الظهر زهقان وزحمه وجوعان << نقطه معينه يعني لو لله ثم ذا المكيف كان بتصير علوم
لكن بعض الاحيان الارصفه تختصر المسافات وبقوه

وماشي معي ولله الحمد الى الان زي العسل اللهم لك الحمد يارب

وLTZ بنسبه لي مرضيني فيه قوته وفخامته وعائلي وشنطه وسيعه الموتر عموما شويه عليه كلمة رائع

واقولها اكثر من مره سعر الموتر على مواصفاته وقوته وتحمله جدا رائع

اما قطع الغيار متوفره ورخيصه مقارنة بغيرها وصرفيته معقوله جدا بنسبه لي اعتبره مايصرف << معه صابونه 93 سابقا

من طلعته ولله الحمد ماخسرت عليه الى زيت وفلتر اللهم لك الحمد

في الخط مريح - راسي جدا - في حالة الصفر دايم اثبت على 180 - 190 الى اخر مره وصلت 240 لاني طلعت مع اكورد

عزم قوي مكيف اقوى وتبريد جدا رائع فعلا صممت لخليج وفعلا ماندمت يوم اني عشقت الكابرس من عام 2002

وانا نفسي فيه واشكر الله ان الامنية تحققت

ابرز عيوب الموتر اشوف انها العزل يعني بعد 120 لك عليه شوي لكن حط المسجل على قوة 35 صدقني هذه الصفه بتنقلب ميزه << حافظ الوزنيه خخخخخخخخخخخخخخخخخ

على الاموم من ناحيتي اقول مواصفات الموتر تغطي على عيوبه بشكل كبير جدا جدا






وبكم الفحمات و الاشياء الثانيه اللي متعودين نغيرها كل شهر او شهرين ؟؟


حلوه كل شهر ولا شهرين

والي يقسم لك انه من طلع موتره ماغير فيه شي

انا في الحقيقه استغرب على ان مانع الانزلاق كل يوم يشتغل معي الى الموتر ماشي طبيعي

المشكلة كل ماقبلت واحد قالي (مهبول تخلي فحمات الكابرس اكثر من سته شهور ؟)

انا الحين كمل الموتر سنتين والفحمات هي ماتغيرت من طلعته وانا فعلا الى الان مستغرب ؟






الزبدة اني ناوي على كابرس ابيض موديل 2004 او 2005 مو مهم ؟

انا اقول يالغالي 2005 مكينته قويه وفيه طبلون اكتروني بخط اكبر << تعذب من الخط الصغير
وايضا علامة الباب اذا كان مغلق او لا موجوده
والشبك احلى بكثير




بس بشتريه بالتقسيط من معرض اعرفه وياليت اعرف كم يطلع علي يعني كم بيزود عن الكاش ؟
والف الف الف شكر لكم جميعا وانا مالي الا الله ثم انتم يا حلوين ,,

والله يالغالي انتظر الى الغد وارد عليك بنسبه للاسعار << بكره بيروح للمعارض

واخير كيف نعيش بلا كابرس

تحياتي لك
LazorD
17-07-2005, 02:17 AM
توكل على الله وخذ اي نوع

بس الحاجه الرئيسيه رزه خذلك LTZ ولو انه حتى الـ SSرزه بس الفرق الكبير ان الـ SS تعليق رياضي

هذا الزود على الـ Ltz
CamSHAFT
17-07-2005, 02:33 AM
اذا ملزم مررررة تبي كابرس LTZ أفضل

لأن الناس ( تحقر اصحاب الـ SS

أغلبهم مصدق نفسه معاه فيراري او بورش وانه شوماخر وهو ماراح ولا جاء
يعني بالعامي (موتر مراهقين)
انا ما شفت اي واحد متزوج راعي اس اس
حتى ولد خالي معاه واحد بس بيغيره قبل الزواج قلت له ليش قال لي موتر مهايط وشباب مو حق ناس ثقل

بس دامك طقيت ال100000 ا ريال فكر والق نظرة على الافالون وبتشيل الكابرس من راسك
يكفيك انك ما تشيل هم عند بيعها

خلني اقول لك سالفة حصلت لواحد من الجماعة
قريبي هذا طلع له اكورد 2004 بـ 65000 ريال تقريبا (يالله بالمكاسر)
المهم انه جلس معه 9 شهور كرفه فيه كررررررف
وبعدين هو فكر بالموضوع وشاف ان الموتر كثير عليه وانه لو يستثمر دراهمه باسهم احسن له
وقرر يبيعه ويشوف له موتر صغير مستعمل..........
بكم تتوقع باعه؟؟؟








ما تصدق اذا قلت لك جاب له 60000 ريال......

لو معاه كابرس بـ 100000 ريال بكم يبيعها على نفس الاستخدام؟؟؟
ما تجيب له ولا 75000 ريال بالكثير
بس لو هي افالون بتجيب له 90000 بالراحة

فكر في هالنقطة جيدا ولا تقول انا مالي نية ابيع السيارة قبل 7-8 سنين
يمكن تجيك ظروف تحدك عليها
تويوتا راس مالك والياباني عموما
فكر جيدا واستخر ربك قبل كل شي

الله يوفقك ان شاء الله لما فيه الخير لك

تحيااااااتي
عذب الاحاسيس
17-07-2005, 02:36 AM
اس اس وارفع يدك والله مووووووووووووووووووووووووووووووووتر

ياناس ابي اصيح اذا شفت اس اس ماشاء الله وحشششششششششش :)

توكل على الله وخذلك اس اس

وعندك خيار ثاني وهو الافالون <<<< لازم يدخلها في كل موضوع

تحياتي
كابـــSSـــرس
17-07-2005, 03:01 AM
اذا ملزم مررررة تبي كابرس LTZ أفضل
لأن الناس ( تحقر اصحاب الـ SS
أغلبهم مصدق نفسه معاه فيراري او بورش وانه شوماخر وهو ماراح ولا جاء
يعني بالعامي (موتر بزارين)
انا ما شفت اي واحد متزوج راعي اس اس
حتى ولد خالي معاه واحد بس بيغيره قبل الزواج قلت له ليش قال لي موتر مهايط وشباب مو حق ناس ثقل
بس دامك طقيت ال100000 ا ريال فكر والق نظرة على الافالون وبتشيل الكابرس من راسك
يكفيك انك ما تشيل هم عند بيعها
خلني اقول لك سالفة حصلت لواحد من الجماعة
قريبي هذا طلع له اكورد 2004 بـ 65000 ريال تقريبا (يالله بالمكاسر)
المهم انه جلس معه 9 شهور كرفه فيه كررررررف
وبعدين هو فكر بالموضوع وشاف ان الموتر كثير عليه وانه لو يستثمر دراهمه باسهم احسن له
وقرر يبيعه ويشوف له موتر صغير مستعمل..........
بكم تتوقع باعه؟؟؟
ما تصدق اذا قلت لك جاب له 60000 ريال......
لو معاه كابرس بـ 100000 ريال بكم يبيعها على نفس الاستخدام؟؟؟
ما تجيب له ولا 75000 ريال بالكثير
بس لو هي افالون بتجيب له 90000 بالراحة
فكر في هالنقطة جيدا ولا تقول انا مالي نية ابيع السيارة قبل 7-8 سنين
يمكن تجيك ظروف تحدك عليها
تويوتا راس مالك والياباني عموما
فكر جيدا واستخر ربك قبل كل شي
الله يوفقك ان شاء الله لما فيه الخير لك
تحيااااااتي



هههههههههههههههههههههه

موتر بزارين فعل رد غير مستغرب عرف بحقده على الكابرس خصوصا

شكل الاس اس مره نفضكم الله يسلمك :D

انا مانيب متلكم لان الموتر الي رشحته والي تقول خذه الافالون فهي كثيرة الاعطال ومهيب قويه
والدليل على ذلك عدم انتشارها نادر نشوفها في الشارع رغم انها نازله لها اكثر من خمس شهور ؟
ورغم انها 6 سلندر الى انها ذات صرفيه عاليه وهذا معروف

قارن بينها يوم نزلت ويوم نزل الكابرس 2004 ltz او اس اس

اما بنسبه للبيع وما البيع رح شف بنفسك اتحداك تشوف كابرس 2000 اقل من 41 الف رغم ان هذا الموديل صاحب خرابات وقيل عنه تجربه وللمعلومية انا شايف اس اس ماشي 95 الف 2004 قيمته 93 الف وفيه صدمه في الخلف خفيفه ؟


على الاموم هذه مقارنه بين الاكورد والافالون والكابرس الاس اس اعتقد الاس اس حتى في التقييم هيمن عليهم :D

http://www.assayyarat.com/forums/showthread.php?t=64669&page=4&pp=8

وهذي مقارنة بين الإنفينيتي G35 والافالون و الإنفينيتي G35 سحب على الافالون :confused:

http://www.assayyarat.com/forums/showthread.php?t=64462&highlight=%C7%DD%C7%E1%E6%E4



اما عن الافالون انا اشوف ان الموتر مواصفاته روعه علما بأن بدون شاشه ولكن حلو ماعليه بس خارجيا الكابرس افضل شكل

داخليا الكابرس اوسع وشنطه اوسع وقوه اكثر





لكن الافالون الجديد فيها حقها من الخرابات وعيوب التصنيع


http://www.assayyarat.com/forums/showthread.php?t=67781&page=2&pp=8&highlight=%C7%DD%C7%E1%E6%E4


http://www.assayyarat.com/forums/showthread.php?t=66014&highlight=%C7%E1%C7%DD%C7%E1%E6%E4



http://www.assayyarat.com/forums/showthread.php?t=64913&page=2&pp=8&highlight=%C7%E1%C7%DD%C7%E1%E6%E4



واتذكر ان الشركة الام استعدت الافالون لخلل في المقود

بنسبه للكابرس اتذكر ايضا ان تم استدعائها موديل 2005 فقط وذلك لخلل في الاطار في بعض السيارات يتم فحصها واصلاحها ان وجدت المشكلة في الدفعات الاولى من طرح 2005 اما الان معد شفنا اعلانات لان اكيد حلت المشكلة لانها بسيطه


تحياتي للجميع
xx_V8_xx
17-07-2005, 03:28 AM
والله يااخوي ماعليك من كلام الناس .. وانت واستخدامك ... ان كنت تحب المقاوم وتحب تلفت الانظار خذ الأس اس ... واذا انت ثقل ومالك ومال المقاوم وتبي شي يرضيك انت ولا عليك من الناس خذ ال ltz و وفر تقريبا 15 الف ... وبعدين اذا فكرت فيها مافي سيارة الأس اس يقوم عليها الا وال ltz يقوم عليها بعد لكن بفرق اقل :) الا يمكن الألتيما تروح على الltz الي 120 تقريبا .

شف يخوي انا معي ltz 2004 ...

منيب كاذب عليك واقولك ما طب ورشه ... انا صار حاجة شبيه بالحادث :) ... سلمك الله رقيت رصيف على 160 احمد ربي ان السياره ما انقلبت ... كل الي صار ان الكفرات تفقعت كلها و احد الجنوك انعفط وسويت كبس للمساعدات الأماميه ب50 ريال وانتهينا الحمدلله :) يمكن لو انها سياره ثانيه كان صارت علووووم .

غير كذا السياااره روووعه لكن الديكور الداخلي مواده لك عليها ... مع اني مثل ما قال اخوي كابرس اس اس اخق اذا شفت الشنطه تلعب وراي :Dواستعمالي جامد شوي .

وبالنسبه للفحمات قبل يومين غيرتها بـ 800 مع الخرط عند الوكاله .

وفي النهاية اهنيييييييك على الأبيييض اختياااااار موووووفق :)
SAAD.CLS
17-07-2005, 06:05 AM
السلام عليكم

اقول اخوي اخذلك كابرس SSولا عليك من كلام الناس ولي يقول انا الكابرسSSحق مقاومات معليك منه متعرف تتركد عليه اشجيب الافالون مع الكابرس اصلن الافالون ماينافس الكابرس LTZ ولاSSيكفي اسمه

وانصحك تاخذ SS الون ابيض ومبروك مقدما
الحساااس
17-07-2005, 08:23 AM
الف شكر ياشباب على ردودكم وسعه صدركم والله يخليكم لنا ,,

بس انا قلت لكم اني بشتري الموتر من معرض يعني مستعمل ؟

واتوقع قيمة LTZ بتكون في حدود 70000 او 75000 , وقيمة SS بتكون في حدود 80000 او 85000 ؟؟؟

يعني من الاخيييير الموتر قيمته مو متعديه 90000 ويمكن اقل بعد ؟ وبالاقسااااااط بعد ؟

وانا حاط براسي ان فلوسي اذا تعدت 100000 بشتري فياقرااا سماويه مستعمله موديل 2000 او 2001 وارهمهها لموديل 2004

يعني حرااام يا شباب اعدي 100000 واشتري موتر تلقاه مع كل واحد بالشارع ؟؟؟!!!!

صح كلامي والا انا غلطان يا جماعه الخير !

وبخصوص الافالون بصراحه مو داخل مزاجي لانه ياباني وانا جتني عقده من الياباني ؟

اول شي الموتر جديد بالسوق وهاذا اللي مخوفني ؟

ثاني شي الافالون قيمتها غير طبيعيه لسيارة يابانيه ؟؟ والله لو انها فياقرا يا عمي ؟

ثالث شي اي سيارة تجي من ابو جميل اغسل يدك منه ؟ كيذا الله خلقني اكرهه ؟؟ مادري ليش ؟؟

رابع شي مستحيل تحط افالون وان شالله لو تجي ملغمه شد بلد مع كابرس SS ؟؟

يعني حدث العاقل بما يعقل ؟؟ صح والا لا ؟؟

وانا رجال يهمني الشكل من بره يعني كابرس SS بقراطيسه قيمة افالون اوكيه بس تعالوا شوفوا الشكل واحكموا

يا ناس الكابرس عليه سدحة اقسم بالله اليمه وهيبة تحس انك راكب طياره مو سيارة ؟؟

وبعدين أخوي Night hawk موتر البزارين مو كابرس بالعكس اللومينا هي موتر المراهقين وهاذي معروفه ؟!

ولا احد يزعل مني بس اي ولد بالثانوي او شباب كيذا يشتري لومينا , واللومينا حلوة بس ماتجي بجنب الكابرس شي ابدا

المهم اخوي كابرس اس اس الف شكر لك بس ياريت تجيب اسعار الكوابرس الماشية بالمعارض يعني المستخدمه

موديل 2005 LTZ و SS والله لايحرمنا منك والف شكر على تعبك معنا .
CamSHAFT
17-07-2005, 01:30 PM
هههههههههههههههههههههه

موتر بزارين فعل رد غير مستغرب عرف بحقده على الكابرس خصوصا

شكل الاس اس مره نفضكم الله يسلمك :D

انا مانيب متلكم لان الموتر الي رشحته والي تقول خذه الافالون فهي كثيرة الاعطال ومهيب قويه
والدليل على ذلك عدم انتشارها نادر نشوفها في الشارع رغم انها نازله لها اكثر من خمس شهور ؟
ورغم انها 6 سلندر الى انها ذات صرفيه عاليه وهذا معروف

قارن بينها يوم نزلت ويوم نزل الكابرس 2004 ltz او اس اس

اما بنسبه للبيع وما البيع رح شف بنفسك اتحداك تشوف كابرس 2000 اقل من 41 الف رغم ان هذا الموديل صاحب خرابات وقيل عنه تجربه وللمعلومية انا شايف اس اس ماشي 95 الف 2004 قيمته 93 الف وفيه صدمه في الخلف خفيفه ؟


على الاموم هذه مقارنه بين الاكورد والافالون والكابرس الاس اس اعتقد الاس اس حتى في التقييم هيمن عليهم :D

http://www.assayyarat.com/forums/showthread.php?t=64669&page=4&pp=8

وهذي مقارنة بين الإنفينيتي G35 والافالون و الإنفينيتي G35 سحب على الافالون :confused:

http://www.assayyarat.com/forums/showthread.php?t=64462&highlight=%C7%DD%C7%E1%E6%E4



اما عن الافالون انا اشوف ان الموتر مواصفاته روعه علما بأن بدون شاشه ولكن حلو ماعليه بس خارجيا الكابرس افضل شكل

داخليا الكابرس اوسع وشنطه اوسع وقوه اكثر





لكن الافالون الجديد فيها حقها من الخرابات وعيوب التصنيع


http://www.assayyarat.com/forums/showthread.php?t=67781&page=2&pp=8&highlight=%C7%DD%C7%E1%E6%E4


http://www.assayyarat.com/forums/showthread.php?t=66014&highlight=%C7%E1%C7%DD%C7%E1%E6%E4



http://www.assayyarat.com/forums/showthread.php?t=64913&page=2&pp=8&highlight=%C7%E1%C7%DD%C7%E1%E6%E4



واتذكر ان الشركة الام استعدت الافالون لخلل في المقود

بنسبه للكابرس اتذكر ايضا ان تم استدعائها موديل 2005 فقط وذلك لخلل في الاطار في بعض السيارات يتم فحصها واصلاحها ان وجدت المشكلة في الدفعات الاولى من طرح 2005 اما الان معد شفنا اعلانات لان اكيد حلت المشكلة لانها بسيطه


تحياتي للجميع







سبب عدم انتشار الافالون هو كثرة الطلب وقلة المعروض
ابو جمول مو غبي يجيب دفعة كثيرة
الافالون يبغالك تحجزها من شهر على الاقل


اما رد الفعل غير المستغرب على شخص اشتهر بحقده الدفين عللى الكابرس التي تحظى بجودة تويوتا وصرفية الصني وقوة فيراري وهدوء ونعومة لكزس ورساوة تفوقت على المرسيدس وفخامة الحوت وقوة تربيط وتماسك هوندا وراحة فورد ووووووو
فاقول الحمد لله انا اكبر من اني احط عقلي بكابرس وتجعلني ما انام من الحقد عليها
الرجال طلب نصيحة في الموتر ونصحناه وهو حق له علينا
ا






اما بالنسبة للكابرس فما اعرف اذا انت مريت المعارض كلهم وشفت اسعار الكوابرس كلها
انا بنفسي (واعوذ بالله من كلمة انا) يوم كنت ادور لي سيارة قبل 3 سنوات (صيف عام 2002) شفت لي اس اس (موديل 2000) بـ 49000 في احد معارض النسيم
CamSHAFT
17-07-2005, 01:35 PM
نصيحتي للأخ الحسااس:
جرب تشوف لك لكزس اي اس مستعمل 2002-2003 وجرب سواقتها
صدقني بتطيح الكابرس من راسك وستعرف سبب عشق اللكزس
بتحمد الله اني نصحتك
انا اخوي معاه اي اس 99 وصدقني اني اذا سقتها اقول حقها فيها (جربت اسوق كابرس 2004)
والله لو تجرب لكزس 2002 وتقارنها مع كابرس رويال 2006 والله ان تحرم الكابرس

تحيياااااااااااااااااااااتي
كابـــSSـــرس
17-07-2005, 02:14 PM
8
8

اخوي Night Hawk اعتقد ان كرهك لسياره خلاك تطمر رد اخوي الحساااس

يقول لك ابغى موتر رسمي في الشكل الخارجي ومستعمل

وثانيا تقارن كامري الشيوخ بالكابرس الاس اس ؟

انا لا اريد ان ارد بالوجه الي انت متعود ترد به

لاكن اتمنى انك تتكلم بالمنطق

الكابرس الاس اس افضل من الكزس ES ومن الافالون

اما انا اخوي عنده لكزس ES ابيض واذا تبي الصور كاثبات نزلتها لك

وخلني امرك به وشف العزل الي تتكلم عنه - مساعدات توه مغيرها والحين انواع الطقطقه ؟ - وثانيا الكابرس فيه مواصفات اكثر

يكفيك كمبيوتره كل يوم ويطلع فيه شي جديد

وثانيا بنسبه لي من شفت ابو جميل حاط على لكزس ES جناح وانا غاسل يدي من هذا الوكيل

الي يرفع سعره بمواصفات اغلبها تايوانيه وصينيه من حساسات على تخشيب على مرايات خارجية ( خاصة الاند)

يعني 430 سعره 240 ازوده 60 الف واطق لي مرسدس افضل بمراحل ؟

واخير انا اقول شف وقفة الES وشف وقفة الاس اس

تحياتي لك
لوميـSTOCــنا
17-07-2005, 04:06 PM
السلام عليكم ورحمة الله وبركاته


مشكور على الموضوع .

و الكابرس قوي جدا و مميزاته كثيرة ويوجد عندي كابرس 2001 LTZ قوي وفخم و الفخامة اكثر

من ال ( SS ) . وهذا هو الفرق .

و السيارة قوية وثابتة في الخط و لكن العزل في السيارة ليس قوي.

وشكرا
كابـــSSـــرس
18-07-2005, 01:20 AM
السلام عليكم

مساك الله بالخير يالغالي

في الحقيقه الاس اس مافيه مستخدم الى واحد والله يالله حصلته طبعا انا كنت ناصي واحد فضي 2004 كان سعره 90 الف

قلت اجربه لك بس للاسف الموتر خلال اليومين انباع على طول

ولكن لقيت لك كابرس اس اس اسود 2005 يبي فيه 110 ماشي 17 الف اعتقد السعر مبالغ فيه جدا

LTZ حصلت 2005 في معرض الفلاح جديد لون كحلي سعره ب92 الف اعتقد سعر مناسب

اما مستخدم ابو عمر مدير المبيعات في معرض الفلاح الي من اكبر المعارض يقول نادر تجد كابرس مستعمل في المعارض

يقول الناس ما اقولك تبيع ولكن الناس تشيل والكابرس جدا مرغوب ,,, والله مازدت على كلامه شي

اما الومينا 2005 ارفع يدك اتحدى اي واحد يدور لي لومينا LS 2005 بجميع انواعها جديد انا حصلت وحده مستعمل اس اس

تحياتي لك
CamSHAFT
18-07-2005, 02:32 AM
مرحبا كابرس SS
ما يحتاج تجيب صور موتر اخوك انا مصدقك
بالنسبة للكزس مساعداتها كهربائية لتعطي اداءا ناعما جدا على الطريق ويعني ممكن تكون حساسة لسوء الاستعمال

خلني اقول لك سالفة: انا قبل اسبوع غيرت كراسي المكينة للومينا مع ان السيارة ما كان عليها اي ملاحظات فجأة شيكت على السيارة عند ميكانيكي وقال لي لازم تغيرها ولا ترىالمكينة احتمال تطيح وتكسر الكارتير وييروح فيها الموتر
زي ما قلت لك كان ممكن امشي على السيارة مسافة وانا ما ادري اصلا عن المشكلة مع ان استخدامي للسيارة نظيف وما مشيت عليها الا 60 الف
سوء الاستخدام يدمر لك اي موتر
والله فرق سواقة اللكزس عن اللومينا....صحيح انها ما هي بنفس القوة بس لما اسوق اللكزس اعرف ان هناك اشياء كثيرة غير القوة مهمة للسائ
والكابرس حظوره اقوى زي ما ذكرت بسبب شكله السبورت ولكن الشكل ايضا ليس كل شي
اللي يشري كابرس اس اس هو اصلا يحط دراهمه في المكينة اكثر من اي شي ثاني علشان كذا يطيح سعر الاس اس عند البيع لان الناس عارفه ان صاحبها كرفها بالتدعيس
وبالنسبة لأسعار اللكزس فهي تقريبا نفس سعرها في امريكا بس حنا ما نصبر نحط حرتنا في الوكيل(شيك Autos.man.com (
وسبب الارتفاع هو انخفاض الريال امام الين


شاكر لك تخصيص وقتك للرد علي
في امان الله
كابـــSSـــرس
18-07-2005, 02:36 AM
8
8

الله يحفظك يالغالي

وبنسبه للمواتر كل موتر يختلف عن الثاني

ومثل ماللكابرس خرابات قد تحدث نجد في البي ام خرابات ونجد في المرسدس والكزس

فليس هناك موتر يخلو من خرابات

وصدقني الي يدلع موتره موتره يدلعه -

وشاكر لك تفهمك وردك المثالي

تحياتي لشخصكم الكريم ...
الحساااس
18-07-2005, 04:20 AM
الف شكر اخوي كابرس اس اس على تعبك معنا ,,

وعلى فكرة انا لقيت كوابرس على كيف كيفك في مكة بس مادري عن اسعارها

لقيت فضي وابيض واسود LTZ بس والله ماشفت اس اس ؟؟

كلمت لي واحد وان شالله خير .. والله ان نفسي هافه على كابرس ابيض الله يرزقني بواحد ..

بس فيه واحد بالصناعيه القديمة معه كابرس اس اس اسود ملكي عاد صاحبه توه صغير شباب يمكن عمره 18 اتوقع الموتر

لاخوه مو له المهم الرجال يبي يغير فحماته وانصدمت فعلا يوم سمعت صاحب الورشة يقول له تغيير الفحمات

ب 1100 ؟؟؟؟؟؟؟؟ معقولة فحمات الكابرس هاذي قيمتها ؟؟ من جد بديت اخاف , لان كانت معاي كامري كبدي 2004

وكنت اغير فحماتها كل شهرين ؟؟ واذا فحمات الكابرس بذي القيمة والله اني بطفر وبيجي يوم وابيعه ؟؟؟؟

والله الكابرس حلو يا ناس بس عيبه حساااس ويبي رجال دعسته خفيفة ورايق وانا يوم معاي الكامري اقسم بالله كنت

اكفر فيها بقووة واي مطب اخذه على سرعه واللفات بجلنط وكل يوم الكشافات خربانه ؟؟ والفحمات تشتكي ؟؟

بس الحين عقلت وخلاص كبرنا على الهجولة وازعاج البشرية .. والكابرس كان اول موتر افكر فيه بعد الكامري

لانه موتر شخصيات ورسمي.. والفورد حلو ومريح بس والله انه حق عوايل وسواقين !! والاكورد حلوة وشبابيه بس

انتشرت انتشار رهيب غير انها مو مريحه وتكسر الظهر ويكفي الكامري تقوم عليها سلام سلام ؟؟

وغير كيذا شوفوا قيمتها كم فوق الثمانين فل كامل ؟؟ ليه ؟؟ يعني مايكفي قطع غيارها النااار

والسياحي والله مرض وقله حيا كنك راكب اكسنت مو اكورد ,,

واللكزس العقرب او مثل مايسمونه كامري الشيوخ والله موتر حلو وجيد واذا جيت تبيعه يمسك قيمته

بس عيبه حجمه ؟؟ واذا على الفخامه ترى الكابرس والعقرب كلهم فخمات بس افضل الكابرس علشان حجمه الشبابي ..


شكلي طولت عليكم والف شكر على طولة بالكم ورايكم على راسنا ,, والله يوفق الجميع ,,
azoz2004
18-07-2005, 09:32 AM
اعجبني رد احد الاشخاص عندما قال انك عندما تشتري الكابرس فانك تشتري وجاهته في المجتمع

حت لو خسرت فيه مقارنه مع الاكورد اللي كان الى الشكل القديم سياره ما تجدها مع اصحاب الذوق الراقي

من الطبقة المتوسطة اما الان فانك تجدها مع المتردية والنطيحة ففقدت ميزتها التي احببتها

من اجلها



لا احد يقولي اي وجاهه انا ما تكلم عن الفياقرا اتكلم عن مواتر الناس العاديين


شوكرا :D :D :D ً:D
كابـــSSـــرس
18-07-2005, 12:00 PM
لا يالغالي الكابرس تغير فحماته ب700 ريال

واتذكر احد الاخوه مغير فحمات مع خرط الهوبات بهذا السعر

بنسبه لي انا والله ما ادري لان من طلعت الموتر ماغيرت لافحمات ولا شي

والموتر ولله الحمد ماشي معي احلى من العسل ماشاء الله

وفعلا انا مازلت مستغرب حتى من اصحاب الكوابرس الي يغيرون فحماتهم كل شهرين ؟

انا من طلعته ما اخسر عليه الى زيت وفلتر

وبنسبه للكرف والدعس لاتوصي الي يشتري كابرس حتى لو مهوب حق سرعه الموتر يلخيه يسرع خخخخخخخ

نصيحه اذا لقيت لك اس اس توكل على الله واذا لم تجد ltz يفي بالغرض وفيه حقه من القوه والفخامه
CamSHAFT
18-07-2005, 02:21 PM
اعجبني رد احد الاشخاص عندما قال انك عندما تشتري الكابرس فانك تشتري وجاهته في المجتمع

حت لو خسرت فيه مقارنه مع الاكورد اللي كان الى الشكل القديم سياره ما تجدها مع اصحاب الذوق الراقي

من الطبقة المتوسطة اما الان فانك تجدها مع المتردية والنطيحة ففقدت ميزتها التي احببتها

من اجلها



لا احد يقولي اي وجاهه انا ما تكلم عن الفياقرا اتكلم عن مواتر الناس العاديين


شوكرا :D :D :D ً:D


شكلك تقصد ردي في موضوع المتألق يا عزوز
شكرا على كل حال


بالنسبة للفحمات فتغييرها ما يكلف 300 ريال (شغل يد + قيمة القطع)
لأني راعي لومينا والكابرس واللومينا نفس الهوبات والفحمات
الفحمات من الوكالة (العيسى - شارع العروبة) بـ 140 ريال او ازود بشوي
وشغل اليد غالبا عند الورش ما يزيد عن 150 ريال بما فيها خرط الهوبات
يمكن يوم قال بـ1100 ريال يبي يغير الهوبات معها والهوبات غالية على ما اظن
الحساااس
19-07-2005, 10:08 AM
مشكورين ياحلوين وامس كلمني صاحب المعرض ويقول مالقيت غير كابرس LTZ ابيض واسود بس !!

وانا محتار اشتري والا اصبر شوي يمكن يجي جديد ؟؟ اسعارهم قريبة من بعض ..

الابيض ب 78000 والاسود 72000 ؟؟؟؟؟؟؟؟؟؟؟؟ كيف تجي ذي يمكن علشان الابيض مرغوب ,,

وكلهم ممشاهم قليل يعني بحدود 20000 و 28000 ونظيفات ؟؟

واخوي كابرس اس اس ماوصلك شي مني ؟؟ لانه ماطلع شي عندي ابدااا ؟؟



مع تحياتي اخوكم الحساااس ,,,
CamSHAFT
21-07-2005, 12:21 AM
اصبر شوي ويجي غيرهم
اهم شي لا تكون السيارة مصدومة
ترا كثيييييييير من المستعمل مصدوم
الحساااس
21-07-2005, 03:42 AM
حبيبي Night Hawk والله على كلام الرجال المواتر ممتازة والرجال شريطي يعني مايحتاج ,,

وانا صبرت بس الى متى والله اني انقهر لما اشوف كابرس يمر قدامي ,, هههههههه

من جد مشتهي والله يعين .. الف شكر لك حبيبي
CamSHAFT
22-07-2005, 01:55 AM
هل تعرف الشريطي من قبل؟؟؟
اذا لا فاعرف ان هناك من تجارته شراء السيارات المصدومة واصلاحها وبيعها
فاحذر ان تكون زبونا لهم
وانصحك بالصبر ثم الصبر
يمكن ربي مانعك عن شر بهالسيارتين

لا تنسى الاستخارة
كابـــSSـــرس
22-07-2005, 02:03 AM
السلام عليكم

يالغالي انا من رايي انك تبعد عن اي شريطي ........

الا اذا كنت تعرفه ويبي ينفعك

اما من ناحية السعر اعتقد انه مناسب جدا

وبيبني وبينك والله الكابرس خصوصا الجديد جدا رسمي اكثر من ماهو رياضي يعني جدا جدا رائع

جمعوا بين القوه والفخامه
BAssAM ss
22-07-2005, 05:12 AM
http://www.assayyarat.com/myimages/Jul05/BAssAMss_cqp0pA.gif

الأخ العزيز كابرس SS

كفى ووفــى ماشاء الله عليــه

|3|


http://www.assayyarat.com/myimages/Jul05/BAssAMss_cqp0pA.gif

BAssAM ss