بعد كـــل هذا ما نطلع بــاي نتيجة ،،،،،،،، ياليت نحسم الأمــر

[SleEteN]

السلام عليكم ورحمة الله وبركاته



لا تستغربون من العنوان لكن هذي الحقيقة لاني بعد ما تصفحت المنتدى وحست فيه ما لقيت الجواب او الــرأي الثابت والمنطقي ..


.. شوفوا الموضوع وما فيه اني كنت ومازلت معجب بــ زووم6 ولكن الى الآن وانا خايف من مشاكلها من كثــر ما شفت وسمعت في المنتدى وغـــيره .. لكني اللحين حبيت احسم الموضوع ،،، لاني انشالله ناوي اشتري سياره لــكني محـــــتار صـــدق صـــدق محــــــتار وهذا بعد ما وضعت خيارات ثانيه غـــير الزووم6 .. وهي :


زووم6 فل كامل اوتوماتيك < النظام الجديد> .. ( واتمنى اني اسمع آراء اعضاء استخدموا الزووم6 يتكلمون عن المشاكل الي واجهتهم ان وجد .. وايضاً ما هو افضل لـــون في نضركم ؟ )

هوندا أكـــورد فل كامل او نص الفل .. ( وايضاً وش افضل لون مناسب لها اذا تأيدونها .. وهل لها مشاكل )


سوناتا الجديدة ( فل .. على ما اعتقد .. وايضاً ما هو افضل لون وهل للسيارة مشاكل او عيوب )


كـــروان فكـــتوريا سبــورت .. ( مستعمل ) <بس ما ادري لان هذا شيء بعـــــيد عن البال>


وهذي هي .. بس هذا ما يمنع اذا كان لديكم اي اقتراحات او تشوفون ان فيه سيارات افضل من نفس الفئة

ان تردوا علينا وتشاركونا في الحـــوار



وياااااااليت ان يكون الحــــــوار حــــوار هاااااااااادف


وآســـــــف على الإطالة ..

:D

[B R A B U S]

انا بالنسبة لي يااخوي انه اعتقد انك تستبعد الكراون فيكتوريا

بعيد عن خياراتك وتحصرها بين الزوووم 6 والاكورررد فل طبعا

ويفضل للسيارتين اللون الابيض او الاسود وطبعا الفتحه والجناح ...

انا اتوقع هذولا افضل خيارين بين خياراتك ...

[TurboPower]

والله يا أخي مثل ما تفضل الأخ clk_200 استبعد الكراون فيكتوريا والسوناتا وخليك على المازدا والهوندا

برأيي الهوندا أكورد أكثر رسمية وفخامة من المازدا 6 خاصة اذا كانت فل وأنصحك بها تأتي بلون بين البني الفاتح والرمادي مش عارف اسمه بس كتير جذاب...

وانشالله الشباب يفيدونك وتسمع الآراء

[لوميـSTOCــنا]

السلام عليكم ورحمة الله وبركاته

انصحك باللاكورد الجديدة للانها رياضية وفخمة و رياضية .


وشكرا

[Don't try]

ابعد من الماازدا 6
وخذ لك اكوورد

بس الله يعينك على قطع الغيار

والله ييسر لك اللي فيه الخيرر

[متعب 11]

زوم 6: صغيرة وتقارن بالسيفيك والانترا اكثر من انها تقارن بالاكورد والسوناتا
اكورد : ممتازة مواصفاتها ممتازة لكن سعرها غالي
سوناتا : ممتازة ومواصفاتها هي والاكورد نفس الشي وسعرها اكثر من ممتاز
كروان فيكتوريا سبورت: مااقدر افتيلك فيها لكن شكلها الحالي طول حبتين واكيد بيغيرونه

[إيسوزاوي]

مالك غير الاكورد اذا هذي قائمتك النهائيه

بس لو تضيف الألتيما 6 سلندر... بقولك التيما :)

[waleed4w]

عزيزي صاحب الموضوع

اذا انت محتار فخذ الاكورد

لكن اذا انت رغبان بلمازدا فخذها ولاتتردد

ولاتنسى اي سياره تاخذها وانت ماعندك اقتناع فيها راح تكرهها مع اول خراب

ولو تاخذ شي يعجبك وودك فيه بتكون مبسوط وبتتقبل خراباتها (طبعا خرابات في حدود المعقول)

وعندي اخو زوجتي ماخذ زوم 2004 وكاده بمشاوير الرياض وماشاء الله ماشيه زي الحلاوه

ويكفيك انها يابانيه

[SleEteN]

clk_200


TurboPower

لوميـSTOCــنا

الاآآمبراطور


متعب 11

الزووم صغيره من اي ناحية ؟

واذا على الفكتوريــا ..صحيح ،، يمكن يتغير في 2006


إيسوزاوي


والله الاتيما ،،، مالي نظر عليها .. لكن خياراتي كلها على الاربعة سلندر ما عدا الفكتوريــا



.. ومشكوورررين اخواني على ردودكم .. وعلى آرائكم :)


وانا بنتظار المزيد :rolleyes:

[متعب 11]

اخوي SleEteN
الزوم صغيرة من ناحية الحجم

[BLACK R/T]

اخوي SleEteN بصراحه انا انصحك بالاكورد اول شي السياره شبابيه وفخمة يعني من الطرفين انت مرتاح ..

وبالنسبه للون الى يومك هذا انا ما تعجبني الاكورد الا اذا كان لونها لؤلؤي (( سكري )) يا شيخ شكلها يطلع جنان ..

والاسود حلو اذا كنت بتغسل السياره كل يوم ..

اخوك s.a.3

[الزعيم3333]

السلام ....

اما أنا انصح بالأكورد من بين السياراتالي ذكرتها

وافضل لون لها الأسود

أما السناتا ما عجبتني كثير وبعد أنا اشوف أن فيها تقليد من الأكورد في الأسطبات الخلفيه من الأكورد

بس شكل الأكورد أفضل بكثير من السناتا في شكل الوجهيه الأكورد بصراحه عجيب

تحياتي |3|

[نوفي]

انا أنصح بالكورد أما المازدا أبعد عنها لنها تتهربد تخرب علي طول ماتستحمل


وانصحك بالهوندااا وسياره راسيه وأنا أعتبرها بعد الالمتني بالرساوه الثقل علي الخط وأنا مجربهاا

وأحس لون الاسود والابيض اللولي

[FARES__KSA]

انا اقول ان الزووووم6 ما انتشرت كثير
واقول نصيحتي خذ اكورد 2005 فل كامل وافضل لون على الاكورد اللون الجديد وهو ( اللؤلؤي )

[عذب الاحاسيس]

ماعنده سالفة اللي يقول المازدا تتهربد وتخرب بسرعة

عند واحد من اخوياي مازدا زوم 2003

ماشية اكثر من 70 الف وماقالت اح ماشاء الله

مع انه داهكها دهك والسيارة ذحين في التشليح :)

لو انا كان اخترت الاكورد <<<<<< سبحان الله يعشقها

اخذ يالاسود او اللؤلؤي <<< افضل لونين لاتبعد عنها

والله يوفقك

تحياتي

[SleEteN]

.. والله مشكوووررين الف شــــكر اخواني على ردودكم وعلى تفاعلكم

لكن يعني وش رايكم في الزووم6 اذا كانت صفراء فل كامل .. والله ادووووخ <<< محتــار ومقــهووور|5|


------------------

طيب الاكورد نص الفل الي هو سبيشل على ما اعتقد يجي فيه جنوط وفتحة .. يعني وش مواصفاته ؟:confused:


واكرر شكري لكم .. واسف اذا تعبتكم :)

[راعي اللؤلؤي]

انصحك بالاكورد مثل ما قالو الشباب مع العلم اني املك وحد5 2005 فل واي خدمه انا جاهز

السبشل>> طيس + فتحه + ABS + ايرباقين+ النوافذ والقير اتوماتيكية + CD + ريموت كنترول مع ميزه فتح النوافذ

[الزوم عند اللزوم]

من غير مـــا اقرء ردود الأخوان الأعضاء المحترمين,,, ما أقول إلى الله يعينك ويوفقك إن شاء الله .

بإختصار بأقولك شي (( تعشق السيارات الرياضية وأشكالها , الزووم هي صورة مصغرة من السيارات الرياضية بس سيدان , إنسان حالك حال نفسك ما تفكر في رياضي أو غيره تبي موتر يوصلك مشاويرك وتعيش حياتك ، خذ الأكورد ))

أنا معي مازدا 6 :

صدمت أكثر من 6 مرات وكلها حليوة شوي<< ( الصدمات ) ما أستنكرت إلا حاجتين :

1- صوت عند تشغيل المكيف وعلى ما أعتقد إنه الكمبرسر .
2- صوت في الخلف بالعربي (( قربعة )) عند أكل الحفر ... أو عيون القطط وكأنها أصوات فناجيل تتصادم مع بعضها البعض .

*** ملاحظة ***

سيارتي ,,,,,

كلت أرصفة من نطلة , يعني نطل فيني الموتر ورقيت رصيف بن كلب وكان هو سبب الفناجيل وهو يعتبر الحادث ما قبل الأخير .
وسبب صوت المكيف وهو الحادث رقم واحد بحيث الصدمه كانت في الوجه في باص لشركة سعودي وجيه حفظها الله؟؟ والحمدلله المكينة ما جاها شي وكلفت الصدمة الأولى ، 21000 في الوكالة فقط لاغير ، ــــــ واحد وعشرين ألف ريال ـــــ

وأقولك إذا تبي تاخذ زوووم خذ >>> قـــــــــيــــــر عــايــــدي أو قـــــــــيــــــر عــايــــدي >>> NO توماتيك أو لا تاخذ زووم مع إحترامي لك...

والله يعينك ويوفقك... وآسف على الإطالة.

[SleEteN]

مشكوورر اخوي راعي اللؤلؤي على ردك لكــن حبيت اسئلك ..

1- يعني ما يفرق بين الفل والسبشل الا الجنــوط ؟

2- هل الاكورد مريحة .. ؟ وهل عزمها قــوووي ولا :rolleyes:


---------------------------------------

اخوي الزوم عند الزوم الحقيقة افرحتني بــردك على الموضوع .. لاسباب عدة لكن ....... ما فهمت العبارة هذي :

" تعشق السيارات الرياضية وأشكالها , الزووم هي صورة مصغرة من السيارات الرياضية بس سيدان "

وبعدين كــيف سيارتك مكلفة واحد وعشرين ألف ريال !!! الصدمة قــوية ولا الاســعار |10|

وبالنسبة للاصوات ما راحت بعد ما صلحت السيارة ؟!!! مع انك مزينها في الوكالة !!!:mad:


---------------

" وأقولك إذا تبي تاخذ زوووم خذ >>> قـــــــــيــــــر عــايــــدي أو قـــــــــيــــــر عــايــــدي >>> NO توماتيك أو لا تاخذ زووم مع إحترامي لك "

بس حــرام الاوتوماتيك اكثــر راحة ولا فيه اي جهــد .. وبعدين فيها نظام اوتوماتيك وعايدي (ناسي اسمه:D ) ؟


.. والزووم الي معك عايدي ولا .. :confused: ؟




.. وآســــف على الاطاله بس مثل ما قلت لك والله من فرحتي بردكـ |1|

[الزوم عند اللزوم]

الله يسلمك يـــارب حتى أنا تصدق فرحت يـــوم رديت علي :D , ما أكذب عليك إيه والله إني صادق .


" تعشق السيارات الرياضية وأشكالها , الزووم هي صورة مصغرة من السيارات الرياضية بس سيدان "
^

^

^

المقصود من هذه العبارة (( هل إنت يـــا أخ / SleEteN تعشق السيارات الرياضية وشكل السبورت الرياضي ))

إذا كانت الإجابة نعم : فــا الزووم هي صورة مصغرة من أشكال السيارات الرياضية ، فشكلها يعطيك الإنطباع الرياضي أكثرمن الفخامة سواءً من الداخل أو الخارج ولكن الخارج يعطيك أكثر .
إذا كانت الإجابة لا : يعني ما تحب الرياضي أو ما تميل له أو ما تهتم أياً كانت إجابتك أهم شي غير نعم خذ أكورد .


وبعدين كــيف سيارتك مكلفة واحد وعشرين ألف ريال !!! الصدمة قــوية ولا الاســعار
^

^

با النسبة للصدمة : الصدمة قوية بعض الشي ، الرديتر خر (( هرب ماء )) الشمعتين تكسرت ، الكبوت تغيير.......الخ... + إن أسعار المازدا نار الله الموقدة ، بصراحة غالية ، ولا يهون الأكورد ( الهوندا )



با النسبة للأصوات أنا قلت يعتبر الحادث ما قبل الأخير , ما يعتبر حادث لأني ......:o

بصراحة الحادث غبي.....لا ومسوي طارة أنا ويا وجهي :mad: وش رايك أعطيك السالفة علشان تعرف .

" كنت وأنا وخويي فهودي متجهين إلى أم الحمام جايين من طريق مكة إلى أم الحمام من الشرق إلى الغرب ، المهم كان في لفه بنت كلب بكل ما تعنية كلمة بنت كلب كنت أمشي 100 ، خويي معه سوبارو يقولي ـــ
(( هد السرعة أنا با السوبارو أمشي 100 وأخش مع اللفة ويزحف بي الموتر ))
قلت أنا ما عليك مسوي طارة :mad: خشيت يمين ،الموتر زحف زحفة أليمة مع الربكة لمست الفرامل :o ، من غير تفاهم نطل الموتر يمين ، وأنا يد على الدركسون ويد ماسكة التكاية على بالي ، وخويي رجلة على الطبلون على الإيرباق ويدة ماسكة المساكة اللي فوق الباب ، وأصقع الرصيف على اليسار بعدين رجع الموتر لليمين و أرقى فوق الرصيف ، تقريبا نص الموتر بالضبط فوق الرصيف النص الثاني على الشارع "

دقيت الريوس ومشيت الجنط تمشخ وخدش بسيط في الصدام الأمامي وبسبب السواقة الزينة صارت القربعة.....الشاهد من القصة إني ما وديتها للوكالة علشان القربعة ....لأن السيارة ما جاها شي يستاهل...

التوماتيك أريح أكيد بس العايدي أمتع بالنسبة لي وأقوى عزم بكثير ....

الزوووم اللي معي قير عايدي أكيد !!!


أنا داري إني طولت عليك وهي قصيرة بس سامحني عندي أحياناً حب الفلسفة ;) .....أتمنى لك أختيار موفق بإذن الله....


مـــــــحـــــــــــب الــــزووم ....................الـــزوم عـــنـــد الـلـــزوم...............

[SleEteN]

|10| |10| |10|


ما اقول الا الحمدلله على السلامة .. والله يكفيك شــر الســرعة


ومشكووررر على ردك .. وعلى ســعة صدرك


والله يعطيك العافيه ..


---------------------------------


اخوي راعي اللؤلؤي بنتظار ردك .. :rolleyes:

[SleEteN]

---------------------------------




اخوي راعي اللؤلؤي بنتظار ردك .. :rolleyes:





|6|

[salehhd]

خذ الاكور وانت مطمن

ما حد يشتكي منها ولا فيها مشاكل

واهم شي تصلي ركعتين استخارة وتوكل ربك ومن استخار ما خاب ولا في داعي تهم روحك يااااااااخي

بالتوفيق

[((ابو اسعد))]

انا اقووووول الاكووورد
1- لان ياباني
2- شكل جميل
3- حق شغل ((كرررف))
بس ترا قطع الغيار غالية انتبه

[SleEteN]

salehhd

ابو سعد


مشكوووررين على ردودكم وعلى مشاااركتكم وآرااااائكم ..


والله يجزاااكم خــير .. ويعطيكم العافيه :)

[V-I-P]

اخوي نصيحه خل اختيارك محدود بـ 3 سيارات والي هي:

مازدا زوم
سوبارو ليجاسي
هوندا اكورد

وانا اخترت هالثلاث سيارات لأنها تنصنع وتجمع باليابان


وابعطيك رأي بكل سياره:

المازدا زوم:

صراحه ماأعرف عنها كثير ولكني اعرف واحد معاه زوم (( العضو: الزوم عند اللزوم )) يقول السياره ممتازه ولكن قطع الغيار نار
ولكن شكلها ممتاز ورياضي ويوجد لها اكسسوارات في الوكاله كثيره وعزمها ممتاز جدا مقارنة ان مكينتها 2.3

السوبارو ليجاسي:

انا معي سوبارو موديل 2002 وصراحه تصبر صبر مهو طبيعي مقارنة بسواقتي الحاميه على السياره
وقطع غيار السياره الاستهلاكيه معقوله ولكن بعض القطع غاليه (( هذا بالنسبه للوكيل القديم ))
اما الوكيل الجديد (( اليمني وكيل ايسوزو )) فانشالله بيكون كلام ثاني
وحقين الايسوزو يمدحون الوكيل من ناحية الصيانه وقطع الغيار والخدمه
وهذي صورتها
http://www.subaru.com.ua/pic/news/news_Legasy_Best_Big.jpg

الهوندا اكورد:

سياره ممتازه ولكن مع واحد من الزملاء اكورد موديل 2004
صراحه فيها اشياء غريبه يعني مثلا تصفير الفحمات وكل مايغيرها فتره بسيطه وتصفر وسوا تنظيف وبعد مده بسيطه صفرت
وسوا توظيب قير عشان كان فيه صوت بسيط يطلع في القير
قطع غيار يقولون غالي
ولكن السياره رساوته حلوه .......... احس اني طولت

على العموم كل سياره فيها وفيها ولكن لاتطلع من هالثلاث سيارت

واي استفسار انا في الانتظار :)

[الهويشل ابومطر]

عزيزي اخذ الأكورد وانت مطمئن

لأنها

عملية

فخمة

رياضية

يابانية

وان شاء الله ما راح تندم

يكفيك انتشارها الكبير