لومينتي 2004 سته سلندر = اليوم اكملت سنه + صوره للطبلون(مفاجأأه بقوه) + تعليقاتكم

[Totally LS]

السلام عليكم ورحمة الله وبركاته
صبحكم بالخير ياللي عنده صبااااااااااااااااااح
مسيكم بالخير ياللي حاله حالي بالمساء
يا هلا باللي دشو الموضوع كلكم
.
.
.
.
.
اليـــــــــــــوم وبتاريخ ثلاثوعشرين خمسه الف واربعميه وستوعشرين (23\5\1426) هجري
وبحمــــــــــــــــــد الله ومنته عيد الميلاد الاول لسيارتي ( اللوله )
كان هذا العام حافلن بالروحات والجيات والكررررررررررررررررررررررررف
كنت احظى وقتها بوساعه الصدر والرحابه والراحه من اللومينا ( ما شاء الله )
سياره بحق وحقيقه من جميع النواحي <<<<< وربي فلوسها فيها
الحمدلله ما تحسفت ولا في ريال واحد دفعته فيها
بنزين + زيت + قطع استهلاكيه ................ فقط
تبي صرفيه .............. تقول اربعه سلندر
تبي قطع ................. امريكي ورخيص ( استرالي ورخيص ;) )
تبي مشينا ............... قدام ولا يردك الا دواسه البنزين
صراحه في هالسنه زاد حبي لها الفين مره وثلث طعش مليون خخخخخخخخخخ
تتعب وانت تقول لومينا
ما يعرفها زين الا اللي مقتنع فيها ويحبها
معذورين ياللي تحبون اللومينا ......................... اقسم بالله معذورين
معذورين ياللي تحبون الاسترااااالي <====== يستانس اذا قالو موترك خروف استرالي
اروح وطي انا مع الخرفان <====== :D
اللي يتكلم في اللومينا امممممممممممممممم غلطان امممممممممممم تعبان امممممممممم ما عنده سالفه
يمكن يكون لها نظير في السيارات اللي من صناعات اخرى لكن يميزها شيئين :
1- دفع خلفي
2- رخيصه الشراء والقطع وكل شي <<<<<<<<<<<<< صحيح صحيح
يلوموني فيك يا لومينا
ما ودي اطول بالموضوع ويخرب ............ بس صراحه في جعبتي كلام كثير عنها <==== جعبتي :p
شوفو كم مشيتها في سنه وتعرفون ليه احبــــــــــــــــــــــــــها
يا ناس احبـــــــــــــــــــــــــــــــــــــــــــــــ ها
لومينا احبـــــــــــــــــــــــــــــــــــــــــــــــ ــــها
اقسم بالله وانا رايح الجامعه وناسه
وانا رايح لاي مشوار وناسه
لومينا = ونــــــــــــــــــــــــــــــــــاسه
صدقوني خفيفه على الروح والقلب وكل شي
تتعب وانت تقول لومينا
.
.
.
.
.
لومينا ال اس ديلوكس = مثبت + ايرباق السائق فقط + جنوط
Lumina LS (Delux) = Cruise Control + Driver Airbag + 15 inches Wheels

ابيكم بس تقولون ما شاء الله .............................. بليز
ولا مره دخلتها الورشه من خراب ...................... اخذها ماشيه صفر
ادري طولت

الصوره

http://www.x111x.com/File/1120151574.jpg

على فكره ............ انا موراعي كد عشان ما تجي ردود عن كذا

كلها مشاويري وروحاتي انا واخوياي

كل يوم سفريه ورجعه بنفس اليوم :eek:

تحياتي

[ماجناوي]

ماشاء الله الله يعطيك خيرها ويكفيك شرها....

وفعلا اللي مايجرب اللومينا مايعرف قيمتها
وعقبال المليون كيلو ان شا الله:D

[blue chevy]

ههههههههههههههههههههههه
موضوعك حلو

ماشاء الله سنه وصلتها 104 الف
الله يبارك لك فيها

[*الـسـفـيـر*]

ما شاء الله عليها

[Caprice]

ماشاءالله تبارك الرحمن

هذا رد صريح على كل مشكك في قدرات اللومينا

انا شاري كابرس قبل سنة وشهرين ومامشت الا 19

الله يطعمك من خيرها ويكفيك شرها

[Don't try]

اشهد انها سيااره
ما شالله تباارك الله الله يعطيك خيرها


بس وش ورا الرروحه والجيه ==== << مقهور مبطي من الطلعات

مشكوور مووضوع في قمه الابداع

[SsBlackSs]

مشاء الله معروف الشفروليه مو سهل يتحمل وصبرورر ونفس الوقت قوي

اللومينا حلوه بس ما تجي احلى من الكابريس :D

لا تزعل يا اخوي الحقيقه ما ينزعل منها والحقيقه تنقال وانا ما قلت الا الصدق

[بنز-وبس]

ماشاء الله
صج موتر
انا في موتري طلعات وروحات ماصكيت الا 10الاف
والله يبارك الك فيها ويعطيك خيرها ويكفيك شرها
تحياتي

[ماهر ls]

بالفعل اللومينا سيارة تستحق كل ريال تدفع فيه

انا معاي لومينا اس 2004

الحين السيارة صارلها سنة او سنة وشوي ماشاء الله ما شكيت منها ابدا


ماشاء الله عليك كارف اللومينا كرف ( الله يعيط خيرها ويكفيك شرها )

انا سيارتي بعد سنة كانت ماشية 40 الف واقول كثييييييييير

[كابـــSSـــرس]

ماشاءالله تبارك الرحمن

الله يعطيك خيرها ويكفيك شرها

والخرفان الاسترالية الي يتكلمون عليها

صدقني حادقين ولا يعرفون معنى الخروف اذا مر من عندهم

واشكرك يالغالي على الموضوع

[M.A.D about u]

ما شا الله

الله يعطيك خيرها ويكفيك شررها

وهذا دليل على قوتها

ومبروك مرور عامها الاول :) سنه حلوه يا قميل :)

اخووووووووووووووك مرزوووووووووووق

[Totally LS]

ماجناوي ....... مشكور على مرورك الطيب وكلامك عين العقل والصحيح
ان شاء الله اجيب صورتها في هالمنتدى الغالي وهي ماشيه مليون الا كيلو


blue chevy ....... مشكور على مرورك .. شرف لي انك ترد على موضوعي
والله يبارك بايامنا جميعن .......................... امين


*الـسـفـيـر* ............ مشكور على مرورك واطلالتك الطيبه


Caprice ......... مشكور على المرور والاطراء الجميل
والكابريس واللومينا ما عليهم غباااااااااار ....... 19 الف كويس بالمره
ان شاء الله سيارتك تعمر سنين وسنين


الاآآمبراطور ....... مشكور على المرور وااطراء القووووووووي للموضوع
جواز السفر وما فيش ............. كلها بحدود بلدنا الحبيب
يعني عادي بوسط الاسبوع اطلع اربعميه كيلو اخلص غرض وارد بنفس اليوم


SsBlackSs ........ مشكور على الرد الجميل والصراحه اللي تعجبني فيك من ناحيه وجهة النظر
بس برضو ......... اللومينا فيها مميزات تتغلب عالكابريس ........ والكابريس يتغلب عاللومينا من نواحي اخرى


slaiskmm ....... مشكور عالمرور وعقبال المليون كيلو من دون خرابات


ماهر ls ....... مشكور على مرورك وردك الداعم بقوه لكلامي
اربعين الف بالسنه ممتاز مره ............... وعقبال المليون من دون خرابات


كابـــSSـــرس ........ منور الموضوع ومشكووووووووووور
يعجبني فيـــــــــــــــك حبك وقناعاتك بالخرفان ;)


MarzoQ ........ مشكور عالمرور وتسلم عالكلام الحلو:cool:
ان شاء الله تكمل سنتها الثانيه وكلنا حاظرين


ما ادري شقول يا شباب ............... اقبالكم عالموضوع وردودكم تعطي حافز قوي صراحه

مشكوووووووووووووووووووووووورين الف شكر عالمرور


تحياتي

[CHEVROLET SS]

على كم هالخروف الي يقولون :)


ماشاء الله تبارك الله ... بداية طيبه لسياره مشهود لها بالقوه والاداء الرائع..

وتعتبر اللومينا مثل اعلى لسيارات شفروليه بشكل عام.. ونموذج تحدي (صغير جدا) لكل من يشكك بسيارات شفروليه العريقه



ومثل ماقالوا Happy Anniversary لسيارتك :)

وعقبال ماتكمل الــ 500000 كيلو بصحه وسلامه....


تحياتي

[BLACK R/T]

ماشاء الله عليك .. كارفها كرف

والله يعطيك من خيرها ويكفيك شرها ..

اخوك / s.a.3

[المجروح 2002]

بس ماهي احسن من الكابريس

صدق من قال كيف نعيش بدون كابريس

الله يخليه لك الومينا

والله يخلي لنا الكابريس

[مباشر]

تشكر وما قصرت

[HEMI]

ماشالله تبارك الرحمن

الله يعطيك خيرها ويكفيك شرها

[blue chevy]

عيب الشفر اللويمنا اذا ما غيرت فلاترها خلاص يا ويلك
اما تهتم فيها خلاص ما تأذيك

بس بالسنه صفيها وغير فلاترها وخلاص

[Totally LS]

CHEVROLET SS ............ مشكووووووور الف شكر على مرورك وجرعاتك المعنويه
أحسن شي انك تحب الخرفان ........... تعجبني قناعاتك ووجهات نظرك
وبالنسبه للكلام اللي تقوله اشوف انه صحيح 100%
لان اللومينا تعتبر نموذج من الطراز المتوسط والمتألق بالنسبه لنفس الفئه من السيارات
وتعتبر اللومينا رد قوي لمن يشكك بقدرات السيارات الامريكيه (الاستراليه) عشان ما يصير فيه زعل
500.000 وانت بصحه وحاظر ان شاء الله


S.A.3 .......... مرورك على موضوعي من دواعي تشكراتي لك وتقديري


المجروح 2002 ........... معذور يالغالي على كلامك ........... الكابريس محبوب الجميع
واذا يرضيك انه افضل من اللومينا فهو افضل ........... ما فيش اي مشاكل
كل واحد له وجهة نظر ............... وانا مقتنع بوجهة نظرك
بعدين الكابريس اكبر من اللومينا .................. واحد من اعمامها
بـــــــــــــــس بعد الاستخدام للومينا والكابريس ........ يمكن يكون فيه كلام ثاني (يمكن)
مشكووووووووووووووور ومنور الموضوع برايك


مباشر .............. شوكرن جزيل الشكر على مرورك ...... ما سوينا شي


HEMI ........... مرورك على موضوعي شرف كبير لي ......... Thanx Alot


blue chevy
Welcooooooooooome Back Again
منور الموضوع مرتن اخرى <<<<<<<<<<<< مرتن
العيب ذا مو في اللومينا بس
كل السيارات الجديده
بعدين مو يا ويلك .................. احس انها قويه شوي يا ويلك
اذا ما غيرتها بتحصل الصرفيه زياده في البنزين والعزم بيطيح شوي تلاحظها اذا دعست
غير كذا لا تخاف
انا من ناحيتي الحمدلله مدلعها من الناحيه ذي
كل 35000 خمسه وثلاثين الف كيلو اغير لها التالي :
فلتر بنزين
فلتر هوا
فلتر قير + زيت قير
بواجي
فحمات
خرط هوبات
.
.
.
مقابل سعر لا يتجاوز ال 1000 الف ريال

وبعد مرور 90.000 تسعين الف كيلو ....... غيرت سير المكينه ......... سعره 80 ريال
يعني السنه هاذي صفيتها مرتين والثالثه قربت



شوكرن عالمرور كلكم والادلاء بارائكم

وعلى فكره .......... لا يوجد راي يزعل ......... انا من ناحيتي قول اللي تبي في موضوعي في حدود الادب ولا راح يصير اي زعل او حزازيه في الموضوع


تحياتي

[Caprice]

الا بغيت اسالك

اذكر قريت لك موضوع عن قطع الغيار وتجربتك للومينا
وقلت ان فحمات gm احسن من اي سي ديلكو

هل الفرق واضح بين الاثنين؟
وتركب بدون مشاكل؟ (اقصد فحمات الgm)

لان بصراحة الاي سي ديلكو مادري وش تبي ورافعة ضغطي

[Totally LS]

Caprice هلا والله وغلا مره ثانيه وثالثه والف مرررررررره

امتلك لومينا 2004 LS
اخوي لومينا 2001 LS
اخوي كابريس 2002 LTZ

ثلاثتنا مجربين فحمات ال Ac Delco

الصراحه سعرها يغريك وحلو ...... بس ادائها لك عليه

من يوم تصك 20 الف تبدا الرجه بالطاره ( خفيفه )

قبل لا توصل 30 الف خلاص الرجه تكون قويه مرررررره


ثلاثتنا مجربين فحمات ال GM

قد تكون غاليه بالمقارنه مع اي سي ديلكو ( 350 ريال شامل الاماميه والخلفيه )

اما اي سي ديلكو سعرها 200-220 ريال شامل الاماميه والخلفيه

GM فحماتهم تبدا الرجه بالدركسون من ال30 الف (خفيفه)

وتتحمل حتى 40 الف ....... بعد الاربعين الف بتزود الرجه شوي

بس صراحه ممتازه مررررررررره

انا راعي خطوط واضرب بريك بقوه وعلى سرعات مختلفه وعاليه

بس اهــــــــــــــــــــــــــــــم شي

عشان تحصل على بريك نفس الشد بدل لازم :

1-لا تغير فحمات اماميه من دون خلفيه ..... لا تغير خلفيه من دون اماميه ( لازم كلهم مره وحده)

2- مع كل تغيير للفحمات الاماميه والخلفيه تخرط جميع الهوبات الاربع

3- لا تشتغل بالوكاله ...... لا تشتغل باي محل ....... روح محلات الميزان المعروف

واذا انت من الرياض وتبيني اعلمك من وين تاخذ القطع ومكان الورشه انا حاظر

مع العلم انه ليس لي اي علاقه بصاحب المحل او المحل نفسه

مجرد محل ممتاز وحبيت افيد الاخرين

[Totally LS]

وعلى فكره ...... اي قطعه استهلاكيه ما انت ملزم بمده محدده

بس هذا العدد من الكيلوات يعتبر ممتاز وحلو

واذا تبي صرفية البنزين ثابته ........ فلتر البنزين غيره كل 25 الف كيلو ...... اما الباقي فيكون كل 35 الف



تحياتي

[صحراء الجليد]

ما شاء الله

الله يعطيك خيرها ويكفيك شرها

وعقبال المليون كيلو ان شاء الله

وشكرا على المعلومات الحلوة بصراحة استفدت منها وراح اطبقها في سيارتي

[Totally LS]

صحراء الجليد ................ مشكور عالمرور ومنور الموضوع

الله يبارك فيك وتشكراتي لك

ما جينا الا نفيد ونستفيد في هالمنتدى



تحياتي

[MooNLiNE]

ماشاء الله
ويعطيك خيرها ويكفيك شرها وعقبال 500000 كيلو

[كابـــSSـــرس]

والله يالغالي

الكابرس الي معي كمل 45 الف

وماغيرت فيه ولا شي

والحمد الله مالاحظت عليه اي شي

وانا ناوي ادخله الوكالة تشييك كامل كل خمسين الف كيلو

تحياتي لك

[عابر البيد]

ماشاء الله تبارك الله .. الله يحفظك ومن معك.

سؤالي خلال فترة المائة الف كيلو ..هل قمت بتغيير سير الموءقت التايمنغ وكذلك
سير المحرك الخارجي او لا ؟ وهل سير التايمنغ المؤقت عبارة عن ربل او جنزير؟

تحياتي لك ..

[A L H A M O O R]

يعطيك خيرها ويكفيك شرها ....
وعقبال تريليون كيلو ان شا الله |82|
وانا صراحة أموت في شي اسمه لومينا .....|1|
احس انها سيارة تستاهل ......
الا على طاري اللومينا انت شاريها من الجميح أو العيسى وكيف تعاملهم معك ؟؟

[Totally LS]

مشكوررررررررين ياللي رديتو منورين الموضوع

اكمل ثلاثه شليون وانتم حاظرين ان شاء الله

بالنسبه لك اخوي كابـــSSـــرس كل واحد وطريقته اللي يرتاح لها ويحس انها هي الانسب

طريقتك حلوه بالنسبه لموترك اللي يمشي مشي متوسط الى معتدل

مو مثلي امشي كثير عشان كذا الاحظ التغيرات اكثر منك


اخوي دورية انا شاريها من الجميح

تعاملهم .............. اممممممممممممم الحمدلله ما قد مريت عليهم الا اول الف كيلو

والسبب انه تغيير الزيت والفلتر مجانا ......... خخخخخخخخخ

ومن عقبها والى يومك ما مريتهم


الله لا يحدنا عليهم



مشكورين عالردود


تحياتي

[المهنا بيك]

ههههههههههههههههههههههه ما شاء الله
قسمن بالله موترك كنه خروف هههههههههههههههههههههههه
انا اشوف لومينات كثيره بس لومينتك خروف خخخخخخخخخخخخخخخخخ
قسم بالله مدري حسيت انها خروف يمكن عشانها بيضاء بس زابطه الخروف ههههههههههههههههههههههههههههههههه

لا تفهمني غلط اتمهزل ولا شئ بس سيارتك ما شاء الله حليوه صغنطوطه بالصوره صايره كنها خروف ابيض خخخخخخخخخ


الله يعطيك من خيرها ويكفيك شرها علما بان معي لومينا وبتكمل سنه بعد 3 شهور تقريبا بس للحين ماشيه 21 الف

[المهنا بيك]

نسيت اقولك من وين صابغ الزوايد وكم كلفتك


وهل فيه ملاحظات واجهتها بسيارتك من تهريب هوا تفكك ضعف العزم الفحمات قويه ؟ هل انت مشغل البور دايم ولا مقفله؟

...الخ

[نوفي]

ماشاء الله انا من عشاق اللومينا وأحبها حب من دون حدود

[BAssAM ss]

والله إنك نشمــــي

روح يا شيخ ينصر دينـــك ‍|1|



من زمااااااااااان ونفســـي واحد يكتب موضوع زي كده

يبين قدرات اللومينا الجبارة لكن الحمدلله على كل شئ

وزي ما إنتا تحب اللومينا أنا كمان أحبــــك :D


والخروف الأسترالي يـــــــنـــــــــطــــــــــــح :D <<<<< للي موعاجبه


الله يعيطك خيرها ويكفيك شرها إن شاء الله

وتوصــــل الـ 500 ألأف إن شاء الله

وأبشرك يالغالي أنا مرت تحت رجلــي لومينتين SS

وماشاء الله ما أذكرهم إلا بكل خيـــر |1|

|3|


BAssAM ss

[Totally LS]

المهنا بيك ............. مشكوووووور الف على مرورك على موضوعي وادخل روح الفكاهه فيه

تقريبا 30 الف بالسنه ............. ممتاااااااااااااااااز على خروفك المملوح

ان شاء الله موترك يعمررررررررررر سنين وسنين

ويعطيك خيرها ويكفيك شرها

وياليت شباب المنتدى كل واحد يحط خروفه في توقيعه .............. فخرا بالخرفان

صراحه ................. فرحتني بقولتك كنها خروف صدق .............. هذا اللي ابي اوصل له

بالنسبه للبويه فيه ورش كثيره ............ واسعارهم ما بين 200 - 500 ريال ... اكثر من كذا لا تدفع

التهريب .............. الحمدلله لا يوجد

التفكك .............. الحمدلله لا يوجد

ضعف العزم ............... في حالتين :

الاول طبيعي وهو مع التحميل

والثاني برضو طبيعي ............ اذا مشيت 35000 خمس وثلاثين الف كيلو ما سويت صيانه دوريه

(الصيانه الدوريه) = فلتر بنزين+بواجي+فلتر هوا+فلتر قير وزيت قير مع بعض لازم

الفحمات ......... اغيرها لما توصل 35000 خمس وثلاثين الف ويصير باقي فيها شوي

بس الرجه اللي بالدركسون تضيق صدري ويصير لازم اغير فحمات امامي وخلفي واخرط كل الهوبات

<========== على انه يكرف الموتر الا انه يدلعه ( الخروف يستاهل )

البور ................ المثل يقول (البور وقت الجكر)




نوفي ........... يعجبني فيك حب اللومينات .............. معذور لانها تفتن بجميع انواعها

مشكوووووووووووووووور على مرورك ومنور الموضوع



BAssAM ss ........... اول شي انا مو مصدق دخولك عالموضوع

ليه ....؟؟

لان دخولك للموضوع وتعبيرك عن جماله ........ يعتبر شي اجرام واني صرت اطلق واحد بالعالم والمنتديات |1|

منوووووووووور الموضوع يا بسام اللومينات

انا صراحه من زمااااااااان نفسي اكتب الموضوع .......... بس ما كانت مكمله سنه

لما ربي ستر وكملت سنه ............. قلت الشباب يستاهلون هالموضوع ......... والرد على العذاااااااااال ;)

اجل تحبني :confused:

انا ما اجبك ..................... انا موت فيك وفي حبك للومينات :D

احس انك انا ........... احس اني انت .... لوووووووووول

ترا خروفي يسلم على خروفك ......... ويقول ترا خروف خالد ما عنده خلاف |1|


يعطيك خير موترك ويكفيك شرها ......... وان شاء الله امشي شليون بحظورك

وشهادتك عن ال SS يعتبر شي كبير وكلام ما فيه تجريح ....... واسكات للعذال

تدري وش المشكله .......... ان اللي ما جرب يتكلم ........ واللي يتمنى يتكلم

كلام سب ورذل في اللومينا ......... بس الشارع هو اللي يحكم



تحياتي

[BAssAM ss]

تسلملي حبيبي على ردك الحلو زيــــك :D

وصدقنـــــــــــي إنتا خشيت قلبي خلاص وياريت يكون بيننا إتصال إن شاء الله

المهم

جايب لك هديــة إن شاء الله تعجبــك وتحوز على رضاك يالغالي

حمــل هاذي المقطعيــــن وقلي رئيـــــــك

ولا تنســـــى هاذي هديـــة مني لك يالغالي |1|

http://www.cars-club.com/up1/index.php?act=dl&file=LS0oKCBCQXNzQU0gc3MgKSktLSAgMjAwMC56aXA=

http://www.ss4ever.com/ma/uploading/BSAAM%20ss.wmv

|3|





BAssAM ss

[الهاشمي1]

ما شاء الله عليها

[شحاته]

انا هم كذلك اعرف واحد من الشباب تقريبا مثلك كارفها كرف وبسم اله ما شاء الله مثل ما قلت ما تكلف شي والله يبارك لك فيها

[Totally LS]

BAssAM ss ............. مرتين رد في موضوعي :eek: <<<<<<<<<<< أد الدنيا

وربي كلي فخر فيك وفي ردودك وفي موترك ;) ما شاء الله

بس يقولون اذا صار صاحبك عسل لا تلحسه كله ............ اخاف اكلك كلك <<<<<<<< لوووووووول

اتصال .............. اممممممممممم افكر وارد لك <<<<<< قل تم بس :mad:

يا عمي نتشرف باي طريقه كونكشن معك ........... ونستبق ونستعجل لحدوث ذلك <<<<<<< بدا يتفلسف |4|

هديه .............. لو ما شفتها بتعجبني حتى لو انها عن هوندا اكورد والا هلكس <<<<<<< احب سيارتين |11|

وربي هديتك مووووووت ......... مع العلم اني شايفهم قبل كذا ومتابع جميع اعمالك

تخميس + مقاومات (التيما) ........... انت كلك على بعزك ما شاء الله عليك ....... تثلج الصدر بحبك للخرفان

|66| يسلمووووووووووووووووووووو عالهديه





الهاشمي1 ............ Thanx Alot



شحاته ................ الله يبارك بايامك وسنينك ......... ومشكور عالمرور والتنوير عالموضوع


معروف الاسترالي تحمله 100 % ( للمجربين ) ........... اما اللي يهذرون بس كثيرييييييييييين





تحياتي

[رجاوي الرياض]

بسم الله ماشاء الله على خروفك يا حليله شكلك مدلعه ..... كيف الخاروف مع العلف عسى مو مضايقك .... هههههه... ترى أمزح:D

من ناحيتي انا احب الومينا .....لكن أخاف من صرفية بنزين الامريكي لأنه كان معي ميركري جراند ماركيز أبيض .. يعني خاروف كيبر عود عجوز ... لكن كان مضايقني في البنزين ... وبعته ... وشريت خاروف غيره أقصد سيارة غيره ,, ادري طولت عليكم لكن هذا من حبي للومينا ..... ارجو توضيح صرفية بنزين خارفك كيف يعني يصرف أو لا .. وكم الفل وكم يمشيك ....

وشكراً مع التحيه....|3|

[Totally LS]

رجاوي الرياض ........... مشكور الف على مرورك

الصرفيه ................. اكثر شي بيحببك بالخرفان الاستراليه هي الصرفيه

انا ما ابي اقول اتحدى الموتر الفلاني والموتر الفلاني

ابقول صرفيتي :

50 ريال :

بدون تحميل + مكيف + على سرعه 140 - 160 بالخطوط ........ 500 كيلو بالرحمن الرحيم

مع التحميل + مكيف + على سرعة 140 - 160 بالخطوط ........ 450 كيلو بالرحمن الرحيم

بدون تحميل + مكيف + مثبت 120 بالخطوط ......................... 600 كيلو وانت مغمض ويمكن يزود

مع التحميل + مكيف + مثبت 120 بالخطوط ........................ 550 كيلو بالراحه ويمكن يزود شوي

وسط الديره = تتراوح ما بين 350 - 450 حسب ثقل الدعسه

علما اني اعبيها قبل لا تولع اللمبه ب 50 ريال - 52 ريال

واللي معه لومينا 6 سلندر يدعم كلامي للتاكيد فقـــــــــــــــــــــــــــط



تحياتي

[سعد44]

ماشاء الله
الله يعطيك خيرها
ويكفيك شرها

[Totally LS]

سعد44 .......... الله يجزاك الف خير

ومشكور على مرورك وتنويرك للموضوع



تحياتي

[Totally LS]

اهم شي قولو ما شاء الله -_ًٌَُ*

[مشبك النمرر]

ما شا الله اخوي
وعقبال صفرين جدد

[Totally LS]

مشبك النمرر ............... ثنكيو لتعليقك القوي

صفرين وانت حاظر

مشكور عالمرور


تحياتي

[فيصل88]

aaaشكرا على الموضوع

[AEMA]

من حقك ياخوي إذا تتعب



لوميــــــــــــــــــــــــــــــــــــــــــــــ نا

والله إنها خفيفة الظل



ما ينمل منها



Happy Birthday to LoMiNa

[ali99]

ما شاء الله عليك والله يعطيك العافيه.........
بسراحه السياره تستاهل كل المدح اللي قلته وأكثر
ويعطيك من خيرها ويكفيك شرها

[Totally LS]

فيصل88 .......... العفو اخوي فصولي ..... ما سوينا الا الواجب

ومشكوووووووووووور عالمروووووووووووور



535iA ............ مشكور الف حبيب البي عالمرور

وانا اتشرف على وجودك بالموضوع واطرائاتك عن اللومينا

كلمه حلوه عليها ( خفيفه ظل )



ali99 ............... كلامك 100% ......... السياره تستاهل الكلام اللي يقال فيها

وتستاهل انها تنحب ( للي جربها )

مشكور عالمرور والاطرائات الجميله





تحياتي

[مطفوق]

انا معاي كابرس كملت تقريبا سنه وماشي 30000
ال تي زد 2004
والحمد لله ما واجهت اي مشاكل

[alzubair]

ما شاء الله عليك ...

صراحة أخوي كنت ما أحب اللومينا ذاك الزود بس لما قرأت حبك للومينا أعجبت فيها ...

موضوع تعبير خيالي ... :D

أنا عندي كامري موديل 2004 .. 6 سلنر .. صار لها عندي 8 شهور ما مشيت فيها إلا 5آلاف ... وأطلع وأروح وأجي ... بس إنت وين تروح فيها ؟؟؟؟ عجييييييييييب 114 ألف ...

الله يبارك لك فيها ويعطيك خيرها ويكفيك شرها ...

[الكويتي17]

مشالله 114 ألف ! :D

لومنتي (ls2004) قعدت معاي سنة كاملة (مع الكرف) ومشت 38 ألف , وما اضطريت اني اوديها الوكالة الا لتبديل الزيت |3|


والحين اسوق لومينا (s2005) "خروف عليه زوايد" ونفس الحالة..السيارة 10\10 |1|

يعطيك خيرها ويكفيك شرها والله يخليلك خروفك الاسترالي :D


مع تحياتي |4|

[ford_mondeo]

ما شاء الله وعقبال ال 200 بدون اي خرابات وتصدق حببتني معاك في اللومينا

[camry_grande]

ماشاء الله الله يعطيك خيرها ويكفيك شرها

[soso_ss]

ماشاء الله الله يعطيك خيرها ويكفيك شرها....

وفعلا اللي مايجرب اللومينا مايعرف قيمتها
وعقبال المليون كيلو ان شا الله
صراااحه موووتر

احبك يالومينا

[Totally LS]

مطفوق ............. ما شاء الله موترك عروووووووسه

احسنت الاختيار ............. 30 الف بالسنه شي طيب بالمره

ان شاء الله يعمر موترك سنين وسنين

ومشكور عالمروووووووووور



alzubair ............. إطراء جميل جدا جدا جدا جدا وقوي ........ الصراحه احرجتني

كل اللي اقوله عن اللومينا حبي الحقيقي لها

واختيارك للكامري ممتاز ويدل على فهمك بالسيارات اليابانيه

لان الكامري بالصرفيه متقاربه من ناحيه سته واربعه سلندر

وبعدين معروف راعي الاسترالي متى ما مسكت معه ركب الخط ( متعه ) |1|

ومشكور على مرورك وتنويرك الموضوع والاطراءات الجميله



الكويتي17 .......... اهلللللللللللللللن 1000000 مره ............. منور الموضوع

انا من اكثر المعجبين بردودك الحقيقيه بهالمنتدى ومن زمااااااااان متابعك

صراحه مرورك عالموضوع شرف كبير لي ( صاحب خروف مسير على راعي خروف ثاني ) ;)

38 الف بالسنه ممتااااااااااااااز ......... ومعروفه اللومينا ما تحتاج الوكاله الحمدلله

ومبرووووووووووووووك الخروف المزبط ( ابو زوايد ) واحسنت الاختيار

صراحه يعجبني تفكيرك بقوووووووووه ( من خروف الى خروف ) الحب الحقيقي |4|

الله يعطيك خيرها ويكفيك شرها


ford_mondeo .......... يا حبنيلك والله 200 الف وانت حاضر وبصحه وسلامه

واللي قلته ما هو الا حقيقه اللومينا

ومشكور عالمرور


camry_grande ........ جزاك الله الف خير حبيب البي

ومشكور عالمرور


soso_ss ........ يجزاك ربي الف خير

فعلن كلامك ميه الميه ( اللي ما يجرب اللومينا ما يعرفها ) ولا يعرف قيمتها

مليون كيلو وانت حاضر ان شاء الله وبصحه وسلامه

اي والله صراحه مووووووووووووتر يملى العين ويرضي الخاطر

احبك الف يا لومينا




مشكورين شباب عالمرور

تحياتي

[error]

ماشالله اخوي 104 الف في سنة ماشالله ...

شكلك تنام فيها ...

انا استحالة اسوي زيك انا عامل حساب كل سنة ب 15 - 20 الف كيلو بس والحمدلله سيارتي بتكمل سنة قريب بعد كم شهر وماشية الحين 19 الف ....

ومشكووور عالصور واكيد يعني اللومينا محد يعرفها الا الي جربها ....

الله يخليها لك ويحفظها امين ...

:):)

[فياغرا S350]

شكرا توتالي على موضوعك الرائع وانا كان بودي ان اتصل عليك بعد ما استلم السيارة قد استلمها السبت اشتريتها من الدمام الجميح 2006 وهذا بعد نصيحتك ومشاورتك والف شكر وارجو ان اوفق بها وان تكون كما ذكرت وشكرا جزيلا وانتظر اتصالي بعد اول ركوب لي بها لونها ابيض

[ابوفيصل966]

اشوى اني ماني سيارة عندك عموما الله يخليها لك دايم صالحة

[فل كامل 2005]

ياشباب في هذا الموضوع الجيد عن اللومينا حبيت اطرح استفسار بسيط احنا معانا لومينا 2004 ال تي زد ونبغا نسويلها صيانة 20 الف كيلو قالولنا ب1100 ريال
في بالبيد هل هذا السعر معقول أو مبالغ فيه لأنه قال لي في هذي الصيانة نغير الاقمشة وهل الجميح والتوكيلات بهذه الاسعار

[BLACK_JAGUAR]

ماشاء الله تبارك الله 104

يامجرم حرام عليك

أشوف العداد يشتكي :) :) :)

[husain_2000]

ما شا الله عليك شكلك دواره على طول بالسيارة
انا سيارتي السابقه مرسيدس شريتها ماشيه 73 الف و بعد حوالي سنتين و نص بعتها ماشيه 117 الف يعني مشيت فيها تقريبا 44 الف
على العموم الله يعطيك خيرها و يكفيك شرها و كذا تكون سكتت اللي يتكلم عن اللومينا و يقول ما تصلح حق استخدام

[lkl]

الله يلقيك خيرها ويكفيك شرها اخوي

وانا عندي ال تي زد 2003 والحين ماشية 56000 كيلو بس

لاكن ماشاءالله عليها في المشاوير تطربك

تحياتي للجميع

[white caprice]

الله يباركلك يارب
انتا لازم تسجل منتدى اس اس فور ايفر خخخخخخ دعايه ها
عشان نستفيد من تجربتك
http://www.ss4ever.com

[fvfvf]

بسم الله الرحمن الرحيم

انا اشتريت لومينا 2005
عند بعض الاسئلة لمن اشغل السيارة يجرج المحرك 2- اشتغل تنبية الصيانة 5000 وانا ماشي 4000
ارجو الرد بسرعة

[كابـــSSـــرس]

8
8

بنسبه لسؤال الاول يالغالي هذا عادي وهو تنبيه قبل 1000 ك

يعني لو مشيت 9 الاف بيطلع لك تنبيه العشره الاف

وهذي شيلتها سهله يالغالي بس هي تنبهك لزيت قبل الف كيلو

اما السؤال الثاني مافهمت

[كل جديد]

ماشاء الله

[fvfvf]

بسم الله الرحمن الرحيم

اخوي يرج المحرك لما اشغل السياره وش السبب هل فيه عطل .؟؟

واذا ركبت جهاز لقياس ضغط الكفرات هل ياثر عليها او لا .؟؟

مشكور مقدما

[راعي فايبر]

ماشاء لله تباركه الرحمان

[راعي فايبر]

تسلمو على الموضوع

[كابـــSSـــرس]

بسم الله الرحمن الرحيم

اخوي يرج المحرك لما اشغل السياره وش السبب هل فيه عطل .؟؟

واذا ركبت جهاز لقياس ضغط الكفرات هل ياثر عليها او لا .؟؟

مشكور مقدما


بنسبه يالغالي للمحرك لا ما اشوف ان فيه عطل لان كم مره قريت هذه الامر في المنتدى

وايضا في موتري اول ماطلعته بس انا عندي ماتطول يعني حول 30 ثانية ماتكمل دقيقه ؟

اما جهاز قياس ضغط الكفرات والله ماعندي علم بس اذا ركبته وماصار فيه مشكله

ياليت تحط عندي خبر لان الجهاز جيد ومهم بنسبه لي |1|