ممكن معلومات عن ستيكر(عدم تعرض)

[بنز-وبس]

السلام عليكم
كيف الحال؟
ياشباب انا راح اركب لسيارتي ستيكر من مكتب الامير الخاص(عدم تعرض) وبطاقة فيها صورتي ومكتوب عليها عدم تعرض وتسهيل جميع الامور|4|
الي يعرف وش الي اقدر اسويه يعطينا معلومات
وبغيت اعرف لو اودي اللوحات خطاط واقلبها سودا والارقام ذهبيه واكتب خاص مافي مشكله:D
تحياتي

[BLACK R/T]

هلا والله اخوي slaiskmm

في البدايه اذا كان عندك واسطه من مكتب الامير يمديك تاخذ البطاقه والاستكر اما بدون واسطه فــ ................. (( ردد يا ليل ما اطولك ))

وبالنسبه للوحه اذا عندك بطاقه عدم تعرض ما احد يقدر يكلمك لا البطاقه اسمها يخوف ..

وبالتوفيق ان شاء الله

وعلى العموم اذا لقيت بمكتب المدير بطاقه زياده ارسلها لي (( الاقربون اولى بالمعروف ))

اخوك S.A.3

[أعزانسان]

هههه وشفلنا معاك بعد :)

[بنز-وبس]

هههههههههههه
البطاقه والستيكر نشالله راح يوصلو بعد سبوع :D
وبخصوصS.A.3 راح نشوف وضعك |4|
واعز انسان نفس الكلام:D
ومشكورين على المرور

[الـصـقـار]

مي تو حطني معهم

[عذب الاحاسيس]

ولاتنسانا :)

[سنتافيه]

وأنا كمان .. :)

عندي السواق حقنا بعد .. إذا ما عليك كلافة <<<<<<<<<< خخخخخ أمزح ..

تحياتي
موفقين

[vAMP]

أخوي اللي اعرفه مايفتشون سيارتك .. هذا اللي اعرفه بس :) يمشوك عادي ..

بس اخبرهم الحين قللوا من مميزاته بعد قضايا كثيرة في استغلاله .. <<حلو التعبير :D

المهم لو تتكلم جد لا تنساني بعد :P

بايو

[بنز-وبس]

ههههههههههه
على هالسالفه مكتب الامير لو اقوله ابي كل هالستيكرات بعصب علي وحتى الستيكر الي عندي بيسحبه خخخخ
على العموم ياشباب ياليت تعطوني مميزاته والبطاقه بعد فيها صورتي والمهنه مكتوب المكتب الخاص ومكتوب عليها عدم التعرض وتسهيل جميع الامور وختم الامير فيها من ورى وقدام وارقام تلفوناته ..يعني اقدر استخدمه في اماكن ماتتعلق بالمرور او او الشرطه؟؟
وتسلمو على الرد
تحياتي

[vAMP]

والله لو تسأل عندكم هناك أكيد بيكون أحسن :)

بس اماكن غير المرور والشرطة صراحة ماني عارف زي ايش !! يعني هذه اهم حاجتين تفيدك فيه ..

بس اذا مو غلطان كمان حتى حقون السكيورتي لو مقفلين السوق مايدخلون إلا سيارات عوائل تقدر تدخل عادي .. لأني شايف واحد مسويها قدامي ..

صراحة ماعندي عنها معلومات كثير :)

سلام

[السؤال]

غريب ، طيب لو ماسويت شي خطأ ومخالفات / مايحتاج ستيكر وبعدين قضية الستكير موضة قديمة واعتقد الآن غير مسموح لأي امير يعطي : عدم تعرض

[أبـو سـطـام]

فعلا الاستيكر موضه قديمة ،، وليس لحاملة قوه وهيبة مثل اول .. اخرها قبل فترة شايف على كامري الشكل القديم ( الرجاء عدم التعرض له وتسهيل مهمته ) ،، بالله عقب ذا شيء ؟؟؟

فعلا حتى المرور ماصاروا يخافون من الاستكر ذا مثل اول لان الحين كل من هب ودب ركبه على القزازة الامامية .. فاذا كنت تبي شوري خلك منه لان ماله فايده الحين .. بالعكس الي يشوفك الحين يقول ( شف ذا شايف عمرة !!! ) ،،


تحياتي للجميع ..

[بنز-وبس]

غريبه
بس الي اعرفه ياشباب ان في ناس ركبوة زينه بس وعلى سيارات قديمة لكن الشرطه وقفتهم وتاكدو وطلع ماهو معتمد وعاقبوهم
والي اعرفه ان العدم تعرض لازم تجي معه البطاقه يعني ستيكر وبطاقه
واعرف واحد من كم اسبوع مر على الرادار في خط الرياض وهو يمشي 200بلكزس
ويوم وصل التفتيش شاف زحمه راح خش في الرمل وقام يتجاوز ويوم وصل للدوريه الا العسكري ياشر له
مافتح النافده راح لزق البطاقه على النافده وقام ياشر له على الستيكر
العسكري طق له سلام ومشى!!
ومرة بعد قبل شهر كذا واحد قطع الاشارة ويوم لحقته الدوريه وشافو الستيكر والبطاقه ماقالوه له غير(اعذرنا مانتبهنا للستيكر)
تحياتي

[عاشق الشبح]

اخووووووووووووووووووي slaiskmm




يا ليت لو تشوفي وحده بحطها علي الددسن موديل 80 هههههههههههههههههه لا امزح


بحطها علي شبح

[المـمـيـز]

هههههههههههههههههههههههههه

الحين الرجال يسأل عنها

وانتم كل واحد صاف بالطابور يطلب له وحده هههههههههههههه

والله انا ودي بوحده بعد باصف بالطابور

احم احم

[vAMP]

حلوة موضة قديمة :D

الرجال مايقصد حقت الزينة !! يقصد شيء فعلي مطبق ..

انا سألت لك عنها اليوم وقالوا ماتفيدك من غير بطاقة .. يعني البطاقة لازم ..

وجاتني سالفة عن واحد مضلل قزاز السيارة كامل حتى الأمامي .. جاك طاير قاطع إشارة إلا شوي دباب العسكري وراه ..

وقف جاء جمبه العسكري نزل له نص القزاز وراه البطاقة دق له تحية ومشي !!!!

صدقني لو تقدر عليها خذها من غير تفكير .. ولا يهمك كلام الناس ..

سلام ..

[KLOZA]

قدييييييييييييييييييييييييييم استكر عدم التعرض
الحين عامة الشعب ماتمشيهم الاستكرات هذي
واغلب اللي معهم استكرات سواويق vip

خلك من الاستكرات..... انت بس انضبطط وازهلها <<< وش يبي ذا خخخخخخخخخخخخخخخ

[صاحب المعالي]

حركات والله ..

لكن ..

اذا كنت تبي نصيحتي ..

.
.
.

طلع لك استكرين ..

واحد لي والثاني لك .. |4|

[بنز-وبس]

مرحبا
صحيح اخوي VAMP حتى انا سمعت عن مواقف مثل كذا
وبعد الستيكر ماينفع دون البطاقه الي عليها ختم الامير
واي عسكري او اي موظف في المرور او الشرطه يعترض على شي عنده ارقام الامير في البطاقه يتصل له ويقوله الاعتراض
ذا الي سمعته
واسمع بعد ان الامراء سياراتهم عليها ذي الاستيكرات
وسمعت من واحد يقول ان الي يقولك موضه قديمه ولاينفع مو حاصل له....خخخخ
وتسلمو كلكم على الردود
ونشالله اذا قدرنا نطلع لكم استيكرات بس بدون بطايق هههههههههههه
تحياتي

[صحراء الجليد]

يعني ليش ما تمشي بالنظام

؟؟؟

[الطيب]

هلا حبيبي انا عندي واحده

بطاقة بس ما اخذت استكر

ترى البطاقة تكفي اما الاستكر ماله داعي

هذي يا طويل العمر تمشيك في التفتيش والمخالفات

طبعا اماكن العوائل سهلة بالراحة تدخل

توقف في الممنوع ومثلا لو انتا في اختبار حق الرخصة توريها للي بيختبرك يمشيك:D

طبعا تنسى حاجة اسمها توقيف او انك غلطان في الحوادث البسيطة

لكن لو الحادث فيه اصابات صعبة شوي :rolleyes:

المهم بتكون لك زي الواسطة في كل مكان

بس من اي امير انتا بتآخذها ؟؟؟؟؟؟؟؟

وشكرا

[أبـوأسـد]

وسمعت من واحد يقول ان الي يقولك موضه قديمه ولاينفع مو حاصل له....خخخخ
تحياتي

:D :D :D :D من جد
بس صراحة أول مرة أسمع عنها
ممكن أصف في الطابور وتجهز لي أستكر مع بطاقة ههههههههههههههههه :D

أخوك أبوأسد |3|

[lexus4ever]

على فكرة البطاقة هذي على حسب الامير اللي مطلعها

فمثلا اذا كان الامير امير او صاحب سمو فممكن العسكري يتكلم عليك شوي

اما اذا كانت البطاقة من مكتب صاحب سمو ملكي فهذا شي ثاني اذا ماطق لك التحية العسكري حتى لو كان نقيب لا تسميني لكزس فور ايفر .

انا مرة زميلي في الكلية ولد واصل وصاحب واسطات كان عنده بطاقة عدم تعرض من مكتب الامير نايف شكل البطاقة لوحدها مرعب

سودا وعليها الكتابة بالذهبي والصورة وختم الامير من ورى وقدام على الصورة ..

وسلامتكم .

على فكرة محد يبي بطاقة من مكتبي ؟ ههههه خخخخخخخخخخخخخخخخخخخخخخخخخخخخخ

[sosoksoso]

افتكرنا لو سمحت

[بنز-وبس]

مرحبا
اي البطاقه من مكتب الامير الخاص
طبعا طلعت
واذا وقفت جنبي دوريه ونتبه للستيكر يسلم
ومشكورين على المرور
تحياتي

[Sclass 4 Ever]

تقدم الطلبات علي الخاص من تاريخ
18/5/1426

ما بين الساعة
9صباحا
الي
9مساء


وتحويل مبلغ2000 دولار


الي رقم الحساب التالي:
بنك S4EVER

رقم الحساب:675937889693/754636

والتنفيذ بعد عمر طويل

[بنز-وبس]

كيف اخوي مافهمت عليك؟

[vAMP]

أخوي Sclass 4 Ever

ياريت لو تتأكد من إسم البنك لأني جيت بأودع والصرافين ماعرفوه !! يقولوا مافيه بنك أصلاً بهالإسم !!


























<< واحد يستهبل لحد يصدق :D

[بنز-وبس]

هههههههههههههههههههههه
تسلمو على الردود
ومايحتاج تروح البنك لني بطلع لكم ستيكرات
بس الي يودع على رقم حسابي 12345678910 عشرة الاف ريال خخخخ
تحياتي

[lexus4ever]

s calss4ever

مرحبا انا اودعت في حسابك 20000 الف دولار معليش غلطة وزودت الصفر اذا وصل لك المبلغ رجع لي الباقي على حسابي اوكي

هذا حسابي 12121234324000

تشاااااااو

[المـمـيـز]

طيب وانا ليه محد يودع شي بحسابي ...

رقم حسابي ؟؟؟؟؟؟؟؟؟؟

لأوصيكم الله الله حولو لي قد ماتقدرون

والله يقويكم <<<<<< سواليف مو موضوع

[بنز-وبس]

هههههههههه
تسلم على الرد
ونشالله بنودع في حسابك؟؟؟؟
ههههههه
تحياتي

[-mr-dedo-]

ترى بطاقة المكتب الخاص دا حكايتها معانا حكاية ههههههههههههه
شوووفو يا شباب ,,, اللي يبا بطاقة ( ترى ما يحتاج ستيكر ) لازم يعرف امير و كدا بس يكون صاحب سمو ملكي
اما امير عادي ترا يكلموك و يعملولك قلق

احنا اتوقفنا بالصيف اللي فات و عندنا بطاقة عدم تعرض من امير و كدا و اتوقفنا ساعة بس بدون مخالفات

و ترى الشباب عندنا كانوا يبيعوها و يدبروها لنا ب 2000 لو 200 منني فاكر للواحد بس طبعا امير عادي مش صاحب سمو ملكي



المهممم سيبونا من دا كللو لا نروووح ورا الشمس كللنا ههههههههههخخخخخخخخخ

[T.N.T]

نصيحتي يخوي لك .. وأرجو انك تتقبلها بصدر وسيع ..

مالها داعي بطاقة عدم التعرض ..

يعني هل تبغى الدورية يفكونك اذا قطعت اشارة ولا ضللت كاتم ولا سويت شي غلط ..

وصدقني اذا اخذتها راح تكون ممن يندرج عليهم هذا القول "من أمن العقاب ، أساء الأدب"

والدعوة ماهي توقف في مكان عائلات ولا تقطع إشارة .. انت صح تحمي نفسك في الدنيا لكن تأخذها في الأخرة ..

وتذكر ان الناس مخلوقة من تراب مافيه أحد أحسن من أحد .. وكلهم عند الله واحد ..

فهل تريد ان تكون أفضل من الناس ؟؟

أتمنى تتقبل نصيحتي ولك مني التحية ..

[بنز-وبس]

مرحبا
مشكورين على المرور
اخوي تي ان تي
انا طلعت البطاقه موعشان تظليل او سرعه او اشارات
انا رجال منتظم في السواقه
بس انت تعرف بعض اصحاب الدوريات ياخذ الك الرخصه عند التفتيش ويتفلسف عليك هذي البطاقه تخليه يشوف شغله دون كلام زايد
وارجو انك ماتفهمني غلط
تحياتي

[Mr-lucky-rM]

يا

شباب ترى ذا الزمان ماينفع العنف والعنجهيه

لا والله اسالوا مجرب

جربنا نطلع انفسنا من مشاكل بهالبطاقه بس كم من واحد يدعو علينا

ويوم استخدمنا الادب والذوق مع رجال الشرطه+ المرور

والله اننا نحس ان كل واحد مافي قلبه على الثاني شيء

وبعدين الشرطي مو معطيك مخالفه بدون سبب

لو ايش

الا اذاكان يعرفك

انا حبيت اشارك

وللمعلوميه ترى البطاقه الان اذا ما كان مصدرها قوي

فهي لا تنفع من بعد شريط سراب حق التفحيط

والحمد لله اني ما احتاج لها

وترى للمعلوميه

(((اهم شيء الأخلاق وحب الوطن)))

[عميد الطائف]

البطاقة ما افتيك

اللوحات مجرد تغيير اللون ما فيها مخالفة بس............الا فيها ( تحت الدرج بعد ) طوالي
فمابالك تكتب عليها خاص بعد؟؟؟؟





سلام

[بدر_999]

ابعد ياعمري عن الشر وغني له...

[M .N. N]

مشكور اخوي على الموضوع


اخوي كاتب الموضوع : صراحه من ناحية التفتيش اذبحونا بالفلسفه خاصه اذا كنت مع شباب وانا كثير سفراتتي مع شباب

والأستيكر خير علاج

((لاتنسانا بسرعه تراي واقف بالطابور ))>>>>>>>>>>> جاي متأخر ومستعجل :: طرار ويبغى ثوب كبك :: :)

[Sclass 4 Ever]

يا حرام ضحكت عليكم واخذت فلوسكم

وشكرا علي الفلوس رايح اصيف بفرنسا ولا باريس <<<<<< ما شاء الله شوفوا الثقافة لين وين


هههههههههههههههههههههههههههه


هذا عشان تسمعوا كلام اللي يقول ما في امان علي النت

[ابــ سعود ــو]

اخوي بالنسبه لكلمة خاص ماتقدرتكتبها على اللوحة أما الألوان فما بيكلمونك عليها بيجيك التنبيه من فووووووووووق

مع تحياتي لك و بالتوفيق
ابو سعود

[بنز-وبس]

مرحبا
مشكورين على المرور وانا ماخذ رأي كل واحد وبدون زعل
والبطاقه مصدرها الأمير محمد بن فهد
تحياتي

[Mr-lucky-rM]

السلام عليكم

مبروك عليك البطاقه والله يعطيك خيرها ويكفيك شرها

وترى

لولا اختلاف النظر لبارت السلع

يعني كل واحد يعبر عن رايه لا اقل ولا اكثر

وترى الموضوع ما يستاهل ان يصل إلى هذا الحد

ولاتظن اننا نتكلم من دافع الحسد لا والله

انا املك وحده

بس حاطها في الدرج

لاني ما احب استخدمها كثير

ومبروك لك
والله يوفقك لما يحبه ويرضاه

[s3oodi]

ههههههههههههههههههههههههاي

عدم تعرض وماادري ايش وقلق وبطاقه

اتوقع لو تتعرض لمشكله وبتلفون واحد تخلص نفسك احسن من بطاقه التعرض وماتعرض والخرابيط هذي