افالون vs كابرسltz [الأرشيف]

NiCK

09-06-2005, 03:53 AM

السلام عليكم

طبعا اغلبكم يعرف سبب هالموضوع
واللي ما يعرف فالسبب ان احد عشاق الامريكي يقول الافالون ما تستحق سعرها والكابرس تستحق

وهذي المقارنه عشان محد يتكلم واللي عنده اضافات يفيدنا

اول شي نجي للكابرس
مواصفاتها
كراسي كهربائيه للسائق والراكب انا شفتها نصف كهربائيه بس البعض يقول انها كهربائيه بالكامل فاقول ممكن
6 سيدي وياليت تفيدونا كم سماعه لاني اعرف انها 6 وكم واط؟
مساحة كبيره للارجل في الخلف
كمبيوتر رحلات مع كمبيوتر تحكم باشياء اخرى مثل قفل الابواب مع القير وغيرها
قير اوتو ب 4 غيارات
وسادتين هوائيه ويقال 4
مكينه 8 سلندر 5.7 لتر قوتها من 295 الى 325 حصان على كلام وكلائنا العزيزين وتسارع في قرابة ال 7 ثواني
فرامل ABS
تراكشن كنترول
يقال ان فيها توزيع الفرامل EBD بس ما ادري انا ليه هي تهج اذا كعيت فرامل ممكن احد يفسر لنا؟؟؟
الكنسوله الوسطيه والبيبان مخشبه <-- فورميكا طبعا
مكيف الكتروني بتحكم مزدوج
تحكم بالصوت من الدركسون
مثبت سرعه
فتحت سقف ويقال انها تركيب محلي لانك تجلس اسبوع زياده وانت تطلبها وتقدرون تروحون تسألون الوكالات
مفتاح بريموت لفتح الابواب والشنطه الخلفيه
مالها اي اختبارات سلامه فما ندري عنها شي
باقي شي؟؟؟ يا ليت تفيدونا

نجي للأفالون اللي أأسف اني اقارنها بالكابرس لانه مافيه مقارنه والله

المواصفات

مكيف الكتروني مزدوج
فتحت سقف بلمسه واحده ونظام الارتداد للعوائق
نوافذ بنقره واحد للاعلى والاسفل للراكب والسائق
7 وسائد هوائيه
abs +ebd +eb +تراكشن كنترول +vsc اللي هو نظام السيطره والاستقرار
مسجل ب 6 اسطوانات وكاسيت وب12 سماعه بنظام jbl الصوتي و 330 واط
تشغيل بزر
بصمه
قير 5 نمر تبترونك ذكي
محرك 6 سلندر 3.5 لتر 280 حصان وتسارع 6.6 ومواقع مجربته في 6.5
زينون بنظام التفريغ العالي مع حساس لقوة الضوء
حساس مطر
حساس ضوء <-- يعني يشتغل النور اوتو
مثبت سرعه
تحكم بالمسجل والمكيف من الدركسون
تخشيب كامل للسياره يشمل الدركسون
كراسي كهربائيه مع وسائد والتحكم بمنطقة الركبه يعني قمة الراحه
مراتب مكيفة ومدفأه
مراتب خلفيه كبيره ومتحركه + مساحه بالعرض كبيره ولا يعترضها عمود الدفرنس مثل الكابرس
طبلون LED
ستاره خلفيه كهربائيه
كمبيوتر رحلات ومعلومات للسياره يعلمك مثلا اي باب مفتوح
حائزه على 5 نجوم في السلامه
وبرضو اذا فيه شي ناقص قولوا لي

وهذا وهي الخليجيه اجل لو اجيب الامريكيه؟

وفي الاخير تقارنونها لي بكابرس وتقولون الكابرس يستحق سعره وهي لا حرام عليكم الكابرس 90 الف حرام عليه والله

وفي انتظار ردود الاخوان باستثناء اللي طلبت منهم عدم الرد فما يحتاج يردون

مشبك النمرر

09-06-2005, 04:03 AM

السلام عليكم
اخوي لي الشرف اني اول واحد
الافالون بقوة تستاهل سعرها بس انظمة المان متاكد منها والزينون تجاري !

NiCK

09-06-2005, 04:05 AM

شكرا على الرد
والانظمه تقدر تشوفها في موقع الفطيم

والزينون يا اخي اقول لك بتفريغ عالي وحساسات يعني ما بعد وصلو له اهل التجاري

vAMP

09-06-2005, 05:52 AM

مشكور أخوي NiCK .. أعرف واحد معاه كابرس SS 2005 فل اوبشن دفع فيه فوق المية ألف !! اعتقد 114 !!

وصراحة كأنه اكتشف إن الجلد حقها تعبااااان مرة .. وطبعاً مالقى فتحة سقف !! لكن الوكالة بدلوها له بشاشات وحدة أمامية واثنين خلفية واعتقد الإثنين الخلفية خربت عنده وهي ماكملت شهر !!!!!!!!

صراحة هو متحسف عليها شوي وكارهها ..

ومشكور على موضوعك بالنسبة للمقارنة بس اشوف 120 غالية للفل من الأفالون ولا؟

سلام

راعي الكراون

09-06-2005, 07:39 AM

ياكابرس اس اس
ياكابرس رويال
ولا بلاش

blackss

09-06-2005, 07:46 AM

ياكابرس اس اس
ياكابرس رويال
يالومينا اس اس
يالومينا رويال
ولا بلاش
طبعا كلهم فل كامل

Caprice

09-06-2005, 07:50 AM

هلا
فيه كم معلومة مغلوطة بخصوص مواصفات الكابريس

كراسي كهربائيه للسائق والراكب انا شفتها نصف كهربائيه بس البعض يقول انها كهربائيه بالكامل فاقول ممكن

كاملة للراكبين بثمان وضعيات

6 سيدي وياليت تفيدونا كم سماعه لاني اعرف انها 6 وكم واط؟
8 سماعات والظاهر قوته 250 واط

وسادتين هوائيه ويقال 4
لا ابشرك اربعة

مكينه 8 سلندر 5.7 لتر قوتها من 295 الى 325 حصان على كلام وكلائنا العزيزين وتسارع في قرابة ال 7 ثواني
تسارع في 7.3 يوم كانت قوتها 295 اما الحين فصارت الltz 328 فاكيد 6.5 او اقل بعد

يقال ان فيها توزيع الفرامل EBD بس ما ادري انا ليه هي تهج اذا كعيت فرامل ممكن احد يفسر لنا؟؟؟
اول شي الفرامل ماعمرها كعت معي بس مادري عنك ولكن فيها ebd وba

فتحت سقف ويقال انها تركيب محلي لانك تجلس اسبوع زياده وانت تطلبها وتقدرون تروحون تسألون الوكالات

جت على الفتحة بيعني؟
على الاقل ازين من الوكيل اللي يجيب السيارات مفككة ويقعد يركب على حسب المواصفات ويطلع في كل سيارة 40 فئة :D
ولا بعد يقعد يخترع فئات جديدة مثل لاندكروزر J واللي يقول بعد حصريا للسوق السعودي ههههههه
والله اني حبيت ابو جميل :D

وعلى فكرة انت قارنت الافالون الفل اوبشن بكابريس ltz
المفروض تقارنها بالرويال

ومشكورين

Caprice

09-06-2005, 07:57 AM

وبعدين ياخوي فيه مواصفات حاطها في الافالون وكانها ميب موجودة في الكابريس

واللي هي

نوافذ بنقره واحد للاعلى والاسفل للراكب والسائق

حساس ضوء
^
^
وهذي الاخيرة تتحكم بدرجة حساسية الضوء يعني عادية والا مبكرة والا متأخرة

وسلامتك

Honda- Civic

09-06-2005, 10:18 AM

والنفس وما تهوى :)

waleed4w

09-06-2005, 10:19 AM

ياجماعه مقارنه ظااالمه والله ظالمه للاافالون

يااخوان الكابرس واللومينا مضحكه علينا والله

واتحدى مصنع هولدن يتجرأ ويبيع السياره باوروبا او امريكا والله مايقدر لان انظمة السلامه في السياره بدائيه جدا والتوازن في السياره ضعيف جدا والدليل اضغط فرامل وانت مسرع بكابرس او لومينا وبتلاحظ انزلاق الجزأ الخلفي للسياره وهذا اكبر عيب
وسبب في الحوادث المميته

وماعليش يااصحاب الكوابرس واللومينات الحقيقه مره لكن هذا الواقع

وحقيقة الكامري (الامريكيه) افضل واجود واسلم من الكابرس فمابالكم بلافالون

أكورد وبس

09-06-2005, 06:31 PM

لا تنسى في الأفالون ....

تسخين وتبريد المقاعد الأمامية

ذاكرة لحفظ وضعية مقعد السائق

المقاعد الخلفية تتحرك

بعدين يا رجال ، لو نقارنها بالكابرس رويال كان شفنا الكفة لصالح الأفالون

NiCK

09-06-2005, 07:12 PM

حياك اخوي فامب وابشرك الكابرس اس اس الحين وصل لاكثر من 120 على ايش ما ادري
وبالنسبه لتستاهل انا فاتح الموضوع عشان كذا ابي سياره بسعرها وبمواصفاتها + صيانه وشركة مضمونه وسعر قوي بعد البيع غير التحمل

باقي الاخوان شكرا على ارائكم

الاخ كابرس شكرا للردود والتوضيح بس عندك كم شي غلط وخلنا نعدل لبعض
بالنسبه للسماعات ما اعتقد 8 ممكن تجيب لي مصدر؟
اما القوه فالكدلك ما توصل ل 250 واط تبي الكابرس توصلها؟؟؟؟؟ سماعات الكابرس ضعيفه خلك واقعي
بالنسبه للفرامل رح لشارع فاضي واضغط فرامل بقوه وشف كيف السياره بتميل معك بس انتبه لا يصير فيه احد :D

اما التسارع ما اعتقد يوصل ل 6.5 وحتى لو وصل ابغى اوضح انا ان اداء السيارتين متقارب رغم ان الوزن متقارب جدا فما ادري هل الكابرس يقاس بالحصان العادي او شي ثاني

بعدين وش هالسياره الفخمه اللي المرايا حقتها مافيها تعتيم؟؟؟

وبالنسبه للفتحه تأكدت اليوم انها تتركب عند السليماني حتى الرويال

والافالون ما يلمسها عبدالطيف جميل ابد
وبعدين من قال لك الكابرس نوافذ السائق والراكب بنقره واحده للأأأأأأعلى والاسفل؟ هي معك رح جرب المسها مره وحده لفوق شف ترتفع لحالها ولا لا

وبالنسبه لحساس الضوء يخوي انت فاهمه غلط ما اقصد انك تحط على اوتو واذا طفيت السياره تجلس فتره الانوار وتطفي هذي الميزه في الفكتوريا والتسعاوي
اقصد اذا جا ظلام ولا اذا دخلت في نفق الانوار تشتغل لحالها

وبالنسبه للرويال بقارنها بس اصبر اوريكم ان هالا تي زد ولا شي ومع كذا حاطينها بسعر الافالون ونفس الشي الرويال بوريك انها ما تصف جنب الافالون

وشكرا على المناقشه وفي انتظار المزيد

NiCK

09-06-2005, 07:17 PM

اخوي سفك مشكور

اخوي وليد والله كلامك عين العقل لكن كيف تفهمهم؟
انا ابي اعرف شي واحد اختبارات السلامه للكابرس وينها؟؟؟؟؟؟؟ ما عمرنا شفنا شي وليه ما شفناها باوروبا ولا عشان قوانين السلامه هناك صارمه؟
وعموما اخوي انا حاط هالموضوع عشان اوضح ان مافيه وجه مقارنه مع اني عارف ان فيه ناس مهما تجيب لهم معلومات ما يقتنعون

اخوي اكورد مشكور على المعلومات الاضافيه وانا بعد تارك كم ميزه على جنب بس انتظر اصحاب الكابرس يجون يشوفون سيارتهم اللي ب 120 الف وما فيها شي يسوى

والرويال جاي دورها بالطريق بس خلهم يقتنعون اول بالال تي زد لانها بسعرها

وباللللله عليكم فيه وجه مقارنه؟؟؟؟
وبنشوف كيف مبيعات الكابرس بتكون بعد الافالون

شكرا للجميع

أبـوأسـد

09-06-2005, 08:24 PM

أنا عندي أن الأفالون أحلى من الكابرس
بسبب الكابرس الي عندنا بس بعد سنتين من الشراء دخلناها فحص الوكالة وطلعولنا 3 أوراق خرابات؟؟؟؟؟؟
وأكثرها حساسات في المكينة!
يعني الي أبي أقوله أن الكابرس ليست عملية.
عندي الأفالون أكبر وأحلى

NiCK

09-06-2005, 08:29 PM

مشكور اخوي ابو اسد على معلوماتك وابداء رأيك

في انتظار الباقي

أبـو سـطـام

09-06-2005, 08:56 PM

تويوتاوي

09-06-2005, 10:15 PM

7
7
7
7
ومن قالك اخي الكريم ان الكامري استرالية 00

نرجع نقول القصة من جديد :

السالفة انتم تعرفون اليابان بلد مساحته صغيرة ومتقدم تقدم مذهل لذلك الشركات بتكون كثيرة وبالتالي تحتاج مساحات كبيرة لاقامة

مصانع فالحكومة اليابانية تجعل اسعار الاراضي غالية بالاضافة للضرائب التي تفرضها على هذه الشركات 0 فشركة تويوتا اسوة

بجميع الشركات ماذا فعلت ؟؟

انشئت مصانع لها في استراليا لان استراليا بلد كبير المساحة وكذلك لان الحكومة الاسترالية موافقة على ذلك فالقطع تأتي من

اليابان ويتم التركيب في استراليا 00

لنفرض جدلا ان صناعة القطع والتركيب يكون في استراليا 000 هل شركة تويوتا ثاني اكبر صانع والاول عما قريب (بعد جنرال

موتورز والتي تمتلك تقريبا 20 شركة ) هل ستبني المصنع وتضع كم شخص استرالي وتقول يالله اصنعوا اللي تبيون اهم شي تنتجون

سيارة؟؟ لا فيه ضوابط وقيود لعوامل الانتاج والجودة لكل المصانع حتى لو كان في المريخ00000

يعني سبحان الله اي سيارة تنتج خارج حدود اليابان سيئة وليست فيها جودة؟ الغلطة ليست غلطة شركة تويوتا الغلط على الوكيل

الاكثر من تعبان يسرق فلوس الناس مقابل سيارات مجمعة في مدينة جدة 000 والسبب وبكل بساطة ان ابو جميل شريك لتويوتا( كلام

ثقوا به تمام الثقة) 00

لو تاتي السيارات من المصنع الى المعرض ( كما في سيارات تويوتا الخليجية ) لرايتم الفرق الشاسع00

بالنسبة لهولدن التي لم نسمع بها الا من 6 سنوات فهي شركة استرالية سياراتها تباع في استراليا والخليج فقط 00

يعني الكابريس اللي الناس مصدقة انه شفروليه يتم تغيير علامات هولدن الموجودة على الطارة و الشبك الامامي والشنطة بعلامات

شفروليه ويقولون يالله كابريس (( صنعت خصيصا للخليج )) اي والله مالقوا الا حنا يلعبون علينا00 ليش ماينزلون اللومينا والكابريس

في اوروبا او امريكا ؟؟؟ اترك لكم الاجابة

نقطة لكاتب الموضوع نسيت ان انوار الافالون الخلفية LED

آسف على الاطالة00

vAMP

09-06-2005, 11:30 PM

أخوي أبو سطام ؟

كيف سارت الكابرس تحت مستوى الأفالون والأفالون تتفوق عليها بالمواصفات !! تحكم بالمقاعد الخلفية والدخول بالبصمة وغيره من هالمواصفات؟ الكابرس مافيها شيء ترى !! وفوق هذا مثل ماقالوا 120 ألف :) ادفعها عشان شكل بس؟ وبتقعد معاي سنة وأبيع فيها خضار بعدين؟؟

الاسم للبيـع

10-06-2005, 01:39 AM

انا من الباقي وبما انك تتنظر الباقي يعني انك تنتظرني :) .

فعلا الكابريس ليس بالجيد ، لكن الافالون ما اتوقع انها افضل منها ،، واذا كان الكابريس استرالي فترا الكامري استرالي والافالون اخت الكامري .. وماندري هل هي استرالي ام لا ؟
غير كذا ترى نص المعلومات اللي كتبتها عن الكابريس غلط ، على سبيل المثال الاوتو .. انا عندي كابريس وفيه اوتو عادي يشتغل اذا دخلت في النفق ويطفي اذا طلعت .. وهو خيار الثالث من خيارت الاظائة بعد النور الضعيف والعادي يجي الاوتو ..

اذا عندك علم صحيح اكتبة واذا ماعندك لاتشوش على العالم ..، اما بالنسبة للفتحة واذا كان كلامك صح وهي مقصوصة هنا فعلا ، انا ماشوف انه عيب .. واذاكر انا وبعد سنتين من الاستعمال حسيت بتنسيم هواء من الفتحة ورحت للوكالة وغيروا الجلد الي حول الفتحة وراح التنسيم ... بالله وش فرقت يعني ؟؟

عموما انا مستعجل بالرد هذا لكني شفت موضوعك وقلت لازم ادلي برأيي ، قبل ما انسى انت كيف تقارن الكابريس بالافالون اصلا وهي تحت مستواه لانها فقط في مستوى اللومينا لانهم كلهم 6 سلندر ومكينتهم متشابهه الى حد ما ، فقارنه باللومينا المرة الجاية ..

على فكره لي عوده لكن انتضرني ومثل ماقلتلك انا كاتب الرد ذا وانا مستعجل واسمحولي جميعا اذا كان فيه اخطاء املائية ...

تحياتي للجميع ..

ياخوي ابو سطام ملاحظ ردودك غريبه مرره .. وفيها حقد للتويوتا وكلامك مب دايم واحد ..

بالاول كنت تقول السوناتا احسن من الكامري لان السوناتا فيها مواصفات ماهي موجوده بالكامري .. طيب
الحين نشوف مواصفات واجده بالافالون ماهي موجوده بالكابرس ؟؟ ليه ما قلت الافالون احسن ؟ ولا تعصب ولا لك خلق التويوتا..

وكلما طرينا التويوتا قلت الكامري واستراليا طبعاً انت تقول هالكلام والكامري كل قطعها يابانيه بس التركيب باستراليا .. وهاللي تسميها استراليه شف موديلات ال97 هي كانت بداية التجميع الاسترالي .. وشف انت تلقى سوناتا 97 ولا لا .. يعني الكامري ما فرقت استراليه ولا يابانيه كلها جودتها ما عليها غبار

اذا كان هذا كلامك .. طيب ليه ما قلت الكابرس اقل جوده من السيارات الباقيه لانها استراليه 100% واستراليا جديده على تصنيع السيارات ..

كلامك غريب ومتناقض .. كل شي احسن من التويوتا ..

ولو ان كلامك ما يأثر على التويوتا اللي شركات اليابانيه ما تعدتها عشان تتعداها شركة استراليه !!!
وطبعاً ما ندخل النيسان والهوندا لان فيه منافسه حاميه بينهم وحتى التويوتا

واللومينا السته سلندر قارنها بالكامري واشوف انها ما تقارن بالكامري بعد .. فيه فرق اسمه جوده

ومشكلة الناس عندنا لو يشوفونك مشتري لومينا ال اس يقولون هاذي سياره فخمه واذا شريت قراندي قالو سيارة لموزين .. يعني مجرد كلام .. والواحد يدور السياره اللي تخدمه .. تلقى الحين الكامري 2005 تشتريها تقعد 5 سنين معك بالراحه .. اما كابرس ولا لومينا سنه او سنتين والله يعينك بعدها ..

واحد اعرفه مطلع لومينا 2005 وكاله .. بعد يوم وانا امشي وراه اشوف الشكمان يرج .. واحيانا يقعد يقولي اسمع اصوات ما يدري من وين تجي

وعلى العموم اذا هاذي طريقة نقاشك بتخلي كل موضوع فيه الف رد ونطلع بدون فايده .. والازين كل واحد مننا يخلي رايه ولا يحتاج مواضيع زي هاذي

NiCK

10-06-2005, 02:41 AM

لا يحق لأي عضو كان أن يمنع عضو آخر من المشاركة في مواضيعه وإبداء الرأي وإن كان العضو لا يريد من عضو آخر أن يشارك في مواضيعه فعليه أن لا يكتب مواضيع خصوصاً مثل هذه المواضيع الإستفزازية التي لاهدف منها إلا نشر التعصب وزرع الكراهية بين الأعضاء

قال الرسول الكريم -صلى الله عليه وسلم-: "أنا زعيم ببيت في ربض الجنة لمن ترك المراء وإن كان محقًّا"
[رواه أبو داود بسند حسن]

إدارة المنتدى

أكورد وبس

10-06-2005, 02:50 AM

فيه حاجة غريبة جدا

من اللي لاعب على بعض الشباب ، وقايل لهم إن السيارة لا تقارن إلا بسيارة من فئتها ؟

ومن اللي قايل لهم إن مقياس التفريق بين السيارات هو سلندرات المكينة ؟

أجل على كذا ، حراااااام نقارن الأكورد بالماكس ، لأنها - على كلامهم - من فئة أعلى !!

وأيضا ، من المعقول إننا نقارن هوندا ليجند ( أكيورا RL ) بالماكس !!

بل من المعقول إننا نقارن S350 و بي إم 735 بالماكس ، لأن كلها 6 سلندر !!!

ولو فرضنا إن الكلام هذا صحيح ، وإنه من الخطأ مقارنة الأفالون بالكابرس ، فهذا من أكبر العيوب في الكابرس ، حيث إن سيارة أقل منها في الفئة تكون أفضل من بالمواصفات بفارق كبير جدا

صحيح إن عامل القوة له اعتباره ، لكن ما يصير فاصل قاطع في المقارنات

وكلامنا طوووول اليوم عن شيء واحد ، هل السيارة تستاهل سعرها وإلا لا ؟

واللي يقارن الأفالون باللكزس ويقول ( أزيد 10 آلاف وآخذ لكزس ES ) يسمح أقول له إنه غلطان ، لأن اللكزس بتتغير في الموديل القادم ، وبيكون سعرها لا يقل عن 145 ألف ، وبتكون بمواصفات عالية جدا

أبـو سـطـام

10-06-2005, 02:58 AM

الاسم للبيع + نيك ..جزاك الله خير على كل ماقلته لي وبالنسبة لباقي الاخوان .. انا ماشفت غيرك وغير الاخ المذكور ضدي هنا ... والرد متضمن بالردود في الاسفل :
وراح اتكلم عن المواصفات يا ( الاسم للبيع ) لانها للاسف منقوصة في الموضوع .. اتركم مع مايلي :

تويوتاوي : اشكرك لتعليقك على ردي ، لكن انا لفت انتبهاي في كامري موديل 2004 وانا اتصفح الدفتر حقها اللي بالدرج لفت انتباهي كلمة ( ميد ان استراليا ) ..
واذا كنت تقول (اسوة بجميع الشركات) فكلامك بالنقطة ذي لا اوفقك عليه .. الهوندا وين مصانعها؟، والميستوبيشي وين مصانعها ؟ كذلك المازدا وين مصانعها ؟
واوافقك بأن الوكيل يتحمل حمل كبير من الغلط ، فعلا بتبديل القطع ، واصدار فئات شكل لامحتوى او جودة ، واضافة قطع لو ما اضافها احسن مثل زينون الكوريلا مثلا ( ازرق غامق ) .
اما بالنسبة للكابريس فهو فعلا سيئ من نواحي منها الثبات وبعض العيوب التصنيعية الي ماتلاحظها الا بعد مرور الزمن .

vAMP : هلا بك عزيزي وحبيب البي فامب ومبروك الصورة الشخصية الجديدة و والله ولك وحشة :) .
وبالنسبة للموضوع : انا قصدت هذه النقطة من ناحية المقارنة والمستوى بالنسبة لقوة المحرك وسعته ايضاء وعدد السلندرات .
والمشكلة بالمواصفات ترجع لكاتب الموضع ، لانه اهمل مواصفات للكابريس وذكر مواصفات للافالون وهي موجودة بالكابريس اصلا مثل:
حساس ضوء <-- يعني يشتغل النور اوتو
مثبت سرعه
كمبيوتر رحلات ومعلومات للسياره.

مميزات اخرى في الكابريس ، وطبعا الاخ ماذكرها لان بعضها ماهو موجود بالافالون وبعضها موجود بتفاوت مثل :
عدسة انوار امامية .
نظام الارتداد بالفتحة والنوافذ .
نظام امان وحماية غير طبيعي وحساس وذكي .
نظام الصوت التنبهي لحزام الامان مثل الي بالاكورد .
نظام يسمح ببروز الاطارات الخلفية بعد تجاوز سرعه الـ120 .
كشافات ارضية مكونة من جزئين وذات اضائة قوية ، ويولع اثناء ضرب الاشارة الجزء الثاني منها .
هذا الي في ذهني حاليا ..

كذلك الاحظ ان الرجال قارن اعلى فئة بالافالون مع الفئة المتوسطة بالكابريس ،، فلو قارن بينها وبين الرويل او ماشابة وش بيكون الرد ؟ ، كذلك مدري يعني على اي اساس اختار الفئة الـ ال تي زد ، واذا كان يقصد انه يقارن بينهما لتقاربهما بالسعر ، فمن امنيتي انه يسوي المقارنة بينها وبين الكيا اوبريس الي ارخص منها والا الهيونداي سينتيال ( سيارة الوليد بن طلال ) ،، وخلنا نشوف من أفضل .. لكن بصراحة مقارنات مثل مقارنة الاخ تدعم نوع معين ، فانا ارى لاحيادية في هذا الموضوع ... نسعى الى الحيادية والتضمان لمصلحة المنتدى واعضائة .

وماودي ادخل مواضيع في بعض ، لكن بصراحة شيء بقلبي ولازم اقوله دامكم تتكلمون في الافالون ، ابفتح خلال سطرين ملف عن الكامري :
الكامري وش فيها مواصفات مقابل للسوناتا او الاكورد .. خلنا نطلع الاكورد من الموضوع .. ونخليها بين السوناتا والكامري .. السوناتا الفل كامل 4 سلندر ارخص من الكامري السياحية .. و الفرق في المواصفات والله فرق السماء والارض ، لان السياحة ولا ارباق !!!!

اعتذر من صاحب الموضوع لاني دخلت موضوع بموضوع ، لكن هذا الواقع نسبة كبيرة من سيارات تويوتا اسعارها غالية جدااا عندنا وانا واثق بل اكاد اجزم ان الاسعار والمواصفات اللي بامريكا تفرق فرق السماء والارض .. فعلا الوكيل ماحسبها صح :) .

وانا لست مع الكابريس او ضد التويوتا او مع الهيونداي او العكس ... لكن هذا رأيي وقد بان بكل حيادية ، وانتم الظاهر ماعجبتكم الحيادية ..

اخيرا : رد الاخ كابريس رقم (7و8) فيه كلام كثير كنت ابقولة بس هو سبقني فيه ،، الله يعطية العافية .

عذرا عن الاطالــــــــــــــــــــة ،، وتحياتي للجميع ..

أكورد وبس

10-06-2005, 03:09 AM

أبو سطام

كل المواصفات اللي ذكرتها موجودة في الأفالون ، إلا العدسات

لكن أتوقع إن الزينون بدون عدسات أفضل بكثيييير من العدسات بدون زينون ، وإلا أنا غلطان

بالنسبة لحزام الامان ، الأفالون فيها تنبيه ضوئي وصوتي ، فتجد إن فيه تنبيه في شاشة المعلومات يومض باستمرار حتى تربط الحزام

وأيضا في منبه صوتي ، يرن جرس لعدة دقائق حتى تربط الحزام ، ولو ما ربطت الحزام لفترة طويلة ( بالعربي جحدت أبو الصوت :D ) فالصوت يسكت بعد دقائق

يعني فيه منبه صوتي وضوئي في نفس الوقت

أيضا ، في الأفالون كمبوتر رحلات من أول ما طلعت الأفالون ، والآن يعتبر أكثر تطور ، وأنا أجزم يقينا إنه أفضل من الكابرس بمرااااحل

ولا ننسى ميزة في الأفالون ، وهي إن الإيرباق اللي من جهة الراكب ما يشتغل حتى يكون فيه أحد جالس في المقعد ، يعني لو حصل حادث لا قدر الله ، ولا فيه إلا السائق فقط ، فما راح يطلع إيرباق الراكب ، بس الميزة هذي تحتاج تأكد

والكشافات موجودة أيضا في الأفالون

لكن ، كن حياديا بالفعل ، وقارن بين الكابرس والأفالون من جميع النواحي ، وقل لي وش الأفضل والأكثر تطور :)

®Xenon

10-06-2005, 03:25 AM

وأزيد على كلام اخوي أكورد وبس ....شاشة المعلومات هذي تظهر البوصلة والتاريخ والوقت واليوم والأبواب المفتوحة ( يعني باب السائق مفتوح أو الباب الخلفي الأيسر مفتوح .......الخ)....وباقي الأمور الأخرى .........

بالنسبة للكامري حتى لو كانت الكامري تصنع في أستراليا فهذا مافيه مشكلة لأن المصنع للشركة الأم نفسها ويخضع لرقابتها ......يعني صنع في استراليا بالاسم لكن الجودة هي نفسها ..........وهناك مصانع في أمريكا والبرازيل أعتقد وحتى المكسيك .....

وبالنسبة للمقارنة بين السوناتا والكامري .............فالقطع المستخدمة في الصناعة مختلفة الجودة لصالح الكامري مقابل كوري للسوناتا (ولا أخفي إعجابي بالسوناتا الجديدة بصراحة)................

أجل ليش الأكورد 6 سلندر أغلى من الكيا أوبيروس مع إن الأوبيروس فيها فخامة أكثر .........................؟؟؟ .....القطع ....وش جاب لجاب

تحياتي

أبـو سـطـام

10-06-2005, 03:28 AM

شكرا لك اخوي اكورد وبس على تعليقك الجميل ،، لكن بصراحة الكابريس جربته وماكان اصلا بالمستوى الممتاز ، اما الافالون فما جربتها اصلا لكني قريت عنها وعن بعض مشاكلها مثل العزل الصوتي وتنسيم الهواء ... الخ

تحياتي للجميع ..

NiCK

10-06-2005, 03:33 AM

والله مشكله اللي انحاش منه ويلاحقني في كل مكان

الاداره تشوف انه مو من حقي اطرده من موضوعي وهو بيخربه كله طيب انا بخليه له يجلس يتكلم الين يقول بس لاني والله ما احب اتكلم معه ابد

وداعا

أكورد وبس

10-06-2005, 03:34 AM

الكابرس أول ما نزل كان فيه مشاكل بالقير ، مب عاد تنسيم وبس !!

صحيح إن بعض سيارات أفالون الجديدة فيها تنسيم ، بس هذي ربلة تغيرها في الوكالة وتنحل المشكلة

طبعا أنا جربت الأفالون ، وما قلت كلامي اللي قبل إلا يوم جربتها ، بصراحة رائعة جدا جدا جدا

أما الكابرس ، فلا أخفيك إني جربت كابرس 2004 SS فل كامل ، ومسكت فرامل بقوة زايدة نوعا ما بسبب اعتراض أحد أبو هنود بسيكله :D ، والسيارة زحفت من الجهة الخلفية بشكل مخيف بصراحة

فإذا كانت الإس إس كذا ، وش نقول عن الباقي :)

أكورد وبس

10-06-2005, 03:35 AM

NiCK

هد أعصابك ، والله الدعوا ما تستاهل كل الزحمة هذي :)

أبـو سـطـام

10-06-2005, 03:40 AM

اكورد وبس : شكرا لتعليقك على ردودي مرة اخرى : |1| ، وانا ارى انه اذا كان نظام الاي بي اس .. شغال راح تقطع السيارة تقطيعات ثم توقف ، اما اذا كان مغلق فراح تزحف السيارة شوي .
حتى اللي يقاومون لما يقاومون يفكون الاي بس اس عشان تطلع السيارة وماتقعد تقطع وهي مكانها

تحياتي للجميـع ..

vAMP

10-06-2005, 04:51 AM

أبو سطام :D

تشابهت عليك ال ABS ونظام آخر اظنه EPS !!

ال ABS حق الفرامل !! ولا اذكر سيارة فيها ميزة تقفل ال ABS !! لأنه ما منها فائدة !! وبالعكس تضرك أكثر.. أصلاً مالها لزوم تقفله !! ماراح يأثر عليك بأي ناحية .. لا رساوة ولا تسارع ولا بتفيدك بالقومات والطراحات ..

اما ال EPS او شيء زي كذا اذكر شفتها في الأودي تي تي ويستخدمها وقت المقاومات بس لكن ما ادري ايش فايدتها بالضبط .. لكن من بعد مايقوم إلى 140 مثلاً يشغله وهو ماشي ..

والكابرس حد علمي ولا حتى اللومينا فيها النظام هذا !! (مسألة الفرملة ترى مالها علاقة بال EPS ابد !!)

ومعليه أجدد وأقول مو حقد ولا اي شيء .. بس الأفالون فيها مميزات كثيرة تتفوق فيها بعد حتى على الرويال !!

خلك من الشاشات والتحكم اللي ورا .. صراحة هذه خلت الرويال سيارة سواقيين من جد !! وانت بعد بنفسك قايل كذا وانا مأيد الشيء هذا وكم واحد من اخوياي شافها بالمعرض وقال حقت سواقين !!

أجل رويال فوق ال 120 ألف ومافيها زينون :D ..

الأفالون عاجبتني من مميزاتها سواء من ناحية الأمان ولا التقنيات الجديدة الي مستخدمينها !

وبعدين ياخي الكابرس صناعته والشركة الأم كلها بإستراليا !! ومثل ماقالوا الإخوان ماتنزل الا عندنا !!

عاد امان تعبان لا تستغرب .. وتشطيب داخلي ومواد مستخدمة وعيوب تصنيعية مثل ماتقول لا تستغربها من شركة ماتنزل سياراتها إلا بالخليج !! << شايفينهم مضحكة ودايم يحبون يجربون عليهم ..

ولا سياراتهم لو كان فيها خير وممتازة او جيدة كان نزلت بالعالم كله مو بس عندنا .. وتكفيك مشاكلها خاصة القير والماكينة .. وتكفيك حوادثها ..

ولا البودي حقها اللي من ورق !! << معليه سامع حوادث كثييييير اغلبها من اصحاب هالسيارات !!

ومن جد مثل ماقال NiCK وين تجارب السلامة حقتها؟

والله ماعندك أحد !!

اما النظام اللي يطلع الكفرات بعد 120 هذه حلوة منك بعد :)

يسمونه نظام التعليق متعدد الوصلات .. وهو لحاله مع السرعة يطلع !! ولا جاك مخفف يرجع مثل ماكان .. (لو ما تدعس كثير)

ومرات لو تسرع كثير ومتعود تدعس تشوف السيارة وحتى وهي واقفة فارشة .. يعني كفراتها مايلة ..

وتلاحظها بأغلب السيارات اللومينات والكوابرس بوضوح .. والأكورد مرات بعض السيارات تشوفها فارشة وهي واقفة .. وخاصة لو مركب جنوط كبيرة شوي وكفرات عريضة بتلاحظها زين .. وقد شفتها بعد على جيب X5 ماشي أربعين يمكن وسط البلد وفارش !! (سمعت ان ال BM والمرسيدس لها زر تتحكم فيه تخليها تفرش وتنزل تتهبط شوي .. ويفيد بالسفر)

وصراحة ماشاء الله عليك أخوي ابو سطام ملاحظ مرة كان معاك لكزس .. وبعتها وسار معاك كابرس .. وفي الأخير رسيت على السوناتا :D

اختيار موفق يالغالي :D

سلام ..

Caprice

10-06-2005, 05:16 AM

اخ nick وشلون تبي مصدر ان سماعات الكابريس 8؟؟؟ طيب انا معي وعديتها 100 مرة وطلعت 8 سماعات والرويال 12

وبالنسبة لسالفة الحساس
طيب حتى انا تولع اذا دخلت نفق يعني ماخبرت ان الحساس نوعين!! هي وحدة تتحسس الضوء مادري اذا الافالون تتحسس كواكب ثانية بعد فهذ شي ثاني

بالنسبة للنقرة السريعة فهي بس للاسفل وللنوافذ الامامية

اخيرا اقولك لو تقارنها بالرويال والله الافالون تصير اضحوكة
يعني مواصفات على الطاير
8 حساسات 4 قدام و4 ورا (ها موجودة في الافالون) :confused:
ومرايات معتمة
ومرايات خارجية مدفئة وقابلة للطي كهربائيا
مقاعد بذاكرة ثلاث وضعيات
نظام الكتروني لمراقبة ضغط الاطارات موجود في شاشة الطبلون
انوار خلفية LED |1| ولاحظ led كامل موب زي الفياقرا بس للفرامل
شاشات dvd خلفية وشد بلد
مرايات خلفية داخلية وسماعات اذن
وتحكم خلفي للركاب للمكيف والمسجل

وفيه اشياء بس الظاهر ناسيها

اخوي vAMP
اول شي اسم النظام esp موب eps وهو شبيه بنظام tc الموجود في الكابريس واللومينا
وهو يساعد على الاستقرار ويمنع الانزلاق

ومافيها زينون
بس عدسات بروجكتر وعندي العدسات بدون زينون اصرف من اسطبات عادية بزينون
يكفيك ياشيخ اسطبات الخلفية led موب الكريستال السياحي

M.A.D about u

10-06-2005, 05:29 AM

شباااااااااااااااب هدوا اللعب

الافالون جيده والكابرس جيده

وانا من رأيي الكابرس الرويال اكيد افضل لانها فخمه من جد

وان كان على الفتحه تنقص هنا احسن من تغير اشياء كثير بالسياره باشياء تجاريه

لكن لا اتوقع ابو جميل بيسويها بالافالون (( ان سواها بيقلبون عليه الشعب ))

وبالنسبه للاخ الي يقول ان اللومينا والكابرس ما يعيش سنتين الا ويتعبك

احنا عندنا لومينا 2000 LS ماخذينها من ايام 99 والى الان ما شا الله عليها ماشيه وباحسن حال مع انها راحت الى اقطار العالم مئات المرات (( واجد مئات بالعشرات احسن :) ))

وانا بهالكلام ما اقول انها احسن من الافالون لاني ما جربت لكن اجد الكابرس واللومينا ممتازه مع وجود بعض العيوب منها :

ان الطاره تعكس الى اليسار و الجلنط يبقى مكانه يمين !! (( يعني ما تصنع للخليج وانما تلفق للخليج ))
حساسه بالنسبه للمطبات جدا اقل مطب تخرب الرمانات !!
فحمات الفرامل سريعة الاستهلاك جداااااااا

ومعليش على الحوسه بالرد لاني دايخ جدددا وما اجمع مضبوط ولنا رجعه لما نقوم من النوم :)

اخووووووووووووووووووووووووكم مرزوووووووووووووووووووووووق

دراكولا اليف

10-06-2005, 05:35 AM

مشكوووور اخوي على الموضوع الرائع

بالنسبة لي الافالون افضل و بمراحل لاسباب منها

الرويال سيارة سواقين يعني مصممة انك تركب ورا و تتفرج على الشاشة ولا يعني بشتري سيارة علشان اخوياي يتفرجون و انا قاعد اسوق فيهم يعني زيها زي الكامري الاكس ال اللومزين :D

وبالنسبة للجودة فمافيه مقارنة بينهم خاصة و ان الافالون تصنع في امريكا والكابرس ممنوع يدخل الاسواق الامريكية و اتحداك تلقى اسم كابرس في موقع شفرولية :D

اللومينا والكابرس فعلا بعد سنتين من الاستخدام راح يحفظون وجهك حقين الورش و غير مشاكل الكهرباء اللي فيها

والله يا شباب اعرف كم واحد مركبين كبسة vxr انهم اذا كبسو العالي ارتفع صوت المسجل :confused:

وبعدين الافالون تحس انها فخمه من تقرب لها وتسوي اللي انت مبرمجها عليه تفتح لك الانوار الداخلية و تتحرك المراتب بالوضعية المسجلة بالكمبيوتر و بضغطة زر تشتغل السيارة لتنتقل في ارجاء الرياض بمحرك اقتصادي بقوة تقارب 290 حصان .
<<=== يحس انهم بيوضفونه بعبداللطيف :D

واللومينا و الكابرس اللي ماتخرب بعد سنتين اعتبرها حالة شاذة واذا عطانا الله عمر بتشوفون حقين المقاومات وش يبي يسير بمواترهم

وشكرا لكاتب الموضوع و لكل من رد علينا

واخص بالذكر ابو سطام حبيب البي

واسف على الاطالة

vAMP

10-06-2005, 06:04 AM

خخخخخخخخخخخخخ معك حق اخوي دراكولا .. ومعاك باللي تقوله ..

M.A.D about u

10-06-2005, 06:17 AM

معلومه اخيره قبل ما انام

اللومينا والكابرس صحيح انها ما تنزل هناك باسم شفرولية

لكنها تنزل باسم هولدن وتسوق هناك بهالاسم

اخوووووووووووووووكم مرزووووووووووووووووووووق

vAMP

10-06-2005, 06:25 AM

أخوي مرزوق معلومتك غلط :) الكابرس ماينزل أبداً !!

واللومينا تنزل بإسم Pontiac GTO .. ومعدلة تعديل يفرق 49035809435740 درجة عن اللي عندنا !! يكفي إنها دفع رباعي !! لا تشوف ويش فيها :) على الأقل مستلمينها امريكان مو استراليين ماعندهم أي خبرة !!

سلام ..

Caprice

10-06-2005, 06:38 AM

^
^
^
الاستراليين ماعندهم خبرة؟؟ الله يهديك بس
هولدن طالعة قبل لايعرفون اليابانيين السياكل

وبعدين البونتياك دفعها خلفي وهذا من موقعهم يعني لاتجيب معلومات مادري من وين الله يرحم والدينك :)
ثانيا هي نفس اللومينا كوبيه بالتمام والكمال اللهم المكينة ls2 بدال الls1 وهي بتنزل عندنا السنة الجاية (اقصد المكينة)
واذا جبت لي اثبات انها تختلف عن اللومينا كوبيه غير المكينة لك اللي تبي
وحتى الجلنط يسار زي اللي عندنا

دراكولا اليف
طيب ليش العالم ميتين على الشاشات وتركبها ؟؟
وثانيا الشاشات الخلفية موجودة في الجاكوار XJR اللي هي التوب في الجاكوار اضافة للاودي A8 ال12 سلندر
فهل ذا يعني انها سيارات سواقين والا انها ليموزين؟؟؟

وانا اعلن انسحابي من الموضوع لان للاسف الشديد فيه ناس معلوماتها ضحلة جدا وكانني احوار شريطيين مايعرفون الا الشاص الربع والكامري

تحياتي

vAMP

10-06-2005, 06:50 AM

أخوي كابرس .. اصبر اجيب لك مواصفات البونتياك GTO !! وأنا متأكد إنه فيه منها دفع رباعي وشايف لها مقطع !!

يمكن تقصد بموقعهم موقع هولدن !! لكن مو بموقع بونتياك !!

والبريك مازال باليمين !! ماعدلوه بالكورفيت بيعدلوه باللومينا :D

سلام

blackss

10-06-2005, 06:53 AM

والله من جد ما صارت افالون
صارت 430

M.A.D about u

10-06-2005, 10:12 AM

blackss
Caprice

هدوا اعصابكم وحاولوا تطولون بالكم وخلونا نوصل لحل

واخوي vAMP فعلا يوجد نوع دفع رباعي من البونتياك لكن مع ذلك يوجد الدفع الخلفي الي هي صوره طبق الاصل من اللومينا كوبيه مثل ما تفضل الاخ كابريس اللهم فرق علامات !!

وشباب تكفوووووون فكونا من سوالف التعصب خلونا نكون واقعيين لمره وحده ونوصل لحل مقنع <===== صارت القمه العربيه

اخووووووووووووووووووووووووكم مرزووووووووووووووووووووووووووووق

waleed4w

10-06-2005, 01:06 PM

اخواني رجاءا من دووون عصبيه
نحنا هنا للتناقش

الكابرس يمتاز بلدفع الخلفي وبصراحه سمعته ممتازه من الموديلات القديمه لكن جوده الموديلات الجديده سيئه بس يااصحاب الكوابرس عندي اسئله وياريت لو تتفضلون وتجاوبوني عليها

ماسبب عدم وجود الكابرس في اختبارات السلامه؟
لماذا لايباع في اوروبا وامريكا؟
لماذا لم يأتينا باسمه الاصلي (هولدن)؟
ولماذا ينزلق الجزء الخلفي للسياره بعد الضغط على الفرامل (طبعا وانت مسرع)

>----خخخخخ احس اني استاذ قواعد:D

اتمنى الجواب وبواقعيه

وبلنسبه للاخوان اللي حاقدين على تويوتا والله تويوتا بريئه من وكيلنا حسبي الله عليه

smile

10-06-2005, 02:01 PM

كابرس عايشه علي امجاد الماضي

غريب الراي

10-06-2005, 02:34 PM

*الحين صار المنتدى حق تحيز لانواع السيارات :mad: ومشاكل بين الاعضاء :(

تراها كلها بالنهاية سيارة واخرتها بالتشليح;)

* وياشباب الكابريس والافالون كلهم جيدات ومافيهم شئ |1|

دام انها توديك وتجيبك وفيها مكيف وفرامل وانوار بعد

خلاص ليش المشاكل والتحيزات ضد السيارات والاعضاء

* والسالفه كلها ماتسوى

غريب الراي

أبـو سـطـام

10-06-2005, 05:05 PM

تعقيبا على رد الاخ العزيز فامب ، لانة متعلق بـي :
فامب : هلابك والله ..
والمشكلة يوم قلت في ردي السابق ( اي بي اس ) .
اي : عطت معنين وهم (ِA ) و ( E ) ، وهذا الي سبب االاشكال الي عندك وانا كنت اقصد الاول حق الفرامل ، والكابريس الي عندنا فية الميزة ذي وتلاقيها جمب القير ، لانك بتلاقي زرين واحد للبور و الثاني للاي بي اس وضيفت الثاني انه يوقف عمله مؤقتا، وبالنسبة لنظام التعليق انا فضلت اشرح عملة احسن من اني اكتب اسمه لان البعض يعرف اسمه ولا يعرف عمله :) .
وبالنسبة للكزس الي تكلمت قبل فتره عنها هي اصلا لولد خالي وانا ماقلت انها حقتي :( ، اما الكابريس والسوناتا فما زالت موجودة الا يومك :) .

بالنسبة للموضوع كــكــل :
الحقيقة المرة : ان لاشخص راح يقتنع بالافالون الا ومعاه وحده او يفكر بوحدة ، ولا شخص راح يقتنع بالكابريس الا معاه وحده او بيشتري وحده ، موضوع يفتقد لابسط درجات الحيادية من بدايته... اذا مالهدف منــه ؟

ختاما : الافالون هي فقط افالون ، وليست لكزس 430 ، والمشكلة الان ان بعض الشباب عطوها اكبر من حقها ، والموضوع كله ومن بدايته نقاشات حادة ومشاكل بين الاعضاء والسبب انتم عارفينه .

تحياتي للجميع ..

أكورد وبس

10-06-2005, 08:17 PM

ع البال

10-06-2005, 10:44 PM

الكابريس سيارة فخمة ومريحة لكن تنقصها الجودة مقارنة بالسيارات اليابانية,ومثل ماقالوا الشباب سعرها اكبر منها بكثير .
الافالون انا ماجربتها لكن يظهر من كلام الاخوان انه فيها حقها من الفخامة والراحة ,وعوامل السلامة اللي تفتقدها سيارات هولدن .

وعموما كل السيارات ماشي سوقها عندنا .

smile

10-06-2005, 11:07 PM

ابوسطام انت شكلك تمزح

بالنسبة للموضوع كــكــل :
الحقيقة المرة : ان لاشخص راح يقتنع بالافالون الا ومعاه وحده او يفكر بوحدة ، ولا شخص راح يقتنع بالكابريس الا معاه وحده او بيشتري وحده ، موضوع يفتقد لابسط درجات الحيادية من بدايته... اذا مالهدف منــه ؟

الافالون مشهوره في العالم كله وتقيماتها تشهد بذلك وصورها مليئه بالنت واختبارات السلامه ممتازه لها

مره وحده تقول لا يقتنع بها الا اللي يملكها :rolleyes:

الافالون مواقعها اضعاف مضاعفة مواقع سيارة الكابرس التي تكاد معدومه

خف علي تويوتا شوي :o

أبـو سـطـام

10-06-2005, 11:28 PM

من عنوني يا سمايل و اكورد وبس ،،

أبـو سـطـام

10-06-2005, 11:40 PM

أبو سطام

للأسف ، حتى الآن ما وجدت فائدة مرجوة من ردودك

إذا أنت تشوف إن ما فيه حيادية ، طلع لنا الحيادية لا هنت :)

إذا شفت إن فيه إجحاف لسيارة معينة فحاول إنك تصحح الإجحاف هذا ، مب تجي وتجدع كلمة ( ما فيه حيادية ) وتمشيعذرا توني اركز على ردك ;)

طيب ياليت تشوف ردي الي فوق ردك وتشوف الحيادية وذكر المواصفات وكذلك في كل ردودي للموضوع هذا كلها فيها ذكر للمواصفات للكابريس وكذلك للافالون ...

الحين عرفت الحيادية ، انا عندي كابريس وماقلت الكابريس احسن سيارة وطلعت ،، :eek:

والحين باقي انت تطلع لنا الفائدة المرجوة من ردودك |1|

دراكولا اليف

11-06-2005, 01:45 AM

يابو سطام الله يديك بس
ياخي يكفيك بالافالون اللي ما اعجبتك ان فيها نظام اذا شغلت المثبت حق السرعه فيها زي الليزر يشوف السيارات اللي قدامك اذا هدت هدا و اذا اسرعت اسرع هل هذا موجود في الكابرس الرويال بعد ولا في الكدلك

بعدين من كلامك لو نفترض جدلا ان الافالون نقارنها بالرويال ما نقارنها في ltz يعني الافالون افخم من فئات الكابرس كلها الا الرويال هي اللي تتقارن بالافالون اجل الجي اس و الاي اس اللي بتنزل ما تتقارن ابدن بشفرولية ولا كدلك حتى

بعدين يابو سطام وش دخل سيارة الوليد و الاوبروس حقتك بالموضوع
حط موضوع جديد وسو انت المقارنة بينها و بين الافالون و بنرد عليه لكن لا تدخل موضوع بموضوع و تسوي حوسة

بيني و بينك شكل احد الدشير من راعين الكوامري مسوي لك شي ولا شي وانت جاي تحط حرتك فينا ياخوي

<<=== قفلت معه

أبـو سـطـام

11-06-2005, 02:12 AM

داركولا : انا قلت ان الافالون ماعجبتني اصلا ... ؟
وبالنسبة للاوبريس اتوقع انها بتتفوق عن الافالون ( مجرد توقع ) من ناحية الفخامة ، بس كل اللي اقصدة انا انكم معطين الافالون فووق حقها ، اصبروا لها سنيتين عشان تحكمون عليها صح .. مو من الحين تحكمون عليها وهي ماكملت عدة شهور بس !!!

والتحية هذا النهار للجميع :) .

vAMP

11-06-2005, 04:40 AM

أخوي ابو سطام .. عندك المواصفات (خيالية بصراحة !!) وتقول معطينها أكثر من حقها !!

والله بالعكس من جد جحدناها !!

واما الأوبيروس والأفالون .. معليش انا شفت اوبيروس (مخمل الظاهر) صراحة .. زبالة من جوا !! والله الأفالون اطلق منها بكثييييييير .. (معليش بس متأكد مليون بالمية إنك ماشفت الأفالون من جوا !! بس تتكلم من عندك ..)

ونص المواصفات اللي بالأفالون ماتلقاها بالأوبيروس !!

صراحة شايف انا لاجاء طاري التويوتا تغيرت ورحت ترمي لنا اي كوري وتقول احسن منه !! كل ذا حقد على تويوتا !!

سلام ..

أبـو سـطـام

11-06-2005, 05:53 AM

فامب : من انا اصلا او انت الي نحقد على تويوتا، انا ماني منافس لتويوتا واالا حتى انت ، انت ماتملك مصانع نيسان والا انا املك مصانع ميسوبيشي ،، لذلك هناك نصيحة سمعناها واحنا صغار تقول (( الكلمة ملكك دامها لم تطلع منك )) ،غير كذا ياحلو انا ماقلت ان الافالون سيئة ولا قلت ان التويوتا سيئة ،،
تذكر يوم اقولك ياحلو من زمات :rolleyes: اقراء الرد زين قبل ماترد ،، اسمع نصايحي ياحلو والله ماتضرك
احب اهدي لك هالبيت الشعري قبل ما انسى |1| :

مـرّق المتحف الي من وراء ضلوعك فدتك الدور .. وانا ما أقوى نـظر مافيه بعد غياب نـاظرهـا

تحياتي للجميع ..في هذا النهار الجميل

vAMP

11-06-2005, 06:09 AM

ماشاء الله .. أجل تسمع لناصر القحطاني :) هااه؟ :D

وردك ترا قاريه وفاهمه وواضح .. إلا إن كانك انت تكتب شيء ماتدري عنه فعاد ما ادري عنك ..

لكن بعد اكرر وأقول ردودك كلها ذم بالتويوتا .. من يوم ماقلت التويوتا في تدهور .. ولا اصبروا للأفالون سنتين وشوفوا كيف راح تسير عرفت انه ماعندك سالفة .. الكرسيدا من يومها وإلى الآن تشوفها بالشوارع !! وكل الكوامري الموديلات القديمة متعافية إلى يومك ..

ما ادري على اي اساس حكمت على الأفالون على طول إنها ماتعمر لسنتين قدام !! وهو ماله كم شهر !! تراه ياباني للمعلومية << معلومة قد تكون اول مرة تمر عليك ..

وأشوفك ماشاء الله مع الصباح الباكر قمت تروح للوكالة ..

موظف نشيط ماشاء الله عليك .. هذا إذا ماكنت نائب المدير أو مسوق مبيعات ..

بايات ..

ع البال

11-06-2005, 02:00 PM

يا اخوان نرجوا التقيد بسياسة المنتدى وعدم احتقار آراء الآخرين او التعصب لغير فائدة أو الخروج عن الموضوع,حتى يأخذ الموضوع مجراه الطبيعي من الفائدة والموضوعية.

®Xenon

11-06-2005, 02:16 PM

الكلمة الفاصلة في الفروق بين الأفالون والرويال :::

تتفوق الرويال في :

- المحرك .
- نظام الإنذار الخلفي (حساسات) .
- تحكم خلفي بالمناخ .
- مرايا للمقاعد الخلفية.
- جهاز DVD مع شاشتين خلفيتين .
- جهاز مراقبة ضغط الإطارات .
- أنوار خلفية LED .

تتفوق الأفالون في :

- نظام الدخول بدون مفتاح وتشغيل السيارة بكبسة زر .
- جير 5 سرعات تبترونيك .
- زينون .
- مقاعد أمامية مدفأة ومبردة .
- مقاعدة خلفية قابلة للتحريك .
- جنط 17 .
- طبلون LED .
- 9 وسائد هوائية .
- نظام الثبات VSC <<< مادري إذا كان موجود في المواصفات عندنا أو لا !!
- نظام تثبيت السرعة الذكي <<< مادري إذا كان موجود في المواصفات عندنا أو لا !!
- تتفوق الأفالون في الجودة بكثيييييييييير وكذلك بفعالية واستجابة أنظمة الفرامل والثبات .

والأخيرة :::: اركب رويال : على طول تحس بكآبة وضيقة صدر .......اركب أفالون : تحس بإنشراح الصدر والإحساس الحقيقي بالفخامة .

وأتمنى إني ماأكون نسيت شيء ..........

تحياتي

وبالنسبة للاوبريس اتوقع انها بتتفوق عن الافالون ( مجرد توقع ) من ناحية الفخامة

<<< لا تعليق لدي على هذا الإبداع في المقارنة اخوي ابو سطام :) :)

تحياتي

أبـو سـطـام

11-06-2005, 06:13 PM

فامب : هلا بك هلا وبردودك هلا :) ،،و انا ماحكمت على الافالون انها تعمر اولا تعمر ، انا الي قلته ان الافالون ما اخذت الوقت عشان نحكم عليها ، فمثلا العيوب اللي بالكابريس ماطلعت الا بعد فترة من الاستخدام والافالون الجديدة ماصار لها مدة طالعه .
وبالنسبة اني ضد التويوتا ، فياليت تقرا ردي الي قبل هذا رقم ( 53 ) واوال سطرين فيه وتفهم وش اعني ، لكني بوجه عام انا مو ضد شركة معينه ، انا ضد سياسة الوكيل في/ الكورلا ( مسجل + اضافة ستارة كهربائة + اضافة زنون ازرق نيلي ) ، كذلك في الاندكرزوز الفئة GXR J <== تأليف فئات ، ولاتهون الكامري الي مضيف لها زنون كذلك ستارة خلفية ... ، غير
السعر الي يرفعه من موديل الى اخر .....الخ لكن ( معليه )
وعلى فكرة انا ما اشتغل في وكالة معينة(( ليه تحسبيني مثلك اشتغل عند الحمرااااني ؟؟؟ )) ،
ولا انا نائب المدير :) ..ههههههههههههههههههههه شكرا على اطرائك الحلو ياحلو :)

®Xenon :اشكرك على المشاركة المتميزة ، وعلى الاطراء الرائع لي في السطر الاخير ،، تحياتي لك .

الا كاتب الموضع وينه مشتاقين له ما شفنااااه من زمان ؟؟ :)

تحياتي للجميع ..

®Xenon

12-06-2005, 12:43 PM

على الرغم من أن عبداللطيف جميل يسوي (حركات مالها داعي) في السيارات ...........لكن هذا لا يقلل من قيمة الشركة ........مع العلم بأن أبوجميل من أهم وأفضل وكلاء العالم لتويوتا ولكزس بالنسبة للشركة الأم .........

يعني هذي حركات عندنا بس وليست من سياسة الشركة

تحياتي

vAMP

13-06-2005, 02:20 PM

منصور111

14-06-2005, 07:04 AM

السلام عليكم ورحمة الله وبركاته ،،

أخواني وعلى راسهم الأخ :NICK :
يجب نعرف شي وانت راس العارفين أن الشي ذوق ، وان كل واحد له ذوق مختلف مطلقاً عن الآخر فنجد أنك ترغب نوع من السيارات والاشخاص أخرين يرغبون نوع آخر من السيارات ، فمثلاً لي صديق مستحيل يشتري سياره غير أمريكي مهما كانت الظروف وأنا مستحيل أشتري سيارة أمريكي مهما كانت الظروف بسبب أن أشتريت سيارة كابريس ss من الوكاله وبهذلتن بالخرابات صرفت عليها أكثر من خمسه وعشرين ألف ريال بثلاث سنوات من غير حوادث بس صيانات ماكينيكيه ، وانا أحترم آراء الآخرين بأختيارهم الأمريكي لاسباب هم يرؤنها مقنعه بالنسبه لهم ، وصراحه الكابرس تهون عند بعض السيارات ، تخيل واحد شاري سياره فولفو بـ 124500 ريال أجل هذا وش تقول عليه لاكابرس ولا أفلون ، لكن نا مقتنع بوجهة نظره , فلوا رحت لجميع وكالات السيارات وجلست بكل وكاله نص ساعه لشفت العجب سيارات جديدة تشترى كل دقيقه من أنواع الشركه المصنعه ، هل تقول على هولاء لايعرفون شي بالسيارات!!!!! مع العموم أسف على الاطاله ، وارجوا أن تقبل وجهة نظري بطيب نفس ، هذا ماأحب إيضاحه ،،،،، وتقبلوا تحياتي وسلمولي على الرز البخاري والمندي لان لي سنتين مأكلته ،،،

NiCK

14-06-2005, 02:21 PM

حياك الله اخوي منصور وكلامك عين العقل واكيد كلنا مقتنعين فيه
لكن السبب لطرح الموضوع كان للرد على اشخاص قللوا من قيمة السياره فقط ووضعوا الكابرس شي خرافي

عموما انت بفانكوفر جالس بهالبراد والزين وديره ولا احلى وحنا خايسين في هالحر وتحسدنا على البخاري لووووووووول

اكيد تدرس انقلش عساك استفدت انشالله؟

مربوش

14-06-2005, 03:11 PM

والله لو تركب الرويال راح كره كل السيارات الي عرفتها في حياتك

وقال ايش اللومينا مافي في اوربا وامريكا

ياحبيبي اللومينا نزلت في اوربا وفي امريكا مع تغير الاسم

واذا الكابرس ورق الكامري والافالون ايش تكون قصدير.

بس نصيحه لك مره ثانيه لاتكتب تقارن بين الكابرس والافالون

لان اكيد الكفه راح تكون للكابرس.

NiCK

14-06-2005, 05:00 PM

شف المواصفات مكتوبه عندك وكل شي عندك

واللومينا هاللي بامريكا مواصفاتها غير حقتك ومالها اختبارات سلامه

بس فيه نكته حلوه قالها
والله لو تركب الرويال راح كره كل السيارات الي عرفتها في حياتك
لوووووووووووووووول راكب روز وانا مدري لووووووووووووووووووووووووووووووووووووووووووووووووو ووووووول

طيب هذي هي موجوده ورا العالم يروحون يشترون لكزس ومرسدس وبي ام ويتركونها وهي اغلى؟ اصلا فيه احد يشتري كابرس رويال؟ لاني ما قد شفتها في الشارع ابد

أكورد وبس

14-06-2005, 06:21 PM

صاحب الموضوع مسوي فاهم في الكابرس واللومينا وهو ماعنده عند جدتي

والله لو تركب الرويال راح كره كل السيارات الي عرفتها في حياتك

وقال ايش اللومينا مافي في اوربا وامريكا

ياحبيبي اللومينا نزلت في اوربا وفي امريكا مع تغير الاسم

واذا الكابرس ورق الكامري والافالون ايش تكون قصدير.

بس نصيحه لك مره ثانيه لاتكتب تقارن بين الكابرس والافالون

لان اكيد الكفه راح تكون للكابرس.

أنا ركبتها

ما عندها ما عند جدتي

حسافة عليها اسم ( رويال )

NiCK

15-06-2005, 01:31 AM

اكورد وبس يعني معقوله ما كرهت سيارتك وكرهت البي ام؟؟؟؟؟ اكيد فيك شي

ولا فيه احد يركب الكابرس رويال ويركب سياره بعدها

لووووووووووووووووووووووووووووووووووووووووول

ابو شطب

15-06-2005, 02:56 AM

بكل بساطه

ألأفالون افضل من الكابرس بأنواعها.....افخم + موصفات سلامه عاليه ( 7 ايرباق ) + شكل خارجي جذاب وجديد كليا + انظمه متطوره + تويوتا :)

fbi963

29-06-2005, 01:06 AM

يشباب علشان تكون المقارنه عادله

قارنو افلون سياحي ب كابرس روياال

عـبـود 911

29-06-2005, 03:01 AM

تستاهل الأفلون هذا السعر ويكفي انها يابانيه

كابـــSSـــرس

29-06-2005, 03:44 AM

لاتعليق

اذا عرفت مواصفات الكابرس جيدا وبدون تخمين وتلاعب

وحبيت تقارن 2005 ب2005 موتقارن 2005 بكابرس 2004

والافالون الي نزلت لها اكثر من ثلاث شهورعلى يمين اني ماقد شفتها في الشوارع الى 3 مرات ؟؟؟؟

وثانيا انت تقارن اعلى فئة في الافالون بالفئة الثانية من الفئات الاربع بالكابرس

وهذا اعتقد انه اعتراف واضح وصريح من كاتب الموضوع

والاخوان ماقصرو في التوضيح وخصوصا الاخ Caprice

ولكن اتمنى ان تنتبه في مقارناتك القادمة

---------------------------------------------------

في الحقيقه انا ودي اعلق على بعض الاعضاء الي يغالطون الواقع

هناك من يقول الكابرس ماتنزل برا ؟ وهناك من يقول هولدن ماعندهم خبره ؟ وهناك من يقول مافيه فرق وماله دخل الفئات وهناك من يقول الزينون احسن من عدسات بروجكتر طبعا انا لا الومه لان السياره الي معه مواصفاتها كلها ماتجي ربع مواصفات الكابرس والي يقول الكابرس الاول في مشاكل في القير وايضا الافالون فيها مشاكلة في الدرسكون وتم الاعلان عن ذلك في المنتدى وهناك من يقول لاحد الاعضاء ردودك مالها فايده على شانه يدافع عن الكابرس ؟ فعلا غريبة وتنطبق عليه مقولة ( بالعب معكم ولا بخرب ) واتمنى من الجميع ان يقول الحقيقه وبدون كذب
فهناك احد الاعضاء مافيه سياره طلعت الى وجربها وكل سياره مايحبها جربهاوركبها :confused:
وفي الحقيقه انا معي الكابرس 3 سنوات ليش ماخرب معي وانا كارفه ودامره وحار على الموتر ولا انا سيارتي منزله من السماء وايضا الشباب الي معهم لومينات 99 وفوق وكذلك الكوابرس ليش ماتخرب معهم
نعم هناك خرابات فكل سياره تخرب ولكن مو مثل ماتقولون ان الكابرس سياره السنه الواحد فهذا الكلام مايخرج الى من حاقد مع احترامي للجميع لذلك والي يقول ان الكابرس ورق بهو مخطي وانا كان مقتنع بذلك احب اقول كيف راح يكون الياباني المعروف بعدم القوه في كل شي ( على قولة الشايب كنت متراكي على كبوت كامري وما دريت الى انا سمع طق << انعفط :D )

المهم :-

يا اخوان الافالون سياره جميله رغم اني ما اقتنعت بمنظرها من الخارج ولكن انا ركبتها في الوكالة الصراحه جدا جميله
ومعجب بها ولكن السياحية ما اشوف فيها ذك الزود

وفي الاخير اعتقد ان الموضوع اخذ اكبر من حجمة وخذوها مني

عاشق الافالون لن تعجبه الكابرس احدى وحوش الشفر
وعاشق الكابرس لن تعجبه الافالون

ومادام السياره تودي وتجيب فهذا اهم غرض فيها

تحياتي لك

NiCK

29-06-2005, 04:56 AM

looool

طيب انت عطنا مقارنه بين الرويال والافالون واذا جت الرويال بنصف مواصفات الافالون ذيك الساعه تعال قل اني غلطان

وانا قارنت من باب السعر

وبالنسبه للافالون ومبيعاتها فتقدر تطلع للمعارض وتشوف كيف المعارض تجيب كميات بالهبل وتنسحب

اما الكابرس رويال الظاهر الجميح والعيسى حاطين ناس يصيحون عند الباب عشان تشتريه ما قد شفته في الشارع ابد

وبعدين ممكن تجيب لنا اختبارات السلامه في الكابرس؟ ولا اي شي بس عنها من موقع غير استرالي او عربي
لا تلعبون على انفسكم وتقولون ينزل برى خلوكم واقعيين

واخيرا اقول لك عندك اضافه اضفها بدال كلمة وحوش الشفر اللي دايم نسمعها منك

كابـــSSـــرس

29-06-2005, 05:23 AM

بارك الله فيك اخوي

ولكن انا ما املك معلومات عن الافالون لذلك اخاف اظلم السياره

في بعض مواصفاتها :)

اما بنسبه للاختبارات فوالله لو اختبرها الف مره

الي مكتوب ومقدر راح يصير وياما ناس فقدوهم اهلهم

ومعهم فياقر وحوت و430 ومافادتهم اختبارات الي تتكلم عنها |5|

وثانيا بنسبه انه ينزل برا فاعتقد ان الاخوان ماقصور ولو مانزل برا المهم انه

ينزل عندنا |1|

وابشر يالغالي كلمة وحوش الشفر اذا كانت تسبب لك حساسية وتنرفزك

راح امسحها من قاموسي حتى ماتسبب مضاعفات ولكن ايقنت من خلال ردودك

ان اسم كابرس كل مامر طاريه عندك ينرفزك شوي |337| على شان كذا تبي تقنع نفسك بأي طريقة

ان الموتر ماينفع وهناك من الاخوان هداهم الله نفس الطريقة يتبعونها

على الاموم مثل ماقلت الافالون سياره جد راقيه كماهي الكابرس ولكل منها عشاقها

ولكن تبقى وحوش الشفر |6| لها مكانه خاصه عند الجميع