محتاااااااااررر وش اختاااااااااار

[أبـــوبـــدران]

الســـــــلام علـــــــــيكم

|153|

ولله مدري وشلون ابدى

وهذي اول مشاركه فعليه لي|4|

ولله انا محتاااار وابي نصيحتكم

انشالله انا بعد الأختبارات ابشتري سياره

ومحتار بين خيارات===وهي

1=النترا جديده اوتوماتيك2005مع ذكر عيوبها ومميزاتها

2=سوناتا مستعمل 02=03=04 20مع ذكرعيوبها ومميزاتها

3=ماجنا مستعمل 02=03=04 20نفس الكلام

4=سيفيك مستعمل 02=03 20نفس الكلام

5=أي موتر مناسب تنصحني فيه وذكر عيوبه ومميزاته

انا عارف ان السيارات فيها اختلاف المستوى
مع العلم ان السياره تصير معي سنتين انشالله وبس
وحدود السعر تقريبا 35000=37000
وأبي سياره عمليه وماتصرف بنزين وقطع غيار مقبوله وقير اوتو
وبالي في الماجنا بس ودي اعرف عيوبها ومميزاتها بذات وهل تنصونني بها ام لا

ملحوظه= انا رحت للمعارض ولقيت السيفيك والماجنا وغيرها ولكن السوناتا نادر ما القاها واذا لقيتها تصير مكروفه ولا قير عادي مادري ليش

وأبي ردودكم واثبت على شي عشان اول العطله انشالله اشتري وأستريح


ومعليش ادري اني ثقلت عليكم بالمره لكن وش اسوي ولله محتار

ومشكورين وجزاكم الله الف خير والله يخليكم وانشالله ادعي لكل واحد يجيب الجواب الشافي

وهذا اللي اقدر عليه اني ادعي لكم يا اعضاء اجمل منتدى|3|


اخوكم===اسعد عمر قلي=== بس من الرياض;)
ومشـــكوريـــن

[CamSHAFT]

هلا اخي اسعد
ممكن تشوف لك لومينا 2003 مستعمل
موتر حلو وتصميم جميل وقوة مكينة وصرفية ممتازة اذا ما شديت عليه
ومن أهم المميزات ريموت كنترول وABS أساسي على ما اعتقد
واستخر ربك قبل اي شي

[Mr.lOoOl]

ماجنا وبـــــس

سيارة تعطيييييييك

يمكن قطع غيارها لك عليها شوي

لكن سيارة وسيارة

وراح اتكلم بشوية تفصيل عنها بالرد القادم

وانا عن نفسي لو بغير الددي <<<< يدلع ددسنه :D

والله العظيم ماجنـــــا |1|

تحياتي وبالتوفيق

[صحراء الجليد]

اخوي ابعد عن المستعمل

وخذ الإلنترا الجدية

سيارة رائعة

وكثير من شباب المنتدى معاهم إلنترا وانا واحد منهم :)

[صحراء الجليد]

اسف بالنسبة للميزات


سيارة واسعة


محركها قوي

وفي محركين

إذا تبي قوة خذ ال 2.0

إذا تبي توفير خذ 1.6

شكلها حلو

قطع الغيار متوفرة ورخيصة

والباقي ان شاء بقية الأعضاء بيفيدوك بيه

[ابو عبدالهادي]

طيب لو تفكر فى الكورلا افضل لك

اقتصادية جداَ
قطع غيار متوفرة
عملية جداَ

[Mr.lOoOl]

سلام بالنسبة للماجنا

طبعا ماراح تدووووخ وتحتار لأن جميع الموديلات لها نفس المحرك الجبار <<< ياعيني

محرك سعته 3.5 لتر ، 6 اسطوانات بشكل V 24 صمام

230 حصان

نظام الوقود الكتروني اكــيد

ناقل الحركة [ القير ]

يجيك اوتوماتك بـ 4 سرعات في الموديلين Xi [ الفل ] و الــ VR-X [ الرياضي ]

اما الموديلين الــ Ei والـ ماجنـا فهو اختياري إما عادي بـ 5 سرعات أو اتوماتك بـ4 سرعات

سرعتها القصوى بحسب المذكور 210 كم/ساعه <<< اذكر جبنا فيه 220

هذي اهم المعلومات اللي اشوفها واذا تبي اكثر انا مستعد

وبالتوفيق ان شاء الله

تحياتي

[M O A Y A D]

اخوي انا عن نفسي كنت بطلع ماجنا رياضيه قبل سنتين ....


لكن بطلت علشان اختلفنا مع الشركة في مسأله التقسيط



انتقلت بالوجهة الى عبدالله خاشم وبالتحديد اكورد الجديدة.....




نصايحي لك في السيارات بحسب معرفتي المتواضعة.....


اذا مستعمل لاتدور غير تويوتا....

لأنه حق كرف ويمشي معاك


الماجنا صرفيتها عاليه وبعدين غير كذا شكلها الجديد 2005 اتغير حتى لو القديم احلى بس اسمه شكل اتغير....




انصحك بكامري 2002 او 2001 ....

بس نصيحتى اي سيارة مستعمل اكشف عليها عند اكثر من ورشة ولا تقترب من الورش اللي عند المعارض لأنهم همهم بس فلوسهم ياخذونه وبس...








او ريح راسك من وجع الراس هذا كله...


وخذ جديد في جديد.....

النترا

[أبـــوبـــدران]

مشكووووورين على الأفاده

ولله ريحتوني بعض الشيء

وراعي الددسن لو بس طلب
عيوب الماجنا وش هي
وهل تصرف بنزين ام لا
وقطع الغيار غاليه ولا لا

وأشكركم
وجزاكم الله الف خير

اخوكم=اسعد عمر قلي

[أبو نديم]

ياخوي خذ ياباني
أحسن لك ويجلس معك حتى مع الكرف
وأنصحك بالكرولا

[M.A.D about u]

الماجنا سياره ممتازه ومينتها جباره بس يعيبها قطعها

السوناتا قليل ما تلاقيه مستعمل زي ما تقول وان لقيت لقيته حق اجار منتهي

السيفيك ممتااااااااااااااااازه لابعد درجه صرفية البنزين جيده وسياره عمليه من جد وشكلها مهضوم نسبيا وحق عبث

يعيبها قطعها غاليه بس ما توصل للميتسو ومراتبها يعتبرها البعض غير مريحه


الالنترا ايضا ممتازه وصرفيتها جيده وايضا عمليه والقطع رخيصه نسبيا مقارنةً بالباقيات (( تقريبا متساويه مع التويوتا وارخص في بعض الشغلات ))

يعيبها اللون الداخلي الرمادي (( مع العلم ان في منها بيج بس وكلائنا هداهم الله ... )) ومراتبها يعتبرها البعض غير مريحه مع اني اجدها سبورت

علشان كذا انصحك بالسيفيك او الالنترا وانت مخير بينهم

وايش ثاني انا حاضر واعذرني على القصور لاني دايخ الحين وماني مجمع مضبوط :)

للعلم محسوبك معه النترا 2000 سي سي قير عادي ومرتاح ومبسوط على اختياري ولا يهمك من يقول كوري ما كوري فكري بالسيارتين والي ترتاحله توكل على الله واشتره

اخوووووووووووووووووووووك مرزووووووووووووووق

[أبـو سـطـام]

توكل على الله وريح بالك وخذ لك شيء مضمون وقوي

خذ لك النترا جديده على فكة رجلك وعز نفسك بفلوسك وبنفسك وفك عمرك من المستعمل الي ماتضمنه
خذ لك النترا توماتيك 2000 سي سي بحدود الـ37000 ريال .. وخصوصا اذا كانت 2000 سي سي بتكون طياااااااااااااااارة
وريح بالك من المستعمل ومشاكلة ... وبالنسبة للسيارة فهي عملية من جد وقليلة الخرابات والكثير من شباب المنتدى مجربينها ويمدحونها .. والوكيل ممتاز الوعلان ... واسعارة حلوة ..
وابعد عن الماجنا .. قطعها غالية وبتنكبك بعدين بالقطع ووكيلها لك علية مو مثل الوعلان ..
والكورلا لو خذت راح تاخذ مستعمل وبقيمتها تقدر تشتري النترا الي هي اطلق منها الف مرة حتى مكينتها اكبر وعلى فكرة ترا الالنترا كحجم اكبر من الكورلا واطول منها واواسع منها من قدام ومن ورا .. الكورلا صغيرا بقووووووووووووة

واذا تبي معلومات اكثر عن الالنترا رح لمنتدى السيارات اليابانية والكورية .. وبتشوفني هناك ارد عليك |1|

توكل على الله وجرب السيارة قبل ما تاخذها .. ووقف لك كم لموزين واسألة عن السيارة ومشاكلها عشان تتأكد انها قوية فعلا وقليلة العيوب والمشاكل ..


تحياتي للجميع ..