تسجيل الدخول

مشاهدة النسخة كاملة : ممكن الجنوط تنضرب بويه؟


LT_RAM
31-05-2005, 12:56 AM
السلام عليكم...

مرحبا بالأعضاء...


عندي سؤالين وأتنمى ألقى جواب شافي...


أولا:- ممكن الجنوط تنضرب بويه؟
يصلح ولا ما يصلح؟ يعني اذا أبغى أعطي الجنوط لون أسود.....فيه بويه خاصه ما تتأثر بالغسيل ؟
ولا أصلا ما يصلح؟


ثانيا:- هل من الضروري تغيير مكان الكفرات؟ ( الأماميه مكان الخلفيه والخلفيه مكان الأماميه )
وماهي المدة المناسبة ؟


وسلامتكم...
الكيماوي
31-05-2005, 01:04 AM
بخصوص الجنوط اكيد تنضرب بويه وهي نفس البويه حق السياره وما تروح مع الغسيل مرره ...

بخصوص الكفرات مو ضروري انك تغيرها ومالها فائده اصلا يعني كأنك ما سويت شىء ....

ان شاءالله تكون استفدت،،،
اخوك
الكيماوي
LT_RAM
31-05-2005, 01:16 AM
اي والله صح زي بوية السيارة ماجات على بالي دي...

بالنسبة للتغيير....ما أدري بس واحد من الشباب قللي انو أفضل...

وبعدين خصوصا مع شوارعنا الرائعة الجميلة اللي مافيها ولا حفرة....الكفرات اللي قدام مسكينه هي اللي تاخذ كل الضرب...
فمن هذا المنطلق <<<< حلوة المنطلق أنا سئلت...

شكرا لك ياكيماوي باشا...
فواز
31-05-2005, 01:17 AM
هناك أنواع معينه من الأصباغ مخصصة للجنوط ... هذه الأنواع لا تتشقق مع مرور الوقت وأيضاً تلتصق بشكل ممتاز في الألمونيوم خصوصاً أن أغلب الجنوط مصنوعه من معدن الألمونيوم

بخصوص تغيير مكان الكفرات فهذا إجراء مهم جداً ويجب اتباعه كل 5000 كيلو وتجده مذكور في كتيب السيارة ... فائدة هذا الإجراء هو إطالة عمر الكفر عن طريق توزيع الإستهلاك بصورة مشابهة لجميع الكفرات فمن المعروف أن الكفرات الأمامية تستهلك أكثر من الكفرات الخلفية .

بحفظ الله :)
أمير الجزيره
31-05-2005, 01:19 AM
الأخوان ما قصروا الله يحفظهم واي سؤال آخر حنا تحت امرك..
LT_RAM
31-05-2005, 01:21 AM
ايوااااا...
وانا ولا على بالي ماعمري بدلت مكان الكفرات...


طيب ممكن الله لا يهينك ولا يأمر عليك عدو تعطيني أسماء البويات الممتازة اذا تعرف؟

وشكرا لك أخي فواز...
LT_RAM
31-05-2005, 01:26 AM
أمير الجزيرة الله يعطيك العافيه ما تقصر..
Caprice
31-05-2005, 01:29 AM
طيب انا عندي سؤال

انا متردد مرة بتنكيل جنوط سيارتي

فهل ذا يأثر على الالمنيوم المصنوع منه الجنط؟؟
وهل يروح مع الوقت ؟؟

مشكورين مقدما
صحراء الجليد
31-05-2005, 01:31 AM
هناك أنواع معينه من الأصباغ مخصصة للجنوط ... هذه الأنواع لا تتشقق مع مرور الوقت وأيضاً تلتصق بشكل ممتاز في الألمونيوم خصوصاً أن أغلب الجنوط مصنوعه من معدن الألمونيوم

بخصوص تغيير مكان الكفرات فهذا إجراء مهم جداً ويجب اتباعه كل 5000 كيلو وتجده مذكور في كتيب السيارة ... فائدة هذا الإجراء هو إطالة عمر الكفر عن طريق توزيع الإستهلاك بصورة مشابهة لجميع الكفرات فمن المعروف أن الكفرات الأمامية تستهلك أكثر من الكفرات الخلفية .

بحفظ الله :)

مشكوور اخوي فواز على المعلومة


ويعطيك ألف عافية
LT_RAM
01-06-2005, 12:50 AM
شباب طيب ممكن لو سمحتوا اسم الشركه اللي تصنع البويه المخصصه للجنوط؟

اسم الشركه......... نوع البويه .............أي شي...على القل يكون عند الواحد علم لما يجي يشتري...
غريب الراي
01-06-2005, 01:16 PM
انا ياشباب راش جنوط السيارة
ببوية عادية حقت السيارة
وماشيه معاي
وشوفوا الجنط بالتوقيع
(((( بس الجنط وسخ لا احد يدقق)))
يوسف 900
01-06-2005, 06:06 PM
عادي وما عندك اي مشكلة

انا مره تجرحه الجنط حقي ورشيته والله اني ما فرقته عن اللون الاصلي

وشكراا
LT_RAM
02-06-2005, 04:18 AM
طيب شي حلو...

شكرا لك شباب....