اذا كنت من ملاك كابريس 2005

[مسحور بالنظر]

السلام عليكم ورحمته الله وبركاته

اولا / اتشرف بأن اكون احد اعضاء هذا المنتدى الذي يرضى شريحة كبيرة من المجتمع|3|


ثانيا / اشكر الاخوان القائمين على المنتدى من خلال جهودهم المبذولة من قبلهم لانجاح المنتدى, واراضاء المتصفحين|1|


ثالثا / عندي سوال للاخوان اصحاب الكابريس 2004 و2005

واتمنى انهم يجيبون بصراحة وبدون تحيز كونهم يمتلكون كابريس|6|

1- هل مكيف الكابريس LTZ ستة سلندر بارد جدا ولا لا لان اخوكم يكره الحر بشدة|285|


تعرفون مولود (بالقطب الجنوبي) |203|


2- وش رايكم اخذ كابريس LS أو LTZ ستة سلندر

لاني بصراحة خايف من خرابات مكيف LTZ كونه الكتروني وسمعة الامريكان في الكتروينات بصراحة مش ولابد


3- هل المكيف يفصل اذا وقفت فترة طويلة عند الاشارات , ترى ذبحني مكيف اليوكون1996

ولا ودى اكرر التجربة


4- بصراحة هل واجهتم مشاكل في السيارة عموما ( الاحد الاخوان في منتدى اخر يذم فيها بشدة )


وانا بصراحة ناوي انى اشتريها خلال الفترة القادمة ان شاالله

ارجو من الاخوان انهم يردون بمصداقية لانجاح المنتدى وبعيد عن العواطف كون الشخص يمتلك

السيارة


وشــــــــــــــــــــــــــــــــــــــــــــــــ ـــــــــــــــــــكرا

[كابـــSSـــرس]

والله يالغالي انا معي كابرس LTZ 2004 V8

وبالنسبه للمكيف والله جدا قوي وانا من طلعته ولله الحمد ماقد حطيته على مروحتين

ويبرد في عز الظهر ماشاء الله علم بأن اكون موزعه بين الوجه والقدم وكذلك الخلفي مولع

يعني لو تخليه فقط على الوجه اتوقع بيكون اقوى بكثير

واخوك طالب في الجامعه وبعض الاحيان بين المحاضرات اولع المكيف واحط الشماغ على القزازة الجانبية

وارقد الجوال وخذها نومة ولا عمره فصل ؟ |1|

وبالنسبه للخرابات انا ما ادري الى متى والكابرس والومينا فيه خرابات :confused:

هذا هو معي كمل سنتين ونصف اللهم لك الحمد ماشفت عليه شي والشباب ايضا اغلبهم يقولون نفس الكلام

رغم ان رجلي حارة عليه الى انه يتحمل والله بدون مجاملة الموتر يتحمل |1|

بس يالغالي عيبه الوحيد وانا اشوفه في اغلب السيارات وبنسبه لي اشوف انه عادي وهو صوت الهواء الخارجي |5|

يعني بعد 130 الصوت بعض الاحيان يكون مزعج شوي بس طول على المسجل وبتنسى كل شي

تحياتي لك

[blue chevy]

اخذلك 8 سلندر احسن بكثيير

[مسحور بالنظر]

المشرف العزيز / اشكرك على سرعة تجاوبك معي


وصراحة ريحة بالى شوي :D


ودى اسمع تجارب باقي الاخوان :confused:



كما يقولون بتجرد وصراحة وبدون مجاملات او دخل للعواطف


اخوكم اكبر موسوس ما اشترى الشي الين اسال الف واحد :eek:


والله يعطيك العافية مرة اخرى مشرفنا

[مسحور بالنظر]

الاخ / blue chevy


انا ودي بالاقتصاد نوعا ما في الوقود

وماني راعي مادعاس وسباق

اهم شي سيارة تودي الغرض بااقل التكاليف وبدون اعطال ولايحزنون

[blue chevy]

راح تكون ثقيله صدقني

8 سلندر صرفيتها معقول
واسأل كابريس

[كابـــSSـــرس]

شف يالغالي

والله وبكل امانة ترى الكابرس صرفيتها مو زي اول

بل عكس اذا ماكنت تحب تدعس ولا مقاومات وتمشي هادي

صدقني يجلس معك البنزين مده ماهي بسيطه

وترى 8 راح تفيدك في مواقف قد تحصل لك

[xx_V8_xx]

شف يالطيب انا معي ال تي زد 2004 .. ثمانيه سلندر

المكيف روعه ... وبالعكس من قال لك ان المكيف الالكتروني يخرب :):)

السياره بالنسبه لي فيها عيبين ... الاول تنسيم هواء ... والثاني اصوات الديكور .. المواد الي مصنوع منها الديكور تعبانه وكانت تقرقع شي بسيط مع الطرق الي الغير متواسيه ,, لكن من تالي اختفت اصوات الديكور ماادري وشلون ... احس ان كل شي ركب محله واختفت الاصوات الحمدلله .

لكن نصيحتي لك خذ ثمانيه سلندر .. دعسته خفيفه ومريحه والفل يمشيك مابين الـ 300 الي 400 كليو اذا ما كنت تدعس

[مدمن الكابرس]

هلا اخوي مسحور بالنظر

كيفك عساك بخير

سألتني عن كابريس الي هي حاط كل ثقتي فيهااا والله سياره تستاهل الثقه صدقني

بالنسبة للاسالتك المكيف مشاءالله قوي جدا وماايحتاج ومااقد شفته يفصل حتي وقت السرعه قووي

باالنسبة لصرفية البنزين انت ورجلك مرات اكون رايق اعبيها 65 تجلسني اسبوع علي حسب رجلك زي مااقلت

وبعدين انا اشووف الاكتروني حق المكيف مشاءالله ماايحتااج توكل علي الله بس

وتراها حقت مشاوير واضمنها لك بس فوق هذا مو تدمرها عاد دلعها اول بااول تشيك اقرب ورشة يشيكون لك علي سؤائل السياره وغيره

والله يوفق اخوي

ومبروك مقدماا

[BLAK STOON]

ياأخوان بصراحه البنزين لل ال تي زد 8 سلندر كم يمشي

لان واحد تو خرشني يقول مايمشي الا 300 او 400

تراني حاط املي عليه <<<<<<<<< معاه سياره 4 سلندر نقله حضاريه

[VIPER LoVeR]

مكيف الكابرس ميه ميه

صراحه بي النسبه لمكيفات الامركي مكيف الكابرس بااااااارد


وانا افضل انك تاخذ ltz

مبروك مقدما
تحياتي :محب الفايبر

[كابـــSSـــرس]

لا وش يمشي 300 او 400

كان في كل يومين اعبيه ؟

يمكن هذا الرقم اذا كنت دعس فيه او تكرش له

هذا احتمال وارد اما اذا كنت عادي وهادي في سواقتك

يطول معك

[برررق]

اعقلها وتوكل كابرس لوووووووووووووووووووول

[BLAK STOON]

كابرس اس اس يابعد حيي انت

كم بالضبط يمشي

[TSS]

انا معي لومينا ss وخويي معه كابرس ss والله الحمدالله رووووعه لكن الصراحه
دايم اركب الكابرس احسن اني بملعب كوره ماشاء الله كبيييير وهذا ميزه قويه..
بالتوفيق.

[TSS]

لا وش يمشي 300 او 400

كان في كل يومين اعبيه ؟

يمكن هذا الرقم اذا كنت دعس فيه او تكرش له

هذا احتمال وارد اما اذا كنت عادي وهادي في سواقتك

يطول معك

ان حاسبها البانزين يمشي بدون تدعيس 600 كيلو قعد ت اسبوع اما بتدعيس يمشيك 350-400
الكتم على السياره يروح بنزين كثير مره.

[كابـــSSـــرس]

8
8

هنا يالغالي معك حق

الى تعال يامنيب قايل وينك من زمان ماشفناك عسى المانع خير ولا ماتبي تمرني بالومينا

[جراندي2001]

السلام وعليكم ورحمة الله وبركاته.

شوف حبيبي اذا تدور دعس وفشخرة في نفس الوقت خذ ss

واذا تبغى سيارة مريحة وعملية في نفس الوقت وماهمك الفلوس خذ ltz v8

اما اذا انت اقتصادي وتبغى سيارة ماتصرف بنزين ..وفي نفس الوقت فخامة زي الltz v8بس فرق المكينة ..

خذ ltz v6
وتراني مجربها لانها مع الوالد كابريس ولا احلى ابيض وفتحة سقف يمين وقفتها وقفة اس اس مشاءالله .
بس احب اقولك معلومة انو الltz v6يأكل زيت اكثر من الثمنية عاد الله يعينك يوم تغير الزيت ..

والبرنزين اعبيه فل يويدني المدينة من جدة 400كيلو اوصل والينزين لساعو يادوب عند النص ...

وبعدين تقدر تغيرها اذا تبغى لاس اس من خلال وضع الجناح من الشركة ب300ريال انا مسعرو .والفيبر الخلفي مادري بكم ..

تحياتي

[مسحور بالنظر]

اشكر الاخوان اللى ردوا على استفسارتي شكرا جزيلآ


وودى انهم يتحملون اخوهم الصغير ;)


عندي اسئلة بسيطة (قلت اقول اسئلة بمناسبة ايام الاختبارات عساها ماتعود)تقول اني باخذ BMW مصفح بنصف مليون ماهو كابريس :D


1- من احسن وكيل اقدر اخذ منه الكابريس في الرياض من ناحية السعر ,الصيانة, الاهتمام بالعميل


2 - وش رايكم اخذ من الوكيل والا من معارض النسيم اقصد جديد حيث وجدت الفرق في السعر حدود 8000 ريال عن الوكالة

مثال (كابريس LS من الجميح سعره حدود 80000 ريال ينطح ريال|24| وسعره في احد معارض النسيم جديد 73000 ريال)وقس على ذلك البقية وهل يفرق شي لو اخذت من المعارض

3- الاخوان اللى تكلموا عن مكيف الكابريس ومنهم المشرف العزيز, هل درجة تبريده تضاهي مكيفات التويوتا او اقل بصراحة ( واحد مو مصدق ان مكيف الكابريس زين , بعد من انلسعت من مكيف اليوكون بديت اشك في الامريكي كله )


وشكـــــــــــــــــــــــــــــــــــــــــــــــ ــــــــــــــرا

[CamSHAFT]

مرحبا اخي مسحور بالنظر:
في البداية اقول لك انا معي لومينا ماهي كابرس بس مو مشكلة اللومينا اخو الكابرس بل هو نفسه اذا كان 6 سلندر
بالنسبة للمكيف:
مرة سافرت عليها للامارات عن طريق حرض
وطلعت شوي عن الخط وكان فيه رمال وغرزت على طووول
وكان وقت صيف قبل الظهر
المهم جلست انتظر واحد يطلعني وكانو اخواني معي وجالسين في السيارة
المهم جلست 40 دقيقة في الحر والمكيف شغال وبدون اي مشكلة ولله الحمد
وعقبها مسكت الخط على 140 والمكيف من افضل ما يكون
علما ان المكيف الكتروني

عموما انصحك بالستة سلندر لأنه قوي (خصوصا 2005 ) واقتصادي ومريح

[CamSHAFT]

وبالنسبة لسؤالك من فين تشتريها:
أحسن لك تاخذها من المعارض لان الوكالة في الخدمات والصيانة لا تفرق بين اللي اشترى من عندهم ولا من المعارض
انا اللومينا اللي معي شاريها من معارض النسيم وصاحب المعرض شاريها من التوكيلات العالمية بالشرقية
ومع ذلك صارت فيها كذا مشكلة وصلحتها على الضمان عند العيسى بالرياض بدون ما يسألون من فين شريتها
لأن الضمان يا عزيزي من الشركة الصانعة وليس من الوكيل