الفرق بين المكاين إلي ضغطها عالي وإلي ضغطها منخفض

[blue chevy]

شباب بغيت اعرف شنو الأفضل؟

المحركات إلي ضغطها عالي ولا منخفض؟

مثلا تلقى الكورفيت قوتها 400 حصان على عدد لفات 6000 لفة في الدقيقه


اما تشوف نيسان زد (مثلا) قوتها 294 حصان وعلى عدد لفات 6200 لفة في الدقيقه


فنبي نعرف مميزات المحركات إلي ضغطها منخفض ومميزات المحركات إلي ضغطها عالي


من نقاط المقارنه
هل المكينه راح تتحمل تيربوات كبيره كم غير ما تتعب
هل اذا غيرنا شئ صغير راح نحصل على قوة احصنه اكثر (مثلا كبرنا الاكزوز وغيرنا عمود الكام....الخ)
طول عمر المكينه (يعني تعمر خمس إلى حتى 30 سنه)


ياريت كل واحد يقول خبرته حتى نستفيد |1|

[blue chevy]

وييييييييييييييييييييييييييييييينكم :mad:

[ahs2223]

ياخي أنا بعد أي أعرف وينكم ياناس محد يرد

[vAMP]

حبيبي كل السيارات اللي قلت ضغطهم عالي !!

على كل حال انا اعتقد والله العالم ما ادري .. ان الضغط الواطي يفيدك في القوومة .. مثلاً سباقات ال 400 متر ..

اما العالي في الخط .. لأنك لما تبدل من نمرة لنمرة ماراح تبدأ من ضغط 1 تحت !! لأ تبدأ من 4000 او 5000 وفوق ..

اعتقد هذا السبب والله العالم ..

[vAMP]

طبعاً هذا اقصد فيه لما تقول اقصى قدرة حصانية واقصى عزم وزي كذا ..

اللي اعرفه اللمبرقيني اقصى عزم عنده عند ال 1500 !! من ال 1500 إلى 4000 او 3800 كله اقصى عزم !!(متساوية)

طبعاً هذه تخليك تحرك السيارة على اي نمرة !!

[bashar_255]

هذا مو الضغط هذا عدد دورات المحرك في الدقيقة الواحدة ( الريف ) و ترى ما تفرق و هي على حسب الدفرنش و القير و التجهيز الداخلي و لي عودة بعدين لما يحتدم النقاش :)

[NYC]

مثل ما تفضل الاخ bashar_255 هذي عدد الدورات

بالنسبة لعدد الدورات فهوندا تستخدم VTEC و نيسان تستخدم VVL بنفس التون كام بدورات قليلة واحصنه عاليه

عندك نيسان Sentra SE-R بمحرك SR20VE NEO VVL احصنتها 182 وحصلت بالـ Drag بكفرات سلكات 12.8 ثانيه

هذا مثال لا تشب علي تراني معاك بالـ Team ;)

[Initial D]

هممممممم ... موضوع حلو :)
اسمح لي اشرح شوي قبل لا أجاوبك

شباب هذي كلها تعتمد على نوع السياره ....
يعني أول شيء إذا كانت إزاحة المكبس كبيره فهذا يعني عدد دورات أقل وايضا يعني انه الخط الاحمر يكون أقل
وعلى فكره كل مازادت إزاحة المكبس زاد العزم ... يعني مثلا سيارات الدفع الرباعي تحتاج إلى عزم عالي (( مثل اللاندكروزر النيسان البليزر )) حيث انه القوه تظهر من عدد دورات قليله ولكن لاحظوا انه السيارات تجي بعدد احصنه قليله بالنسبه لحجم المحرك ...
يعني مثلا اللاندكروزر يجي بـ 4500 سي سي وبقوة 230 حصان تقريبا وبعزم 44 كج م تقريبا (( الخط الاحمر يبدا من 5000 دوره ))
بس لو نجي للأفالون .... 3500 سي سي وبقوة 280 حصان وبعزم 33 كج م تقريبا (( الخط الاحمر يبدا من 6300 دوره تقريبا ))

العزم ضروري جدا لتحريك السياره من الصفر وايضا ضروري جدا في تحديد مقدرة السياره بالنسبه للجر في الرمال
أما عدد الاحصنه فهو اللي يحدد سرعه السياره بعد ماتتحرك (( يعني 200 كم وفوق )) حيث يكون دور العزم بسيط جدا بالمقارنه بدور عدد الاحصنه على هالسرعه

بالنسبه لوكانت إزاحة المكبس صغيره فهذا يعني عدد دورات أكثر وقوة حصانيه أكثر لانه دورة عمود الكرنك تستوي أصغر وبالتالي كمية دخول الهواء للمحرك تكون أكثر (( معناته دورات أكثر)) لانه الدوره صغيره ... بس هالشيء هذا يقلل العزم لانه الازاحه قليله في البستن (( المكبس ))
لاحظوا سيارات مثل الفيراري والهوندا وغيرهم من اللي يعتمدون هالاسلوب ...
الفيراري محركها 3.6 لتر وبقوة 500 حصان على ما أذكر عند 8000 دوره تقريبا بس لو تلاحظون العزم تلقونه قليل جدا بسبب الدورات العاليه
نفس الشيء للهوندا اس 2000

لاحظوا انه السيارات الثقيله تجي بعزم أكبر من السيارات الخفيفه
ولاحظوا انه السيارات الخفيفه تجي بعدد احصنه اكبر من السيارات الثقيله

يعني السيارات ذات الضغط المنخفض تكون أفضل في القومه
وسيارات ذات الضغط العالي تكون أحسن للسرعات العاليه

ومن ناحية التعديل كلهم يتعدلون بس كل واحد له طريقة تختلف عن الثاني في التعديل
ومن ناحية العمر اعتقد انه السيارات ذات العزم العالي تعيش أكثر لانها تشتغل على ضغط أقل بس هذا مش معناته انه محركات الضغط العالي تعيش أقل لانها مصممه انها تتحمل الضغط العالي

[bashar_255]

بسم الله الرحمن الرحيم

مساحة المكبس ما لها ذيك العلاقة الكبيرة فمكاين الـ vh & vk من نيسان مع انهم كبار الا انهم High REV بالنسبة للمحركات الأخرىو السبب يعود الى انه البور ( عرض البستم ) فيه كبير قد صحن الرز :D و هو اللي ياخذ أغلب المساحة يعني طول الشوط قصير أي انه يحتاج الى دورات أكبر في الدقيقة الواحدة ليعطي القوة المطلوبة لسيارات اللإنفنتي الفخمة يعني High REV

لما نجي لمحركات الـ 427 حق فورد عدد الدورات نازل بالدقيقة الواحدة Low Rev طول الشوط فيها طويل و التورك عالي و الـ HP نازل بس مكينة جبارة بس ما تستحمل ان تمشي على الـ redline فترة طويلة لأنها صممت للجر و وضعت على ونيتات و غيره

الذكي بيسأل هالسؤال : طب ليش الفورد و الشفر و الدوج يشاركو بالناس كار اذا كانت محركاتهم كذا ( الفورد بالذات لأنه من الأوائل )

بعملو لهم عملية معاكسة للستروكر اسمها ديستروكر يقصرو الشوط و بعدين يكملو شغلهم على أساس أن المحرك High REV و كل اللي بالناس كار كذا

محركات الـ High REV

تحتاج الى نظام تبريد أفضل من الـLow Rev و غالباً ما تلقي مشاكل بسباقات الـ bestmutoring في الحرارة و عمرها أقصر بالعادة ( بالسباقات على الأقل ) محركات الفورملا يبدلوهم كل سباق !! ، بالمقابل فإنها طريقة سهلة و فعالة لإعطاء قوة كبيرة ينتج قوة عالية في دورانات منخفضة و تكاليفها أقل في القير و الدفرنش لأنها ما تعطي ذاك التورك من الصفر لاكن يضل تسارعها أفضل أغلب الأحيان من الصفر مثل السبورتات الياباني :)

محركات الـLow Rev

بسيطة و تعمر و أغلبها حق سحب :D

كلمة قالها واحد من الناس اللي أحترمهم في نفس هذا الموضوع :)

====================================
rpm معتدل و نسبه دفرنش نازله و تورك جامد على دورات نازله
تعطي نفس نتيجه
rpm عالي و دفرنش حاشر و تورك ضعيف على دورات نازله
====================================

[Initial D]

يعني طول الشوط قصير

:D انا هذا اللي قصدته بمساحة المكبس اللي هو طول الشوط ...... كخ خطأ في التعبير



ما تلقي مشاكل بسباقات الـ bestmutoring

:D BMI الصراحه أحلى مجلة شفتها في حياتي .... حتى انها احسن من توب جير
بشار أنصحك انك تتابع الـ Touge 280 حقتهم والله عجيب خصوصا الهوندا الاميوز اس2000 :D

:D إذا عندك شيء من الفيديو حقهم لاتنسانى كخخخخخخ وانا بعد عندي بعض الافلام حقهم |1|

[bashar_255]

الـ bestmutoring
هذي سباقات التحمل و بالحلبات مثل ديتونا و اللمنز و لجواناسيكا و غيره :)

و على فكرة ، ان ما أفتح التلفزيون :D

حزة الإمتحانات على الأقل الدكاترة ضاغطينا ضغط يعني ما أقدر أفتح النت الا 5 ساعات باليوم و الباقي مذاكرة :D

[Initial D]

:confused: همممممممممم ....
شكلك مافهمت قصدي ...
Best Motoring مش سباق تحمل ولا حتى موجوده على التلفزيون .... هذي مجله سيارات ... كل فتره معينه يسوون تحدي بين عدد من السيارات في مضمار مشهور في اليابان واحيانا في بلد ثاني وبعض المرات يسون المقارنه في شارع ضيق بين جبال ...
بس على فكره هذي المجله مواضيعها مش على ورق مثل اللي عندنا ... كل مواضيعهم ومقارناتهم على دسكات DVD
:D عاد انا انزلهم من النت ببلاش كخخخخخخخ


إذا ماتعرف هالمجله انصحك انك تجرب مره وتشوفها ..... راح تدمن عليها
|1| عندي بعض الحلقات على الجهاز إذا خاطرك فيهم ضيفني عندك في المسنجر وانا برسلهم لك

[bashar_255]

عندك ماسنجري بالتوقيع بس ما بتشوفني شابك الا بعد 15 يوم :D

[blue chevy]

استفدنا جزاكم الله خير
والي عنده معلومات زياده لا يبخل علينا

[VIPER LoVeR]

انا الي اعرفه وسامعه من شباب النيسان انه مكينه الزد ما تستحمل تزويد اكثر من 400 حصان


مشكور على الموضوع


تحياتي:محب الفايبر

[Initial D]

اي ... كلامك صح ... بس هذا لانه محركها high compression
بس لو تغير البساتن للـ low compression راي يكون عادي حتى على الـ 800 حصان


على فكره انا مره نزلت مقطع حق زد جديده يابانيه وقوتها 700 حصان .... مافيه لفه في الشارع ماتاخذها عرووووووض كخخخخ ولا تماتيك بعد لووووول

[VIPER LoVeR]

هههههههههههههههه

حلوه يا Initial D



تحياتي:محب الفايبر

[blue chevy]

يعني ياجماعه
المحركات إلي low rev لما تركب لها شاحن صغير نسبيا توصل إلى 600 أو 700 حصان وهي مرتاحه؟

هل السكايلاين ولا السوبرا لما تركب لهم شاحن هل لازم نغير بساتنهم بعد حتى نوصلهم ل 700 حصان تقريبا؟

ياريت خبراء الياباني يجاوبونا

[bashar_255]

الزد تستحمل حتى 8psi بدون مشاكل على بساتم شد بلدها حسب تجربة الإماراتيين و كان شغلهم في كراج بن سليم

التعديل كان : كت توربو بن سليم ستيج 2 8psi مع بعض التعديلات البسيطة على الكمبيوتر و فيول بمب والبرو 255

[bashar_255]

blue chevy : 7mget تحتاج الى تعديلات كبيرة لأن فيها مشاكل بالسبايك هي اللي تروح المكينة فما بتشوف مشاكل بالبساتن قد ما تشوف مشاكل بالسبايك :D و على فكرة هي ما تستحمل 300 حصان فمستحيل تستحمل الرقم اللي قاعد تتكلم عنه اما مكاين الـ 1JZ&2JZ فما عندي خبر عنهم اما الـ rb26 وضبناها بساتن je عشان تعطي حدود الـ 450 حصان ( ما فيه أي ضمانات أو توثيق للرقم ) و تحتاج الى تعديلات كثيرة عشان توصل الى 600 حصان و الـ 450 حصان كلفت صاحبها 15.000 ريال !! شي مكلف لو أحطها بموستنج كان جبت 600 حصان بالراحة على قير بلدها :D

[Initial D]

يعني ياجماعه
المحركات إلي low rev لما تركب لها شاحن صغير نسبيا توصل إلى 600 أو 700 حصان وهي مرتاحه؟

هل السكايلاين ولا السوبرا لما تركب لهم شاحن هل لازم نغير بساتنهم بعد حتى نوصلهم ل 700 حصان تقريبا؟

ياريت خبراء الياباني يجاوبونا

:eek: مب مصدق انه هالكلام منك انت لانه اللي مثلك المفروض يكون فاهم

فيه فرق بين low rev و high rev
وفيه فرق بين low compression و high compression

وانت الظاهر ماتعرف مكاين السكاي لاين والسوبرا والايفو والامبريز وغيرهم من الياباني العروف انه يتحمل 700 حصان ستوك بلوك ...

انا امس شاري مجلة تيربو وموضوع غلافها انه فيه في اليابان امبريزا تون تيربو موصله مايقارب 700 حصان ستوك بولك
وقوتها تقريبا 600 حصان على الويل ...

[bashar_255]

Initial D : أكيد تتكلم عن المحركات اللي أجدد من الـ 7mget حق التويوتا :)

اما ستوك بلوك ok بس اللي داخل البلوك مو لازم يكون ستوك لأن المقصود بهالكلمة في العادة البلوك نفسه و قمصان السلندر فقط :)

و بالنسبة للسكاي اللي قاعد اتكلم عنها فهي r33 مو متأكد اذا كانت RB26 or RB25

[blue chevy]

انا ادري والله

بس حبيت اتأكد اكثر