الاكثر في المنتدى الامريكي ام الياباني [الأرشيف]

مشاهدة النسخة كاملة : الاكثر في المنتدى الامريكي ام الياباني

V-I-P

13-05-2005, 02:13 PM

في الاونه الاخيره كثرة المواضيع في مقارنة السيارات الامريكيه واليابانيه

ونبي نخلي الموضوع هذا للتصويت من الافضل الامريكي ام الياباني (( يليت يكون الموضوع للتصويت لأن هناك مواضيع كثير في مقارنة الامريكي والياباني ))

فالي يميل للسيارات الامريكيه يصوت للأمريكي والي يميل للسيارات اليابانيه يصوت للياباني
(( طبعا بكافة انواعها سواءا كانت سيارات رياضيه او سيارات استخدام او ....... ))

وانا اصوت للياباني
http://www.aii-t.org/a/japan/hinomaru.gif

سكوبي

14-05-2005, 02:51 AM

انا اصوووت للامريكي وبس

يعييش واريح من اليابااني

Honda- Civic

14-05-2005, 09:51 AM

هدى

14-05-2005, 01:27 PM

انا اصوت للياباني

Initial D

14-05-2005, 02:39 PM

اصلا الكورفيت توفقت على اقوى سياره تمتلكها هوندا
تخيلوا سياره قيمتها مثل الفيراري
وتسبقها انزل نوع من الكورفيت خخخخخخخخخ

يعني الكورفيت تسارعه 4 ثواني بالضبط
الهوندا nsx تسارعه 4.8
عيب :D

شوفوا هذي الهوندا

http://www.uwm.edu/People/scottec2/Cars/Others/Black-NSX.jpg

وازيدكم من الشعر بيت
في سياره تمتلك محرك الكورفيت وهي البونتياك جي تي او
تسارعها 4.6
وسعرها نفس اللومينا تقريبا :D
ياخيبتكم ياليابانيين

http://www.pontiac.com/gto/images/bg_image3.jpg

http://www.pontiac.com/gto/images/bg_image4.jpg

ارخص سياره سبورت امريكيه تنافس اطول شنب في هوندا

مو تنافسها بعد إلا تسبقها

لانه الـ NSX مش سياره رياضيه فقط ... هي ايضا Club Car يعني إذا شريتها يكون اسمك في قائمة المميزين عند هوندا ويكون لك عضويه مجانيه في عدد من النوادي الفخمه على مستوى العالم وتكون مش سنه ولا سنتيين .... يعني على المدة اللي تخلي السياره عندك ...

وبعدين صحيح انه الكورفيت تسارعها أفضل من الهوندا بس انت نسيت شيء مهم ... الهوندا أثبت من الكورفيت بمراحل .. والدليل انه في برنامج بريطاني سووا تحدي بين الهوندا ان اس اكس مع لمبرجيني مورسيلاجو
تخيل ... 280 حصان ضد 500 حصان
وكان التحدي على حلبه كلها منعطفات مع خط مستقيم طويل نسبيا فقط عند خط البدايه.. المهم السباق كان 5 لفات وفازت فيه المورسيلاجو بس ماكان يعتبر فوز اصلا ... لانه الفرق بينهم كان فقط 0.85 ثواني (( يعني أقل من ثانيه )) حتى مقدم البرنامج تفاجأ وقال مو معقوله .. الفرق 220 حصان ومع ذلك المفروض يكون الفرق ساحق في التوقيت بس اللي صار العكس وبقيمة المورسيلاجوا تقدر تشتري 2 ان اس اكس ؟؟
اللي صار انه من نقطة البدايه المورسيلاجو راحت عن الهوندا بحكم القوه بس لكن ما ان دخلوا قسم المعطفات حتى بدى واضح تفوق الهوندا واللي طافت المورسيلاجو خلال اللفات ولكن ما ان يوصولون الخط المستقيم ترجع المورسيلاجو للتقدم وانا ما اعتبره انجاز لانه التسارع مش ابداع وانما الابداع انك تخلي السياره سريعه وثابته خلال اللفات وليس التسارع وهذا اللي ينطبق عند 2 فقط (( اليابانيين والالمان فقط )) اما الامريكان الاغبياء فقط يفكرون في الدراق الغبي والتسارع من دون الالتفات والاهتمام بالثبات ؟؟

blue chevy

14-05-2005, 03:10 PM

يمكن للمواصفات اللي فيها وقوة المكينه ليست اهم من السلامه وقوة الهيكل والرفاهيه الداخليه وتماسك مكوناتها اضافه انها اقتصاديه 6 سلندر وتولد اصحنه ممتازه جدا

هناك هوامل مهمه جدا غير القوه تحكم السعر

وفي الحقيقه السيارات في الغالب تكون غاليه لمواصفتها اكثر من ماهي قوة مكينه

كل شئ بحسابه حبيبي
اقدر اجيبلك سياره امريكيه تلف تمام وثابته
وواحد من الشباب عنده كورفيت
مكيم على سرعه 300 كم في الساعه,
أسمع صوت هواء خفيف, بس ثابته والله ماشوفها يلفها الهواء.

يعني ثابته نسبيا مو تعبانه حيل
بس انا جبتلك سياره سعرها مثل اللومينا وتسبق اقوى سيارة في الهوندا.

يعني تخيل أخذ هالسياره وادور على شباب الهوندا :D

بسعر هالهوندا أخذلي فيراري ولا بورشه توين تيربو وهي احسن منها بكثير.

لانه الـ NSX مش سياره رياضيه فقط ... هي ايضا Club Car يعني إذا شريتها يكون اسمك في قائمة المميزين عند هوندا ويكون لك عضويه مجانيه في عدد من النوادي الفخمه على مستوى العالم وتكون مش سنه ولا سنتيين .... يعني على المدة اللي تخلي السياره عندك ...

اوفر 15 الف دينار واشتري لي فندق بعد :D
ماله داعي

وكان التحدي على حلبه كلها منعطفات مع خط مستقيم طويل نسبيا فقط عند خط البدايه.. المهم السباق كان 5 لفات وفازت فيه المورسيلاجو بس ماكان يعتبر فوز اصلا

احنا اغلب قوماتنا على خط مستقيم مو لفات
يعني ما ندش حلبات
وثاني شئ انت تعرف توب قير كيف يبالغون بالكلام.
مو لازم اتكلم

وانما الابداع انك تخلي السياره سريعه وثابته خلال اللفات وليس التسارع وهذا اللي ينطبق عند 2 فقط (( اليابانيين والالمان فقط )) اما الامريكان الاغبياء فقط يفكرون في الدراق الغبي والتسارع من دون الالتفات والاهتمام بالثبات ؟؟
صح كلامك
بس احنا مو داشين حلبات
يعني بالعقل
عمره الواحد ما يدخل لفه بسرعه عاليه (في حياتنا الطبيعيه وحتى في اوروبا)
حتى إلي عندهم مرسيدس هل تشوفهم يدخلون اللفات بسرعه 100 - 200 كم في الساعه ؟

وعمرك لا تقارن الألماني والايطالي بالياباني فرق شاسع مع ان اسعارهم قريبه.

اما الامريكي يوفر لك الثبات المعقول مع قوة المكينه [ارخص الاسعار.

وانا اميل للسيارات اليابانيه فئة 6 سلندر بس.
اما السبورت فاسمحلي

مثل مانت شايف فوق انزل كورفيت تسبق اقوى سوبر كار في هوندا. :D
سياره بهالسعر المفروض تكون قويه بكل شئ.

V-I-P

14-05-2005, 03:29 PM

8
8
8
الحين مافيه باليابان الى الهوندا NSX
وين راحت الـ SX وين راحت السوبرا وين راح الوحش السكايلاين

وفيه واحد منكم ياحقين الامريكي طلب مقطع السكايلاين الي جاب الـ 400 متر في 7.95 ثانيه
ماأدري هو انت ولا واحد ثاني

على العموم المقطع تراه عندي حجمه 3 ميجا وشوي اذا تبيه دلني على موقع اقدر ارفع اليه الملف
واذا ماتعرف مواقع مهي مشكله اضفني في الماسنجر وعندي استعداد ارسلها لأي واحد يبي المقطع

ولي رجعه

الوليد الطائر

14-05-2005, 04:28 PM

أرشح الامريكي

salehhd

17-05-2005, 05:16 PM

الياباني فقط

قوة ومتانه وتتحمل جونا وسعر ممتاز وقت البيع

واستهلاك بنزين وقطع غيار معقول

ماهر ls

17-05-2005, 09:45 PM

الامريكي افضل بكثير من الياباني

الامريكي قوة وفخامة وعمر اكثر

V-I-P

18-05-2005, 02:38 PM

الامريكي افضل بكثير من الياباني

الامريكي قوة وفخامة وعمر اكثر

بس حلوه عمر اكثر |1|

bashar_255

19-05-2005, 10:09 PM

أفضل سيارات العالم أمريكية

BU JASIM

20-05-2005, 10:55 AM

الياباني وبس

كان الأمريكي مغطي السوق ولكن؟؟؟

kuwait

14-10-2005, 04:12 PM

أنا أقول ماكو مجال للمقارنه

ياباني_ أمريكي_ أوروبي

أخوي لوحطيت مقارنه بين سيارة يابانيه وسيارة أمركيه

كنا نقدر اناقشك ونشوف مواصفات السياراتين ونقدر نحكم

أو تجيب شركه يابانيه مع أمركيه هم انشوف مبيعاتهم ومستوا سياراتهم

ولكن الموضوع بيطول جداً

أما أتقول منو أحسن الـــــــــسيارات اليابانيه والامريكيه

يعني قصدك كل الشركات اليابانيه والامريكيه

عاد جم سيارة عندهم ؟؟؟

هذا اذا انت تدري عنهم كلهم:rolleyes:

ومع احترامي للي ردو

شلون قال الامريكي أحسن
أو الياباني أحسن

أتعرف كل مواصفات سيارات شركات اليابان أو امريكيه؟؟

على أي أساس:confused:
لا مجال للمقارنه لانه موضوعك جداً واسع

وكل دوله ( سواء ياباني \ أمريكي)

فيها الشين والزين

أخوكم KUWAIT

أنا عن نفسي أفضل TATA الهنديه على BMW الألمانيه|11|

bashar_255

14-10-2005, 04:21 PM

kuwait

14-10-2005, 07:55 PM

لوميـSTOCــنا

14-10-2005, 07:55 PM

السلام عليكم ورحمة الله وبركاته

السيارة التي تكون قوية وتتحمل وثابتة على الطريق ............. الخ . يجب ان تتوف شروط

ومنها ان تكون معاير السلامة اقوى من الانظمة الاخرى مثل القوة ويأتي بعدها القوة او السرعة و يأتي

بعد ذلك سعر هذه السيارة هل يكون مرتفع .

و ايضا من مواصفاتها الفخامة .......................الخ ولكن اي السيارات او اي الانواع يمكن ان تتوفر بها هذه المواصفات او هذه

الشروط ؟؟؟؟؟؟؟

اعتقد ان السيارة التي تتوفر بها هذه الشروط هي السيارة اليابانية مع تصميم امريكي مثل ( الافالون ) .

وشكرا

bashar_255

14-10-2005, 09:42 PM

هلا فيك أخوي بشار ,

أنا أتفق معاك بهذه النقطه من نقاط كثيرة لازم مانتجاهلها

ولازم مانغض عن مثلاً

1- الامان في السيارة
2- المواصفات الميكانيكيه (يندرج تحتها أقسام كثيره)

3- مواصفات المحرك وهي تختلف عن المواصفات الميكانيكيه (يندرج تحتها أقسام كثيره)

4-الجوده

5- المتانه (تختلف عن الجوده)

6-السعر

7- الفخامه والتكنولوجيا (قد تتقاسم السيارات اليابانيه والامريكيه هذه النقطه )

8-

9-
-10
-
-
-
-الخ,,,

لكي تجاوب على سؤال الموضوع الواسع جداً لازم اتشوف جم سيارة من الجهتين (الامريكيه \ اليابانيه )وتشوف جميع المواصفات وتقارن,,

وهذا انا لم اتكلم عن

قطع الغيار (مدى توافرها - اسعارها )

الخدمه مابعد البيع

توافر مراكز الخدمه

سعر السيارة عند البيع ,,

يمكن هاذي النقاط مو بالموضوع بس لانغفل عنها ,,

ولو أوكلت هذه المهمه لـ C I A|6| بتفلس|11|

النهايه

أخوك kuwait|3|

طب الكلام الكثير ذا اخترب في السعر لحاله بس !!

احنا كبلاد خليجية اقتصادها قوي يقودها في الواقع الإقتصاد السعودي و انا أقول ذلك لسبب

أسعار العملات في الخليج فيما بينها 99% ثابت

سعر الدولار مقابل الريال 100% ثابت

سعر صرف الين مقابل الدولار متغير و كل ما جا له يغلى يعني السيارات اليابانية أغلبها تسعيرتها غير مناسبة

كرلا 1.3 أشتريها بـ 62 ألف !! صاحي اروح آخذها ؟

و الله لاند كروزر بـ 200.000 ولا حاجة كذا و الله الإكسبدشن أبرك منها و احسن منها بمراحل سعرها بالوكالة بـ 114 ألف

الناس رغبات فتاخذ ياباني انا بالنسبة لي اذا بشتري ما بيفرق عندي الا معادلة وحدة

السعر مقابل الجودة

و الله ياباني أمريكي كوري أروبي

حالياً بالنسبة لي السوناتا الجديدة منافسة بشكل قوي للأكورد و السبب تقنية مستوبيشي و سعر هيونداي

فهذا الشي أغلب شي تلقاه في الأمريكي

تحياتي :)

الفهـــــssـــد

15-10-2005, 12:54 AM

لا شئ يضاهي فخر الصناعه الامريكيه
وخاصه وحوش الشـــــــــفـــــــــر

blue chevy

15-10-2005, 08:15 AM

كرلا 1.3 أشتريها بـ 62 ألف !! صاحي اروح آخذها ؟

و الله لاند كروزر بـ 200.000 ولا حاجة كذا و الله الإكسبدشن أبرك منها و احسن منها بمراحل سعرها بالوكالة بـ 114 ألف

الناس رغبات فتاخذ ياباني انا بالنسبة لي اذا بشتري ما بيفرق عندي الا معادلة وحدة

السعر مقابل الجودة

اي والله صح كلامك
بسعر لاند كروزر 6 سلندر اخذلي يوكن و لا اكسبيدشن
8 سلندر ومريح في السياقة ويصرف اقل وقطع غيار رخص التراب

مثل واحد كان عنده كامري <<<<<<<<<< ادري اذيتكم في هذي السالفة :D

كان عنده كامري 6 سلندر وماخذ فكره خاطئة عن الموستنق
لقى موستنق رخيص قال خلنا ناخذه ونلعب فيه
اشوف الرجال قام يداوم عليه ويصبغه

احس انه حب الموتر واخذت الموستنق مساحة في قلبه
غير اسطاباته وضبط مكينته
وقال حرام العب فيه خلني محافظ عليه
ويحلف ان صرفية الموستنق اقل بكثير من الكامري
مع ان الموستنق عزمه احسن وشكله احلى بكثير
وحتى قطع غياره ارخص

بس الناس تسمع وماتجرب
6 سلندر و6 سلندر واخر شئ يصرف اكثر من 8

حاجة غريبة والله :confused:

UCF21

15-10-2005, 10:15 AM

KUWAIT : ما لاحظت ان السيارات الأمريكية عنهدا حرية أكبر من الياباننية في القوة و سعة المحرك و أبعاد السيارة و تنوع المنتج أكثر من الياباني ؟

السبب هو القوانين اليابانية التي تتحكم بمواصفات السيارة

و لو باليابان خير ما فتحت مستوبيشي و هوندا و لكزز مصانع بأمريكا
الشركات اليابانية تفتح مصانع في أمريكا علشان توفر في تكلفة الإنتاج وترى حتى المرسيدس والبي إم دبليو عندهم مصانع في أمريكا مثلاً المرسيدس الفئة إم تجميع ولاية ألاباما.

UCF21

15-10-2005, 10:18 AM

أنا عن نفسي أفضل TATA الهنديه على BMW الألمانيه|11|

ذكرتني بباصات المدارس زمان في الكويت |11|

UCF21

15-10-2005, 10:20 AM

http://www.bbc.co.uk/topgear/prog28/toyota.shtml

salehhd

15-10-2005, 11:30 AM

السلام عليكم

وجود المصانع اليابانية في امريكا دليل على انتشار اليباني في امريكا مما اضطر الشركات اليابانية الى عمل مصانع في امريكا

لتوفي احتياجات السوق خاصة بعد رفع امريكا للجمارك للحد من انتشارها

الامريكي زمان كا تمام ويعمر

اغلب السيارت الامريكية الجديدة اخذت تقلد الياباني في تصاميم سياراتها وتصغير حجمها وجعلها اقتصادية لتنافس الياباني

Initial D

16-10-2005, 01:11 PM

http://www.bbc.co.uk/topgear/prog28/toyota.shtml

الصراحه ماتوقعت انها بتعيش بعد كل هذا (( خصوصا العماره ))؟؟ خصوصا انه التحدي كان بدون قطع غيار |10|

|11| لو أنه جمس كان أنتحر من زمان

bashar_255

17-10-2005, 12:50 PM

الشركات اليابانية تفتح مصانع في أمريكا علشان توفر في تكلفة الإنتاج وترى حتى المرسيدس والبي إم دبليو عندهم مصانع في أمريكا مثلاً المرسيدس الفئة إم تجميع ولاية ألاباما.

و انت فاكر يعني حطوها في امريكا ليش ؟

احين شركة اسيزو يابانية ام امريكة ؟

سؤال محير جداً لأن 90% من سياراتها تنتج خارج اليابان و فيه محركات شفر على الكثير منها بغض النظر عن التقنية

فيه حاجة اسمها قوانين محلية

اليابان فيه ضرايب ضخمة على السيارات 2.0 عليه ضريبة معينة و 2.5 ضريبة أكبر و الـ3.0 أكبر و كذا

صناعتها بأمريكا لا يدل على ان السيارة يابانية

انا شخصياً ما اعتبر لكزز يابانية لانها امريكية لاكن للأسف النصب و الإحتيال موجود تروح للوكالة يقول لك سعر الين !!!

طب صناعتها امريكية !!

بالمرة ابعد عن الشر و غني له سيارة أمريكية و خلاص ليش الفلسفة و ليش كرلا فل ابشن بـ 85 ألف سعودي ؟

حتى الفوكس و المونديو كسيارة أروبية ما نشوف يرتفع سعرها ذاك الزود

هذي وجهة نظرى و تحليلي للوقائع اللي بالسوق

تحياتي ،،،

mazda3

17-10-2005, 03:12 PM

انا آحب الأمريكي............ بس الافضل والحق يقال ............... الياباني

محتاجك أبيك

20-10-2005, 06:56 AM

للأسف صوووتي أمريكي لأنه يستحقه ,,,

$المهندس$

20-10-2005, 03:52 PM

يا اخواني خلنه نتكلم علي اكبر شركات اليابان بأفضل شركه امريكيه ( وخلنه نتكلم عن الي في الشرق الاوسط )

يعني مثلاً نقارن كابرس رويال ( افخم شئ ) بي تيوتا كامري جراندي ( افخم شئ ) و المقارنه صعبه

مثلا الكابرس بمكينه جباره 5.7 لتر بي 335 حصان و اكثر وهذا المحرك اما الكامري 3.0 بي 240 حصان او اقل و لله ما ادري

و المواصفات الكابرس شاشات و خشب ووو وعلي ما اعتقد فيه سنسر و افخم اما الكامري خشب و شويه شغلات

و الثبات لا يقارن بين الكابرس و الكامري ( طبعاً الكابرس )

و الدفع الخلفي اثبت من الدفع الامامي ( تقهرني شكرك بعراقه شركه تيوتا تصنع سياره دفع امامي وعلي فكره تلكفه الدفع الامامي ارخص من الخلفي ) .

يعني التفوق حق الكابرس بتأكيد

اما تبي تقارن الكابرس بس اللكزس راح يضيع الكابرس و لو تقارن الفرق بمبلغ

اما الكابرس و الكامري يمكن السعر متقارب و الكابرس اشوي اقلي

اما ترشيحي

الاوربي ( بلا منازع قوه و ثبات و مواصفات و السعر ممتاز ) - الامركي ( قوع و شبه ثابته ) - الياباني ( لا يعرف الثبات الي بعض الشركات )

لو تلاحضون ان السيارهالتي تنافي الفراري و البورش و المبررجني في الثبات وهي السوبارو تتحدي بكل المقايس بثبات

وعلي فكره مكينه البورش نفي مكينه السوبارو متعادس اوقي و يعطي ثبات حق السياره اكثر

خلك علي الاماني افضل

محتاجك أبيك

21-10-2005, 06:04 AM

أذا قلت خلك على الألماني ,,, الألماني غالي ,,,
وأذا قلت خلك على الياباني ,,, بتاخذ تنك فاضيه ,,,
بس الأمريكي شي متوسط ووممتاز ,,, قوه ثبات سعر رخيص فخامه تصميم جميل ,,,

T O R N A D O

21-10-2005, 06:41 AM

بسم الله الرحمن الرحيم

انا عندي الياباني افضل من الامريكي في اشياء كثيره ..
مثل الصيانه والتحمل وقطع الغيار ..
يمكن الامريكي فيه المكينه قويه ..
لكن المكينه مو كل شي في السياره .. يعني الياباني بصفه عامه ..
مكينته حلوه ..

وهذا رأيي الشخصي

|3|