الفزعة اشتريت كابريس 2000 فما رايكم

[البناوي]

اخواني الاعزاء لقد اشتريت قبل اسبوع كابريس موديل 2000 ولا يوجد لدي الخبرة بالسيارات وقال لي كثير من الزملاء انه يوجد بها عيوب واخرون يقولون ان العيوب في الموديلات 2001 و 2002 و 2003 والظاهر انهم يجاملونني . وعلى العموم الكابريس معي زي الحلاوة الى تاريخه .
ارجوا منكم توضيح بعض العيوب الشائعة وايضا من كان لديه الخبرة في معرفة فك الرقم السري للراديو والمسجل لانني سالت الكثير وقالوا لا بد من الذهاب للوكيل . ولكم الشكر والتقدير .

[الوليد الطائر]

اهلا بك ...
مبروك عليك السيارة ... بالنسبة للعيوب في بداية الكابريس كانت الكثير يتكلم ويقول ان العيب كان في الجير بوكس وانه اغلب الكوابرس تصلحت من هذا العيب الان وهذا على حد معرفتي وانشالله سيارتك مافيها اي مشكلة بأذن الله

[البناوي]

كثر الله خيرك عزيزي الوليد الطائر

[عصقول]

اخوي الله يعطيك خيرها ويكفيك شرها
الكابريس سيارة من اول ما طلعت على الدنيا وهي مثاليه وهي من السيارات الفارهه ولا يهمك كلام الناس اللي يمشي على كلام الناس يتعب

[كابـــSSـــرس]

والله يالغالي انا عمي عنده 2001 وكارفه كرف والعيوب يقولون في 2001 و 2000

والحمد الله ما اشتكى منه الى يومك اللهم لك الحمد واعرف لك واحد عنده كابرس 2000 ابيض

وهو دايم موقف الكابرس في شارع السيل الكبير في حي الغدير لو تشوف الكابرس تغسل يدك منه لكن صاحبه انا اعرفه

والله الرجال لو تقول باخذه منك ب 60 بيرفض يعني جدا عاجبته وهو رجال مايرحم حتى الي فوق الشكمان صفر من كثر الدعس

والرجال ما اشتكى منها الى مره دخلت الورشة 3 ايام<< يقول صيانة وتربيط

وبنسبة لي انا عندي 2004 وكملت سنتين ونصف والحمد الله ماشية من اورع مايكون اللهم لك الحمد والشكر

وصدقني يالغالي فيه بعض الحاقدين على السياره هم من اطلقوا هذه الشائعات والموتر كل سنه يرد عليهم وهم يحترقون

وما اقول الى ماعليك من كلام الناس يالغالي وصدقني الي يقول هذا الكلام يتمنى يركبه مو يشتريه

تحياتي لك

[البناوي]

الله يجزيك الجنة اخي عصقول انت و كابـــSSـــرس
واشكر كل من اهتم بموضوعي .(( توكلنا على الله ))

[لوميـSTOCــنا]

السلام عليكم ورحمة الله وبركاته

الله يعطيك خيره ويكفيك شره .

ويوجد عندي كابرس موديل 2001 وما شاء الله السيارة قوية و عزم على الطرق .

ولكن واجهتني بعض المشاكل .

مثل صوت يصدر من الشكمان ولكن تم تصليحه و الحمد لله .

و الجير كان يوجد به صوت وايضا الحمد لله تم تصليحه .

و لكن باقي القطع الحمد لله لم تتعطل .

و الكابرس موجود منذ زمن طويل بالقوة و الفخامة .

وشكرا

[مدمن الكابرس]

وبنسبة لي انا عندي 2004 وكملت سنتين ونصف والحمد الله ماشية من اورع مايكون اللهم لك الحمد والشكر

وصدقني يالغالي فيه بعض الحاقدين على السياره هم من اطلقوا هذه الشائعات والموتر كل سنه يرد عليهم وهم يحترقون

وما اقول الى ماعليك من كلام الناس يالغالي وصدقني الي يقول هذا الكلام يتمنى يركبه مو يشتريه


صح لسانك اخوي كــابريس اس اس

انا ودي اعرف ليه يقولون عنهاا الكابريس والومينااا خرابات ؟؟؟؟


اخوي مبروك علي الكابريس والله يعطيك خيرها ويكفيك شرهااا

بس دلعهاا تدلعك اخووي وكل سياره في الدنيا تخرب

بس حافظ عليهاا تريحك

وهذاا انا كان معي 2004 وكان مشواير ماابعته الا قبل شهر وشوي ومعي الحين 2005 ابيض

اس اس وزي العسل

ومن زود المحبه مااقدرت اخذ غيرهاا

مشكور اخوي

مبروك مره ثانيه

[وطوووط الcars]

يعطييييك خيرها ويكفيك شرها
انا عند خويي كابريس 2000 LS على العموم انتا عارف اول سيارة نازلة بالشكل الجديد يكون فيها بعض العيوب المصنعية
المهم السيارة ماعليها كلام بالسفر بس صرفية مب طبيعية اذا كنت تمشي 160 على عكس 2005 رويال ماتصرف زي صرفيتها
وفيها مشكلة انها لو توقفها يومين ثلاثة زيت الدركسوون يسرب.

[البناوي]

كثر الله خيركم جميعاً السيارة وشريناها وما شاء الله تبارك الله زي العسل ولكم الشكر مرة اخرى .

[MooNLiNE]

اذا كانت نظيفة بس وديها والوكالة وسوي لها صيانة وانشالله ماتتعبك

وعلى البركة

[البناوي]

شكرا جزيلا لكم على المرور الكريم على الموضوع وهذا هو كل ما نتمناه الخروج بالفائدة للجميع وهذا فعلا انطبق على هذا المنتدى الغالي المفيد واعضاءه والمشاركين المتميزين ولكم جزيل الشكر مرة اخرى .
اخوكم البناوي
albnawy@hotmail.com

[برررق]

الله يعطيك خيرها والله لا يبلاك قل اكين

[برررق]

امين...............