للجماعه الي يعرفون حق الفايبر مساعده ان امكن ؟؟؟

[B R A B U S]

السلام عليكم ورحمة الله وبركاته


بصراحه يا جماعه انه خاطري في فايبر بس والله انه ما عندي خلفية

عن السيارة او شنو انواعهم وهل تنصحوني فيهم ؟؟ وحاب اعرف في

حدود كم اسعارهم العادية يعني السيارة تكون مستخدمه ومواصفتها

عادية وان شاء الله احصل عندكم الجواب والنصيحه ....



تحيااااااااااااااااااااااااتي

[NYC]

الاخ العزيز clk_200

وعليكم السلام ورحمة الله وبركاته

بالنسبة لأنواع الفايبر فهي : SRT-10 و GTS و GTS-R و GTS ACR و GT2 و RT/10

طبعاً في انواع ما تنزل عندنا ولكن يختلفون في الاحصنه والتسارع ولكن يظل المحرك V10 وناقل الحركه 6 سرعات عادي ويكون التسارع من 0 الى 60 ميل ما بين 4 ثواني والسرعة القصوى تصل الى 173 ميل بالساعه والاحصنه في الموديلات السابقة تصل إلى 415 حصان وعزم تدوير 490 رطل - قدم ويتم التطوير مع السنوات وتتم زيادة الاحصنه احياناً لـ 15 حصان بسبب تغيير نظام العوادم وغيره من التحسينات

بالنسبة لأسعار المستخدم ما عندي فكره بالسوق الخليجي اما في الخارج فهنالك الكثير ولكن تذكر ان هنالك فرق في السعر بالنسبة للنوع واللون : موديل 2005 يصل لـ 280 الف ريال و 2004 يصل لـ 266 الف ريال و 2003 يصل لـ 230 الف ريال و 2002 يصل لـ 226 الف ريال و 2001 يصل لـ 221 الف ريال ن احببت ان تأخذ موديلات اقدم فهنالك موديل 96 يصل لـ 172 الف ريال و موديل 94 يصل لـ 150 الف ريال و موديل 93 يصل لـ 143 الف ريال

حدد الموديل وانا اعطيك المعلومات المطلوبه عنه

وبالتوفيق

[blue chevy]

NYC
انا لاحقك لاحقك ماكو فايده
حطيتك بمخي خلاص :D


وهل تنصحوني فيهم ؟؟

لالالالالالالالالالالا مانصحك فيها
حراره وصرف بانزين وقطع غيار غالي (حسب كلام واحد عنده)

الكورفيت مناسبه جدا ومكيفها بارد وقطع غيارها مناسب
وصرفية بنزينها احسن .

ماتشوف الفايبر مو منتشر بكثره

هذا رايي ونشوف الشباب ولي رجعه

[B R A B U S]

السلام عليكم ورحمة الله وبركاته

والله مشكور اخوي الغالي NYC واخوي العزيز blue chevy على المعلومات

والله بصراحه اخوي NYC انه ابي معلومات اكثر عن موديل 94 و 96 بس يكون

اتمنى يكون الشكل الي في بالي وانه بصراحه خاطري فيه لانه مااشوف منه

وايد شفت عندنا بالبحرين 3 واحد بالكوالة واثنين بالشارع من جذي ضرب في

راسي وايد وناوي على حركات حلوه اذا الله قدر واخذت لي واحد .....


تحيااااااااااااااااااتي

[الوليد الطائر]

اهلا فيك .....
الفايبر شكله حلو وومميز على الطريق وله هيبته اذا مشى ..لكن مو حق استعمال يومي والسبب يرجع انه يصرف بنزين واجد وما يتحمل الجو الحار ...اضف الى ذلك ان موديلات من 92 الى 96 جى منه موديل واحد فقط وهو المكشوف ال RT/10 قوته 400 حصان ومافيه مكيف ولا فيه نوافذ ولا فيه ايرباج ولا نظام ABS وسقفه قماشي تمشية حال يعني حق السيارة واقفة بس.... بعدين يجيك ال GTS من موديل 97 او 98 مو متأكد عدل هذا يجي هاتشباك وفيه نوافذ وتكييف ومواصفات حلوة ...وعلى الرغم من مواصفاته يظل الفايبر بس مكينة فقط لا غير...حتى الموديل الجديد منه مافيه مواصفات لو تقارنه مع تقنية الكورفيت وانه افضل في الاستخدام ..انا انصحك بالكورفيت افضل من الفايبر بكثير مواصفات مستحيل تجدها في اي سيارة ...ويتحمل الكثر .....اذا كنت شخص تريد السرعة وتهوى التقحيص والتفحيط والتشفيط " بكل اللجهات" خذ لك فايبر لان من الصعوبة اوصف لك قوتها وتسارعها شي رهيب ومرعب وتحس انها تنطلق وتتسارع بشكل كبير حتى في السرعات العالية....... لكن اذا تبغى شكل ومواصفات جبارة واسم وتاريخ انصحك بالكورفيت ...

[CHARGER]

والله اذا كنت تقدر على الفايبر
خذلك الكورفت احسن
لانه مثل ماقال الاخ blue chevy
ان قطع الغيار متوفر فأحسن لك يعني
وبالتوفيق
*********

[mortally]

لو انك عايش في امريكا كنت راح انصحك بالفايبر
بس لانك في البحرين(اي دولة عربية) ما انصحك فيه ولو كنت ناوي عليه لازم يكون عندك موتر غيره لان اذا خرب عليك الموتر راح تتورط لان القطع لازم يطلبونها من امريكا عاد شوف متى يجي لك القطع
تبي نصيحة اخو اخذ لك كورفت والله يريحك الموتر وقطع غياره متوفرة

[NYC]

blue chevy

المشكلة لاحقني وقاعد تخرب علي زباين الفايبر :D

شكلك حاقد على الدودج

----------------------------------------

نرجع لمحور حديثنا < ------ عناد على راعي الشفر

الفايبر تم تصميمه سنة 92 وكانوا GTS و RT/10 متشابهين ولكن إلى سنة 95 كانوا يصرفون بنزين وحلوها في 96

اعطيك مواصفات فايبر GTS موديل 96

بلد التصنيع : فخر الصناعه الامريكيه ، اذكر واحد دايماً يقولها

الوزن : 1572 كيلو

المحرك : V10

السعة : 7990 CC

الصمامات : صمامين لكل سلندر OHV

حقن الوقود : نظام حقن وقود متسلسل ومتعدد النقاط

ناقل الحركه : 6 سرعات عادي

الدفع : خلفي

القوه : 450 حصان عند 5200 دورة في الدقيقه

العزم : 490 رطل - قدم عند 3700 دورة في الدقيقه

توزيع الاحصنه على اللترات : 56 حصان لكل ليتر

التسارع من 0 الى 60 ميل : 4.1 ثانية

التسارع في الربع ميل : 12.4 ثانيه على سرعة 118 ميل بالساعه

السرعة القصوى : 185 ميل بالساعه

الصور :

http://www.fast-autos.net/dodge/gts2.jpg

http://www.fast-autos.net/dodge/gts3.jpg

http://www.fast-autos.net/dodge/gts4.jpg

http://www.fast-autos.net/dodge/gts5.jpg

اي استفسار انا حاضر

[B R A B U S]

السلام عليكم ورحمة الله وبركاته

مشكور والله اخوي العزيز NYC على المعلومات وتعبناك ويانا شوي

وبالضبط هاي الموديل الي كان في بالي المشكلة في الكورفيت انه

اخوي كان يبي ياخذ له بس انه شركات التأمين اسعارها وايد مرتفعه

وهذا شي اجباري كل سنه لازم تسويه وفي بعض انواع الكورفت اعتقد

ما تتأمن في البحرين من قبل الشركات يقولك لانها خطيرة وسريعه

على العموم مشكور والله اخوي مره ثانية ولكل الأخوان الي ابدو برأيهم


تحيااااااااااااااااااااااااااتي