مميزات وعيوب الالوان

[almujtaba]

السلام عليكم


الغرض من طرح هذا الموضوع معرفة المشتري للسيارة لمميزات وعيوب اللون الذي سيختاره وان كانت مسالة اللون مسالة ذوقية تعود للشخص نفسه في اخر المطاف؟


والألوان هي:-


1- الفاتحة.
2-الغامقة.
3- البراقة.
4-الاسود الغامق.
5- الابيض الفاتح.
6- ما ادري اذا كان هناك انوع اخرى (اذكرها إن وجدت).

مع الشكر الجزيل.

[أبـوأسـد]

طيب أنا بتكلم عن اللون الأسود وهو يعتبر ملك الألوان
شخصيا ليس لدي سيارة باللون الأسود :D بس الي أبي أقوله لكم هو:
الأسود يعتبر لون ملفت للنظر في أغلب السيارات ويعطي للسيارة رزة وفخامة وشكل مميز ويعطي منظر جميل جدا لسيارة (لجميع أنواع السيارات), ويعطي هيبة وشكل مرعب وشخصية وفخم (لسيارات كبيرة الحجم وبعض المتوسطة) بنسبة للأسود هذي بعض ميزاته.

أما العيوب هي:
1- تحتاج لسيارة للمحافظة كثيرة فهي تمسك الأوساخ والأتربة أكثر من غيرها والحل: الغسيل الدائم وعدم تعريضها في أماكن مكشوفة (دخلها في البيت).
2- يتضح بها الخدوش التي على البدي السيارة والحل : يوجد بعض الأنواع الطلائات أو الصبغات التي تحافظ على سلامة السيارة من الخدوش والصدء.
3- تمتص السيارة الحرارة أكثر من غيرها من الألوان يعني تلمس السيارة الساعة وحدة الظهر ستجد السيارة ساخنة وقد لا تبرد داخليا بالشكل المطلوب والحل: وضع التظلية أو تظليلة في كول التي تحجب ضوء الشمس.

طبعا الحلول ليست مهمة على كل سيارة أو ما أقصد ليست مهمة بدرجة أنها تقرفك أنها أخترت اللون الذي يعجبك.

المحافظة على السيارة أولا وأخيرا هو الذي يمنع العيوب من الظهور
لكن لحظت أن بعض السيارات من اللون الأسود تجدها أكثر تخدشاً من غيرها ولست أعرف السبب الحقيقي لأني أرى سيارات أخرى ليست مخدشة بما يدعو إلى أن السيارة قد أفتقدت اللمعة اللون الأسود وأعتقد السبب أن بعض الشركات لا تضبط اللون الاسود بالشكل المطلوب

بس بنسبة لي أنا لن أخذ سيارة إلا ولونها أسود مسود بالغة الغمق وليس في أحد سياراتي فقط بل في جميع السيارات التي سوف أشتريها كلها سوف تكون باللون الأسود فقط.|6|

ما همتني عيوبه ولا مشاكله ولا خرابيط فاضية سواء كنت محافظ ولا بكرف السيارة, أسود وبس.|1| |3|

[almujtaba]

الشكر الجزيل لابو اسد على الرد وننتظر باقي الاراء.....

[kia2002]

الذهبي
وهو لوني المفضل على السيارات الصغيره والعكس في السيارات المتوسطه او الكبيره
يعطيها شكل بالليل
لكن بالنهار افضل ان أغطيها لكي لايراها أحد
(طبعا هذا رأيي الشخصي)
طبعا لاننسى سهولة التنظيف
وعدم وضوح الغبار عليه.

ولون سيارة المستقبل يعتمد بشكل كبير على نوعها

[NYC]

almujtaba

وعليكم السلام ورحمة الله وبركاته

بالنسبة لإختيار اللون بالذوق اعتبره افضل من أن يتذكر عيوب ومميزات اللون

عموماً الالوان الفاتحه عندي هم اسياد الالوان : الازرق والسماوي والاحمر الناري واللؤلؤي .... طبعاً هالاصباغ احياناً تكون نادره ومكلفه ولكن هذا ما يمنع اني اختارها واحياناً يزيد سعرها

[الوليد الطائر]

انا افضل الالوان الفاتحة مثل الازرق البحري و الاحمر الناري والابيض الثلجي والفضي لانهم في النهار حلوين وايضا في الليل والخدوش والاوساخ ما تظهر عليهم بسهولة ..... بالنسبة لي انا اشوف ان الاصفر هو افضل الالوان لانه بيرز معالم السيارة كلها الى جانب انه خفيف وهادىء ويطلع حلو في النهار او الليل لكن المشكلة عندنا الناس بيقولون لك سيارتك تاكسي..... الالوان الغير مفضلة عندي هي الاسود لأن الخدوش تكون بارزة فيه" حتى الخدوش الناتجة من الغسيل او المنشفة" ... اللون الاخضر ايضا ما يعجبني لان الوقت الوحيد اللي يظهر لمعته وجماله عند غروب الشمس فقط ...

[T.N.T]

انا هوايتي اللون الكحلي ........

مع انه يتوسخ بسرعة الا انه لوني المفضل للأبد وعشقي على اي سيارة ....

الوليد الطاير:/
الالوان الصارخة مثل الاصفر والبرتقالي والاخضر الفاتح وكذلك الاحمر الناري ..تعتبر الوان مهدية للأعصاب وتروق النفس لكن مجتمعنا ياخذ على انها شذوذ .. ليش مدري ؟؟؟؟؟؟؟

وانا عن نفسي يعجبني اللون الاصفر على السيارة وبالذات اذا كان فاتح ...

اللون الذهبي عندي ابيخ الالوان لانه احسه مايساعد على تزبيط والتعديل في الموتر ..

اما الفضي يصلح للسيارات السبورت وهو لون عملي من جد فتلاقي راعي اللون الفضي يدعس بالسيارة ويهدي ويخش تربان وياكل غبرة ويرجع يلاقي الموتر نظيف ..........هذي ميزة جدا مهمة ..وتلاقيه كمان مايغسل الا في الشهر مرتين والموتر نظيف

اما الابيض فهو رائع جدا في النهار وبايخ في الليل ..وميزة يتحمل الجو الحار واقل سحب للاشعة الشمس ..


مشكور يخوي على الموضوع

[الكوين]

سلام عليكم
انا احب الالوان الفاتحه بالسيارات الابيض اللؤلؤئي, والفضي بس مو اي فضي فضي مره شفته بس ما اعرف اسمه بالضبط يهبل حلو
وبعد فيه لووون اهو غامق شوي بس موووووت شفته مره على سياره مرسيدس وما عاد شفته مره ثانيه على اي سياره الا وهو اللون( الازرق الدولفيني)
هذي الالوالن المحببه لي وما ازيد على العيوب والمميزات الي قالوها الاخوان
وشكرا

[CamSHAFT]

والله ياخوي كل سيارة ولها الوانها المناسبة لها.......
والالوان الفاتحة تصلح لطلعات النهار والغامقة تصلح لليل

انا شخصيا افضل الفاتحة جدا............روووووعة خصوصا اللؤلؤي والبيج اللماع والفضي والذهبي الخفيف

[كابـــSSـــرس]

انا بنسبه لي الكحلي ولا غيره

ياخي احترم هذا الون على اي سياره

وبنسبه لي افضل الالوان الغامقه لانها ملكية ورسمية جدا جدا

مثل الاسود والكحلي والعنابي وغيرها

ومن مميزاتها لاقدر الله لو سويت حادث اي ورشه ترشها لك

بعكس الفاتح الي دايم يبين في الشمس اذا كان مرشوش او لا

[noone]

فعلا اتفق مع الكابرس----------------------------->سوى خويه
الالوان الفاتحة لو صدمت تبين في النهار------------------------------>جبت شيء جديد؟
أنا صراحة احب الالوان الغامقة------------------------------->والدليل موترك فضي
برضوا اللون الفضي رهيب------------------------>عشان موتره
بالطبع ماهو أي لون يزبط على موترك ----------------------------->أجل وشو اللون الي يزبط
وفي الاخير الناس أذواق---------------------------->اكيد الناس أذواق بعدين ماجبت شيء من عندك
والسلام عليكم------------------------------------>وعليكم السلام